shojaisin's Profile

有朋友介紹哩間西餐，啲嘢食平靚正。去到見啲裝修好有特式好靚，鋪頭唔算大，好彩有訂定位。安格斯Prime 牛肩胛扒7oz 配烤大蒜份量啱啱好，唔會太重口。牛扒烤得外焦內嫩，肉質Juicy又帶有濃郁嘅牛香。油脂分佈均勻，食落好有滿足感。香草羊架（6支骨）配脆薄荷葉哩個真係超級抵食！自己買幾條羊架都差唔多價。肉質軟嫩，羊膻味好輕。脆薄荷葉更加係神來一筆，咬落脆卜卜，中和咗羊肉嘅濃厚，食完唔會咁膩。呢道菜無論係賣相定味道都好有水準，絕對係高質之選！啖啖蟹膏蟹餅外層炸得金黃香脆，咬落去係滿滿嘅蟹肉，仲有少少紅椒提味，食落好有層次感。士拉差雞翼雞翼炸得皮脆肉嫩，士拉差醬嘅辣味同酸甜感好平衡。醬汁裹得均勻，每隻雞翼都好入味，西班牙油炸鬼油炸鬼熱辣辣金黃酥脆，上要沾滿咗肉桂糖同適量嘅朱古力醬，配合冰凍嘅雪糕，冰火口感用黎做一餐嘅結尾啱啱好。百利甜黑糖奶見到張相已經好想嗌，好得意。百利甜酒嘅奶香同黑糖嘅焦香混搭，入口順滑又帶點酒香，甜度剛好，飲落好舒服。總括黎講，呢餐飯無論味道同賣相都好有水準，價錢合理，唔係純打卡鋪頭，希望香港可以多啲哩啲小店。…Read More

上網見人介紹過呢間嘢，睇咗攻略知道晚餐時間未必夠食。就揀咗平日午市時間有三個鐘任食，帶埋兩老去試吓。湯底用迎新優惠揀咗麻辣鍋同埋花膠雞湯，不過湯底感覺上都冇乜特別。海鮮好新鮮，有個桶比你任你夾個下都幾有趣。我個日有幾種蜆，花甲好大隻，兩款蟹，三種蝦，鮑魚，全部都好生猛，啲海鮮食落都好彈牙結實，但鮮味就好似少咗少少。豬牛羊肉類都有，但主要食海鮮多，記憶點唔多，肉質都可以嘅。熟食質素都唔錯，炸雞翼，乳鴿，鴨肝多士等等，款式夠食。出面都有好多款菇菜或者丸類比你自己夾，但真係食唔到咁多。甜品櫃都有唔少款式，例如大福、燉蛋、細細件蛋糕，但我哋都食唔落了，因為有哈根大師糕任食，我哋都食咗兩三杯。上菜速度正常，店員服務好好，有禮貌，收碟都快，主動提供紙巾。整體黎講，成家都食得好滿意，會再去食。少少個人意見就係如果食蜆嘅話，個火鍋湯底可以加普通熱水，唔使落佢哋壼湯，因為食到後尾會好鹹。…Read More

約咗男朋友收工去哩間餐廳食晚餐，兩個人嗌咗個套餐另外加咗個薯皮拼盤。焗薯皮拼盤薯皮香脆，芝士同火腿碎搭得掂，有啲蕃茄醬配埋等薯皮唔會咁乾口，算係開胃小食嘅好選擇。法式芝士洋蔥湯好濃郁，對我黎講重味咗少少，芝士麵包焗得脆。香濃南瓜忌廉湯南瓜味濃，應該有加忌廉，飲落順滑，微甜唔膩。凱撒沙律（半份）生菜爽脆，醬汁酸酸甜甜，雞肉調過味，多啲就好，唔夠喉。芝士焗肉醬意粉肉醬濃厚，見人提過話蕃茄汁好酸，食落係比其他餐廳酸嘅，但又唔會話太過火，個人覺得幾好食。芝士拉絲好滿足，意粉軟硬適中，最重要係食到最後都唔會變到好乾身。咖哩芝士雞肉焗飯同意粉一樣，上枱熱辣辣。咖哩香而不辣，雞肉算嫩口嘅，醬汁再多少少會更好。是日甜品 - Tiramisu正常味道，不過不失，不過伴碟配芒果好似唔算好夾。套餐連加一三舊水包餐湯、沙津、主菜、甜品同嘢飲，其實cp值都幾高。環境乾淨，侍應服務都唔錯。…Read More

