MaymayLaw2182的个人专页

踏入咗皮婚，老公專登搵咗呢一間餐廳同我慶祝，當然唔少得佢嘅甜品畫！！儀式感爆晒棚！！餐廳仲要好好幫我哋即時影咗張相做留念添✨Pizza 2人餐套餐除咗有pizza之外，亦都有一款沙律、餐湯、小食、仲可以七折配嘢飲。✨秘製北京烤鴨薄餅🍕真係有齊薑蔥同青瓜絲，不過中間就用咗鴨胸代替，食落去淡淡芝士濃香，都結合得唔錯。✨黑松露牛肝菌蘑菇湯濃郁嘅菇菌湯，松露味道唔算太重，不過蒜蓉芝士麵包絕對係驚喜小作。✨慢煮雞胸胡麻沙律🥗沙律輕盈，慢煮雞胸用咗手撕雞嘅方式呈現，食落去同樣啖啖肉。✨西班牙蒜油大蝦 配酸種麵包非常非常出色，總共有八條大蝦，色澤鮮紅，食落爽甜，辣油惹味！跟咗酸種麵包🥯減輕負擔感。✨蜜桃果肉芝士奶蓋雖然甜度已經固定，但係飲落去好清甜，奶蓋都做得唔錯夠濃稠✨金沙蟹黃蟹肉Q Q捲捲意粉近期大熱嘅捲捲意粉都加入咗餐廳嘅菜單裏面，今次揀咗呢款，滿滿嘅蟹肉蟹黃，一定要撈一撈先好品嚐～鹹香度適中，意粉嘅口感剛好！✨宇治抹茶千層蛋糕餐廳以甜品畫作為成名作，當然要叫返個甜品，老公亦都預先叫餐廳準備咗玩具總動員同埋慶祝字句～加埋視覺效果，甜品都變得額外好食，確實食到千層嘅效果，宇治抹茶茶味清幽～午市四人同行一人免費逢星期一至五午市惠顧堂食，即享四人同行一人免費，及全單免加一服務費。（以最低價錢的套餐為準，每位客人最低消費一個午市套餐…查看更多

今晚專登出咗旺角買BB嘅日用品，行到咁上下亦都比呢一間餐廳嘅聖誕氣氛所吸引住。見到午市套餐都唔貴，即入！✨紐西蘭肉眼牛扒Lunch已經包咗餐湯或者沙律，亦都跟配咗一杯咖啡或者茶，仲有牛扒食(・ω・)ノ牛扒都幾大塊，邊邊位嘅牛脂都幾香，配上洋蔥炒薯仔🥔都幾香口，餐廳指定嘅燒汁亦都唔會過鹹。午市套餐仲可以優惠價加配雞翼同埋窩夫雪糕，雞翼炸得香口惹味，細細份品嚐下都已經滿足到邪惡嘅小念頭。而甜品相信都係呢一間餐廳嘅重點，加$29嘅窩夫🧇蛋香味充足，食落鬆軟，唔再需要加購一份完整嘅甜品黎講都幾划算。✨燒三文魚柳伴香草忌廉汁闊條麵孕婦補充蛋白質嘅最佳選擇，三文魚柳啖啖肉，燒得剛剛好唔會乾身，而香草忌廉汁闊條麵都唔會過分嘅滯膩！✨Salmon Tacos🌮 額外點左一份Tacos，配料滿滿，食嘅時候真係要小心啲！！特別鍾意佢加上咗蜜糖是奶差醬，帶少許辛口更為引人入勝。✨石榴青檸梳打清新嘅選擇，其實都比餐廳其他嘅奶昔所吸引可惜要戒口(˶‾᷄ ⁻̫ ‾᷅˵)有機會一定要試一試！入到餐廳已經好有聖誕嘅氣氛，而且和諧嘅燈光令人感覺非常舒服！！…查看更多

