想搵個坐得舒服啲嘅嚟同老母👵🏼飲茶+行下 。同事介紹依間， 睇完食評係驚嘅，但係真係冇咩地方好揀，就即管試吓 。點心都算靚仔，樣同味都對得起價錢。始終香港咩都貴，冇得同返大陸比 。 甜品炸鮮奶有驚喜，始終唔係好多地方有同埋整得好食 。今次我食嘅 外脆內軟，好ok 喎 。就算我過晒氣再食都仲ok 。服務員態度呢⋯我今日係遇到兩個姐姐面口係黑人憎啲，西口西面。一個係老啲矮嘅女部長，一個係普通侍應。 但有一半都係好嘅，有個短髮姐姐，又企理服務又attentive。另一個係後生靚啲個部長我好欣賞佢，佢喺控制場面同服務質素時拿捏得好好 。當有同事大聲叫喊溝通時會制止佢哋唔好騷擾到啲客。 而且見到佢指揮控制翻枱人流都好有速度同效率 。 整體來講，會再去。 
…Read More
本人與朋友皆覺得中伏
之前經過見到依間餐廳裝修好靚，好海洋，想試食一段時間。今日終於搵到朋友入嚟一起去試下依間青衣城嘅新嘢。點知伏ed+
瀨晒嘢，唔怪得開咗咁耐，都唔會大排長龍啦⋯首先，以佢依個價位，應該得到正常西餐廳嘅服務水準。可惜，我和朋友都頂唔順啲姨級嘅半hea服務和專業，無attentive不止，亦無西餐廳應有嘅service language and manner. 環境再美，也感失望
期待已久的粉藍色Burger!
點知⋯中伏！好睇唔好食！ 唔知咩原因，我個飽嚟到，一睇就覺得個飽頂好唔新鮮鬆軟⋯拎起佢 一反轉，就知點解⋯因爲係好唔新鮮，所以其實係硬，夾硬整返熱變軟啲only,所以 飽面嘅所有邊位都係硬化咗！ （如果試過隔夜麵包嘅,會好明白我講咩。）
值得一讚嘅係 薯條 和沙律菜
因爲係最正常的。唔知係專登 還是什麼原因⋯竟然 唔係用紫紅色的洋蔥而係用扮紫洋蔥嘅醃製洋蔥。味道亦都有點扮紫洋蔥的感覺，但又無紫洋蔥的香和辣。香港賣紫洋蔥係貴啲，但我可不是在吃平版老麥呢。（貴價版老麥係可以自選，亦會配紫洋蔥）另外⋯究竟是因爲牛肉貴 還是因為真心想放隻蛋黃係個飽內 而不會流出來⋯竟然 漢堡扒會好似菠蘿圈咁中間有個咁大嘅窿
仲有，砌開個漢堡扒 竟然好乾，一啲都juicy. 朋友食嘅南瓜意粉，相對下，正常，但好淡無咩味，所以朋友自加大量胡椒粉調味（如圖）
巨峰特飲（跟餐+$20），算是不過不失的。加埋啲冰溶溶吓就不會太甜。午餐，好似得5款可以揀，唔可以散叫其他嘢。好唔flexible,唔明點解咁靚嘅餐廳會衰過茶餐廳/大家樂，連揀都唔俾你揀。俾貴啲 食散餐都唔得。同場加影 考考你數學
（如下圖）見其他食評都話Like 佢哋個page/instagram 有9折。當然會做，然後埋單俾晒錢，諗嚟諗去，都唔明依條數學題。+10% -10%竟然會唔同數值！好嘢！ 咁都可以取巧！其實 我寧願你唔好咁核突 咪俾9折算吧啦⋯⋯我和朋友都要諗咗陣先推敲到箇中原因。
總捨而言，成間餐廳和嘢食得個殼靚，冇涵還是⋯我跟朋友都咁唔好彩，食到咁嘅價錢，咁嘅服務和食物素質。我同我身邊嘅朋友都會寧願出城食 都一定唔會再去依度，
勁失望！（除非你係為咗影相呃like囉）百二蚊一個午餐，百二蚊一個好食嘅burger,根本大有存在！希望佢哋會有改進啦⋯如果唔係換畫，根本指日可待。唔係咁失望，我也懶得打字出po。咁當然，對食和服務無咩要求的，可以去試下嘅。…Read More
朋友冇介紹錯，食物平靚正！餐店係走平民化，簡單、細、無咩靚裝修。不過總算是叫做乾企理，連我有啲啲潔癖嘅 都接受到。朋友第一次帶我去食依間，我哋10pm 開始食，keep住有人嚟有人走，就算我哋食到11:30pm走嗰陣， 仍然有新食客一行6人入去坐低食，keep住有8成半人食緊嘢。唔係Starbucks ,老麥 嗰隻淨坐齋吹，而係 堅 食 緊 嘢。所以 可想而知，正常食飯時間一定係爆棚的。我諗多人去食（多過4人），最好還是先打去訂位置。目測大部份都係2-4人枱，得一張比較大啲。不過，佢哋啲枱櫈 全部都可以調動的。所以 安排好啲 應該再多啲人都無問題。講返食物推介，一定要食嘅有太多。重點推介（如圖）一定會推薦俾朋友，
一定會再同朋友去食過！ …Read More
唉⋯最後，2大1細，全部都迫於無奈，做咗大嘥鬼，食唔晒就埋單走人。因為我和友人都決定唔會再嚟食（雖然阿囝仲好想再嚟探bear bear)，所以連印仔咭都唔要就走了。
…Read More
好心....如果依個老闆係諗住要慳錢cut咗依邊個reception位, 就一係: 1. 將日本餐廳那邊門關閉 2. 貼個清楚告示牌話俾d客知, 唔駛等客人成個傻仔咁, 等到個人理時, 又要再去等位.....星期日 食晚飯, 要等位, 在所難免. 13分鐘, ok, 可以接受. (不過, 都係嗰句, 要我粗身大細, 咁樣穿梭d餐枱, 真係有點兒......
