FITBEAR's Profile

睇戲未夠鐘, 所以選擇在星巴克小休片刻, 但真的是強差人意的一次. 飲品: "摩卡"和"伯爵紅茶"保持一貫的味道 食物: 就是圖中兩個, 上面果個硬度十足, 連內裡的火腿也很難咬得到><下面果個冇甘硬, 但冇乜味道,只得少許紅莓味 . 希望下次會有所改進 …Read More

今天午飯時間和兩位好友去了這間餐廳, 可能由於我們早去,所以唔使等位.坐下後, 服務員立即過來, 她的態度好友善. 之後事不宜遲立即點菜一張開心的枱紙洋蔥湯+餐包> 湯入面好足料, 夠洋蔥, 夠入味, 最重要係夠熱 西冷牛扒> 塊扒的肉感好好, 可用彈牙來形容, 但薯菜過凍, 一點熱的感覺也沒有. 可改善下但整體都算可以, 會打算在晚上光臨一次呢…Read More

記得有一次和朋友的飯局中, 大談"那一間連鎖式的壽司店最好食", 在傾談中有提及這間連鎖式壽司店, 剛巧和女朋友經過這一間, 雖然在大家的討論中這間不是最好, 但我們又想食日本野, 所以決定入內開餐試試, 不用等位, 入內後我們好似平時一樣剛開始就叫兩客 “三文魚壽司”, 等食完再叫其他. 在等了十分鐘左右, 終於都等到喇….點知… (請參考附圖)外觀: 只可用“出人意表”來形容. 雖然未入口, 但只賣$12, 都希望不要拿這樣的貨品出來給客人可以嗎…味道: 沒有三文魚的口感, 唔知是否太簿定怎樣. 在口中只有飯味, 完全食不出三文魚應有的香濃魚味. 所以只是一般, $12的話, 可以有更好的同款壽司食到! 這碟"三文魚壽司"一上枱, 我就立即同位傳菜員講, 本人: “請問可否換過一碟呀?”傳菜員: “碟碟都係咁家, 冇得換.”本人: “真係冇得換? 碟碟都係咁?”傳菜員: “係呀!”那時我們已經沒太大期望, 結帳後另選其他地方再作晚餐.…Read More

因為今天唔使自己比錢, 所以決定"豪食", 點了很多平時覺得貴而又唔會點的食物! 以下是依上枱次序的: 法式焗鮑魚> 上枱的時候, 嚇了我們一跳! 因為我們以為係一碟有兩隻大少少的鮑魚, 點知原來係一碟有六隻細的, 但都上了枱, 點都要食家.味道真的很一般, 完全食唔出有鮑魚, 粒得很細...要分開其他配料先見到一粒仔...真的唔推介~~~唔值!!!鮑汁鮮蝦荷葉飯> 味道超一般!! 鮑汁味唔夠, 但勝在飯的咬感幾好...蝦方面就太乾了...唔太好味...整體一般, 飽肚之作!!!椒鹽山水豆腐> 好平淡, 但豆腐方面真的幾滑! 但唔太熱~~ 食一兩粒已足夠, 完全沒有想狂食的香口感覺!!!殿堂叉燒> 好味!!! 雖然賣相唔得, 但入口的感覺完全被佢騙到呀. 肉感很"林"!!! 唔使太用力就可以把它咬掉了...很適合老人家食...海皇帶子腸>太沒味道了,,,根本唔值"特點"這個位置!!!水晶蝦餃皇> 唔得呀...唔見個水晶囉...皮太厚喇~~隻蝦可以接受!! 但根本稱不上是水晶級蝦餃的"特點"!!!冰燒三層肉>太多肥肉了...在口中的感覺好油!!! 但好彩頂層的皮夠脆!!!不致於一文不值~~~瑤柱灌湯餃> 最失望的一個呀! 得個大字! 冇喇喇加粒蟹柳落去做乜, 完全唔襯件事. 個餃入面D 肉唔知想點, 又散又少肉, 食的時候好似飲緊個有肉碎的味精湯, 又係唔值"特點"!!!最後真的好彩唔使錢咋...如果要錢一定唔會咁食的呢~~~…Read More

由於今天要回公司加班, 加上中大其他canteen沒有開門關係, 而我們只找到這一間有開, 所以就再次食多一次了~~因為上一次沒有食魚柳呀 ,,,,所以今次就選擇了...魚柳 : 超熱!!! 夠滑!!! 唔太油!!! 時間炸得剛剛好... ( 但真係幾熱氣)薯餅 : 冇得救... 唔好食的程度爆燈!!! 因為實在一點味道也沒有~~炒旦 : 超水準之作, 比平日炒出來的好好多...旦唔會太熟, 還有一點滑的口感!!! 茄汁豆 : 正常的罐頭!!!沒有特別!!!hot drink: 檸茶, 唔使落糖, 也不會覺得苦...幾好呀~~~希望能夠保持這個水準就好了....…Read More

