tkwjacky's Profile

今日同屋企人過嚟飲茶，呢間我係第一次嚟，見咁多人寫食評講到咁好就嚟試吓。點知開頭就俾職員話。話說我填完點心紙交俾職員，我見個職員睇都唔睇張點心紙，我就同個職員講我叫左四款點心、一款炒烏冬。跟住個職員同我講「唔使同我講咁多野」，我當堂呆左，究竟係咩態度？老實講，我呢個level 4已經好耐無同人寫食評，但你迫到我要特登寫食評，你呢位職員都算世一。其實去到呢個位，基本上我介紹啲食物都沒意思，因為心情一定唔多唔少都有影響。但我都要公平啲講，食物方面有一定質素，特別係個芝士蝦球烏冬，芝士味濃，蝦球肉質彈牙，夠滑。蝦餃、燒賣夠大粒、足料，味道唔錯嘅，再配埋枱上嘅XO醬，更加好味。其他食物都不過不失，整體食物質素都係唔錯嘅。但想問大家究竟一個職員態度惡劣會唔會影響到你對呢間酒樓嘅觀感？你問我嘅話，我就話一定會，就算食物質素唔錯，但我要受職員氣，點都有影響，好難有下次。…Read More

很多食燒烤的餐廳都係俾細細張枱你，係旺角嘅粗店燒烤就唔會係咁。木系嘅枱櫈望落好整潔，環境好舒適，令人心情好好。串燒有好多款，仲有我喜愛嘅鴨舌，一份有5支。咗樣燒嘅鴨舌帶少少香脆，同滷水製嘅唔一樣，推介。比較特色嘅仲有燒粟米，玉子燒。粟米已經切開咗一件件，上面加咗沙律醬同調味粉，咸咸地又好方便食。玉子燒看似普通，但唔係間間餐廳都整得好食。呢度加咗蟹籽係上面，卜卜脆，但玉子又好軟熟，鍾意食玉子燒記得點嚟食吓枱面有烤爐保持食物嘅溫度，可以一次過點多啲，唔洗等咗耐。…Read More

呢晚同屋企人落左尖沙咀行街，因為我屋企人好鍾意食醬油蟹，就係附近搵左間韓國餐廳食晚飯。原來間餐廳開係內巷，不過都唔難搵，因為行經巷口會見到路牌指示。餐廳環境都算好坐，用手機點餐，都幾方便。餐牌上面有好多種醬油蟹嘅選擇，因為今次我哋得兩個人食，所以我哋就帶咗一隻嚟試一試。同埋我哋仲嗌咗個牛腸拼盤，因為之前去旅行食過牛腸鍋，好掛住啲牛腸，想睇吓呢一間餐廳啲牛腸得唔得。點完餐無耐，醬油蟹就到啦，咁個醬油蟹都幾大隻，食到啖啖肉同埋醬油味唔會好重，唔會過鹹，好啱我哋口味。而牛腸拼盤會連埋個烤爐一齊上嘅，侍應會幫我哋調校好火力，幫我哋剪牛腸嘅唔同部位。跟住過多幾分鐘你基本上都食得㗎喇，因為事前食材已經預熟咗九成，用烤爐加熱一陣已經可以食，第一時間當然食吓牛腸，嗰啖油脂真係不得了，食得出食材嘅新鮮。我哋仲嗌咗柚子茶，都唔錯夠味嘅，中和一下我哋食嘅嘢。呢間嘢會有下次同埋好啱三五知己過嚟食啦。…Read More

餐廳以串燒為主，餐牌選擇非常多，價錢亦相當合理，點餐紙亦有大中小辣可供選擇，豬牛羊雞海鮮蔬菜等等樣樣齊全，餐廳更會提供烤爐幫助串燒保溫，服務值得一讚。蒜香腐皮$28，用腐皮做串燒確實較少，腐皮內包大量蔥蒜，入口味道極濃。蒜蓉大茄子，茄子超大隻，用上大量蒜蓉辣椒調味，味道剛剛好。薄切燒牛舌，牛肉味濃，彈牙軟嫩。可以一試。餐廳現時做$1 任點冰粉，冰粉配串燒一流。與朋友聚會值得推薦，食物質素有保證，絕對有下次。…Read More

