zchan的个人专页

鵝腸有肥膏，豐腴肥美，爽口唔韌，欲罷不能鵝肝粉嫩滑，最正係咬落面有啲脆口感，質感複雜鵝肉味濃郁質緊緻有咬口但唔榎鵝皮彈滑，而且吸咗滷水一流(我平時唔食皮)滷水味道醇和唔鹹唔嗆喉除咗舊膽應該加咗新鮮香料再熬製隻八角味靚到不得了好耐無食過咁和嘅滷水味道近排狀態麻麻但食完少少唔舒服都無即無乜味精三寶飯有鵝肉、鵝肝、鵝腸仲有兩條菜、滷蛋及罐裝汽水$78抵食(外賣加2蚊)全部加熱晒坐車拎返公司隔咗50分鐘都微暖一定要回頭堂食叫多幾款…查看更多

之前一晚搵新店食飯無意中見到呢間好得意嘅“窯燒雞”，咁啱今日放假，即刻就時間嚟食個快飯💗💗💗💗💗💗💗💗💗💗店子小主力做外賣，除了恆溫櫃、砧板位就是兩個大瓦缸窯，每個同時最多可燒烤18隻雞。以荔枝柴烤製的自家農場陽山雞，帶來一室柴燒香氣息。堂食只有兩三個位，這類現烤最佳一定是現食，所以乖乖於開門時間約中午12時到來。等了約15分鐘，成品是色澤亮麗呈銅金色飽滿的原隻雞，除了獨有荔枝柴香，還有雞肉、迷迭香等香料的氣味。徒手撕下雞肉，見到略帶粉紅骨骹位及肉質狀態已心花怒放，滿滿的肉汁流滿半盒。先試雞身部位，質嫩不榎，腿部分更多肉汁，整體調味均勻鹹香，皮香脆帶有彈性。油飯沒有想像中的油潤，除了雞油香，富飯味帶點焦香及香草等，個人更喜歡這個乾爽版本。新鮮雞腳帶淡淡沙薑味，肉質爽彈，無儀態都要表演當眾啜腳趾。酒醉溏心蛋仍是淡淡的酒味，蛋心黏軟味濃郁。五年陳皮羅漢果茶，完全無加糖份，帶天然羅漢果甘甜及陳皮幽香。實測外賣超過一小時，仍然香氣爆燈皮脆肉嫩。…查看更多

連月工作辛勞，要犒賞自己。今晚早啲放工同阿妹去咗米芝蓮1星店家傳七福嘅尖沙咀分店，貪佢响九龍方便返屋企。知道呢度做傳統菜式出色，但2人同行不能選大菜下，與享負盛名嘅乳豬、叉燒、炸子雞等注定無緣，單點的例牌也不合二人愛花款的偏好，喜見tasting menu匯聚多道傳統經典粵菜，不作他想，亦人少少正好試多幾道菜式。雞子戈渣：外脆內軟綿，似食固體濃郁雞湯汁皮蛋醬蘿蔔：鹹爽蘿蔔與溏心Q彈皮蛋對比幾好蜜汁燒脆鱔：白鱔皮脆肉彈牙爽身，蜜味略淡魚味突出雞蓉燴官燕：師傅推湯羹功架一流，質滑厚薄適中而材料豐富釀焗鮮蟹蓋：蟹蓋修邊整齊靚麗唔𐝹手，蟹肉與熟洋蔥比例完美，醬汁質感輕薄食落唔膩燒雲腿大地田雞片：功夫繁複的一道菜，只選用每隻金華火腿裡最優質的四兩肉，密封醃製後再以麥芽糖、糖及蜜糖烹煮浸泡數天，上菜前再油炸。燒雲腿外層甘甜香脆帶獨特鹹香，配以同樣切成薄片並經油泡的田雞，明顯是食心機及刀工細緻彩椒炒手切牛肉：要讚砧板位將每件材料裁到大小相若，除了美觀也有實際用途，師傅鑊氣炒功於此發揮淋漓，牛肉嫩口無過熟雞油㙡菌炒四季豆：同樣是炒功的表現，但plating花心思將四季豆每三條當一層交叉疊成層層疊似的，靚瑤柱荷葉飯：混合荷葉幽香同時添加了蟹肉絲及瑤柱鮮味生磨合桃露：香濃幼滑略甜鴛鴦棗蓉糕：煙韌香甜懷舊芝麻卷：重拾細個玩嘅“菲林”卷，饒有趣味是晚食到老店師傅响不同烹調方式的純熟功架，但估計同地區客源口味有關，調味偏重手。員工服務不錯，殷勤有禮。…查看更多