由於早上老闆不在office..我們一行五人作反呀... 去食我們未試過的地方...企係餐牌前, 諗左好耐...因為有太多的選擇呀...所以.這也算是這裡賣點之一....整體來說都可以...食物方面夠熱...份量也算多呀...味道就一般喇....但由於價錢不算貴,,,所以都可以接受呢...…Read More

由於今天老闆不在, 我和幾個同事決定去遠一點食早餐, 所以選擇了新亞書院這個地方. 去到沒太多選擇, 所以選擇了看似最豐富的 "早餐H" (見相一)早餐 H (見相片 二)包括:西班牙奄列 - 很好味, 奄列入面有蕃茄粒, 火腿, 青椒, 秘制的醬汁加上即做關係仲係熱的, 所以特別開胃!! 值得一試...火腿通粉 - 很鹹, 整碗都不太熱, 但好在通粉和菜的質素可以接受."但真的過鹹"熱飲 - 選擇了菜蜜 - 用很熱, 很熱的滾水沖制, 所以冷天飲一流. 加上水和菜蜜的份量剛剛好! 唔太甜唔太淡...唔錯.(每人口味唔同)中大的早餐都算平, 以這樣的價錢食到這些食物都算合理, 所以正打算再找機會食多次~~…Read More

今天一個人行過灣仔打算找找有冇新的東西食！之後經過這一間食店，見到門口有一個廣告版，寫著 "$19 扒飯+飲品 " 好奇心加上價錢底的關係...所以就入左去試試了...入面環境都幾迫下...但好彩冷氣唔錯... 最後叫了"黑椒朱扒飯 + 豆漿" 黑椒朱扒飯: 朱扒沒味，但夠熱(因為係新鮮炸的), 整體來說...唔太好食！ 豆漿: 都算過得去...不是太甜或太淡整體來說，好迫，想平的話及唔太高要求都可以一試。…Read More

睇完戲行完街，四維行諗緊食乜之際...經過這間食店，外觀環境是不吸引的...但見到入座率都有八成滿，所以就入去試試囉，坐下點完菜後，到上菜一刻才知道為何會有這麼高的入座人數呢... 紅豆冰 - 味道唔錯，但有點過甜。 牛油雞翼 - 夠熱氣(小心熱親咀巴)，感覺很油，但都好味！ 香矛豬扒炒河 - 很大碟，味道也很好味，豬扒很香口！ 串燒三味 - 可能前兩款太好的關係，所以想到串燒也可能會很好，但比想像的味道一般，不太吸引！ 馬拉盞炒通菜 - 很大碟，很入味，令到整碟菜很正！ 雜果西米撈 - 一般。比不到意見。( 甜品 - 送的)整體來說，每碟餸也很底食！…Read More

今天和兩個同事放lunch...點知行過金鳳...發現入面有位...所以決定入去試試...入到去...真係好迫...但唔理了...都係要試下...所以在茶牌上點了一個叫做 "特價午餐" 作為我今天的lunch.特價午餐 - 沙嗲牛肉通粉(還有其他配合)+煎雙旦(可選火腿奄例)+餐包(可選菠蘿包 / 菠蘿油(+2))+熱菜蜜沙嗲牛肉通粉 - 一個很正常的沙嗲牛肉，不是話很吸引，通粉很難有太大的特別煎雙旦 - 算係最好味的一樣...餐包 - 唔推介呀...熱菜蜜 - 沖得剛剛好...唔使排隊都可以試試呢...…Read More

今天又係行街食飯的時候了...正當我們行到附近唔知食咩好的時候....見到呢間沙嗲王...所以就走入去食了,,,我們最後點了,,,主菜方面: 沙嗲牛肉粉絲 - 味道一般...食完d 牙有一種好奇怪感覺...好口渴鮮茄芝士焗餃子 - 味道可以接受...但食得出一種好強的番茄膏味...不是鮮茄味...餃子方面都係正常餃子的味道...不太special蒜茸波菜 - 算係最好味的一碟...但味道都係冇乜特別甜品方面:椰汁龜苓爽(一杯) - 沒太強龜苓味...但勁似涼粉榴槤飄香(一杯) - 好凍...唔好飲...榴槤味勁少...少到好似冇咁...飲了兩口就沒飲了...榴槤飄雪(兩件) - 好硬的榴槤 - 個膠叉差d 整斷...味道都唔錯...因為係榴槤呢...哈...…Read More

