shukmri's Profile

睇完9bothew已經好想過嚟食今日終於有時間，都好近地鐵站出口，坐落好舒服。咁一定要見識吓佢啲古怪嘢啦，雖然有啲淆底，但係都叫咗佢嗰個榴槤沾麵。Turn out係俾佢個名嚇親，佢個沾麵湯同榴槤意外地夾，佢有好香既榴槤味，唔會食到揦埋口面。尤其是佢地個米線，好彈牙唔易斷。（不過非榴槤愛好者自求多福，因為我地坐係到係有香噴噴嘅榴槤味）。其次仲叫咗佢個黃鱔米線，本人好鍾意食鱔，所以一眼就俾佢吸引到。佢呢個湯底嘅味道夠濃，再加埋佢有啲炆到好腍嘅豬皮，膠質滿滿，但同時真係有啲膩。佢兩碗米線嘅共通點，就係佢米線好彈牙，坊間好少米線舖做到咁樣，menu就話喺呢個雲南嘅手工米線，第一次食都非常之出色。今日有啲餓，所以叫咗兩個小食，一個藤椒魚皮，同埋檸檬炸豬扒。藤椒魚皮麻度十足，魚皮夠爽口，遺憾嘅係佢室溫，本人覺得做冷伴會好食啲。而檸檬炸豬扒，好大塊粉唔厚，塊豬扒好嫩滑，同埋個檸檬汁搞得啱啱好，酸酸甜甜嘅，呢兩個小食都好啱呢啲熱熱地嘅天氣食。總結，非常值得一試，9bothew終於冇推搞啲伏野。小草十八怪，真係好古怪，但好食既…Read More

一入到間嘢嚇親我，雖然有少少格攝，但不至於我一個客。不過好彩過咗5分鐘，就慢慢有人入黎，最後仲全場爆滿。我哋兩個人食叫咗一碟芥蘭一碟生菜，兩個米線埋單唔使200，其實價錢唔貴嘅，係唔想小心食多咗啫。個芥蘭做得好好，有口感又唔會好腍。有個細心位想讚一讚，蠔油冇直接淋上菜到，倒咗落油隔符合返唔同人口味，抵讚。米線都好多款送可以揀，叫咗芫荽紫菜豬頸肉，同埋好竹見既螺旋藻所以叫埋，但係唔小心叫得太多草，最後眼闊肚窄咗食到勁滯。上野速度好快，話咁快就有得食，個擺盤幾靚好欣賞。老實講，啲草就冇乜特別㗎啦，個豬頸肉有油香不過未算好嫩滑，我比90分。個麻辣湯底都幾濃，我自己就好鍾意啦。叫咗杯凍奶茶，夠茶味同夠滑身。所以雖然佢地方有啲隔涉，但係有啲驚喜，下次一定會再嚟過。…Read More

Airside個場開左咁耐都未黎過，收工行到餓餓地見到呢間三點三。雖然唔係下午茶時間 不過見佢個場好大，好光猛，同埋decoration好靚（加上私心好鐘意佢個色調所以就決定左入去）個餐牌都好多fancy版既懷舊食物，咖喱豬扒見得太，配炸蠔真係好少，再叫左個海南雞飯，芝心蝦多士。啲野上得好快，個蝦多士擺得好靚，個多士好酥脆，芝士同蝦既配搭都好唔錯，略嫌油身左啲啲。海南雞飯方面，隻雞唔錯，滑身有雞味，美中不足係唔係油飯，不過食得健康啲都OK嘅。最後到個咖喱吉列炸蠔飯，咖哩有個陣港式嘅味道，但始終佢哋嘅炸物都唔係主打，今次就太濃啦最後冇食到啲炸粉。同埋仲叫咗兩杯嘢飲，一杯美祿恐龍同埋一杯雪糕紅豆冰，甜度適中唔錯唔錯，如果有埋美祿波波就仲正。總結就係三點三行高檔茶餐廳路線，炸物水平嘗算合格，食物選擇繁多，有興趣可以一試。…Read More

