ram的個人專頁

返完鄉下又掛住鄉下可以點？！緊係搵間正宗日餐去解思鄉之情啦！今次嚟到強小亭，一入到餐廳就知道冇揀錯，坐位夠寬敞、裝修好細緻，坐另一邊嘅仲係日本人添，聽住靚女侍應嘅日文對答真係滿滿解開嘅思鄉之情！嚟到食物，喺香港要食到好食嘅漢堡扒唔係易，不過一入嚟坐低佢比到好大嘅信心我，所以第一道菜就揀咗「A5和牛漢堡扒」，由前菜核桃小魚乾、沙津到茶碗蒸樣樣都一絲不苟，和牛漢堡扒完全喜出望外，我覺得直頭好食過日本添呀！咬落夠晒鬆軟多汁，就係呢個感覺！飯係用嘅係鳥取星空舞米，直頭令我諗起鳥取嘅星空同肉眼都可以望到嘅銀河，真係好浪漫好有畫面呀！另一道菜揀咗「特選A5和牛燒肉配涮涮鍋」，每日來貨都會唔同，所以食到咩肉就要睇緣份嘞！我今次真係心心眼，因為有丸芯 マルシン、フランク腹脅肉同カイノミ腰脊肉，丸芯係大腿內側嘅位置，肉質細嫩、油脂分布均勻，腹脅肉係牛腹近牛肋嘅位置，牛味濃郁夠晒鮮味，腰脊肉係中腹接近腰脊嘅部位，三款肉都係稀有部位，配埋鳥取藻鹽同星空舞米真係一大享受最後加埋呢個暖笠笠嘅玫瑰芝麻糰子為呢餐做個完美嘅句號。…查看更多

呢餐真係約咗好耐，今晚同Melody去元朗間鮨一心食Omakase呀今日仲可以一試日籍中田師傅嘅手勢添前菜:昆布卷、松前漬、海參醋物就係鍾意日本菜夠精緻刺身有金目鯛、拖羅、深海池魚、赤貝炙過嘅金目鯛，油脂適中、肉質細膩拖羅拖羅入口即溶燒𩶘魚鮫，燒魚鮫就係香口，魚油好豐富呀炸里芋、炸牛蒡左口魚邊配烏魚子，左口魚就食得多，配埋烏魚子就第一次左口魚嘅魚油、烏魚子嘅鹹香，入口充滿驚喜呀帶子，加咗少少抹茶鹽，即刻特別咗牡丹蝦，炸埋蝦頭同壽司一齊上碟，擺得靚食都食得開心啲鯖魚，味道較重嘅鯖魚加上醃過嘅昆布酸酸哋，新鮮嘅鯖魚係唔會腥架剥皮魚，配埋魚肝真係好香口，味道好豐富最後仲有日式紅豆沙，配埋好好味嘅年糕就食完今晚豐富嘅一餐第一次食Omakase食得飽架，加埋日籍師傅好努力同我哋講解每件壽司，呢一餐真係食得好開心…查看更多

成日去釣魚翁飲茶，呢排經過見到有任食火鍋就一於嚟打邊爐先逢星期一至四都係$298，每檯會送刺身拼盤、環球海鮮盤、醉翁亭極級牛頸脊同埋至尊水餃皇每個星期會換一次嘅蠔皇扣鮑魚、蠔皇金錢花膠、蠔皇金錢海參同雞蓉燴燕窩今日我最愛嘅蠔皇扣鮑魚呀，上菜嘅時候咁大堆頭即刻覺得超抵食環球海鮮盤好豐富呀，有蝦有龍躉片有青口有蟶子同魷魚，啲蝦好新鮮，爽口又彈牙湯底選擇都好多，有羊腩煲又有雞煲，再唔係普通湯底又得幾經掙扎揀咗羊腩煲，淨係食羊腩都夠晒，支竹好入味好正呀醉翁亭極級牛頸脊，比時去打邊爐一定嗌牛頸脊，而家連任食都送一碟仲大大碟一啲都唔孤寒，同散叫質素一樣，真係平靚正其實任叫都仲有好多嘢食，不過食咗咁多肉我哋都係主打食菜呢一餐真係又豐富又好味!!仲有任飲任食無限時，一家人細嚟就岩晒…查看更多

