marthalailai's Profile

今日約咗去朋友屋企玩，荃新天地二期呢邊啲野都食得好厭。行經呢間Pickabowl，見到佢地啲野食都好健康，同行幾個朋友都唔想食咁Heavy，一於就係揀呢間試試佢！今次叫咗四個餐，見到佢啲三文魚都好新鮮，所以我決定叫個自選餐。三文魚加雞胸，呢個組合絕對好適合我呢啲想減又想食嘅朋友仔啦！睇到張相都令我諗返起個三文魚好新鮮，佢加咗少少日式醬汁係面，係佢地自家製醬油同調味料做健康魚生飯為主，加上個雞胸一啲都唔靭架，平時出面食咁健康嘅雞胸實咬到牙痛都似！同行嘅朋友仔都想食得健康啲，因為已經打咗幾日邊爐，佢地話遇到呢間Pickabowl 實在太幸福。因為佢地見完營養師之後有好多野都唔食得。雖然都有少少醬汁係面，但其實佢下面都好清架，又好多菜添！地址：Pickabowl (D2 Place) (荔枝角)荔枝角長義街9號D2 Place 一期1樓112號舖分店Pickabowl (荃新天地) (荃灣)荃灣楊屋道18號荃新天地2期地下G06號舖…Read More

大圍老店一定係呢間。原來除咗晚飯小菜，下午都有點心食！餐廳裝修咗，所以環境都算唔錯！午市點心幾抵食，選擇多！叫咗脆皮燒腩仔$68，原來都幾多！燒腩仔唔會太肥，皮都夠脆，食好多件都得！傳統點心都好多，蟹籽燒賣皇$28，幾足料，入邊充滿鮮蝦，豬肉少少肥有口感，燒賣又夠大粒！黑椒蒸爽肚$26 白雪雪，幾乾淨，黑椒味剛好，肚爽口，熱辣辣！香煎蘿蔔糕$23好大件，有3件！煎得夠香！有蘿蔔絲！嚟到呢度無理由唔叫返個雞粥！強記雞粥（位）$40，一位已經好大碗，分到4-5小碗！粥夠綿，帶有雞油香！懷舊點心古法千層糕$23呢度都有！一層一層奶黃，趁熱食夠軟綿綿！最後叫返個椰汁紅豆糕$15，抵食！多紅豆又夠椰香！…Read More

之前有食過金鶴嘅拉麵覺得好好食，今次黎就一於試埋鰻魚飯啦😍鰻魚飯$238，唔算貴，日本好多都係呢個價。一上菜就已經聞到超香鰻魚味，未食已經流曬口水！先飲左個定食附送嘅湯，裏面有啲昆布、荀、菇同蔥等等，非常清甜，個人認為比麵豉湯好飲！仲有一小碟八爪魚前菜，混合左wasabi嘅調味，味道好過癮，係好fresh嘅開胃前菜。跟住就食主角鰻魚啦！鰻魚燒嘅時間同火候都控制得好完美，外層有啲焦脆，鰻魚肥瘦適中，一入口鰻魚嘅焦香味就完全爆發，真係超惹味😍😍比起唔少日本嘅店仲更加好食！而且店家仲俾多左一碟鰻魚汁，倒埋落去之前啖啖飯都充滿鰻魚汁，超juicy🥰🥰👍另外仲叫左碟明太子雞翼，燒得岩岩好，又係高分之作！食完真係棒住個肚咁走，估唔到一間拉麵店嘅鰻魚飯同小食都可以整得咁好味，一定會再黎幫襯！…Read More

朋友介紹元朗有間隱秘火煱店，鄰近YOHOMALL大型商場，逛完街兜幾個街口便到，食物新鮮現製有質素。我們先來一碟椒鹽粟米作餐前小食，椒鹽和蒜粒炸得香脆可口, 金黃粟口感香濃，再嘆BB辣既招牌魔鬼雞煲，辣得過癮夠入味，雞肉嫰滑有質素。牛拼盤有牛吊龍，牛小排，牛胸油，封門柳，牛臉頰，新鮮滑牛，牛筋丸，牛脷等，平時食牛都唔會咁講究咩部位，今日食左先知原來各個部位口感都不同，由嫩滑到爽脆都有，牛頸脊脂肉紋靚，牛味十足，其中我最鐘意滑牛，和生雞蛋一同上，無論煮多久肉質都是軟滑的好好味! 韮菜餃人工手包，皮厚適中，韮菜味非常清香。即炸響鈴簡直是超美味的邪惡食物，上枱時仍熱烘烘的，表層酥軟，除傳統燙湯食外, 亦可即食或者蘸酸辣醬食，其間店員好細心不時來用漏勺幫我們撇走湯上的肥油。 蔬菜籃拼盤份量足，生菜、娃娃菜、油麥菜，最好吃的首選西洋菜，非常清甜，絶對是火鍋必備冰凍檸茶大大杯，好爽!…Read More