今日同大家分享一款超正嘅小食——小熊曲奇！有綠茶、朱古力、牛油同奶茶四款口味，每款都好正！綠茶曲奇帶有清新爽口嘅茶香，食落去令人心情舒暢；朱古力曲奇濃郁香滑，每一口都充滿咗香甜嘅巧克力味道，真係巧克力控必試；牛油曲奇則散發出經典嘅牛油香氣，外層酥脆內裡鬆軟，一咬就入口；奶茶曲奇則帶嚟濃郁迷人嘅奶茶香氣，滑溜溜嘅口感令人愛不釋手。不論你鍾意咩口味，呢款小熊曲奇都一定能滿足你嘅味蕾！佢地唔單止好吃，仲好適合作為小食享用，或者當成特別嘅禮物送俾朋友同家人。真係一款值得試嘅美味小點心！快啲嚟一試，你一定會愛上呢款口味小熊曲奇！…Read More

喜聚燒真是太讓人驚艷了！這家餐廳的菜色都非常精緻，值得一試。我最喜歡的是他們的自創小菜——喜聚麻辣滋補鮮烏雞。這道小菜真的是太好吃了！雞肉肉質鮮嫩，配上麻辣的調味和滋補的材料，讓人吃了之後感覺營養滿滿。雖然是小菜，但份量也很足夠，非常推薦大家點試一下。除了喜聚麻辣滋補鮮烏雞，他們的燒鱔也是一道令人難忘的菜色。燒鱔口感彈牙，肉質鮮美，真的是很好吃。另外，芝士玉子和牛串燒也非常推薦，尤其是牛肉串燒，肉質細嫩，口感非常好。還有生蠔和蟶子，新鮮的海鮮口感鮮美，非常新鮮。最後，麻辣四蔬也是必點之一，非常開胃，麻辣的口味非常適合和其他菜色一起享用。總之，喜聚燒是一家非常值得一試的餐廳，他們的菜色都非常精緻，口味也非常好。特別是喜聚麻辣滋補鮮烏雞，真的是非常好吃。如果你還沒有來過這家餐廳，那真的是太可惜了！…Read More

如果你喜歡川菜的辣味和風味，那麼你一定不能錯過位於市中心的麻辣戈壁。這家餐廳以提供外賣服務聞名，價格非常實惠，而且還帶有一份獨特的風格。當你進入餐廳時，馬上就會注意到這裡的裝潢和佈置非常有格調。特別是餐廳內放置的草泥馬公仔，讓人不禁會心一笑。這些小裝飾物不僅增添了餐廳的趣味性，還為整個用餐體驗帶來了更多樂趣。讓我們進入主題，餐廳的口水雞，蔥油餅，擔擔麵和醉雞都是非常值得一試的必點菜品。首先是口水雞，這道菜以其辣味和獨特的禍口感而聞名。雞肉鮮嫩，口感爽滑，搭配上麻辣口味的醬汁，讓人感受到一種獨特的麻辣風味。如果你喜歡吃辣，這道菜肯定會成為你的最愛。接下來是蔥油餅，這道菜以其酥脆的外皮和香味十足的蔥油餡料而聞名。每一口都能感受到蔥油的香氣和餅皮的酥脆感，絕對是下酒菜的最佳選擇。擔擔麵也是餐廳的招牌菜之一，這道菜以其辣味和豐富的口感而聞名。麵條口感彈牙，搭配上濃郁的辣味醬汁和肉末，讓人欲罷不能。如果你喜歡吃辣麵，這道菜絕對不能錯過。最後是餐廳的醉雞，這道菜以其醉香味和嫩滑的口感而聞名。雞肉經過特殊的處理，味道非常鮮美，搭配上入口即化的軟糯口感，讓人為之著迷。如果你喜歡吃醉雞，這道菜肯定會讓你流連忘返。總括來說，麻辣戈壁是一間新開的很有格調，而且很好吃的餐廳，價錢相當實惠絕對推薦。…Read More