2023.07.08我又响本區掘到寶藏小店😊前身嘅蟹仙做蒸海鮮，早幾年食過，嗰隻鹹鮮味令我一直念念不忘。早幾日行過見到轉咗模式做福利食堂，特意週末晚上嚟到試下。一行3人叫咗2人餐($268)、半隻雞($88)、3杯特飲(跟餐共加$30)。鵝拼盤😋 －鵝肉、肝、腎、豬腩肉、豬腸、紅腸。馬岡鵝係開平嗰邊嘅肉鵝，通常做燒鵝，皮薄，肉質幼細；肝唔係潮式滷水嘅質滑，但肝味非常濃郁，真係覺得飲酒仲夾；腎爽脆、腩肉爽、腸肥，要讚個豉油汁，濃味得嚟鹹甜恰當。小食拼盤 － 土匪雞翼、酥肉、餃子、墨魚餅，全部正常味道。葱油白菜仔 － 菜爽汁香白切無激素雞半隻配葱油汁 － 如果話呢間專做鵝味道好，咁雞係出色👍🏻👍🏻用上泰美雞，雞味濃而且連胸位都嫩滑，葱油夠香但又冇加味精或者落好多鹽。送嘅例湯都唔hea，明顯老火煲。碗白飯都幾好，瀨粉用仲要有筍、木耳做配料🥰成餐飯食完唔口渴，開心😃加埋都係$386。聽講店會按每筆交易金額捐款，仲有計劃遲啲派飯。即時預訂咗黑糖豬手，聽晚試😬…查看更多

銅鑼灣間新開嘅「船皇」食物質素已經唔係最重要一間店仔都唔預佢啲嘢食WOW但服務係真心差星期日下午4點左右店坐咗1/4人非繁忙時段店員A唔熟悉餐牌問完都答唔到招牌「船王」有咩餸😐另一個店員B就行埋嚟答全店用牛骨餚湯…😑 答非所問之下我都係叫咗個大「船王」，要金邊粉、小辣等咗15分鐘都未嚟個粉而附近早/遲過我落單嘅都食緊嘢，明顯漏單問店員C，佢行埋去問番B，B先打單出嚟，但個樣勁唔耐煩西晒面咁，自己入單唔出單比客仲要西面係咩玩法🙄C就嗱嗱聲去催廚房食食下，明明見到附近個個都食嗰啲嘢但有炸豬皮得我嗰碗冇問B、C就話漏咗比最搞笑係話C猛講唔好意思話拎番比我但又行嚟行去搞其他嘢冇後續最後行埋嚟仲諗住收我啲餐具😡我問係咪會比番我佢C反問我係咪要我答話係佢先拎番過嚟已經一直好有禮貌咁問佢哋冇反白眼冇藐冇粗口我有比錢應份比番我應得嘅做漏做錯應該即時執番正唔係要個客第二次開聲問香港啲飲食服務從業員係咪只對啲西口西面嘅西客先會提供到正常服務有時真係唔知邊個西啲…P.S.份量好細碗 — 店員B同另一個客講其他客都話細，早兩日有個女嚟食3碗大船王都唔飽冷氣唔夠涼有啲熱仲有烏蠅飛嚟飛去擾客…查看更多

10.1是國際咖啡日，我去了最喜愛的咖啡店 —13 Peel by Inferno Dynamics (第一店在九龍區，因地利就近是我的經常泡點)嬉戲。13 Peel 由soft opening(9/9)至今開了只有約3星期，但就一直微調進步提升質素。是日espresso base咖啡有買一送一優惠，上星期六(9/23)Grand Opening試了日曬GUJI，今日要水洗 GUJI的Single Origin Espresso及奶啡。Espresso溫度影響味道變化大，第一次(9/16)嚟速飲Kenya SOE响花園嘅木柱子打卡速影都覺得對唔住杯啡，今日第一杯SOE一出我就飲晒到尾冇影了。雖然炒起幾日有點新鮮的味道，但整體味道層次很好：jasmine、bergamont而且body較厚。第二杯要了同樣豆子的奶啡(應該是piccolo, cortado兩者間，沒有深究啡奶比例)。用Modbar出嘅奶泡比較平均又豐盈，配合espresso做奶啡很好，最神奇的是jasmine味道比SOE時放大好幾倍，帶點淡淡的bergamont，感覺較似飲水仙茶但滿口是奶泡的厚厚質感。不過豆豆還可以再養多幾日，味道應該會再深刻點。 新鮮炒的豆豆還有我最鍾意嘅geisha品種，今次係來自產區Panama的Santa Cruiz Berlina Estate，更加是我最喜愛的水洗處理。先買一包，返去養多幾日先沖嚟飲。…查看更多