見到有新餐廳就即刻想去試下,今次揀左尖沙咀呢間CHIC BY THE OYSTER HOUSE地方好大好闊落,仲有獨立VIP房呀,一班朋友食飯私隱度就夠晒高啦餐廳仲擺咗好多插畫,每個女仔都有鬍鬚架,唔知係咪想表達香港女仔獨立堅強既一面呢?湯係松露大蔥鮮蠔湯,好香濃頭盤係Foie Gras棒棒糖,見個名咁得意就揀佢啦,原來啲棒棒糖係鴨肝黎架,口感好細滑,加埋啲士多啤梨醬好Fresh忌廉白酒煮青口,呢個真係平凡中帶不平凡,有時越簡單既野就越難整得好食,呢個我就覺得唔錯勒海膽紅蝦刺身，刺身蟲又咬我,食西餐都不忘嗌個刺身燉澳洲和牛臉頰，牛肉又嫩又腍,口感都唔錯松露芝士厚切豬鞍,面頭係黑松露芝士,真係好香好吸引,邊個話豬扒唔好食食物環境都唔錯呀,下次同朋友Girl Talk都可以再黎呢度…查看更多

海膽忌廉汁意大利粉配鮮蝦露荀鮮蝦啖啖肉沾埋個汁又香又鮮甜，意粉配有蔬菜中和，食落唔會好漏藍蝶花特飲傳說中有浪漫紫色，再加埋紅色漸變咁吸晴，真係望住都覺得幸福。以為會濃味，原來味道微甜好清新獨立遊戲室上半以玻璃隔牆，就算小朋友玩到忘形唔肯出黎，大人坐外面都望到整個遊戲室，慢慢食嘢聚談都唔怕啦。當然，年紀小既bb就最好有人陪同放心啦，最大亮點係三條寬大既滑梯同超厚既波池呀！真係大人小朋友都岩玩！另有廚房、大型積木同好多架玩具車餐廳落單及各重問題都有點混亂，食物睇得出都有落心機希望下次再嚟會有改進啦…查看更多

今日同閨密去銅鑼灣食晏，襯返公主牛我哋今日去Princess Cafe呢個餐好豐富呀，自製麵包配意大利黑醋、橄欖油，田園沙律配藜麥、柚子醋新鮮沙律菜加埋藜麥真係健康又好味梅子蕃茄，仔仔最鍾意食蕃茄，酸酸甜甜嘅蕃茄簡直係最愛，我都覺得唔錯焦糖燴梨、茄子沙律香脆蓮藕片、煎海蝦配小波菜、燒魷魚配明太子原本最吸引我嘅烤棉花千層薯轉咗做吞拿魚，雖然都好食，不過真係好想食千層薯茄子沙律香脆蓮藕片，加咗啲孜然粉又香又特別煎海蝦香口配菠菜又好健康玫瑰鮮奶咖啡好似食咗好多嘢咁其實而家先開始食主菜呀香煎盲糟魚配蕃茄沙沙，呢個係契媽同仔仔兩個食，所以我冇份嚕燒M9和牛配燒野菜，估唔到有咁大件呀油花綿密食落又軟又滑而且不失牛味香橙朱古力，呢個小狗造型真係好靚呀喺呢個有海景又咁舒服嘅環境同閨密一齊傾吓偈食個晏真係一大享受呀…查看更多

去鮨真拍拖食Omakase，對住海景特別開心擺設都好靚呀第一次嚟揀咗─櫻，有前菜、刺身七款、壽司五件、和食二款、湯同生果鮮腐皮清湯，湯裡面有啲好得意嘅蓴菜，有啲膠狀嘅透明啫喱咁樣包住，真係第一次見櫻鯛，一聽個名就好春天嘞，係時令嘅真鯛，淡粉紅色嘅魚身真係好襯櫻鯛呢個名魚肉細膩而富有韌性，配埋岩鹽嚟食真係好霸氣深海池魚，最鍾意厚切銀鱈魚，第一次食銀鱈魚刺身，同炙燒完全唔同，清甜鮮味金目鯛，油脂適中、肉質細膩粒貝，嫩滑爽口鳥貝，鍾意貝類絕對會愛上，口感同味道都好獨特又係我最愛嘅火炙左口魚邊平時好小同師傅傾偈嘅我今日講個不停，今晚食得好開心，多謝充滿熱誇既師傅…查看更多