朋友喺英國返嚟，居然話最掛住喺香港嘅串燒😂😂😂我呢個大肚婆當然都捨命陪君子，始終串燒都安全，肯定熟先！！！✨燒鳥餐廳用靚雞肉，所以我都分別叫咗幾款:三黃雞腿肉、雞軟骨以及蜜糖雞全翼。雞肉燒得滑嫩，調味唔會過甚！！✨牛、豚今次揀咗宮崎和牛，入口夠淋，牛脂分布平均，仲夾雜着洋蔥嘅清新；另外亦都揀咗韓式牛肋肉，帶點微微辛口好惹味；牛舌爽彈；和牛棒牛味香濃，仲跟配咗從來米飯同生蛋添～亦揀左豚肉蘋果卷，清爽中帶油脂香；孜然粉燒黑毛豬同樣出色；✨心機卷物·小食雞皮墨魚滑絕對係特色之作，墨魚滑口爽口，加上雞皮嘅邪惡真心正正的。另外亦都嗌咗一份蒜蓉牛油酒煮蜆，肥美嘅蜆肉仲有兩片香脆嘅蒜蓉包，份量而言算好多；汁燒年糕串亦都係煙靭控之選；味淋魚干極為香口✨蔬菜類分別揀咗金菇、萵筍呢一類串燒必點嘅神物！蒜蓉滿滿，金茹好入味～✨甜品食得串燒當然唔少得要有燒菠蘿以及糖不甩燒芝麻湯圓，份量唔多，但係作為一個飯後甜品就剛剛好啦。✨穀物叫咗一份鰻魚炒飯，減輕一下串燒帶嚟嘅油膩感，米飯炒得香甜帶點鑊氣。…查看更多

今晚同同事慶祝生日，而佢正正就係鍾情於西班牙菜。經過一番搜索之後揀咗呢一間餐廳。！！！✨IBERICO HAM PLATTER伊比利亞嘅火腿鹹香度唔算好重，不過勝在夠香。份量比得一啲都唔吝嗇，同一時間亦都上咗下一道菜式。✨REAL TOMATO BREAD BASKET鬆脆嘅麵包配上新鮮嘅蕃茄同蒜頭。職員建議我哋可以加上蒜頭，自己squeeze上新鮮蕃茄汁，再ontop 放上伊比利亞火腿片，再自行配上橄欖油，整個口感鬆脆得來又夠match ！！✨SCALLOP CEVICHE帆立貝開邊，食落鮮甜，底部放上牛油果醬，面頭再灑上蔥花，感覺清新開胃。✨WAGYU BEEF WITH FOIE GRAS BAGUETTE超誇張嘅好食，職員會喺你面前進行火炙，入口除咗有牛脂嘅香氣之外，仲有濃郁又豐腴嘅鵝肝醬滲出，連同Baguette帶點硬身又有點脆口嘅口感，成個設計都俾人耳目一新嘅感覺！！✨SAUTEED PRAWNS WITH GARLIC 大大條已剝殼嘅蝦肉，可以連同蒜蓉及蒜蓉包一同入口品嚐，比起西班牙傳統嘅蒜蓉蝦就相對地冇咁油膩✨CHILLI SCALLOP ON FIRE WITH LOBSTER SAUGE又係充滿着視覺效果嘅一道小菜式，點上火焰🔥令帶子添上一份熱度。用咗龍蝦汁嘅調配，底部放上咗椰菜苗同菇菌，好食！✨SEAFOOD PAELLA 🥘 大大盤嘅海鮮飯，擺放住大蝦、蜆肉、青口以及有無數嘅魷魚粒粒混雜喺米飯當中。食落有海鮮嘅香氣，但係唔會過分嘅鹹身，亦可以自行再加上檸檬汁。✨CHURROS WITH CHOCOLATE SAUGE作為西班牙最出名嘅甜品之一，油炸鬼嘅玉桂味好香，咬落酥脆不油膩，仲有邪惡嘅雲呢拿雪糕以及朱古力醬！絕對係飯後甜品之選。❤️餐廳已經充滿着聖誕嘅氣氛，而且座位闊落，職員嘅態度亦都非常親切！！…查看更多