哩間嘢個名都聽咗好耐，今日約朋友食飯傾計，就揀咗哩間食，貪佢居酒屋咁樣，好多唔同款日本嘢食。芝麻雞翼雞翼烤得香脆，咬落雞肉嫩滑多汁，調味啱啱好。玉子燒玉子燒軟綿綿，蛋香濃郁，甜度剛好，簡單得黎唔失水準。鐵板燒牛舌牛舌燒得外脆內嫩，薄切口感爽。咖喱牛肉撈烏冬咖喱濃郁，牛肉份量勁多，食極都仲有。烏冬彈牙掛汁，撈埋食好香口。唐揚墨魚咀墨魚咀新鮮炸起熱辣辣，咬落爽彈有嚼勁，調味對我黎講略鹹咗少少，如果飲酒嘅話用送酒一流。鹿兒島鰻魚飯團鰻魚飯團醬汁甜鹹適中，鰻魚肥美嫩滑，飯團粒粒分明。網燒牛扒牛肉汁多味濃，肉質都幾軟熟，配埋上面幾片蒜片，好香。七味炸雞籃炸雞外皮香脆，肉質嫩滑，份量多，有芝士醬可以點黎食，多一種口味。鮮柑桔青提子梳打芒果乳酸沙冰兩杯嘢飲都唔錯，唔會太甜，食咗咁多煎炸嘢用黎解渴就啱哂。整體黎講食物質素唔錯，款式真係好多，想試多啲都食唔落。環境方面，座位闊落，燈光光猛，侍應好好服務，即使我哋係坐喺角落少少嘅位置，佢哋都好勤力卙水、收走食完嘅碗碟或者睇下有冇咩需要，值得一讚。…Read More

平時都好少食墨西哥菜，今日出街食飯就揀咗哩間黎試下。餐廳燈光暗少少，裝修就酒吧風，感覺都幾chill。脆蝦牛油果玉米餅Taco餅皮夾住牛油果，同埋一隻炸過嘅大蝦，肉質都幾紮實彈牙，配埋少少洋葱，第一啖入口都有少少辣，好惹味。水牛城牛肉墨西哥餡餅內餡方面雖然中文譯係水牛城牛肉，但食落就唔辣嘅，反而有啲似手撕豬嘅感覺，加埋熱融芝士同埋烤得口感薄脆嘅餅皮，配埋牛油果醬、蕃茄莎莎醬同酸忌廉，好食！牛油果醬配墨西哥玉米片口痕想食下多力滋，所以嗌咗碟sides。都唔細碟，食下食下都好多塊下。白酒煮蜆成餐都齋食餅皮類可能會乾少少，嗌埋碟蜆中和番就啱啱好。蜆嘅份量都唔少，煮得入味但唔會過熟，肉質飽滿無沙。侍應態度唔錯有笑容，坐都得舒服。餐廳有戶外室內位，但夏天坐戶外嘅話就應該會熱咗少少，冬天就無所謂喇。…Read More

呢間嘢個名都聽咗幾年，一路都冇機會食，今日難得去開土瓜灣，就去到哩間食。食飯時間七點未到去到，入面都差唔多九成滿，唔少一家大細喺度食飯。椒鹽九肚魚表面嘅脆漿夠薄，入面嘅九肚魚就好軟滑，椒鹽分佈均勻，熱辣辣夠晒香口。香爆黑椒牛仔骨煲黑椒牛仔骨哩啲鑊氣小炒，去到大排檔點可以唔嗌黎試下。份量唔細，牛仔骨大大舊骨連肉都有六舊咁上下。肉質軟嫩易咬又入味，配埋索哂黑椒汁嘅粉絲，送飯一流。難忘漁港蝦醬骨（海山骨）海山骨哩個名我都係第一次聽，蝦醬炸排骨未食真係想像唔到咩味。望落去咋得金黃酥脆，食落去蝦膏嘅香味濃而不咸，有驚喜。排骨肉質軟熟得黎有口感，完全唔柴。楚撚豬油撈飯（碗）米飯被啲豬油豉油包裹住，再加埋芫茜葱花，食落香口得黎又唔會覺得好油膩。臨尾仲有糖水送，今日係紅豆沙同綠豆清心丸，好圓滿嘅一餐。其實仲有好多菜式都想試，但係今次得兩個人就食唔到咁多，如果一大班人黎就可以試多幾款。整體黎講呢間嘢都幾唔錯，坐得舒服，環境乾淨，裝修有特色。侍應們嘅服務態度都唔錯，住附近真係會當飯堂。…Read More