好耐冇去過鮨文嘞，忽然心思思，心動不如行動嘞，糕黑松露金箔茶碗蒸，淡淡嘅黑松露香味，又香又滑太刀魚天婦羅，金箔汁配埋醋飯，味道好豐富吞拿魚面珠，望落仲以為係牛嚟，肉質軟滑帶啲咬口，幾特別日本紅衫魚，本地紅衫魚就食得多，日本紅衫魚真係第一次食，鮮甜美味平政魚，魚油唔重，感覺有啲似油甘不過矜貴得多帶子天婦羅，熱辣辣夾埋紫菜同海膽超好食用吞拿魚腩骨燒出嚟嘅魚油一滴滴滴落手卷度，真係流晒口水加埋啲脆脆嘅洋蔥食落又香又有口感，仲要食得好小心唔係滴到周圍油添呀左口魚邊，我嘅最愛，每次都要食，嘻吞拿魚面珠壽司，食完刺身再試吓壽司，燒一燒即刻充滿油香，真係好好食食Omakase一定要坐bar檯同師傅傾吓講吓先開心…查看更多

是日Omakase餐單筷子架都搞到我心心眼前菜─螢烏賊酢味噌，鮮麵豉蛋黃醬配露荀加螢光魷魚，別有一番風味小長井生かき，九州嘅小長井蠔，漲卜卜肥嘟嘟，鮮甜滑嫩春子鯛，清爽甘甜平目昆布漬，我最鍾意食嘅左口魚，嘻えんがわ、帆立貝、見る貝、えぼ鯛左口魚邊壽司入口即溶，象拔蚌鮮甜爽口、疣鯛魚油豐富牡丹海老，上面仲有燒香咗嘅蝦膏，實在太香太好味子持鎗烏賊煮大とろ、鰆焼き、生雲丹、穴子大拖羅已經夠好味嘞，之後仲要有個天然とろ天然大拖羅，三薄切嘅天然大拖羅大拖羅入口即溶，真係諗起都流口水毛蟹，今日最期待之一，毛蟹肉再加埋蟹膏，味道當然係加倍鮮甜赤睦焼き，魚脂豐富，口感濃郁，好鍾意最尾我都忍唔住單點一件火炙左口魚邊，大喜愛好滿意嘅一餐，服務環境各方面都好好，有機會要同朋友再嚟…查看更多

今日同朋友食飯，揀個中間位去咗旺角間焱手工涮涮鍋有個好抵食嘅套餐每位$268就包晒所有嘢，仲要好豐富添前菜有柚子沙律同鮑撈起手撕雞飲品係山渣紫貝天葵，健康又好味鍋底揀咗招牌嘅養生人蔘藥膳鍋同青花麻辣鍋我食辣朋友唔食辣，鴛鴦湯底就啱晒湯底仲有個火焰清酒煮蜆螺，鍋底一上就著晒火，果然夠「焱」羨手切頂級安格斯牛頸脊，一開始落單冇睇清楚，加$20有封門柳，嗚...不過牛頸脊都唔錯嘅時令海鮮拼盆─五款海鮮會按當日時令，次次唔同都幾有驚喜今日有鮮海蝦、龍躉片、蟶子皇、魷魚，整體都好新鮮，又有蝦又有魚真係好豐富手工火鍋拼盆─太極蟹子海鮮軍艦、鮮蝦雪條棒、牛肝菌黑松露餃子、手打安格斯香辣牛丸、三層樓墨魚磚平時唔係好鍾意食丸類，不過呢度真係有驚喜而且每樣味道都唔錯，墨魚磚爽爽哋又好香墨魚味太極蟹子海鮮軍艦有豆卜做底，面頭有墨魚滑同蝦滑，食落有層次雪條造型嘅鮮蝦雪條棒可愛又好食，蝦肉加埋蟹籽口感好豐富呢各樣嘢都唔錯，同朋友談天說地又渡過愉快嘅一晚…查看更多