今日專登約咗去九龍城一間都幾出名，專門食蒸海鮮嘅餐廳，我哋大約六點左右去到，一台客都未有(不過大約到七點左右，其實都幾乎滿座🤣) 有位呀姨好熱情咁樣招呼我哋入座。坐低之後, 呀姨呀即刻將啲碗筷放入蒸爐入邊話蒸一蒸先至用，消毒殺菌 好貼心！ 然後再比餐牌我哋 介紹咗邊啲海鮮今日新鮮，亦都有就住我哋嘅食量，去介紹一啲套餐俾我哋。最後，我哋決定要左$419既套餐，因為有一款我未聽過既 “饅頭蟹”，好想試吓😋 呀姨話饅頭蟹一年只返到貨2、3次, 加上佢地係住係深海 到繁殖既時候先上淺水 咁先會有機會捉到 出面係買唔到架！,店舖今日提供野生膏仔蟹, 雖然叫膏仔蟹, 但一都唔細隻, 膏好濃味, 肉好實淨同厚身, 係我自己全晚最鍾意食既海鮮。“饅頭蟹” 眷比就細隻D, 但係個鮮甜味係好重, 估唔到蟹都可以咁甜。另外, 套餐入面我地選左澳洲青年龍蝦, 野生青口, 深海白刀貝 同月亮貝, 每一款都好鮮甜, 雖然有配埋醬油, 蒜泥同辣椒 但因為海鮮真係好重海水味, 真係完全唔需要其他調味已經好足夠！海鮮食哂之後, 就蒸蔬菜同可以食埋吸收晒蒸海鮮時候精華嘅粥底，粥底係排骨粟米仲有少少芋頭，餐廳提供埋菜脯同蔥花，好香👍🏻成餐飯都有店員幫你蒸, 基本上完全唔需要自己動手, 而且一路都有介紹每一款海鮮來源同味道 食法~ 好專業 又好味!…Read More

話說有次行經土瓜灣見到呢間店就走左入去試，因為印象中土瓜灣好似無呢類燒肉店。餐牌上有好多種肉可供選擇，我揀左牛肩排入門級別試下先。店內有沙律同湯都係任裝嘅，而我就整左碗沙律黎當前菜先。個牛終於黎啦，塊扒擺左熱石板上面係咁渣渣聲，趁住個石仲好熱，我就切開塊扒方便熟成，之後仲用岩鹽，胡椒粉，愈整愈似台灣夜市個啲骰仔一口牛。好嘅肉其實只需簡單嘅調味已經做到好高質，呢間都係，食落啲肉好juicy，而且熱石保持啲肉夠熱。土瓜灣人想食燒肉可以試下呢間，下次都揀其他牛先。…Read More

同個friend喺朗豪坊睇完TOP RUN突然興起想打邊爐，於是就行咗過去食成都老碼頭～ 唔係第一次食架啦，就係知道一直保持到水準先成日encore! 行到過黎都已經九點半，見入面窗口位都坐滿左人，諗住都無得坐卡位架啦，點知咁岩有客人埋單走，店員好好咁安排左我地坐窗邊卡位！一坐底就揀湯底，一如以往叫左個平平哋嘅豬骨湯底！雖則係平但係都叫非常足料～ 自助醬料區有各式各樣嘅醬汁自己配搭，我就簡簡單單咁拎左一碟佢哋調好左嘅「油碟」同一碟「乾碟」手切極品prime牛小排 半份$178 份量都好夠！牛小排紋理靚，手切厚薄適中，食落牛味濃！每次都必點！蒙古羊肉片 半份$138 近排都必點呢個，半肉唔會蘇，咬落又唔會起渣，咬咬下會食到啦肉嘅鮮甜！真心推介！今次仲叫左幾款平時比較少點幾菜式：滑溜溜鴨血 $68 果然係滑！食完好掛住台灣嘅鴨血～ 功夫千層肚 半份$68 原來係牛肚外層，又叫金絲肚！口感爽脆，烚得耐都唔會老！幾得意！碼頭肥腸頭 半份$46 呢個上菜時賣相唔多吸引，但係烚完之後脹卜卜，咬落去竟然有少少爆汁嘅感覺，唔臭唔腥！有驚喜！仲叫左 芝士小籠包 半份$48 & 功夫萵筍片 $42 & 白菜餃 半份$39 全部都唔錯～跟住仲叫左一渣柚子青檸梳打～ 真係好滿足！…Read More