紅日去大尾篤行吓，順便食個晏晝，呢間嘢都接近滿座，就試哩間。順化黑豚豬腩肉濃蝦湯粉一上枱已經聞到都幾香，賣相都唔錯。可能我對豬腩肉嘅理解有錯呢中啦，一開始以為我自己嗌錯嘢，豬有三四塊少少柴。札肉一片正正常常，蝦就兩隻，肉質算結實但無調過味，無味。食咗一半之後發覺Menu上面寫有大蜆，但係並沒有。西貢椰香咖喱鴨髀湯粉鴨髀好似用香茅醃左再炸，但係浸咗落湯所以食落就唔係脆口嫁喇，但都唔錯嘅。河粉有啲碎，唔係咁易夾。整體黎講已經覺得兩款湯粉嘅湯底係夠味夠鹹嘅，但係就唔屬於濃郁厚身嗰種。開得係大美督都係主要做假期生意，呢個價錢配哩個質素都可以接受嘅。但係可能因為樓面主要得兩個侍應嘅原因，佢哋都幾忙無停手咁，搵位都係自己搵，抹枱等落單都要等一陣。…Read More

想食泰國嘢，見哩間eat some thai restaurant有二人餐咁方便，就揀咗呢間食。泰式鮮蝦青木瓜沙律鮮蝦幾爽彈，青木瓜口感好脆，加埋砸底有啲沙律菜，食落好fresh。加埋有條試管比你擠啲酸酸甜甜嘅醬汁落去，幾盞鬼。海蝦雜錦海鮮冬蔭公海鮮有唔少，主要係蝦、魷魚同埋蜆，少酸唔辣。個人偏好黎講，如果香料味再重啲會更好。小食拼盤有蝦餅、一串雞一串豬、豬頸肉同埋蝦餅。個人最鐘意係蝦餅，幾紮實彈牙。串燒就香茅味比較重，肉質嚡口，大串少少會過癮啲；燒豬頸肉就煙靭彈牙幾香口。Add some thai 招牌火山骨見人哋啲圖好似好浮誇好吸引咁，一上枱個下果然好震憾，因為真係好大盆，海量芫荽加有四大舊豬肋排，真係名符其實排骨山。味道幾特別，鹹香得黎帶少少辣味，大口大口吃肉份量十足好飽肚。馬拉盞椰菜苗調味啱啱好，唔會過鹹過油。三色芒果糯米飯幾鐘意佢個椰子雪糕，好香唔易溶，仲有啲椰子肉係入面，幾有咬口。芒果夠甜，三色糯米飯口感黏軟，配埋椰奶食唔錯。泥漿浴沙冰話係朱古力、牛奶、咖啡加朱古力雪糕調成，幾大杯，有得飲又有得食，可以當半個甜品。…Read More

想試哩間好耐，但間鋪有啲隔涉再加好少去觀塘，所以一路都未有機會。今日去開觀塘，終於抽到時間去試下哩間雪糕，估唔到個日落大雨，條街好似有啲冷清咁，但去到鋪面都有唔少人。嗌咗個double，要咗朱古力雪葩同開心果味。兩隻味都好香濃軟滑，甜度符合香港人口味，食落唔會好heavy，經過會再encore，有啲特別口味好似咩黃糖豆腐個啲，都想試下！鋪頭仲有玩具可以玩下，一路食一路玩，玩完一鋪啱啱食完，幾有趣，回憶童年咁話。…Read More

