Shelley F 's Profile

見到OpenRice 評語麻麻，但係朋友生日想食呢間，咁梗係奉陪啦。餐廳位於九龍城廣場，對我哋嚟講唔算就腳。星期四晚市都有八成滿，喺今時今日嘅香港嚟講算唔錯。今日掛住傾偈冇影相，我哋叫咗香酥鴨、檸檬鴨湯、糖醋麵、春菜煲、鱔球、仲有一樣唔記得咗叫乜嘢名。樣樣味道都唔錯，香酥鴨我覺得最出色。甜品叫咗炸油粿、芋泥同埋水晶包。水晶包個蓮蓉好香，其他朋友食豆沙味都話好食。座位唔逼夾，服務都唔錯，食物有水準。五個人埋單$13xx，傾足成晚舒舒服服，好OK喎。…Read More

諗住年尾請同事食餐好一點的，疫情前來過，服務及食物均可以，但這次是完全失望。首先擺枱太擠迫，環境太嘈吵，服務員非常忙碌，沒什麼服務可言。食物方面，蟹餅、龍蝦湯及羊扒係正常嘅。西冷、龍蝦芝士通粉（就是普通芝士通粉放一粒龍蝦作為裝飾）及松露薯條非常一般。甜品份量大但太太太甜頂唔順，食咗一半個個停晒手。埋單每位一千多少少，其實嚟得呢度就預咗。但這樣的食物服務環境，週二晚上全院滿座，心裏真是一千個問號。奉勸大家睇食評真係要認真對待啲負評，之前見到有評語話茶餐廳質素，咁我又覺得冇咁誇張嘅，不過我呢刻真係好明白嗰位樓主嘅心情😂😂😂…Read More