如果想係旺角搵居酒屋，你會揀邊間？我會推薦呢間，申子居酒屋。因為佢提供一個好舒適嘅環境比客人享用美食以及聚會吹水。餐牌上有足夠嘅菜式讓你去揀，而且每一道都好似好吸引，好想揀哂佢地。先來前菜，海葡萄冰菜沙律，海葡萄入口咬係‘索索’聲，口感得意，而冰菜做沙律係幾impress到我，因為冰菜通常我都打邊爐熱食嘅，但原來凍食都可以咁好食，咁爽脆，成件事係好夾。極上鹽燒牛舌芯，點上微微嘅芥末醬，入口嘅油脂香充斥係成個口腔，口感軟熟，有牛舌應有嘅味道，確係高質。手打墨魚棒，點上蛋醬黎食，每啖都好似食緊好多隻墨魚，口感好飽滿彈牙，好鮮味。蓬松玉子，一副大阪燒嘅身影，上面嘅醬再加蛋嘅配搭，真係一口接一口。廣島蠔鍋，無諗到呢鍋湯咁衝擊我味蕾，個湯好鮮甜，呢種鮮甜係來自一粒粒脹卜卜嘅廣島蠔，個湯真係好屈機。海膽炒飯外觀上咪以為海膽只係得飯面上個啲，實際上海膽嘅味道已經係每一啖炒飯都表露無遺。整體上，呢間店嘅菜式真係好有特色，而且係好高質，好好食。…Read More

今日落左黎尖沙咀睇完physio，回程途中見到呢間土耳其餐廳，於是就買啲外賣返去加餸。望到呢個轉肉串一層層肉轉下轉下咁，緊係要叫Kebab 啦！跟住仲叫左隻燒雞。打開外賣包裝後，香草嫩滑卡巴燒雞真係好大隻，賣相吸引，肉質鮮嫩帶肉汁，而且有兩種醬汁用來點雞食，真係性價比高。轉轉燒羊肉卷內裡材料飽滿，羊肉同配菜都塞得滿滿，卷嘅外皮香脆，每啖都係滿足感，充滿風味。去唔到土耳其旅行，食呢間嘅野黎過下旅行癮都唔錯。整體上餐廳食物都係唔錯，而且位置係K11對面又近尖東站確實好方便同就腳，值得再黎幫襯。…Read More

今日去左佐敦附近街拍，經過呢間店就比個店名吸引眼球，忍唔住要睇下究竟係賣啲咩先。呢間店主要做外賣，餐牌上嘅名都好過癮，例如至尊頹飯，黯然銷魂飯等。跟住我買左黯然銷魂飯，紅豆孖沙，老祖秘傳瑤柱蘿蔔糕。呢個黯然銷魂飯真係好佛心，啲叉燒又多鋪滿哂碗面，仲有粒蛋比你吉爆佢黎撈飯，等個飯同叉燒都可以滑啲同有蛋香。呢隻叉燒食落甜甜地，肉質我用爽黎形容，每啖飯都係一口接一口，停唔到口咁制，雖然我食完未必有食神家燕姐個種感動，但係我有股想食哂佢全都要嘅衝動。紅豆孖沙好岩依家天氣熱去飲，透心涼，而且成杯野都好足料。比個closeup大家睇，沾上蛋汁嘅叉燒叫人點忍到，哈哈。呢個蘿蔔糕可能好多人係用煎炸嘅方式去整，但我就用懶人方式直接成兜蒸，仲用匙羹係咁筆黎食，瑤柱絲，蝦乾呢啲都鋪滿係面，每啖都好足料，唔會好似出面某啲餐廳溝粉無料到。整體上，呢間除左位置偏少少之外，佢嘅食物令到我覺得值得過黎買。…Read More

今日睇完physio又咁岩口痕想食個下午餐，於是就去左間越南餐廳，過下口癮。餐牌上嘅選擇有好多，都要諗一陣先揀到叫咩食。首先，先黎一碗火五火車頭牛肉粉，好多料，有生牛肉，熟牛肉，和牛牛丸同扎肉，食材非常新鮮，而且牛味好濃，尤其係和牛牛丸，咬落去啲肉汁係口腔內爆發出黎，牛嘅香味係口腔內游走，回味無窮。小食就叫左蒜蓉牛油蝦球，有五件嘅，炸得好香脆可口，配埋杯越式香滑濃咖啡真係不得了呀，好提神。呢間絕對有下次，因為性價比高，而且選擇多，鍾意食越南菜嘅朋友仔可以一戰。…Read More