收工去咗旺角搵嘢食，見到呢間西餐，見餐牌都幾多選擇同埋有二人套餐，就諗住試下。套餐包沙律、小食、一個主菜、一個意粉同一個甜品，我哋另外嗌咗一個糖水。西班牙火腿配自家制油醋芝士沙律火腿嘅濃郁風味與油醋醬的酸甜平衡得宜，加埋雜果仁，沙律菜好新鮮，食落開胃得黎又有層次感。蒜香炒小魷魚魷魚炒得恰到好處，軟滑有彈性，蒜香味濃而且帶點辣勁，好惹味。主菜可以揀牛、雞或者豬，我地嗌左烤豬骨排。烤得外皮微微焦香，入面嘅肉都幾嫩滑，保留到肉汁。醬汁味道香濃，甜味中帶少少酸。配埋薯菜食啱啱好，可以中和豬仔骨嘅膩。蝦汁大蝦扁意粉意粉好掛汁，醬汁係話用蝦頭炒香之後熬製而成，好香好濃郁。大蝦結實彈牙，絕非急凍貨，扁意粉硬度都煮得剛剛好。蘋果玉桂藍莓酥皮餅配2雪糕雪糕有五款可以揀，我哋揀咗朱古力同曲奇味，雪糕正常表現，不過不失。酥皮烤得金黃香脆，加埋焗過嘅蘋果雜莓，好夾，酸甜適中。玉桂味都好香，配埋雪糕食一流。椰汁燉桃膠糖水都幾大碗，有好多桃膠同雪耳，椰汁底唔會太甜，食落好潤。特別值得一讚嘅係服務態度超級好，侍應好有禮貌，又會密密卙水。上菜嘅速度係啱啱好，一碟接一碟，唔會要食好急，都唔會要等好耐，而且每碟菜都係熱辣辣啱啱煮好。好欣賞佢哋呢方面嘅心思，好細心！…Read More

星期六同男朋友去沙田行街，諗住食個late lunch。過咗食飯時間2點餐廳都有好多人，就諗住試吓呢間西餐，兩個人最後嗌咗兩個假日set。餐湯加錢要咗忌廉龍蝦湯同埋法式芝士浮台洋蔥湯。龍蝦湯濃郁鮮味，入面都有五六隻龍蝦肉，絕不欺場。洋蔥湯連芝士麵包片一齊焗過，香氣很濃，感覺到洋蔥嘅甜味，加上有點鹹香，味道很搭。佢仲會比支威士忌你話可以滴幾滴，估唔到連餐湯都咁誠意滿滿，對主菜嘅期望更加大。純牛肉醬手製寬帶麵意粉有八種款式可以根據個人口味選，我哋揀番餐牌preset嗰隻，手工意粉軟硬適中，牛肉醬汁味道濃郁卻唔會太膩，每一口都好入味。紅酒燴美國牛肋肉配香滑薯蓉雖然間嘢個名主打係意粉，但佢哩個牛肋肉都好出色。牛肋肉燴得非常入味，肉質嫩滑，紅酒的香氣配合著牛肉的味道同埋順滑嘅薯蓉以及烤到焦香嘅蔬菜，絕無馬虎。AmericanoMatcha latte套餐包埋餐飲，杯嘢仲拉埋花，好有心機。…Read More

一個禮拜唔食辣，已經周身唔聚財，今日收工就近近地去咗旺角食川菜。平時有時經過見到都要排隊，今日6點零去到未到食飯時間可以直入。金湯酸菜魚（中辣）魚片份量多而且嫩滑，仲有好多唔同種類嘅配菜，例如萵筍、薯粉、雜菇同酸菜，增添咗層次感。湯頭酸中帶香，辣得過癮又開胃。麻辣香鍋（小辣）配菜五份起，我哋揀咗三菜三肉。肉類我哋揀咗牛柏葉、田雞同埋豬大腸，菜就揀咗蓮藕、土豆片同埋娃娃菜。一上菜嗰刻超大盤，調味嘅醬料非常入味，風味濃烈，加埋大大隻嘅紅辣椒望落去賣相超吸引。麻辣嘅味道爽得來又唔會太過刺激，適合重口味嘅朋友。藤香雞一擺低已經聞到好香嘅藤椒味，雞件肉質鮮嫩，內裡保持到肉汁，散發着陣陣嘅香氣。金桔檸檬茶百香果檸檬茶兩杯嘢飲嘅味道清新又酸甜，金桔同百香果配檸檬茶都係好夾，食住辣嘢飲零舍解渴解辣。我自己都鍾意金桔多啲，相對上冇咁甜；男朋友就鍾意百香果，果香味濃郁，層次感重啲。值得一提嘅係阿姐嘅服務態度超好！我哋坐咗喺梳化，本身中間有個擋板隔開咗，變咗兩張二人枱。姐姐特登幫我哋拎開塊板，等我哋食得舒服啲，話如果陣間個場係滿先隔返開。我哋隻碟裝晒啲骨頭，佢又主動拎咗兩隻碟過嚟幫我哋換，勁貼心。…Read More

