loklokmama's Profile

雖然星期日沒有set lunch 我一家三口埋單每人一百多都抵食好食！旁邊2張枱都是泰國人 加上裝修 杯碟調味料都很泰國feel 叫了冬陰功湯小份好多海鮮蝦彈牙！ 火山排骨小份都夠食湯底酸酸辣辣惹味！ 招牌蟹肉炒飯和雞肉炒河勁夠鑊氣！河粉好特別...表面少少焦但有點趙口！ 珍多冰也足料 提外話 收銀兼服務員應該係老闆娘她很有禮貌和親切 小店場只得她一人在樓面 可愛的小學生仔仔星期日也要幫手。通菜街的食店來說 洗手間乾淨也要加分呢！…Read More

有日路過對面公園，遠見有幢紅磚屋2樓有間私房菜，上OpenRice check下，原來有做lunch time，所以今日约埋同事過對面試試!咸雞 啖啖肉 配蔥油乾燒伊麵 ok啦不過冇之前d人話咁好食炒飯有蛋有蝦有瑤柱， 有鑊氣嘅榨菜牛肉 都好味嘅排骨陳村粉就一般啦整體d 餸菜係逐碟整，不過唔知點解唔夠熱。 可能新開張 有待改善環境舒適 餐具精緻 服務一流 不用加一沒茶介p.s.愛貓一定要去睇下， 透明大櫃d貓好可愛呀…Read More

第一次平日下午茶時段去，原來落左場，唯有揾日再去。第二次去叫外賣，食左棷香喇沙和阿參喇沙，2碗都好好味。今日第三次去食，中午剛開鋪冇人，但店主話阿參酱不是常常有，唯有改食招牌蝦麵，湯底超正，份量不太多， 但係飽嘅。請注意: 無耐性的西客，禁止入內!!!呢間店主真係好似我係馬拉當地見到d食店，好有性格，對食物的執著，你落單先煮一碗，上左麵後才可叫飲品，最後才上甜品。感覺有d似澳牛，客人要跟店主的步伐和規則。支持小店，2次去都只見店主一人做曬所有野，店主給我的感覺，很友善， 沉默寡言， 默默工作。希望各位客人體諒下，想食好野就比d耐性等下，趕時間的，真係唔好去…Read More

之前行經好多次都話想試，但最终食左其野，那裡選擇太多了.... 今日想食清清地，終於試左啦!Order 青醬雞胸三文治 即整等左一陣， 嘩，成品同相片一樣，好靚好精緻。店員全程都好有禮貌，好熱心。我最怕d鷄胸 黐住啲肥或筋位，呢份冇呢d，所以食得好放心，啖啖肉。青酱好味，稍唯淡左d，不過今日想食健康d都算了吧!睇落一盒切2件以為好少，但其實食完好鬼飽。下次試cream cheese pork…Read More

三個人去每人叫咗個set lunch$88包主食+小食+飲品。 本來喺openrice訂咗枱，不過原來最低消費要一百蚊， 所以cancel咗張枱變walk in客。牛肉河粉，牛肉飯同埋馬來喇沙，三樣都好好味桔仔水都好正宗， 凍飲嗰杯仲有個好靚嘅花陪襯小食叫咗蝦棗同埋炸雞粒，最有驚喜既係椰菜，好夠鑊氣甜甜地好好味。今日睇我張枱嗰位好後生嘅侍應，好有禮貌，好勤力不過餐牌唔覺有辣椒符號，但食落其實 炒飯同喇沙都辣。…Read More

假期都有set lunch$100左右 包主菜，小食或湯， 無限添飲檸檬茶或汽水，抵食! 本人就喜歡 番茄汁雞肉螺絲粉和 辣肉腸蘑菇pizza另加Chicken Tequila Pasta 呢款啲醬汁比較特別。跟餐小食韓式雞好惹味，十$38 追加咗一碟 Garlic Fries 新鮮炸起熱辣辣好好味.啲音樂係比較大聲, 但係可以叫服務員轉細聲啲。是日座無虛席，眼見服務員人數不足，唯有大家比d耐性等下。 之前冇咁繁忙嘅時段去過，服務態度十分好，會主動添飲和派氣球給小孩。後記小知識: 無論中菜或西餐， 傳菜員係唔會落單架! …Read More

之前喺mikiki都試過呢間，今次係红磡再試下。 我哋叫咗三個套餐主食跟甜品跟飲品， 埋單唔使300蚊， 仲有得做會員儲分。櫻花蝦湯烏冬好濃沃芝士蕃茄飯都好濃好好味沖繩傳統蒸飯 清淡d健康d但好都味唐揚雞就全部其實都一樣不過跟唔同嘅汁，味道正常。烏龍茶同 黑糖奶茶個茶底都幾濃。印象最深刻就係個甜品，勁好味!熱辣辣煙韌嘅冬甩配凍冰冰嘅雪糕，正!由於新店開張，請唔夠人， 作為正常嘅香港人都會明白和諒解，大家比d耐性等等， 全部服務員超忙但都好有禮貌。女經理都好好人抽時間解答我做會員積分問題。…Read More

