howong02's Profile

見最近有影片分享平台介紹, 咁啱本人去開附近, 所以同朋友一齊去試試.去得熟食中心預咗環境唔好, 眼不見為淨, 但食到中途真的見老鼠行過就...價錢一般, 上菜好慢, 以大牌檔計食物份量偏小,  味道一般, 無乜鑊氣, 最差個啫啫排骨煲, 好重雪味, 楊洲炒飯啲蝦仲有殼.重點來, 本身去大牌檔都唔預服務, 但都唔好態度咁差, 我哋坐低無耐仲揀緊小菜, 有個店員唔知喺伙記定事頭婆走埋來黑住面催落單, 好悔氣話唔好要佢行多一次, 要啤酒汽水就一次落晒佢, 另外叫店員時好似當我哋透明. 可能我哋外區新客, 好似唔想做.一次好差體驗, 真喺無下次…Read More

位於聯和墟街市熟食中心, 今日7:00前到唔使等位, 環境一般, 價錢超值, 服務好好, 每位128元任食任食兩小時, 有海鮮及手工啤,  其他火鍋料汽水都好多選擇, 蝦新鮮還會跳, 其他料正常水準, 食完唔覺得口喝.我們一行8位輪椅人士惠顧, 店員無嫌棄我們阻地方, 還幫我們安排兩張檯, 幫我們取食物汽水, 十分友善, 有機會必再惠顧.…Read More

位於漁灣街市熟食中心, 環境尚算乾淨寬敞.點了皮蛋艇仔粥22元和牛肉炸兩25元, 好快送到, 份量正常, 粥夠綿, 足料, 炸兩油炸鬼夠脆腸粉皮夠滑, 牛肉就無乜味感覺唔太夾, 建議炸兩叫蝦米或普通, 整體算高質…Read More

位於海麗邨, 離地鐵站有點遠, 下午茶價錢好平, 炸物點心熱辣辣香脆不油膩, 醬汁另上加分,  蝦餃燒賣高質蝦夠彈牙, 粥太杰,  蘿蔔榚粉太厚, 但咁平無得高要求, 味道整體合格以上, 服務好好, 侍應好快手主動加水收吉碟, 每人65元食到超飽…Read More

本人因這店而註冊openrice戶口, 新増這店在openrice, 第一次出評語.本人是一名電動輪椅使用者, 於3月17日下午大約1:30想幫襯堂食,  當時店中7個客有3人己埋單走, 另4人坐在牆邊角落位, 我見繁忙時間已過, 有足夠空間才進內, 有一個不知是伙計還是老板娘, 態度極惡劣呼喝我"地方細, 你一眼睇晒, 你唔好入來呀, 要食就坐門口", 廚房中相信是老板視若無睹, 我即時走了.真係嫌我阻地方, 客氣一句"先生唔好意思, 地方細唔方便, 介唔介意坐門口", 我聽到唔會嬲, 會考慮幫襯, 現實咁樣就勁趕客. 記得這店上一手是茶餐廳, 我曾惠顧, 人哋歡迎我囉. 太子十大碗咁好生意  我曾和朋友兩部輪椅入內, 人哋都歡迎我囉. 佢憑乜?…Read More