唐定's Profile

十幾年前，在灣仔胡忠品嘗過芽莊之後，就對芽莊好有好感！呢十幾年，都去過不少芽莊，例如太古城、沙田、海港城和將軍澳等，但對將軍澳芽莊感到非常失望！蝦米仔芥蘭苗芥蘭苗的口感本應是柔嫩清脆，是日芥蘭苗煮得太淋，沒有芥蘭苗應該有的爽脆口感。另外，芥蘭苗的花太多，有時候不是全摘掉也沒有所謂，但這碟應該是完全沒有摘過，感覺處理食材不是很認真。我想大家都知道花是含有較重農藥，而此碟芥蘭苗也並非用有機蔬菜或非農藥的菜炒成，因此對消費者來說，去掉花是比較令人食得安心。河內湯河三拼我們點了牛丸、牛爽腩、生牛肉牛丸味道肉質不錯，吃起來有汁有口感，牛爽腩一D都不爽，連住根應該係爽軟同有口感，但係呢塊牛爽腩非常硬，咬不開！生牛肉本應最穩陣，但最令人失望。上河粉時候已經完全熟，完全不是由熱熱的湯底慢慢令牛肉變熟，食起來非常老和鞋口，而且完全沒有牛味。番茄蟹湯檬全晚最失望就係呢個湯檬湯底番茄味道不濃，而且沒有鮮味，番茄愛好者必定失望。有一舊蟹腳，雖然不是很新鮮，但好彩不是霉和臭。沒有食到很多蟹肉，只有蛋。是次用餐體驗，令我非常失望，雖然店員都很勤快有禮貌，餐廳裝修都不錯，但餐廳食物質素最為重要。我想未來都不會選擇芽莊，至少不會選擇將軍澳這分店。…Read More

很差的體驗，諗住買個韓國外賣慰勞一下辛苦工作的自己，點知道咁污糟，衛生程度很低，沒有韓國感覺，食物很普通，最重要係不衛生！dirty！永不再去。大家小心d，差差差差！…Read More

日本梳乎厘來香港已經一段時間,但熱潮還在, 很多間還是滿滿的人龍。幸好今次等了大25分鐘便能入座,建議不想等太久的朋友, 最好在晚餐時間過後才來,大概8:30PM 後。每人最低消費是一項食品 / 飲品。我們點了一個原味, $99點了才現做, 所以入座後還是要等,又是另外的20分鐘。PANCAKE非常鬆軟,人生第一次吃到這麼鬆軟的pancake, 空氣感十足,很虛無的感覺, 很有趣。滿滿的蛋香,香而不膩,一個人也能吃掉3件。榛子朱古力焦糖香蕉班戟, $119焦糖片脆脆, 和榛子一起食, 很有口感。PANCAKE仍然鬆軟, 不用10分鐘, 我們已經吃掉2碟。我覺得原味比較好吃,可以單純感受蛋和麵粉的香和味道。一定會再次encore!!!…Read More

越來越多食物和黃金做cross over, 即是在原有食物上加上鹹蛋黃。鹹的蛋黃, 配上甜滑的雪糕,我覺得很特別, 同時都幾好味和有創。如果你要喜愛這個黃金雪糕, 你不可以抗拒又鹹又甜的口感,KFC 這個雪糕,黃金醬落得比想像多,一讚, 因為食到尾都仍然可以吃到黃金醬。雪糕一如以往的香滑,鹹蛋黃醬有微微鹹蛋黃香和鹹,不會太鹹,有一些沙沙口感,和香滑雪糕一起食,我覺得是出奇的合襯。…Read More

雜菌意粉，like它的意粉質地，不會煮得太淋，缺乏咬口。朱古力香蕉pizza，非常香濃香蕉味，再配上朱古力雪糕，一絕。其實這個組合的甜品，一定不會出錯的！最推介和有驚喜的食物-焗珍寶大啡菇，大啡菇非常juocy，焗完可以帶出菇的香味，同時還有很多汁，惹味。非常推介的小食！牛油果多士，牛油果份量很少，很多港式的餐廳也會用上近年大熱食材牛油果，但通病都是牛油果份量不足夠，而且不想不淋。一口吃下去，感受不了牛油果的味道，幸好，多士也是脆脆的。…Read More