第一次行過新開店， 以為只做火鍋原來午市有做米線 ，所以上去幫襯,食咗酸菜魚覺得好好味, 魚片鮮兼冇骨，湯底濃。第二次幫襯外賣，encore 酸菜魚 外賣仲有折, 四十幾蚊咋!今日第三次幫襯，試咗個小鍋米線 湯底揀咗金湯=酸辣味， 我叫咗小辣但係都好辣，原來係薑汁嗰隻辣， 食完個身暖笠笠。門口著綠衫短髮個位阿姐 好多嘢講但其實好有禮貌，好細心，我叫左支豆漿上枱時，佢見我著住件褸， 會主動問我要唔要將支豆漿轉常溫…Read More

假日一家人飲茶 梗係一早預定啦，訂左一點，早I5分鐘到，全埸爆滿。入座後，因人手不足，所有野都要等， 好在今日唔趕時間可以慢慢飲。茶揀左菊花， 鐵觀音，兩款都好飲午市套餐$599 四位有4 盅燉湯 半隻炸子雞即炸 炒龍躉有鑊氣和炒白菜仔。好味道，分量都正常另外加左碟义燒，偏瘦但都好味黑松露蝦餃有5粒細細粒 燒賣 金錢肚 馬拉糕 流沙包 腸粉 等都值得吃， 唯一覺得麻麻地係鹹水角油咗啲…Read More

一早去越南領事館辦簽証，點知上午冇開， 唯有下午再去，經過此店見到店名好得意，再望下餐牌d價錢和食物照片，由於不是經常過來，所以咪試下囉。 我叫左一份$60雞肉炒飯 Chicken Biryani 和一隻咖哩角(好似$IO)外賣，等左一陣就有。Chicken Biryani 好重香料味的長尖米炒飯，見到有乾月桂葉，雞有點乾但都算好味，薯仔粒好香好入味，唯一可以改善係盒底油左少少。p.s.回家吃，自己煎左隻蛋就perfect!! Samosa 裏面滿滿的薯仔青豆餡料，回家隔左2小時先食都仲係酥脆和香口， 真係好味過北角米之蓮印度餐廳喎! 仲有包秘製辣汁附送添。…Read More

趁暑假有老有嫩一齊去食餐好野，揾到呢間新開的 西班牙兼意大利餐廳， 環境優美 午市半自助餐價錢合理 就去試試。位於海逸酒店噴水池右邊的餐廳門口有點隱蔽。頭盤和甜品係出去自助任取， 嘢食用料靚又好味， 酒店級數， 不過餐牌上話有餐湯就唔見啦 由於人多，所以主菜全部叫了 大家share白酒蒜香意粉就一般啦黑松露闊面就幾香嘅雞同魚都有80分豬同和牛就最好味90分不過全部伴碟都係同一大量菇sss 同兩件烚薯仔，好悶兼食剩。因為出面buffet table啲蔬菜好味好多說英語的女侍應好專業，但其他人就有待改進! 今日出面暗天有雨，坐窗邊的枱冷氣不夠呀! 最驚喜係女廁，裝修好靚既flamingo pink!! 仲有名牌香水給你嘖一嘖! 好香呀! I will be back…Read More

今日去旺角moko行完街，發現呢間餐廳重開番午市半自助吧，正呀！之前好想試，但疫情其間暫停咗。一入去有位卷髮黑衫招待員好有禮貌地帶位，奉上2杯有檸檬味既水及講解午餐內容。我叫了泰式船河 3款餸選了炸雞粒，泰式豆腐，蝦餅(跟左碟綠色酸酸地即漿，幾野味）$118 跟泰式奶茶（淡味架但我喜歡，個人受不了港式濃茶）老公叫咖哩牛腩 野味但衹得舊牛和3舊大紫薯跟白飯配冰咖啡 $148重點出擊係出面既 任食沙律吧，春卷，咖哩角，炸魚卷，炸魚及，泰式鳳瓜，青芒柚子沙律，車厘茄，粟米，什菜花朵沙律，蝦片仔，粉絲尤魚沙律，西瓜，泰式甜品。 大部份都好味架！星期六半滿啦，靠窗枱好舒適寫意，很好沒有催我還枱。隔離坐的2位比我早來，應該都食左2小時…Read More

新開了一陣子，今天終於外賣試一試，整體味道好好，會再幫襯。最好味係蝦餃和燒賣，蝦好鮮和彈牙，酒店級數！潮洲粉果，流沙包，叉燒包.都好味菜餃可以一試反而佢地推介既蝦多士22蚊兩件和鹹水角（好味）我略嫌多油棷子烏雞湯略為談左d美中不足係冇跟豉油辣油，下次問下有冇先。.外賣有九折，但套餐衹可追加2款，門口收銀姐姐笑笑口服務一流。以家限聚我一家三口好耐冇飲茶了，呢間店仲有凍點心外賣自己蒸，下次可以買定第日一早蒸熱做家中早茶！…Read More

今日行過見到有新店係食Turkey food。午巿套餐抵食，買左羊，牛，雞卷連飲品 補左$要奶茶和mango lassi. 全部食品和飲品都好滿意! 追加左$30 三個Samosa. 香料味好濃好正。老闆仲送左塊薄塊。净食完個好足料既卷，已經飽了。…Read More

第一次在此買外賣，買了一盒星州炒米，福建炒飯和香辣鷄煱。五六十蚊包一杯豆漿或一罐汽水。即叫即炒，足料有份量！老闆好有禮貌，服務好好。個人最喜歡香辣鷄，可選辣度，好滋味！…Read More