這一天和兩位同事去了公司樓下新開的餐廳食lunch，本身唔太想去的，原因係由於知道只係食菜，怕唔飽，所以唔想，但心諗沒所謂喇...試一試吧！入到去，坐位很少，但真好彩都找到一張枱(其實入面坐位數目係大約二十個左右)，之後就開始叫菜食了，由於這一間是自選食物關係，加上個餐牌係全英文(好多英文食物名都唔識)，所以我叫了一個唔使自選的套餐了... Five Star : 都算可以，由於有肉，所以食完唔算太餓！入面包括 : Tender Grilled Steak, Grilled Asparagus, Goat Cheese, Bacon, Dried Cherries, Mesclun Mix And Baby Spinach with caramelized onion vinaigrette自選一號 : 原價$58 - 包括一個菜、四個配料(某些配料要加錢)和一個汁 入面包括 : Iceberg, Green Peppers, Crumbled Blue (+$4), Thick Cut Bacon(+$8), Home Fried Chicken (+$8), Honey Mustard自選二號 : 原價$58 - 包括一個菜、四個配料(某些配料要加錢)和一個汁入面包括 : Mesclun Mix, Avocado(+$4), Cucumbers, Sweet Onion, Grill Portabello(+$4), Ex Tomatoes(+$4), Ex Crumb Blue(+$8), Caramelized Onion Vinaigrette真係好多英文... (由於自選一號及自選二號不是本人的 lunch 所以給予不到任何意見)但其實這個當係食lunch 都可以飽的，對於減肥都可以試下呢...因為唔多肉，但比較貴，個人瘦身之餘，荷包相信都會瘦了不少…Read More

今天一早爸爸駕車，去了荃灣！之後帶我到了這間端記茶樓！一下車感覺超舒服因為空氣很清新呀(可能當時只係9:15am)...加上由於大多數也是行山人士，沒有人食煙，所以一點香煙味道也沒有，真好！(由於本人對於煙不太好感，所以請各位不要介意)之後我們找一張沒人坐的枱坐下，一位在這工作的阿姐在幫我們收拾枱面之際，我們打算叫她幫我們開一瓶茶...點知她話: 「要自己開茶家，呢度係全自助形式呢！」咁我們就要自己去開茶了！開完茶後我們就親自去拿點心了，我們拿了以下幾碟點心回來：蝦餃 - 可能蒸得太耐關係，d 皮有點硬呀！但外觀也可以。排骨 - 幾入味，d 汁好香濃，整碟也是排骨( 幾 full)！糯米雞 - 都算大隻, 入面條臘腸很香很入味，還有蝦米、火腿叉燒腸 - 很滑，叉燒很"林", 很香由於得兩個人關係，加上爸爸不太餓，所以我們食不到太多！…Read More

今天和女朋友到了觀塘行街...由於唔想在apm食晚飯...所以行左去裕民坊睇下有咩野食...行到門口...望落去好似幾多位咁...所以決定入去試試...入到去打算找位坐下...點知...d 位好多都爛左...打算坐其中一個位...點知個waitness阿姐話 "唔好坐呢個呀...有小強會出來呀..."選了很耐，終於諗到食乜...豉汁蒸大鱔 和 芥蘭炒牛肉 - 由於其中一個係叫左套餐關係...所以有一個白飯 和一杯野飲...豉汁蒸大鱔 - 味道很差，冇味，同價錢不成正比芥蘭炒牛肉 - 芥蘭勁粗，都算幾大碟...味道一般冇乜特別如果對食物冇要求，只係想食飽的話，呢一間都可以接受...但下次我和女朋友都係不會再入去...食一次便夠了...…Read More

今天下午個同事話去食日本野...之後我們來了這間。各自各叫了食物，我就點了"咖哩吉列朱扒飯"，個員工同我說這個要等十五分鐘，我心諗"唔緊要喇....等下冇所謂！"嘩.....原來真係要等十幾分鐘呀...但一上到枱，外觀已經唔吸引了....由於佢係咖哩汁同碟飯係分開上，所以我立即把咖哩汁倒晒落去喇，點知原來d汁好少的..我連食都未食..咁就叫個員工過來，打算問佢拿多少少汁喇...(重點也在這一刻發生)！我問個員工 " 唔好意思呀，可唔可以比多少少咖哩汁我呀？"員工答 "　請等等，我問一問先 。" (點解拿d 咖哩汁都要問呢？唔通係新來的？)咁我當然等喇....等左一陣，個員工回答 " 唔可以加比你呀，因為個師傅話如果你要加汁的話，加 【$5】 先有呀！"我當然唔要喇....嘩....加多少少咖哩汁姐，使唔使加【$5】咁多呀！你d 咖哩又唔係好味到飛起。到塊朱扒，一塊要我等十幾分鐘的朱扒，以為係正野喇////唉.....唔好食.....真係唔好！整體來說....這一餐只係把食物放入肚算了....食道同個胃都唔好經過仲好呀！…Read More