又係休閒weekend, 今次去左太古城的Glasshouse。(有聽過朋友話中環的Glasshouse環境正, 食物好）呢度不算好大, 但坐得好舒服, 竟然坐左2個多小時! 推介同三五知己黎食野、傾計！呢度食泰國fusion菜式，雖然從食物當中不太感覺到好泰國，不過食物的味道都不錯喔。我見到呢度有好多好精緻既飲品，用的杯子很可愛，影相好靚。我地點了花茶，清清地，店員很主動會refill熱水，稱讚。花茶淡淡的，有蜜糖另外上，朋友們鍾意甜既可以自行加入蜜糖。我勁喜歡食薯條, 所以點了一客黑松露薯條。薯條炸得超級超級脆，而且份量都好多。黑松露醬味道唔係太濃，對於十分鍾意黑松露的人，好似我，就會覺得再濃味小小就正啦。炸飯糰，飯糰食得多，炸的還是第一次見。上菜時候熱辣辣，是剛炸好的。不過MENU上的炸飯糰是用一整片紫菜包著，但實物的確是紫菜絲，有點失望。最後是PIZZA，PIZZA皮十分薄脆，肉加上蔥和醬的配搭，感覺好像片皮鴨，中式食材，混合西式方法，出來效果頗有驚喜。…Read More

神山麵屋, 其實我已經食過幾次, 而每次的質素都好穩定, 所以值得推薦給大家。是日點了赤山叉燒沾麵, 沾汁少許辣, 不會辣到好辛苦, 適合喜歡辣但係又不能吃太辣的朋友。叉燒稍微鞋口, 不夠肥膩, 沒有香濃油脂, 而且切得不夠厚, 普通一點。糖心蛋就做到小許流心, 入味好食。呢度無得選擇麵的硬度, 好彩麵的軟硬度也頗適中, 而且都算彈牙有咬口。麵的掛湯能力也不錯, 每一口都能品嘗湯底。最值得欣賞係, 即使食完成個沾麵, 都不會覺得口乾乾的。呢度人氣好高, 如果平日7點前入座, 不用等太耐, 如果可以, 記得不要太晚先到。…Read More

weekend想食好d，特意入荃灣試下好多人都話唔錯的cafe - beans。去到門口，發覺有2間beans，不用擔心，2間都係真 荳子！cafe都有人龍，等左大概15-20分鐘就入座。叫左一個五花腩漢堡，我覺得呢個組合好有趣，五花腩比較中式，而漢堡是西式的，但放入口味道是match的，有驚喜。五花腩入味醃得入味，但稍微偏硬，可能瘦肉部分比較多，同埋煮得太硬。口感比較鞋。薯條又熱又脆，仲係還有咬口感的粗薯條，好正。有少許沙律菜伴碟，令你即使食左五花腩同薯條都不會覺得太肥膩。無咖啡不歡的我，加錢轉左杯coffee，雖然唔係好大杯，但係設計得好可愛，厚厚的cream，配上香濃咖啡，好match。朋友就點了一杯蜂蜜檸檬。…Read More

一芳最有名係水果茶，係旺角分店等左大概20分鐘，時間唔算太長，還可接受。試左招牌水果茶，7分甜，少冰。結果好失望。首先，水果茶既甜點係靠糖漿，而非水果本身。其實如果落多少少百香果已經可以好有甜度同酸味，唔洗只靠人工添加。第二，茶入面係有水果（蘋果數片），可能店家都預大家只係睇，而非食，所以成杯飲品係無設計你去食入面d水果，浪費了水果茶既精髓。成$30蚊杯，又要等20分鐘（雖然唔係太耐），我覺得有其他更好飲品選擇。…Read More

呢個夏天，香港人對台式飲品既熱情勁高，特別係黑糖系列。是日黎到元朗食晚飯，就行黎試下呢杯黑糖青蛙撞奶，$29。可以選擇冰既比例，不過糖度就係固定的。晚飯時間過後，完全唔洗等同排隊，好快就攞到飲品！都係有黑糖掛杯，飲之前要攪拌好。珍珠好有黑糖味，煙韌有咬口，不過唔太夠，飲到尾剩下奶，多多小小會好d。奶味濃，同黑糖好襯。飲完呢杯野好飽呀味道價錢不錯，可以一試！…Read More

呢度係專門食牛，同普通肥牛打邊爐鋪頭好唔同，每個部位都好講究，仲會教埋你要淥幾多分鐘。湯底是日點了鴛鴦湯底：一邊係沙爹，一邊係牛骨。沙爹非常香濃，唔會太杰，加個烏冬，正牛骨湯相對清淡，但絕不馬虎。一濃一啖，可以試清牛肉。--食物--吊龍伴大推呢個部位,以前未聽過,原來係腰脊兩邊的肉,佔牛好少部分, 好珍貴。 牛肉切得好薄, 考你筷子功力亦有脂肪分佈, 食落口同普通肥牛係2個level。滑尾龍我最鍾意呢個部位，加左生蛋後，肉質又滑又煙韌，非常有口感同咬口，不過唔好淥太耐，唔係就會過度煙韌！牛駝峰肉質脂肪分佈平均，肉感重。牛肉餃同行朋友大愛,encore左一次！裡面啖啖肉, 好juicy,外皮不會太厚,配上檸檬餃子汁, 酸酸的,係必定要點的菜式。水蓮菜第一次食呢個菜,好驚喜。非常清新可口同爽脆,但不會有好青的草味,容易入口。--啤酒--呢都有特色手工啤，建議叫呢一名為曬你冷既set，只係$156，有齊6種味道，由左至右，由淡味去到濃。個人最鍾意'有汗出無糧出'，係由桂圓紀子蜜釀，少少甜又唔會無左啤酒原本既味道，男女都適合。呢度係一個享受牛既地方，並非一般打邊爐。另外，呢度既醬料係自助形式，不過我和朋友都最愛佢既秘製牛肉汁，呢個汁配牛肉，超級好味！推介價錢比起市面任食肥牛火鍋貴小小，不過質素就好好多，同埋呢度有大電視收睇世界盃，同三五知己黎就最正。…Read More