2017.09.11搵到到一班摯親成圍，先有個人第300篇食評誕生😘鼎爺到場，有得同真人影相，好nice啊～是晚全天候有侍應在旁斟茶遞水上菜。每樣餸都有專人入內介紹特色、煮法。用餐服務水平很高。食材處理、刀功、配撘、醬料運用、烹調搵唔到錯處，冇過鹹/甜/酸，炸物冇過厚粉/硬唔脆，菜肴冇太腍/嚡/唔入味/過膩/唔夠熱之類。味道尋常中見不平凡，成餐飯食落覺得舒服、平衡，味道細膩。要响街搵到類近水平都有，但就食落重味啲甚至有味精，但今晚我的味精不耐症冇發作過，證明材料全天然，整體食物質素高。…查看更多

試新店嘅signature chargrilled pork ribs。沙律菜出奇地新鮮濕潤又爽，正！主菜ribs肉質偏乾又嚡，醬汁略酸，其實有伴碟coleslaw酸酸地沙律醬，個ribs汁甜啲都得。薯條外表乾身裡面夠粉重薯味，好味。成間店三十幾個客得兩個侍應，反應略慢勉強可接受。…查看更多

病咗幾日，今日冇食正式早餐/lunch，呢餐可以話係第一餐。打電話去確保已/有開門，原來係食我鍾意嘅熱狗，問明唔太多人有位。舖頭响嘉蘭圍嘅角落，霸王山莊後面，尖沙咀最好味奶啡Green Door隔離。雖然去到見到落咗半邊閘，但我都照入去試探咁問係咪營業中，肯定後就坐低咗。要咗比較特別嘅$45芝士通心粉醬豬肉腸熱狗，另外加$5薯條，$30 Triple Mix White Sour。等咗7、8分鐘食物已送上。份量都幾大。麵包外皮頗乾身唔會太腍，豬肉腸外皮脆，啲芝士醬好杰身，個人覺得濕番少少會冇咁"立"口，襯埋啲煙肉碎、香草等，整體是好味的。薯條好重薯味。White Sour有kiwi, apple, lemon skin，用鮮果新鮮打，好重果味，帶粒粒果皮，酸酸地幾好，但如果加多啲水冇咁杰，甚至用soda water令佢light啲，會更啱夏天。店家好細心問有咩意見，而且唔收加一，因為唔想迫客人，而且如果服務夠好，客人會主動比貼士。但我建議找續比啲散銀會好啲。原來有黑松露熱狗，但今日售罄，下次再去試。好辛苦先食哂啲嘢，好飽咁去上training😆…查看更多

想食熱嘢，搵咗靚女C作伴試新店。要咗壽喜燒和牛午餐。茶碗蒸有3隻頗大蝦放面，但啲蝦同蛋都冇應有嘅蝦或蛋味；前菜有三文魚子點綴，三文魚子鹹鹹地幾卜同新鮮，用荷蘭豆較少見；玉子面烤得亮麗，但整體好濕，入口感覺似軟芝士/濕麵包。天麩羅炸漿略厚，而且有啲油，食味普通，但以非專門店計，好難太高要求。壽喜燒用A5鹿兒島和牛，咬落軟綿綿，點日本廣島雞蛋汁好滑好好味。份量頗多，估計有200克以上，但個醬汁略鹹唔夠甜，食食下有啲口渴。漬物又係有啲鹹，冇酸味等層次；味噌湯有好濃郁蝦頭味道，但古怪地冇淆湯嘅奶白色。飯係新潟米，用明火煮，但食落太濕冇咗米香，二人或以上送一窩，結果食唔哂打包大半拎走。環境靚、服務好、食材正，惟煮法未夠細緻，平白浪費了，可惜。我食完之後個鼻嚴重發脹，個頭痛咗日幾，星期六睇中醫，佢問我食咗乜嘢味精發作仲搞到個胃咁差……查看更多

由搵到八寸開始已打電話問有冇lunch set，終於等到出咗餐牌又唔係包場有得去食！店主Alex好friendly，除咗記得客名save電話會send message比資料，親身介紹餐牌都好詳盡，仲大方咁送咗個海葡萄冰菜沙律比我同靚女C。我哋各自要咗北海道魚生飯。麵豉湯濃郁稍鹹咗啲，但個海葡萄冰菜比坊間出色好好味，因為個汁較得啱啱好酸鹹度。魚生飯材料好新鮮，以我食勻銅鑼灣灣仔尖沙咀咁滯，個海膽係食過最清甜！帶子唔係即開但絕對唔係啲只帶腍身冇口感貨色，有啲彈而且甜。三文魚軟身，明顯溫度控制得好。稍嫌壽司飯調味可提高酸味。雪糕冇粗粒夠滑同奶味仲要係特別嘅薑汁味，食落清新。全餐飯好滿意，而且好抵食，$138冇加一。呢間搵唔到理由唔encore。遲啲嚟食晚市。…查看更多