)好啦......叫咗個最基本的海南雞飯食.d 雞都仲ok, 好好肉, 唔多骨. 不過, d飯, 椰汁味重過雞油味.....我唔介意食椰汁雞油飯.....不過, 都係嗰句囉....講吖嘛, 唔該! 餐牌冇講明有椰汁....唉....人家麻麻椰汁架嘛......海南雞, 最重要嘅係咩呀.....雞, 醬 和 飯~~極度失望蠔油, 醋, 薑蓉omg!!!!!! 如果一個新加玻人or馬拉人嚟食, 一定頭搖搖......豉油醬---> 冇; 辣醋汁/醬---->冇, 換嚟嘅係 蠔油 和 白醋......都係嗰句, 整得唔好, 不如你寫到明啦.....加2個字"港式"海南雞飯, 咪算吧啦~ 再唔係, 寫明配咩飯和咩醬啦....真係早知去太興,大家樂食.....價錢就要$55.....價錢好真實(跟其他正宗海南雞差不多), 不過,食物素質.....,配搭唔得!仲有, 個菜....相信係因為要cost effective, 所以冇用生菜, 用咗更平嘅椰菜, 仲超油正當我食晒之際, 個湯.....終於嚟到嘞.....唉!!!! 成套嘅基本上一定係set裝咁上嘅海南雞飯....就係咁....不倫不累.....西餐唔西餐, 日餐唔日餐, 整體感覺極奇怪....雖然明白佢係想支持和平衡到2間餐廳嘅運作.但, 對於食客角度來說, 我以後寧願選擇食太興, 叫外賣, 都唔會再去!…Read More
好正! 朋友真係冇介紹錯. 一行8人WEEKEND BOOK咗枱 去咗 TST STONE STEAK HOUSE 和朋友慶祝生日食飯. 第一次去, 覺得 地點 方便, 環境氣氛好正!! (只係等LIFT排長龍) 
經佢哋介紹, 我哋食咗 promotion menu嘅任食....冇錯, 法國餐, 有得任食.....都只係$280一位...(有斉頭盤,湯,主餐,甜點) 當然, 我哋唔會抱好大期望 不過, 當食過之後, 真係覺得物超所值!!! 好味!! 食物的質素, 沒有因價格而降低. 有法國菜應有的質素. ( 當然,亦有法國菜應有的size---->細) 超開心, 因為任食~~
細細件, 不過, 好味, 又好飽~ 佢哋介紹咗支酒, 都幾好飲, 又唔算太貴. 易入口,有口感, around $4xx@.因為一早同佢哋講咗, 有朋友生日,所以, 佢哋都幫手有所安排. 當然, 本身諗住佢哋只有好"行"貨的standard candle with a slice of cake啦. 點知...... 佢哋竟然有煙花型的candle(值得一讚~~佢哋的那款係完全good型, 完全冇那種大陸蓮花煙火candle,燒完臭到爆), 仲用chocolate 寫咗happy birthday+朋友's name, 仲要有 即影即有相+好靚又大張嘅bday card+佢哋staff的簽名(我們當然冇浪費d位, 我們成班friends都write+sign埋响裡面啦). 我們一班朋友+生日嗰個 都 super 開心呀~~ 仲要, d desserts (有幾款), 超好味~~ (especially: french toast, 與平時我哋食開嘅唔同, 外"翠"內軟) 因為我哋自己有帶蛋糕去, 諗死埋單要收錢啦.....點知,竟然冇......,仲要送埋那firework candle on top of our own bday cake上, 真係就連 切餅費 和 candle 都慳埋. 最緊要, 冇趕人走, 我們一班傾計傾到冇停口, 見d人走晒先後知後覺.....XP 超正感~BTW,因為有朋友係素食, 佢哋都特別幫我哋安排....真係好感動架~~ (都係有斉件呀~)服務生 好細心有禮 和 氣氛環境 和 食物素質, 真係物有所值....有些物超所值feel添呀~~所以, 懶到出汁嘅我, 都忍唔住出山寫食評推介一吓~ 有朋友生日, 預早book定張靚枱, 一定包你和你嘅朋友 開心我同埋成班FRIEND都一定會再去~ …Read More