作為一個沙田友，呢間舖頭新開張已經人頭湧湧，因為佢出色嘅點心，再加上半價嘅宣傳效果，都成功吸引埋我！！！更加適逢雙十一，有三款點心做緊$11，超平(⁎⁍̴̛ᴗ⁍̴̛⁎) 一齊睇吓我今晚食左啲咩。✨羊肚菌燉螺頭燉湯非常足料，菇菌味好濃郁，就連螺頭都燉到淋哂。亦都有烏雞湯、黃皮燉鮑魚、黃皮燉角螺，夠正氣又唔會過於進補。✨酸菜龍蠆一般都係用海鱸魚片，但餐廳揀用龍躉成件事即刻高級咗，魚肉厚身、滑捋捋而且啖啖肉，底部嘅粉絲同萵筍亦好夠份量，辣都唔算好重，值得一試。✨豆漿蟹肉番薯葉苗冇乜餐廳有得食番薯葉，就連自己屋企都會嫌佢污糟唔想洗。用咗豆漿做底，成個感覺超清甜，加上一絲絲嘅蟹肉，絕對係健康之選。✨點心系列老香櫞雪山包、鳳梨雀仔、金魚戲水、黑蒜蝦肉燒賣、粉紅佳人。餐廳以手工點心為名，樣樣都睇得又食得！好似個鳳梨雀仔仲包埋個金絲雀籠，打卡一流，食落去鳳梨餡料酸甜開胃；金魚又係設計感十足，外型係漸層嘅水晶皮，入口蝦肉彈牙；粉紅佳人裏面蘊含住龍蝦肉，咬落去仲爆曬湯汁，重點係11月呢款點心都只係$11，超級超級高質！記住要問餐廳攞埋辣椒油，超級香口～～✨XO醬蝦腸粉色香味俱全，腸粉滑嫩，XO醬落得一啲都唔吝嗇，整體炒得非常入味，加上韭菜同肥大芽菜，口感更佳！！唯一係個底部比較重油份～✨潮汕豆腐魚煎蠔烙食潮州菜又點可以冇蠔餅呢！！餐廳炸得金黃薄脆，蠔肉飽滿，最重要係加咗九肚魚，令到成碟菜式更加鮮甜，幼骨亦都唔太影響進食～✨新鮮黃皮油柑汁真係新鮮嘅味道，黃皮嘅清香加上油甘汁嘅輕微苦澀，真係冇乜地方飲到！！！…查看更多

今日專登去中環街市有個小朋友嘅展覽！！順便喺附近落腳食個飯，但係中環物價偏高，所以專登走進呢一間小巷裏嘅小店，食一餐溫暖嘅晚餐。✨餃子大阪燒除咗傳統煎餃之外，餐廳亦都提供咗兩款嘅特色煎餃🥟加上大阪燒嘅醬汁以及奶芝醬，整體更為香濃，但絕對唔會蓋過餃子嘅粟米豬肉香！餃子煎得卜卜脆，口感令人鍾情！✨餃物椰鍋 天氣轉涼之下一碗湯餃最能夠滿足身體嘅需求，鍋物用上新鮮嘅椰子肉，湯頭清甜到不得了～六大隻飽滿嘅蒜心餃子，再加上芋絲、椰菜等等嘅配料，相當豐富。✨小食系列為酒而炸雞軟骨串相當香口，口感極好；吉列炸蠔大大粒，外皮酥脆，唔會過分油膩；花枝丸爽彈！強烈推薦叫啲店員俾埋沙律醬你～～✨荔枝梳打餐廳直接俾成罐梳打水你自行調配～除咗荔枝口味之外，亦都有柚子可以選擇！…查看更多

今日去觀塘睇傢俬，夜晚順便起附近樓下食飯，見到呢間餐廳光猛，空間感闊落，而且有好多隻招財貓！！✨蒜蓉蘑菇西冷牛扒🥩講緊一個晚市都只係$80內就有西冷牛扒食，小編表示非常滿足！！而且夜晚仲已經包埋餐湯以及熱飲。雖然價錢好平，但係牛扒足足有前臂咁長，超大塊仲要好厚肉，焗薯仔更加用上錫紙，中間加上胡麻醬，正架！✨蒜香吊燒雞茶餐廳都有吊燒雞食，仲要係皮脆內嫩，蒜香滿滿！一定要點埋佢個泰式辣醬會更加惹味。想讚一讚呢間小店連碗白飯都特別巨大！！✨熱百香果蘆薈天氣轉涼，專登叫咗杯熱飲，百香果清新得來非常暖胃。✨雪山紅豆冰極具份量嘅紅豆冰，紅豆蓉綿密清甜，加上海量嘅忌廉，完全係滿足啊。見到佢而家全日外賣自取都有九折優惠！！！…查看更多