成日去呢頭食嘢都唔知有呢間舖頭，所以就是一事，因為呢個係我最鍾意食嘅川菜。我一入到去格外冷清，全間鋪都唔係好見有人。睇落好似伏伏地，但店員就好熱心所以就坐咗入去啦。我哋叫咗四樣嘢，可能因為冇人所以想坐都好快。一樣係我最鍾意嘅川味鳳爪，白雲鳳爪，酸酸地又夠辣，又唔會好硬好難咬，所以我覺得好唔錯，仲叫咗個木耳，個木耳唔係太爽，但係因為好厚身，所以咬落去好林好似食緊蘑菇，個質地好好呢個我首推啊。我哋仲叫咗干鍋，但係因為嗰陣時戒緊飯，冇叫到飯其實佢個敗北，而家諗返乾鍋點可能唔食飯，唯有下次再去。但講返個幹麼先，有肥腸超級肥好高質，仲叫左午餐肉薯仔同肥牛。午餐肉同肥牛就冇乜特別㗎啦，但個薯仔好林好有味，做到好好一定要叫。不過因為平時食乾糧都會食埋啲辣椒乾，但係啲辣椒乾又唔係好夠辣，呢個扣咗少少分，但整體來講都好夠麻辣，下次一定要叫埋個飯先得！同埋叫咗兩杯腐皮牌嘅豆漿，都係正常發揮，但係食乾鍋呢啲都係鐵膽嚟㗎啦所以大家跟住叫一定冇錯。…Read More

本身自己好鐘意d白雪雪既鋪頭，有日食完對面鋪頭之後好eye catching所以就約左朋友去試。見到大家既評語都好唔錯，加上見到辛手村咁中二病，岩哂我。個個都大讚佢地個乾鍋，自己本身都好鐘意食辣同四川野，但真係未聽過黑松露加乾鍋。第一眼既印象係d芝麻係咪唔使錢，因為真係落左好多芝麻但佢令到個乾鍋個口感好豐富。第二印象真係香味撲鼻既黑松露味，真係好香。而家佢地好足料 我地叫左四個配料, 肥牛, 五花肉, 薯仔同午餐肉，食落口好香既麻辣香味但個鍋都唔算好油，好足料。最欣賞係個薯仔，諗得黎又唔會好粉。雖然薯仔已經好多澱粉，但都跟左兩碗飯最後都食得哂，實在太好送飯。其次我地仲叫左d串燒，鰻魚，秋葵同我最鐘意既牛舌芯。火侯十足岩岩好夠哂香口又唔會太燶。尤其是牛舌芯，唔知我偏見定點十分出色，可能係食材問題真係好想食啲唔好食既牛舌芯黎食。我地仲叫左兩杯cocktail, 一杯叫pineapple sea, 一杯叫今晚打老虎。食果餐個天氣仲係好熱，所以個pineapple sea真係好岩飲，酸酸甜甜咁十分開胃。最後都好多人推介佢地既名物 – 柚子冰粉。我自己本身對大菜糕類既食物就好一般既，不過佢地個柚子糖水唔係好甜，我淨係飲左d水覺得都係唔錯既。不過我朋友就食得好滋味佢話下次一定會再食個冰粉，我聽到頭都大埋。總括黎講都係好唔錯既餐廳，有機會一定會再去支持下。…Read More

最近呢年見到呢間舖頭開咗好多分店，鍾意食米線嘅我，梗係唔會錯過啦！去咗呢間舖頭叫外賣，叫咗兩碗米線，一碗係招牌酸菜魚湯米線，加$18加咗一塊豬扒，果然老細冇介紹錯，塊豬扒同米線好夾味道啱啱好。除此之外，仲叫咗一碗辣肉拌米線，對於食得辣嘅我來講，依碗就唔係太過辣，但係食唔到辣嘅屋企人，就覺得口味重咗少少。另外，我仲分開叫咗一啲小食，叫咗$1蔥油餅同埋一碟雞翼。平時去開其他舖頭食米線一定會加雞翼，所以今次都試一試愛上米線嘅雞翼，果然冇令我失望。脆脆地嘅雞翼加上熱辣辣嘅湯底，即使食到流晒汗都覺得好正！…Read More

