開飯1234's Profile

今晚6個大人叫咗個6人餐，發現真係好抵食，尤其係個炒飯，食極都吾完，另外串燒好惹味，青咖哩吾太辣易入口。切生日蛋糕時，職員又主動唱生日歌搞下氣氛，服務態度都令我哋幾滿意，值得再來。…Read More

訂左8人枱6:30pm即刻叫嘢食, 因為限時1.5小時, 油尖旺區食晚飯限時好正常, 不過吾洗7pm就係度提, 如果d食物未黎齊, 你地都要8pm正交枱呀～見我地仲有兩個朋友未到, 就不停埋來提我地8pm交枱, 真係搞笑~…Read More

應該有成十年冇來過食嘢, 印象都係一般, 今次係用就過期既里數換semi-lunch buffet coupon先來。除左環境裝修左, 好似新淨左, 食物依然係一般, 前後排既坐位, 坐到椅背貼椅背, 左右每枱冇1.5m, 超近, 食食下有酒精氣味飄過來, 但當時後面未有人坐, 即係隔離張枱有人噴酒精, 再飄過來, 所以我一食完嘢都即刻帶口罩。食物方面, 吾想彈咁多, 因為今次係免費來食, 但總之如果用正價, 係吾會來食, 因為有其他選擇, 食物絕對須要改善。…Read More

上次lunch試完菠蘿雞粒炒飯已經伏左, 今日再來係因為遲左離開office, 少左lunch時間, 又見呢間有位, 就衝入去食。今次試$65肉骨茶飯, 呢款係基本菜式啦！但都係中伏, d飯硬&無飯味, 肉骨茶有1粒冬菇, 3片油炸鬼, 3嚿肉骨, 味道偏喊(都正常既), 但冇乜平時食向既藥材味。反正自己吾會再有第3次, lunch都坐吾滿人, 都知佢地咩料！…Read More

今日聖誕節來到新舖, 地方闊落好多, 食物質素保持, 員工繼續有禮貌。仍然係好食, 好彩等左一陣就有位, 吾洗阿媽等太耐, 支持小店, 食得安心。金錢肚真係好食, 夠香辣, 雪山叉燒包有口感, 我既最愛😘😘…Read More

已經食過3次, 你話食物&服務有酒店級水準, 就梗係有一點距離, 但呢度絕對係性價比, 無論地點&環境&食物&服務&氣氛, 都吾係差, 仲要最近做緊兩周年promotion(至9月底), 食set lunch只有id card有2字, 就有8折, 如果(2), 叫$58既set仲要係免費, 真係好抵, 味道&食材仲冇因此下降, 真心feel到餐廳老板既誠意, 知道局勢吾太好, 但仍然諗計谷客, 免得員工被炒. 我冇收錢寫的, 過開MK, 可以黎試下。…Read More

第一次來(堅係客, 吾係做媒), 覺得價錢好合理, 味道又吾差, 環境舒適光猛,冷氣足夠, 服務都好呀, 叫佢地加多啲汁, 真係俾成碗汁來, 有d餐廳都未必肯俾(雖然係一個小小既要求), 所以餐廳整體感覺不俗, 值得一試。…Read More

見睇相食物賣相ok, 又吾係太多負面食評, 又見FB多朋友打卡, 我地就一行四人加一個小朋友(4歲)去試下啦。叫左個鴦鴛美人鍋, 點知兩邊都愈食愈鹹, 我地全部人都覺得, 本想叫嘢飲(因為本身佢俾d茶都吾好飲, 得個濃字), 但見佢話like FB & 打卡就有杯野飲送, 所以就照做啦(終於解開FB點解會有咁多人打卡之迷), 結果係送鹹檸7 or 菊花茶, 但揀鹹檸7, 就會鹹上加鹹, 所以奉勸大家要揀菊花茶, 否則俾錢order嘢飲。食物方面, 無論係水餃or丸物, 都吾新鮮, 有"朕"味, 牛肉&竹笙價錢黎講係貴而不值。而且我地被安排坐冇椅背既木櫈, 現場環保燈光又好暗(吾明點解咁暗, 好似扮西餐廳玩神秘), 所以對我地黎講, 全店整體感覺(食材/環境/價錢)都好吾ok, 服務還可以接受, 全因d職員EQ算高(擺明吾夠人手都要照做)。絕無下次, 亦吾會介紹親朋好友去試, 多謝睇晒全文既你!…Read More

服務態度好, 訂左枱都吾洗等。雖然用餐時間1.5hr, 但如果無人等位可以一直坐, 吾會催人走。食物多款式, 黃金四季豆好好食, 外脆內軟, 估吾到四季豆配以黃金蝦煮法係咁夾。…Read More