呢間車仔麵其實啲炸蝦條同食物質素麵唔錯，但兩位女店員嘅態度真係極差。當一點零鐘叫外賣，聽電話嘅店員已經冇禮貌，講到明點落嚟拎，佢一早煮落，拎到嘅時候已經又凍、啲麵又吸哂水。最過分嘅係，落到去俾完錢，兩位女店員麵冇諗住拎份外賣出嚟，只係指一個指店鋪內嘅暗角，指示我自己去拎。 當時其實客人唔多，店內冇爆滿，兩位店員係非常之得閒。去到呢到我已經明白哂佢地告急嘅原因，冇心做、態度惡劣，無論你嘅食物質素幾好麵唔會挽救得到。圖為吸哂水嘅麵食…Read More

近年楊屋道開咗好多新餐廳，但係每次經過都食飽飯，所以一直都冇試到。今次終於的起心肝去試呢間日本餐廳。當日嚟到本身諗住都係食串燒為主，但係同行朋友嗰日好肚餓，所以叫咗個拉麵。估唔到咁有驚喜！燒豬頸肉豬骨湯拉麵豬骨湯好清甜係天然冇味精嘅感覺，佢個糖心蛋都好流心，而個燒冬菇都燒得好香！煎羊肉卷豬骨湯拉麵羊肉有啲羶味，好香！好啱鍾意食羊肉嘅朋友。清酒煮蜆超香濃嘅酒味，識落淡淡清酒香！燒生蠔香濃嘅蒜味恰到好處，唔會蓋過蠔嘅鮮味。食嘅時候隻蠔仲係連住個殼度，證明唔係一般就咁擺上過殼度嘅冰鮮貨。串燒（牛舌/金菇牛肉/雞皮/雞柳）燒肉類燒得啱啱好，咬落淡淡juicy！雞皮亦都燒得香脆。餐廳亦有清酒嘅Cocktail，但可能嗰日係星期一嘅關係，嗰日餐廳冇供應，下次都好想試吓！…Read More

上次嚟過食brunch同朋友都一致好評，我地今次約定再試埋佢地嘅dinner! 由於今次我地比較趕，所以淨係食咗兩個main course.1. Charcoal Grilled Wagyu M6 Ribeye牛味香濃，油脂平均，唔會食到好膩。燒得好香，成數啱啱好。上嘅時候已經rest好，切好一塊塊～2. N.Z Baby Lamb Rack with Ratatouille and Potato Grains由於太吸引，食咗先記得影相🤣🤣佢個羊架燒得好嫩，少少羶，鐘意食羊嘅一定唔可以放過。而ratatouille充滿蔬菜嘅甜味，成件事配合得好好。連我唔食蘿蔔嘅人都清哂～…Read More