三八婦女節緊係要同好姊妹tea一tea今日去咗Wonder Garden Cafe雖然地方比較細，但係每一樣擺設都係落足心思坐低嗰陣人唔多，真係有種入咗夢幻世界嘅感覺兩個三八影相影到黐咗線心大心細最尾揀咗Time Tea Forever原來係限量供應架，今日仲只係供應兩份，實在太好彩嘞愛麗絲杯子蛋糕真係好得意呀玫瑰鮮奶咖啡白皇后‧凍水蜜桃乳酸梳打好彩早去咋，之後已經爆晒場冇機會影咁多相嚟到呢度環境擺設賣相已經滿足晒，味道係其次以主題餐廳都算唔錯呀，仲有好多細心驚喜位，就等大家自己發掘嘞…查看更多

City Art Yaki‧Grill近期加咗爐端燒，近近哋一於嚟食餐飯先厚揚豆腐、青椒仔、牛舌、雞串，以酒店嚟講都幾抵食牛舌爽口有嚼勁，整體不俗食爐端燒一於飲返杯，揀咗較易入口嘅出羽桜爐端燒套餐好抵食呀，有鱈場蟹腳嘅餐特價都係$259鹽燒鯛魚，皮脆肉嫩，份量又啱啱好燒美國牛扒，雖然唔係和牛，不過食落牛味濃生熟度又剛剛好有燒鱈場蟹腳我係一定忍唔住要食架，大大隻啖啖肉好滿足呀燒大蝦都係我必食嘅整體環境服務都唔錯呀，有機會會再嚟…查看更多

今晚同老公去咗秋田浜燒食堂食浜燒，裝修係非常地道嘅日式格局嗌咗個札幌漁港二人前個餐好豐富架，前菜有華美燻雞刺身沙律、大阪爆汁辛辣腸、清酒昆布大蜆煮華美雞入口好似魚刺身咁架，微微燻過襯埋沙律唔錯個蜆漲卜卜，新鮮又鮮甜浜燒有鮮活伊勢海老、九州活松葉蟹、人氣蟹味噌甲羅燒北海道帆立貝、北寄貝同山之惠黑松露茸野菌鋁箔燒睇見都流口水呀，松葉蟹夠鮮嫩，啖啖肉好滿足，帆立貝大隻又Juicy甲羅燒好香呀，蟹味仲超濃伊勢海老燒完會再淋啲龍蝦膏上面，又香又好味想食刺身另外再嗌咗個刺身拼盤浜燒冇食過蝦硬係爭啲，原來而家新開張有個「一手赤蝦」活動呀一手拎到幾多隻就免費食到，老公挑戰一手都拎到八隻架有得食又有得玩真係食得好開心呀…查看更多

今日同朋友去寿司の神食飯，已經嚟過幾次，每次都係咁令我滿意呢刺身─蓮子鯛、響螺、池魚蓮子鯛，入口好鮮嫩有彈性，加埋酸汁同芝麻更加突顯蓮子鯛個鮮味壽司─飛魚、深海池魚、金目鯛、銀鱈魚、大拖羅第一次食呢個飛魚壽司...好想見吓飛魚呀!!我諗起佢個樣好可愛上次食過銀鱈魚已經念念不忘，炙過嘅新鮮銀鱈魚真係好香好好味白身魚天婦羅，通常見魚嘅天婦羅都係有尾，第一次食一嚿魚，外脆內嫩唔錯黑豆芝士豆腐布甸每次嚟食都有唔同驚喜，好滿意…查看更多

夜晚去Yakini Kuu食燒肉Omakase，上次嚟食晏見到有BB凳帶埋BB嚟食先上次食完個特選晚餐，今次食精選晚餐先精選晚餐有:季節沙律、是日精選牛扒、上等和牛壽喜燒薄切牛舌、精選牛肉五款，是日廚師推介、雞腿肉同豬腩肉，好豐富呀是日精選牛扒，其中三款係沙朗心、後腹肉排同近腰臀肉每隻肉都配返一款專用醬汁，感覺真係特別好味呢其實咁多唔同部位我都完全唔識分嚕，總之有師傅幫我揀好晒就唔洗煩啦上等和牛壽喜燒，呢度食法係好正宗嘅sukiya就算對sukiya唔太喜好嘅我都覺得好食，個蛋真係好滑，加埋醬汁同香噴噴嘅白飯真係一大享受最後再加多個厚切牛舌，實在大滿足…查看更多