旺角必食！！！仲要有超特價優惠！！！推介佢以下呢一個二人餐。泰式咖喱2人餐呢個二人餐性價比真係好高，已經符合到可以加一蚊有優惠小食(・ω・)ノ✔️一蚊小食有椰汁糕、青木瓜沙律、生蝦以及海蜇可以選擇，性價比而言，當然係生蝦！！！一蚊有四大條，仲用冰鎮住添。✨泰式咖喱炒白貝咖喱相當香濃，質地濃稠又帶點滑身，白貝好大隻，而且清洗得好乾淨～✨蒜蓉炒通菜除咗蒜蓉之外，亦都可以揀泰式或者馬拉盞，而且仲有雜菜選擇，顧客就相對地有彈性去選擇！無肉不歡嘅朋友仲可以免費轉泰式豬手。✨冬陰功海鮮湯雖然係套餐跟配嘅冬陰功，但係都好足料，有巨型青口、蝦、蜆肉，魷魚魷魚，酸同辣嘅比例剛好，而且唔會太鹹～同時香茅同青檸嘅味道都好出！！！✨蒜蓉包跟餐有兩碗白飯，但係由於有咖喱嘅關係，小編就揀咗蒜蓉包(˶‾᷄ ⁻̫ ‾᷅˵)牛油味勁香，焗得超級脆卜卜，10萬個推薦！！✨青檸冰、香茅冰餐廳已經跟配咗兩杯嘢飲，如果唔鍾意嘅話亦都可以額外加錢轉飲品～✨生菜包（豬）額外叫咗一份生菜包，肉碎炒得香辣惹味，豬肉唔算太肥，但係又有足量嘅油脂香！重點係餐廳用上有機生菜，多一份健康。✨泰式炒金邊粉金邊粉炒得唔會太乾，亦唔會太濕，酸味拿捏得唔錯！！食落真係好有泰國當地嘅原汁原味。✨串燒叫咗一串和牛同一串雞全翼，好喜歡佢個沙嗲汁，特別香口又充滿着花生嘅香氣，而和牛就用咗泰式青辣醬去沾滿！…查看更多

完完全全俾佢個廣告牌所吸引，再加上未正式開業就有優惠～仲要有live Band，一於試試佢！✨手工墨魚餅真係啖啖墨魚，咬落彈牙帶汁，煎得金黃唔會過火，可以點上泰式辣醬，更惹味✨金菇沙茶牛肉煲沙茶味道超級香口又濃郁，原煲而上好夠熱辣辣。牛肉好軟淋份量都唔少，金菇亦都預先搣開一絲絲。✨古法蒸斑頭腩斑頭腩咬落啖啖魚肉，帶點魚脂嘅油香，用上古法果皮去蒸好清香。✨蝦乾粉絲蒸勝瓜勝瓜拎去蒸真係保留住鮮甜嘅水份，底部嘅粉絲亦帶蔬菜嘅清甜。蝦乾同蒜蓉為菜式添上鹹香度。✨陳皮鴨屎香檸檬茶•西柚冰涼特調鴨屎香檸檬茶好清香，見到檸檬肉已經四濺係杯邊，做到真正嘅爆打效果。西柚特調就帶多份清爽，飲落唔會太甜。⭐️餐廳雖然係行大排檔嘅菜式，但係成個佈置都好新穎，而且好舒適好有空間感！！！入到去完全有耳目一新嘅感覺， 7:30後仲有live band (*¯︶¯*)準備成為我嘅飯堂…查看更多