終於有時間喘息一下！嚟到中環想搵間靜靜地同朋友傾計飲嘢嘅地方，誤打誤撞就嚟到呢間咁型格嘅酒吧。一出𨋢已經係非常震憾，設計感十足！呢到食物主打和洋fusion風格，而唔同嘅cocktail亦都配合咗唔同嘅沖法，令酒更香同易入口。首先介紹下食物先：1. Firefly Squid with Wasabi CheeseFirefly Squid 一般都比較咸，而有別於一復嘅食法，店家用咗wasabi cheese 去中和返，令成個味道層次豐富而且平行。Wasabi Cheese嘅做法之前真係未見過，呢個菜式十分有新鮮感！2. Foie Gras and Oyster用日式嘅手法去處理西式食材嘅又一佳作。用紫菜包住蠔同鵝肝，一啖食落口，超濃郁！真係想一食再食！3. Tiger Prawn Flambe rolled with Chicken Skin平時煙用腸就食得多，雞皮蝦真係第一次。估唔到都幾夾，佢上嘅時候命會點一點火，等面頭嘅檸檬中和返雞皮嘅油膩感。4. Scallops in Pesto, Crispy 'Kava' Chicken Skin, Lemongrass Spanish Pork Belly5.  Eggplant Caprese, OX Tongue, Spicy Cuttlefish呢到嘅串燒全部都十分高質，連啲汁都好好味！特別推介燒帶子配青醬，個個青醬係我暫時食過最好食嘅！而酒方面，個晚都飲咗好多杯😳希望唔會配錯圖🤣1. Green Gimlet2. Naked Orange Sour3. C.MacLeod頭3杯都係whisky based嘅cocktail, Green Gimlet 同Naked Orange Sour都比較清新同易入口，又不失whiskey嘅香味。而C.MacLeod就相對烈啲，用咗12年嘅highland park去沖，齒頰留香！4. Irish Old-fashioned呢到嘅old fashioned 比較特別，加入咗earl grey同埋用好似拉茶嘅手法去沖，令到佢好易入口同更有層次最後，我地去佢嘅小酒窖，入面有來自世界各地嘅whisky，連一啲比較特別或者限量嘅酒佢地都會以杯出售，等大家都可以以商宜嘅價錢品嚐美酒。提提大家，搵到匙開門嘅都有shot 送架～…Read More

呢排香港發生好多事，真係要take break抖一抖，食翻個brunch! 見到呢間餐廳個view咁正就即刻去試下😋Brunch始終唔語適宜食咁飽，所以我地叫咗一個沙律同一個意粉～1. Caesar Salad with Chicken呢個沙律超級新鮮！沙律醬配埋煙肉好香口👍🏼佢個雞胸都煎得好好，一啲唔唔鞋，仲好juicy添～～2. Pesto Spaghetti with Grilled Chicken由於我地健身嘅關係，意粉我地都叫咗雞肉😂同上啦，雞胸煎得好嫩滑。意粉煮得啱啱好，al dente! 青醬亦都好香，冇怪味。呢到個景真係好靚，價錢亦都合理，性價比幾高。有機會的話都想嚟食下晚餐，睇下香港嘅夜景！…Read More

威靈頓牛咁多功夫嘅菜係香港好少地方食得到，今次就專程去到新蒲崗試下！因為我怕去到冇所以早兩日已經訂定😎一入到呢間餐廳就覺得佢地幾有心思，呢到嘅檸檬水加咗薄荷。係咁熱嘅天氣去到都感受到一種透心涼嘅感覺。另外，作為一間食牛嘅餐廳，佢地隻碟已經簡單介紹哂牛嘅唔同部位！1. 威靈頓牛果然冇令我失望，一切落去酥皮仲係脆嘅，牛肉亦都好腍，係啱啱好嘅medium rare，牛味好濃郁。入面嘅菇亦都好香，唯一係冇落到Parma Ham。不過都已經比我之前食過嘅其他嘅威靈頓好食👍🏼👍🏼👍🏼2. 蒜蓉牛油炒什菇呢客炒什菇都係水準之作👍🏼看似簡單，但要將菇炒至焦香唔出水一啲都唔容易。配合香濃蒜味同牛油，無得彈！3. 波士頓龍蝦忌廉汁扁意粉龍蝦非常新鮮，由膏到肉都帶住一陣陣嘅鮮味。意粉都好彈牙，超正👍🏼4. 焦糖燉蛋個日餐廳咁啱送甜品，係焦糖燉蛋😋焦糖薄薄一層，配上幼滑custard，一絕！…Read More

旺角最近開咗個新商場，收工特登同男友嚟行下。行到餓，就上咗去搵野食，見有間DIY大阪燒就入咗去試下。呢間鋪都幾細心，有得揀自己整抑或由廚房代整，手殘嘅都可以食到個靚靚大阪燒😋除咗大阪燒之外，其他食物上枱都會上落鐵板到，保持食物嘅溫度1. 特盛海鮮大阪燒（$88）我地揀咗自己DIY, 煮嘅時候有個計時器，大約每4分鐘反一次。跟住指示整都會成功！特別要提嘅係佢嘅大阪燒醬，似係特別調製過，加埋大量嘅沙律醬，好食2. 蔥香鹽味日式炒麵（$78）炒麵係廚房煮嘅，好有鑊氣、好香口！佢係我比較喜歡炒得乾身個類，唔係日本落大量醬濕濕個種。其實自己整大阪燒都幾有成功感，一般又唔會係屋企整到。所以係一個幾好嘅體驗…Read More

