elegant_princess's Profile

li 間許留山d人真係超差, 我差唔多一個星期去2﹑3次, 但係都未試過d咁差既許留山。昨晚同朋友11點幾去到li 間店, 本來想叫個多芒西米露, 個講唔正廣東話既waitress 話賣哂, 之後叫多芒神冰, 佢又話無, 無都唔緊要, 可能都就快close, 所以可能咁樣無哂, 叫我地食下咖哩, 大佬呀, 食完飯先來食下甜品, 仲食咖哩? 於是我地話唔駛, 因為已經覺得飽飽地, 但係話waitress 仲話食咖哩唔會飽, 真係俾佢激死, 食野唔係應該自己食咩就叫咩架咩? 之後叫左個鮮果撈。食食下, 果個waitress 無啦啦攞左我地張單去話依家要埋單, 因為佢地要埋數, 我同朋友都有少少唔開心, 因為覺得剛坐左5分鐘就唔夠, 好似趕我地走咁, 佢之後走過來話"56蚊呀", 首先唔該都無聲已經唔係好岩, d服務態度好差, 不過算啦, 我地都唔計, 本身我朋友打算請我食, 所以俾左60蚊佢, 但係佢因為攞左60蚊而離開, 見到我將28蚊放係台度俾朋友, 佢仲攞埋果28蚊, 真係唔知佢咩事, 我朋友即刻話俾左錢佢架啦, 你唔駛理果度d 錢, 點知佢仲博咀話"我想找10蚊俾你麻", 但係我地都覺得個waitress 無問我地想唔想要10蚊就搞我地d野好唔岩, 我地當時好嬲, 好大聲話有無搞錯, 我真係覺得佢做既方法好唔make sense, 而且最後佢都係找左2個5蚊俾我地, 大佬呀, 找10蚊話唔係應該1張10蚊紙or 10蚊銀咩? 當時我地真係好嬲, 話d 服務好差, 果個waitress 亦立即發脾氣, 俾說話我地聽, 我當然都有出聲啦, 睇見張台寫左100%的滿意誠意, 真係覺得好irony! 個waitress 仲話我地搞到佢連抹台都無心情抹, 我地真係覺得好嬲, 依家邊個搞件事出來呀! 我地繼續係度話d服務差, 之後個manager 走過來講對唔住, 話佢無心搞到我地唔開心, 我覺得依家唔係manager 做錯野, 做錯野果個無歉意, 都唔知點做服務性行業架!我真係未去過d咁差既許留山, 食果幾10蚊野都要受氣, 我覺得你不如唔好俾服務我, self service 仲好啦, 而且我明天會打去hotline 投訴, 雖然唔知有無用, 不過我都想話俾其他人知道li 間許留山係咁差架!趕收工就唔好做生意啦, 仲有, 我懷疑佢地自己收起d野自己食, 因為另外有張台話吃小丸子, 入面廚房話無, 過左一耐, 個waitress 俾說話我地聽既時候, 入面廚房問佢食唔食小丸子, 所以我先覺得佢地留起d野自己食。…Read More

昨晚和朋友在銅鑼灣食完飯之後, 去左滿屋食甜品, 平時行過百德新街覺得好似唔錯咁, 今次終於入去試下。入去時感覺唔錯, d staff 都好有禮貌。點知食食下話叫我地轉台, 因為我地旁張table 係空, 想俾4個人坐, 咁我地都無問題, 轉俾佢。我地轉左另一張table 之後, 坐多一陣, 傾得正係興起時, 見我地食完, 收左d野不得止, 仲攞多次個meun 來問我地睇下仲叫唔叫野做, 咁即係叫我地唔食野就快d走, 真係唔係咁好law, 出面又無人等緊, 食甜品糖水傾下計好正常呀! 趕人走果下就係唔係太好law, d野又唔係話特別好食, 下次都係去番許留山算啦, 起碼我成日去都無俾人趕過!…Read More

同一D好耐無見0既朋友見面, 因為朋友們都係住係火車沿線0既地方, 所以決定係沙田見面。朋友話UCC0既意粉好食, 於是就去左果度, 雖然係周中, 但係都有好多人等位, 反而我地4個位就好快有位, 看來大部分人都係2個人, 所以要等耐少少。因為可以食沙律吧的關係, 我0地叫左2個dinner set and 2 salads, salad的食品比我想像中少, 不過都不過不失啦。果2個意粉, 一個係芝士意粉(個名已經唔記得左), 另一個係日式蘑菇炒意粉。頭一個唔錯, 但係第二個無味之餘, 仲係乾"真真"架, 於是我地就叫waitress再炒多一次, 個waitress 初初都好似唔係好願意, 但係我地話真係無味, 佢先話幫我地再炒, 但係唔知之後會唔會好味D, Anyway, 我地都覺得炒左先算, 所以就叫佢再炒。炒完味道真係好左好多, 不過我想我以後都唔會再食這個。因為我地坐得比較入, 雖然話對於cashier, 但係因為有道wall, 所以成日都搵人叫野食或者幫手都無人理, 如果可以請多少少人會較好, 我見佢地真係好忙。總括而言, 環境真係好得! …Read More