ZozoChu's Profile

睇電視節目推介， 見主持介紹嘅食物好似好正， 就即刻 book枱食晚飯 ！ 落單嘅男侍應完全唔掂，冇禮貌兼講嘢一舊舊， 又好似聽唔到我地講乜咁！ 最終我哋點嘅牛脷無嚟到，應該佢無落到單。點咗個蟹粥， 好似啲bb仔食嘅糊咁樣，冇乜味杰撻撻， 粥內只有兩嚿好細嘅蟹腳同蟹殼，好核突， 同個侍應講叫佢反映畀廚房聽，佢話冇辦法 ，廚房有時做到好稀有時又做到好杰！咁樣都得嘅， 既然經常做得咁差就咪鬼出呢一個餐啦！ 點咗個雜錦天婦羅， 個脆漿完全唔掂！ 最後點咗香檳荔枝，嘩.....完全冇荔枝味 ，個香檳係乸喉嘅 ，真係未飲過咁難飲嘅飲品。 串燒豬頸肉 ，真係未食過冇底味嘅豬頸肉 ，肉質係實的的乾爭爭！結論佢收嘅價錢完全唔配。值得推介的只有燒河豚魚乾 ，黑毛和牛粒串燒！點咗六個菜只有兩個菜好食，三杯飲品都唔得 ，咁大家自己諗下會唔會去幫襯喇！…Read More

一心想食蟹，隨意找來掛名的餐廳，以為會有驚喜，便在餐牌上點了一袋海鮮併盆 (麵包蟹，蝦和帶子) 及蟹餅 。先是拆蟹工具衹提供一套，要共用工具真有點不衛生 。麵包蟹是我過往吃過中最不合格的 。蝦是還可以的 。帶子是有沙的(不能想像他膽敢收這個價錢) 。蟹餅衹有直徑7cm，細得太可憐，而且一碟衹有一件咁多。我枱是由一個收銀兼落單又上菜及清潔的一位女士一條龍為我們服務，可能太多公務，在最後清潔環節上將枱上紙張垃圾拖到我椅上及地上，但沒有即時清理現場，衹回頭一望便離去了，稍等一回後才由其他侍應清理 。結論太簡單，六個字 "可以不用光顧"…Read More

上星期經過見呢間新開張，今天同兩個朋友過黎食lunch !待應好似唔多想做咁，落單個位係咁，送餐嗰位都喺咁，唔知佢老闆喺咪錢多請呢D伙記返嚟趕客！我哋三人各點了黃咖哩雞飯，黃咖哩牛腩飯，冬蔭公粉……兩個咖哩D餸少都見唔到，D汁稀到無乜味，諗住D雞肉會好D，可惜比我家雪櫃內的雞肉還差，好彩D牛腩好軟好腍(唯一的安慰)!朋友嘅冬蔭公粉D湯還比不上超市6元一包的好味，但平均每款收你60大元！我和朋友都說會緊記再不會踏足這間食店！…Read More

昨晚第一次到這店醫肚，幾個人選不同麵款，點知全部中伏，無一款煮得好食！主打嘅牛腩完全無味唔到位！蓮藕片沒有調味，衹放有辣椒油，非常失望！我們席間閒聊，一邊吃一邊傾，好明顯未食完，D待應大概每隔六至八分鐘便問你還吃嗎，收走嗎，朋友立刻上海火不勝其煩，寫下字條放在枱上，內容是不好再打擾等，果然不夠一分鐘，又來問，今次我已放下筷子，沒有回答，她就自行將碟子碗筷收走 。我們也不再久留，亦不會再光顧這間劣店！…Read More