好耐無出過街食飯，男朋友未試過出街食過素食餐廳，收工就帶咗佢去食哩間「素年」。素年經典不可能芝士漢堡 （$138）漢堡扒望落去完全呃到人，入面係粉嫩粉嫩嘅樣子。素芝士味道濃郁，配埋一齊食，入口完全唔會有食肉個種油膩感，麵包本身煎過都好香。黃薑焗福花配自家製乳酪 （$58）福花的口感很好，黃薑味道香濃，配上自家製的乳酪，味道相當不錯。斯里蘭卡伯爵茶（凍） （跟餐）凍髒髒咖啡（使用豆奶）（跟餐+$28）跟餐嘅凍伯爵茶起來清新又解渴；凍髒髒咖啡口感滑順，咖啡香味十足。唐揚猴頭菇純素忌廉菠菜扁意粉 （$128）第一次食猴頭菇，口感好特別，仲有粒煎到好似帶子嘅雞髀菇，代替咗肉，闊條麵配上濃郁的忌廉醬和菠菜，吃起來很滿足。純素原味芝士蛋糕 （跟餐+$58）蛋糕口感紮實，味道唔會太甜，吃完都唔會好膩。總的來說，每樣菜都不錯，而且份量十足，就算係男仔食都一定會飽。坊間嘅素食餐廳唔多，呢間性價比好高，食物感覺到係用心製作，推薦大家有機會可以去試試！…Read More

今日同男朋友撐枱腳食西餐餐廳裝修簡潔型格都幾好情調——————————紅點三文魚他他三文魚軟滑得黎有彈性配合埋牛油果口感綿滑加左啲檸檬汁酸酸地更加清新法包外邊香脆入面煙韌法國油封鴨腿鴨腿軟嫩 鹹香味濃配菜有羽衣甘藍同焗新薯個蘋果酒醬汁幾特別馬賽龍蝦海鮮鍋龍蝦大大隻好吸睛青口大蜆鮮味飽滿盲槽魚比較少食 肉質頗為結實魷魚彈牙爽口醬汁好重蕃茄香草既香甜味 酸種麵包點醬食好夾士多啤梨提拉米蘇同想像中既tiramisu有啲出入 個人比較鐘意傳統口味加埋餐茶餐酒 成餐更圓滿————————————————-店員親切有禮 上菜速度合理成餐飯都食得好舒服…Read More

收工同同事去食個下午茶去到三點零 估唔到仲有得嗌午餐餐牌嗌左一個餐再散嗌左幾件壽司————————————————-市場壽司盛（$138）跟餐有味噌湯 沙律同埋蒸蛋蒸蛋嫩滑鮮味沙律酸甜開胃玉子鬆軟 帆立貝鮮甜其他都唔遜色不過我同友人最鐘意係個燒三文魚卷厚切既三文魚灸燒過 大大件好滿足三文魚（$9）油甘魚（$18）油甘魚甘甜爽口 三文魚就正正常常火炙左口魚裙邊（$13）劍魚腩（$13）火炙三文魚（$9）左口魚裙邊比以前食過更油脂豐富魚油既香氣滲佈哂成個口中劍魚腩同樣油脂濃郁 口感軟滑———————————————————-平時去食小店壽司有時都會驚啲來貨唔靚或者去貨去唔切食落唔新鮮但哩間完全無哩個問題而且價錢都算幾抵 推介…Read More