由搵到八寸開始已打電話問有冇lunch set，終於等到出咗餐牌又唔係包場有得去食！店主Alex好friendly，除咗記得客名save電話會send message比資料，親身介紹餐牌都好詳盡，仲大方咁送咗個海葡萄冰菜沙律比我同靚女C。我哋各自要咗北海道魚生飯。麵豉湯濃郁稍鹹咗啲，但個海葡萄冰菜比坊間出色好好味，因為個汁較得啱啱好酸鹹度。魚生飯材料好新鮮，以我食勻銅鑼灣灣仔尖沙咀咁滯，個海膽係食過最清甜！帶子唔係即開但絕對唔係啲只帶腍身冇口感貨色，有啲彈而且甜。三文魚軟身，明顯溫度控制得好。稍嫌壽司飯調味可提高酸味。雪糕冇粗粒夠滑同奶味仲要係特別嘅薑汁味，食落清新。全餐飯好滿意，而且好抵食，$138冇加一。呢間搵唔到理由唔encore。遲啲嚟食晚市。…查看更多

又與同一班嗜酒之徒食飯。上次食上海私房菜，今次選較特別的新派潮州菜。因攜帶的一支Barbareso要透氣兩個小時，我於七點前已抵達。帶Palmer 1975的老闆，少有的塞車稍遲，我們邊喝Jermann 'Vinnae' Servus Cella Ribolla Gialla，要了兩個小食，邊等待其他人。炸脆肉瓜點鹽固然香口吊味，但炸菌絲切到像幼麵細，調味有點豉油，感覺像吃脆的豉油皇炒麵，非常惹味。差不多八點半，最後的夥伴終於到來。第一道冬茸海鮮羹，帶厚厚冬瓜茸，蟹蚶鮮甜。上湯鮑魚凍每人有兩隻，上湯凍軟身冰凍帶甜，鮮鮑魚切片爽身帶鮮，兩種質感令人欲罷不能。炸豆腐外脆內軟，炸芋頭春卷外皮脆裡面糯口，兩樣都燙口好味。滷水鵝肝拼鵝，淡淡滷水沒搶味反而提鮮，鵝肝軟綿綿，鵝肉結實有鵝香，比經典潮州菜館金燕島更出色。黃梅醬松子魚柳，醬汁出色，比平時常吃的糖醋、五柳魚，多了一份梅的甜與酸。金不換炒龍蝦，金不換完全滲入龍蝦肉淡淡透出，龍蝦肉非平常吃的爽彈，而是嫩滑鮮甜剛熟，而且全碟均是肉身，沒有頭蚶腳之類“難搞”的部分。冬瓜勝瓜炒蝦球，勝瓜沒了草青味，蝦球爽鮮。馬蹄綠豆白果糖水不太甜，頗討好。潮式花生酥，鬆化香口。生果石榴以薄薄的梅子醬帶出甜味、天桃爽口多汁。是晚除餸菜食味層次分明，零瑕疵，Palmer 1975柔和的隨時間散發出果香、可可等不同味道，順滑的厚重口感，純化的單寧，亦為是晚加添了精彩。Barbareso不斷於強烈莓香、橡味之間游走，非常澎湃但始終不夠細緻，兩支同時飲用比較可惜。整晚嘻嘻哈哈，分享紅酒、咖啡、工作、生活… 等等的點滴趣事，非常愜意。…查看更多

M先生話靚仔髮型師原來對食物好有要求，我都信，佢介紹嘅一平安拉麵好得。剪完髮問佢推介店，佢話呢個鐘數區內要比較好，係深仔記，主要因為個生菜好味道，細蓉普通。我要咗細蓉、腐乳通菜。細蓉個麵唔算好彈又有啲鹼水味，個湯底仲擺明有落味精，雲吞就正常bite-sized幾爽口咁，整體okay啦。但菜真係得，阿姐自己見到比錯咗蠔油，唔比廚房拎嚟拎去，要阿叔直接比多碟腐乳我，服務好細心👍通菜固然因為剛落雨又新出，料靚。但錯有錯著，蠔油肯定有落少少豬油撈，帶甜又香😋，腐乳夠味帶微辣，但也被比下去。…查看更多

食完燒肉搵咖啡，好彩燒肉店個經理帶我行上嚟搵呢間店－上樓梯平台左面個門口唔啱嘅，再上到住宅門口嗰條小路落去先係！冇人帶，唔知搵幾耐…環境係幾好，有幾張露天枱椅，店裡賣皮革品，再入仲有畫室，可惜今日未開門。我仍然要piccolo，豆係Ethiopia 60% & El Salvador 40%。飲落稍澀帶酸味，啲泡唔夠實淨有啲散。如果咖啡啱飲就可以hea成個下晝喇。…查看更多