食完晚餐點可能唔去食糖水，我同朋友一行三人因為住得好近旺角，所以經常都會去通菜街搵嘢食。今次食完晚餐去咗平時好多人排隊嘅仁芝初，因為太多人嘅關係，所以我哋食飯之前買定外賣返屋企。朋友叫咗碗最出名嘅熱香滑芝麻糊同杏仁露，果然招牌芝麻糊真係唔係浪得虛名，芝麻糊相當滑，但係唔會太甜。另外杏仁露好香杏仁味，兩樣一齊食個味道好夾。另外白果薏米腐竹我哋加咗隻蛋落去，白果同薏米都煲得好淋，朋友相當滿意。最後係芋茸蓮子西米露，我仲加多左$9要芋圓，佢哋嘅西米露煲得好好味，加埋芋圓就更加夾啦！提提大家，呢度淨係收現金，舖頭嘅店主都好好人，推介大家！…Read More

一間每次行過都覺得好香嘅舖頭，今日終於有機會黎試。之前講左勁耐都約唔啱時間，以為好貴。點知睇一睇餐牌，原來唔係我咁諗，所以就即刻約咗朋友去試。未行到埋去，已經聞到佢浸香味，feel到勁肚餓，餓鬼上身。諗住平時食開譚仔小辣，叫左個bb辣湯底保險啲。最後發覺都係搞唔掂，第二日都係痾到飛起..反而埋到位原來個湯底係無想像中咁香 有少少失望。但係都係好食既，同埋啲料就真係有特色同唔係間都有既，不過有個位就係醬料區每位收25蚊，配料多不過其他鋪頭好少話收錢就有啲唔慣，不過多醬料同有水果，咁都走唔甩未啦 要硬食架啦！啲嘢食好快就到晒，就嗱嗱聲開始食，牛就無乜驚喜架啦人地唔主打牛，就基本操作囉。反而羊就好唔錯，但應該唔係人人都頂得到 陣羊味幾勁我覺得好好食！佢真係好多特色野，簡單啲就萵荀豬腦呢啲，可能自己少煮豬腦 跟佢建議煮左10分鐘 但10分鐘好似太耐 我覺得可以短啲啲。萵荀就唔錯啦，厚切好清甜好解辣。好彩叫左 如果唔係都一直攬住紙巾黎食。仲叫左個出前一丁，28蚊兩個我覺得都幾佛心，火鍋就一定要食麵架啦！仲有一個唔記得名，不過係好似蝦滑加響鈴，呢個唔錯 不過都係唔好浸咁耐 個口感會豐富啲 我最後浸到個響鈴好淋。今次食左有經驗下次會食得小心啲同要練下先再去挑機，埋單有九折都係600蚊兩個，又要儲錢去得啦：（…Read More

想打邊爐好耐，次次都食牛大人，今次想試下其他，見到呢間都係台灣火鍋，一於約埋啲朋友一齊去食！任食火鍋嘅好處係咩都可以叫嚟試，除咗一定要食嘅牛豬羊之外，我地都想試下呢度嘅海鮮，我個朋友每樣海鮮都叫咗一件，點知佢真係得一件，不過唔緊要，我地一樣食得好開心。我地四個人食有兩個鴛鴦湯底，真係一人一個湯底都得，中意食辣嘅有辣食，唔中意食嘅都有番茄湯，椰子雞湯，豬骨湯等等嘅選擇。一路傾一路淥，唔知唔覺都食咗好多野，不得不提嘅係呢度嘅蟹柳，又長又好味，我地每人食完一條都話要再嗌！食物清得七七八八，小編等咗咁耐終於可以食甜品，好興奮！除左有任食糍粑，小龍蝦，清酒同梅酒。出面仲有各式各樣嘅甜味，例如雪條，千層蛋糕，豆腐花。不過最想試嘅係個雪糕，部雪糕機係自助模式，可以揀抹茶味，朱古力味，或者紐紋，即係每隻味一半，想試晒兩隻味嘅我，梗係揀紐紋啦！同朋友一齊去邊都冇所謂，不過有得一齊打邊爐就更加完美啦，又有得食又有得笑，好評好評！…Read More