之前已經幫襯過佢嘅午市套餐，對佢嘅食物充滿着信心，今日見到佢又換咗季節性嘅餐牌～襯人流唔算太多嘅情況下即刻入去。✨間八薄切佐京都水菜厚度平均的間八鋪得整齊，入口新鮮，魚香頗重，加上土佐啫喱嘅配合，帶幾份酸甜亦有助提鮮，畫龍點睛肯定係啲黑魚籽，帶有鹹香度，基本上唔係太需要點豉油～✨火炙間八香草燒日本南瓜丼火炙過的間八逼出油入，加上香甜軟滑嘅南瓜，感覺健康又夠蛋白質，加少少七味粉更為滋香。✨燒春雞伴日本南瓜醬汁非常香濃，而燒春雞嘅外皮脆身，肉質嫩口，底部墊上日本南瓜蓉又帶來另一份嘅香甜。✨柚子雪葩無花果芭菲作為一個飯後甜品，感覺輕盈無負擔，無花果嘅味道非常清香，加上柚子雪葩嘅清甜，底部更襯上雜莓乳酪及燕麥脆脆，整體口感豐富！！✨楓糖乳酪奶蓋蘋果生薑伯爵茶天氣突然轉涼，特意叫咗一杯生薑熱飲，入口溫和，薑味慢慢滲出。✨楓糖乳酪奶蓋香橙伯爵茶搭配香橙亦都係另一個清爽嘅選擇，重點唔會太甜又有綿密嘅奶蓋，推薦！…查看更多

啟德越來越多餐廳，加上呢排入場支持全運會，今晚又要睇亞洲盃對星加坡，對於附近都熟悉咗，今日喺SOGO呢一間烏冬店食咗個early dinner✨冰鎮寬條烏冬套餐完完全全俾佢嘅外型所吸引，雖然係扁咗嘅烏冬，但係亦都不失彈口嘅口感，加上冰鎮坐底，口感滑捋捋(˶‾᷄ ⁻̫ ‾᷅˵)可以揀炸蝦或者炸雞，再跟配三款野菜天婦羅，天婦羅都炸得酥脆不油膩！另外亦都有三款醬汁配搭，包括芝麻醬、咖喱汁以及鰹魚湯～可以話一味三吃，而且佢個胡麻醬都比起一般嘅濃稠，芝麻味道更香濃！✨酥脆吉列豬扒泡菜鍋烏冬天氣急跌八度，所以另一碗就叫咗熱辣辣又帶點辛口嘅泡菜鍋燒烏冬！(餐廳仲有勁多鍋燒烏冬可以揀)，先要讚佢嘅吉列豬扒，份量好多，亦有滑蛋墊底；烏冬同樣嘅彈牙白嫩，泡菜同洋蔥又係食極都唔完，入冬食完真係好温暖。另外見到餐廳都推出咗高質酒精嘅飲品🍸 （Yebisu 惠比壽啤酒/Dassai 獺祭清酒）， 遺憾地今晚要入啟德支持港隊對新加坡，唯有保持清醒狀態～…查看更多

自從懷孕之後，可以食嘅菜式就得返西式同中式，比較啱食嘅當然就係麵包類！！今日喺美麗華行完UNIQLO三層之後就喺隔離呢一間咖啡店落腳✨紅咖喱鴨胸肉長通粉紅咖喱帶少少微辛，鴨胸肉為長通粉加予鹹香度，通粉口感適中，cafe有呢個水準都唔錯✨青醬烤雞蕃茄芝士意大利包意大利軟包非常鬆軟，仲帶少少脆口感。裏面嘅配料熱辣辣，雞肉好嫩，加上輕微嘅拉絲芝士同蕃茄，口感清新得來又夠飽肚。✨藍莓核桃蛋糕🍰30幾蚊有件超有份量嘅蛋糕，整體厚實又不失實濕潤感～仲有香蕉口味可以選擇，小店亦都好細心可以幫你翻熱！✨熱鮮奶朱古力天氣轉涼，需要一杯有溫度嘅熱飲。朱古力好濃郁，但係絕對唔會令人感到過分嘅甜膩。✨Orange Expresso Tonic老公依舊鍾情於一杯凍咖啡，始終呢間入選左全球100大咖啡店。加上咗橙汁同埋tonic，口感更加清爽。…查看更多