一直覺得荔枝角冇咩好食，選擇少，但原來行遠少少都不乏好野食。今次去到呢間專食川菜同雲吞嘅鋪頭試試。當日收工去到，地點雖然比較偏辟，但去到七點幾都幾爆同幾多人買外賣。店內座位比較少，所以想嚟食嘅記得預早少少。1. 秘製麻辣撈米線唔好俾佢溫和嘅樣呃到，其實佢都幾辣下。佢地嘅麻辣醬係自家秘製，麻香十足，但又唔會食到個嘴腫哂咁。而佢嘅辣味又唔會太搶味，蓋過其他嘅味道。米線爽口彈牙！2.檸辣撈雲吞從來冇諗過食雲吞都會有泰式風味，亦都估唔到竟然會咁夾。個汁酸酸辣辣，好開胃，加上少少青瓜絲好解辣。佢嘅雲吞細細粒，一口一粒咁，一次過可以品嚐到入面嘅餡同個酸辣汁嘅配合，超正！3.擔擔麵配珍珠雲吞擔擔麵嘅湯底超香，落足哂料。坊間一般擔擔麵都只有好少嘅辣味，呢到嘅比一般鋪頭再辣少少，啱哂我呢啲鐘意食辣嘅人。配埋炸得香脆嘅珍珠雲吞，👍🏻!…Read More

聖誕節食飯，多數俾人劏到一頸血。今年終於冇俾人劏，而且味道仲好好添！今次兩個人食，連沙律、前菜、湯、主食同飲品都係五百蚊到，仲有乾花送😍1. 粟米湯配脆多士香濃粟米味，而且十分香甜。粟米打成容，仍然有少少粟米粒，增添口感。配上脆多士，點啲湯食，超正！2. 紅酒無花果核桃煙鴨胸沙律3. 紅酒燉肉丸肉丸係用雞肉整，比較少食到。但肉丸同汁似乎分開處理，煮好肉丸再淋汁，肉還肉汁還汁，肉丸未能吸收汁嘅味道。4. 14安士肉眼扒配洋蔥汁肉眼扒煎得好靚，肉味香濃。配菜都好出色，特別係孜然籽炒啡菇意瓜，無諗過孜然味同蔬菜都咁爽。反而，薯蓉失色咗啲，落太多sour cream令到薯蓉過酸。…Read More

假日下午嚟到，得兩枱客，但已經聞到好酸酸臭臭嘅螺絲粉味。前兩個星期去完桂林，日日都食桂林米粉，返到嚟香港又癮起，諗住嚟食啦。但嚟到反而俾佢第二道菜吸引住。1. 順德花蛤粉佢成煲連酒精燈滾住咁上，係冬天咁食暖笠笠好正。花蛤湯非常鮮甜，花蛤仲隻隻都好大隻好飽滿。本身落咗啲剁椒，少少嘅辣味已經將碗湯提鮮。粉絲吸哂花蛤湯同啲辣味，好好食。食到一半唔太夠辣，侍應介紹我落佢地自製嘅辣椒醬，落少少已經好香好辣。👍🏿👍🏿下次一定再嚟試佢嘅桂林米粉同螺絲粉！…Read More

平時去荃灣見良辰吉時多數都排哂長龍，一直都未有機會去試。終於經過旺角見到冇人排就試下！1. 黑糖珍珠鮮奶黑糖超級掛杯，好香黑糖味，並唔係死甜。珍珠份量夠多，好咬，好彈牙，咬落去啲黑糖味慢慢咁滲出嚟。唔知點解我覺得佢嘅鮮奶特別香甜，重奶味，加埋面有少少奶蓋，超正👍🏿加埋面個啲黑糖粒，飲飲下咬落去甜甜地，增加口感。整體都算非常唔錯，好balance, 黑糖唔會太甜搶哂奶味，係我飲過嘅其中一杯最好飲嘅黑糖珍珠鮮奶🤤…Read More