約左個死黨勁耐 終於食到呢間鼎鼎大名既申子！之前都聽過佢出名黃同埋價錢唔平 但見到咁多好皮所以點都要試試佢。點左啲野食無耐就上檯，先黎左個三色迷你井，啲三文魚子，海膽，蟹肉蒲滿哂面，不過淡淡都係料，個海膽同三文魚子都好鮮。不過衰心急食左邊邊果兩款重味先再食，搞到個蟹肉失色不少：（之後上果碟鹽燒牛舌芯，呢碟係第二mvp。世界第二，燒得岩岩好唔會太老，夠鹹香，爽得又唔會咬唔開咁好正。所以我地好快就決定叫支酒。不過因為較少飲sake，店員都好好服務，介紹左支靚野好fruity既日文字正宗！下一道蓬鬆玉子，好食但係同其他係無咁出色既，佢個玉子同普通玉子燒唔同唔會硬晒舦咁，但又同滑蛋成pat野咁，佢個蛋有shape但又做到滑蛋既texture。佢中間仲要有好滿既芝士加埋mayo同燒汁，成件事好漿但係滿足！其實本身唔係蓬鬆玉子先，但呢到菜都好癲，寫篇食評都係要啲鋪陳既。佢地呢碟海膽炒飯好癲 完全無諗過一間居酒屋有碟咁有獲氣咁乾身既炒飯，完全唔油啲海膽未好出，好有咬口再加埋飲左酒wing wing 地食碗熱辣辣既炒飯 幸福到癲。當你以為叫既野都食哂 差啲啲差啲啲咁要準備埋單 佢上左碟櫻花蝦雞槌。全場mvp！好夠熱好脆加埋填補果種差啲差啲既空虛感同埋飲住酒要食啲野果種感覺，如果眼淚係廉價，應該會當場流眼淚🥲全場之冠無誤！正當想埋單走，突然老闆走左埋黎同我地吹水，風花雪月。一邊傾一邊飲，但果陣既意志力已經去到個無記憶力既狀態，只係知道老闆為小編清酒既眼界大開。但言談之間完全感受到老闆同員工之間既close，燥燥地真係想quit鬼左份工去呢到打工算🤣可惜真係不諳廚藝都係可以收收皮先。總結：一定會再去，不過就唔係可以成日去享受既地方。的確價錢係會比訪間既餐廳價格高一啲，但自己都好了解個成本高左，最緊要係份誠意，食物質素同埋食得開心嘛！下次見。…Read More

先唔講食物住，想先大讚鋪頭老闆，超級熱情同埋照顧每一枱客既需要，賓致如歸既感覺。好講返食物，今日揀左同依間餐廳食晚飯同朋友聚會傾計，餐廳環境好好，有indoor , outdoor。食物方面，因為唔想食咁多澱粉質，所以都係揀左啲小食同主菜。首先係海葡萄沙律，酸酸地幾開胃。之後個三色漬物我朋友唔鐘意食酸野，我心諗：正，可以自己食哂。因為我自己好鐘意食麻醬，所以點左個胡麻茄子。之後既雪山甲羅燒，係有少少油味，燒完唔會太濃或太淡，放上餅乾上面食好夾，好味！清酒煮蜆😋朋友鐘意食魚，覺得依條魚好好食最後係個一口牛，平時好少食牛既我都覺得好好味！…Read More

比人鎖左咁耐一放寬梗係要食番餐好既日本野賀賀佢，朋友介紹話呢間抵食，所以就book左黎試試。前菜見佢有舊野叫厚羊，唔知咩黎想試下，就叫左黎食，但食完都唔知佢係咩黎，下次再去一定要問清楚。上左好快，話咁快上左第二道-海膽忌廉餅，外賣期間基本上炸得既都fail，現場食既可樂餅真係唔同啲，炸得岩岩好唔會太油，啲忌廉夠哂creamy重海膽味。開個靚頭。之後叫左兩款壽司，左口魚邊同火炙油甘魚，左口魚邊就唔太特別，但係個火灸油甘魚真係好正，油脂分布岩岩好，入口即融既感覺。話就話開關，其實小編都呢輪都唔可以食得太盡，所以趣趣地叫左個軟殼蟹沙律，沙律好清都開胃，軟殼蟹熱辣辣不過有多小小就仲正！然後叫多左兩個卷物同天婦羅蝦三文魚子加吞拿魚蓉，一上菜個碟好有氣派，都好足料。尤其是個吞拿魚蓉直正想叫多碟！好正！兩個人叫到成檯都係攬住個肚走都係每人200，性格比極高，一定再去…Read More