九龍城真係唔愁冇嘢食，乜嘢款式都有！！！可能下次喺九龍城食完飯再去啟德睇波都唔過分。今日特別嚟到蔡瀾推介嘅一間小店！！✨麻辣雞煲呢個麻辣雞煲真係好有火候，雞肉夠多又夠惹味。而且熱辣辣啱晒轉季。✨生炒牛肉飯米飯粒粒金黃，而且好有鑊氣，果然係蔡瀾推介嘅餐廳！！勁想買多兜外賣聽日返工食。✨老火湯細煲今晚有青紅蘿蔔粟米湯！原個瓦窩以上，好滾好濃郁。重點係超多湯渣，真係睇得出嘅足料，姨姨仲特別推介佢哋真係用上新鮮嘅豬骨，值得一飲。✨蒜蓉蒸勝瓜有魚有肉，當然要有個菜。今晚揀咗一個清清地嘅勝瓜，蒜蓉滿滿，唔會太鹹，勝瓜勁清甜。✨招牌炒魚腩無論係姜、蒜頭定蔥都好足，魚腩外酥內滑，最喜歡係佢加上咗果皮去炒，成個味道再昇華左。近期大熱嘅陸永都嚟過！！…查看更多

難得今日平日放假，專登帶埋狗仔去北角！先去北角匯行街，再搵咗呢一間寵物友善餐廳坐低食個lunch最後行埋東岸公園(・ω・)ノ✨ 蟹肉帶子龍蝦汁寬蛋麵配牛油燒琵琶蝦午餐都好多款式可以選擇，然後直接比呢個意粉吸引咗。寬蛋麵嘅口感比起一般意粉厚實，但卻多咗一份蛋香，帶子、蟹肉、牛油蝦亦都為意粉帶來鹹香度。龍蝦汁濃稠得來都幾掛麵～✨食肉獸薄餅餐廳有得揀半份或者全份，批底唔算好厚，不過好脆卜卜。整體鹹香都會比較重，幸而配咗一個迷你沙律中和一下。✨Taco· 手撕豬、燉牛肉嚟到墨西哥餐廳又點可以唔叫一份Taco，外皮香脆餡料爆滿，再襯返杯cocktail / mocktail 真係幾夾！手撕豬肉同燉牛肉各有特色，但同樣肉質都唔會話太嚡太乾身。✨Drink Orange Blossom • Obsess超級推薦佢嘅無酒精飲品，唔單止造型好靚，亦都非常之有心思。Obsess除咗有新鮮嘅石榴汁、蘋果汁之外亦都加上咗自家手工制嘅青檸啫喱，成個感覺好fresh。🐶手工四式肉丸•燉什菜人類食得開心，當然要顧及埋狗狗！！餐廳有個特別為寵物而設嘅餐單，既有飯又有湯，仲有兩款小食。四色丸份量都幾多，狗仔食得勁滋味！！！…查看更多

等唔切雙十一，又買咗船飛去澳門一日遊(˶‾᷄ ⁻̫ ‾᷅˵)除咗掛住佢個葡撻雞蛋仔之外，葡國菜亦都係另一樣會令我心心念念嘅菜式，始終香港真係冇一間特別出色。呢一間係澳門唯一一間同時提供正宗西班牙菜同地道葡萄牙菜嘅餐廳，所以食物嘅種類都相對多元化。特別推薦佢個西班牙海鮮飯，食落去唔會太鹹，米飯亦都唔會過硬，每一啖都混雜住海鮮嘅香氣，就咁睇個擺盤都見到配料有幾咁豐富！！！！而佢個蒜蓉小章魚🐙亦都值得一試，章魚最怕整得過火，令到口感好難咬，但係餐廳完美拿捏！！！蒜蓉味嘅香口，再加上爽彈嘅章魚，真係會令人食唔停口。不過要小心，因為上枱嘅時候都比較熱，千祈唔好掂到個碗邊！！一日真係唔夠，澳門我哋下次見啦。…查看更多