星期六一起身，就好想食牛涮鍋，去到大概12:30PM, 就已經好多人啦,好彩都晤洗等位。今次點了豚肉同美國牛,食60 分鐘,都只係$69同$79。（未加一）我地分別選了2個湯底,就係番茄同魚清湯，湯底清清地,可以自己去醬料區自配醬料就好d。60分鐘套餐雖然只係包一碟肉, 不過都可以任食自助火鍋配料,有好多選擇,例如芝士年糕、各類蔬菜、金孤、麵,仲有各類飲品, 同我最LIKE的甜品,非常正。呢度不論飲品、野菜、甜品既選擇都好足夠，性價比絕對高！強烈推介❤️❤️…Read More

呢幾年見佢分店越開越多，但係坊間好味既越南粉太多，都未有機會試下越棧。豬扒撈檬，配上紅豆冰，要成$60。撈檬香菜唔夠，豬扒雖然唔硬，但好似放耐左，一點都唔熱，而且無炸豬扒應該有既脆同鬆軟。最失望的就係生牛肉湯河，越南河最應該有既調味青檸係缺乏既。牛肉切得太大塊太厚，似打邊爐既肥牛片多過越南河既牛肉。湯底一d都唔熱，係唔能夠靠熱湯燙熟牛肉，好彩塊牛肉已經熟左8成。市面上好食又唔貴既越南粉餐廳好多，呢間試左一次就夠啦。…Read More

與其說是泰國餐廳，我會話係東南亞餐廳。因為呢度嘅菜式唔限於泰國菜，例如冬陰公、泰式菠蘿炒飯等，亦都有其他東南亞菜式，例如海南雞同埋各類串燒，都好多選擇。海鮮喇沙，賣相同餐牌有出入，餐牌上顯示有一隻辣椒，圖片亦都顯示湯底帶紅色，所以我會期待係微辣。不過最後呢碗喇沙係一啲都唔辣，個人來說有少少失望。好彩味道可以接受，湯底係好味，配料都好充足，隻蝦唔會梅，配上芽菜嘅清爽，同埋魚肉嘅軟，一硬一軟，其實都好味。飛天通菜，係每一間泰國餐廳最基本既菜式，惹味可口，蒜頭、紅椒和豆醬比例唔錯，可能呢間係東南亞餐廳而非泰式餐廳，無左係曼谷街頭可見既霸氣炒菜拋鍋，通菜稍欠鍋氣，似家庭小菜。青咖喱雞肉，呢個稍微失望，雖然青咖喱汁好惹味，（我點了印度薄餅黎伴食）但係入面既雞肉寥寥可數，得4-5舊細細既肉，汁好多，肉好少，而且唔入味，不推薦！印度薄餅，不酥不脆，貌似係連鎖超市買回來既急凍薄餅。海南雞例牌，普普通通，雞肉尚算嫩滑，不過稍欠雞味，點上傳統醬油，都幾好送飯的。食物質素有待再進步，員工就好nice同有禮貌，環境都坐得舒服，鍾意既話，可以叫支象啤，一路食，一路飲。…Read More

餐廳位於工廠大廈入面，好有尋寶感覺。最特別係其實餐廳同時係售賣畫具地方，大家食飽不妨行一行。講回食物，當日點了2個套餐。一個係番茄雞肉義大利飯，$78。另一個係牛扒餐，就係$128。跟餐都會有一杯飲品，如果要轉特飲就要加錢。仲由一個湯，同埋一個小甜品。番茄雞肉義大利飯軟硬度適中，米不會太淋似糊仔，調味都可以，平平實實的一個飯。說不上驚豔，但係一啖又一啖，好快就食晒。而且不會過份濃味，令人覺得口乾。牛扒就普普通通，調味同味道同茶餐廳扒餐相似，不過一d都唔會硬，唔會鞋口。最好味就係忌廉蘑菇湯，好香濃，又好滑。套餐雖然有齊餐飲、小甜品同主菜，但係份量係比較小，作為晚餐，女仔只係7成飽，男仔就真係一d都唔夠飽啦！所以我會推薦係黎呢度食lunch。環境坐得舒服，唔會好逼，又唔會好嘈。…Read More