天氣一凍就係打邊爐嘅好時節，老碼頭呢間老地方真係首選。今次同朋友一齊黎食，事前仲睇埋電影先過黎，湯底揀豬骨湯。調配醬料係必須嘅，醬料區提供左林林總總嘅調味料，配料等任君選擇，而我例牌要有嘅就係個罐油，因為寧舍香啲。食物方面，介紹番舌尖上的牛舌，係成條牛脷片薄，真係要好刀功先片得掂，食落好滿足。鴨血就配醬油一齊食，好正。而牛後腿係來自日本A4和牛，來頭不小，食落牛味香濃。牛胸爽好快就烚熟，而且好爽嫩，要新鮮牛先可以整到。羊肉片就係食完好暖身嘅系列。芝士墨魚丸係自家手打，夠彈牙，芝士流心有驚喜。萵荀片係健康之選，同埋平衡返件事。韮菜餃都係自家製，夠哂飽滿。稻庭烏冬作結真係好飽。飲品當然有叫，杞子龍眼菊花蜜清甜潤喉。碼頭有好多，但一個令人稱心如意嘅碼頭就得老碼頭。…Read More

第一次嚟蟹仙食蒸海鮮，本來以為同其他蒸海鮮差不多，但係食完好有驚喜。 首先係環境，呢度地方好闊落，係可以慢慢坐嗰種。唔係好趕蒸哂啲嘢嚟食。蒸爐用藤蓋蓋住，別有風味。 食物方面有好多款海鮮，每樣有啲食落好飽呀。特別介紹饅頭蟹，係第一次食，好鮮甜但其實無乜肉。經理之前已經介紹咗係咁，完全部新體驗，未食過值得食吓。其他貝類都好鮮甜。自己最鍾意就係龍蝦同肉蟹。 充滿海鮮精華嘅豬骨粥，仲有啲芋頭，加埋菜圃。呢度嘅粥啲米係一粒粒，比較有咬口，食咗2碗。 一定會再來。…Read More

放工又同同事去附近搵食，今次同事提議食台灣菜，於是我地就去間位於工廈嘅台式餐廳，個店名都好有台灣風格。店內嘅工業風環境好舒適，餐牌上嘅選擇真係好多，慢慢揀先。首先，我地叫左個牛三寶麵，當中係有牛腱肉，牛腩，牛肋條等食材，煮得夠淋，容易咬開，湯底好飲，麵條Q彈，絕對係心機之作。炸鹽酥雞賣相吸引，保留到肉汁之餘，調味得好好，好香口。起司雞扒便當好有驚喜，好大份雞扒而且裡面芝士好濃郁。炸芋泥香甜可口，不錯。起司肉鬆蛋捲餅簡直係最愛，極力推薦系列，芝士同肉鬆餡好夾，蛋餅香口。雙拼吐司我地揀左香蒜同奶酥口味，食落我覺得好得意，好有去左台灣嘅感覺，如果配埋杯啡去夾應該仲唔錯。呢間店嘅菜式實在太多，要去多幾次先食得完自己想食嘅野食，下次再戰先！…Read More

約咗個住將軍澳嘅朋友去佢屋企附近食飯～ 佢介紹左呢間位於天晉II 地下（停車場隔離）嘅Chef’s Stage Kitchen～入咗去坐低Waiter 就已經即刻幫我哋斟水同埋比menu我哋睇，仲為我哋介紹今日嘅special menu~ 最後我哋叫咗個沙律🥗 一個appetiser 兩個main dish 同兩杯嘢飲～1） Daily Salad $88煙鴨胸青瓜沙律🥗鴨胸都幾厚切，煙熏味亦都香，又唔會死鹹，幾好～2）Blue Mussels Bucket新鮮活南青口配意大利軟包青口嘅份量都好多，10-12隻左右啦，都幾鮮甜嘅不過肉就少啲～至於嗰個意大利軟包其實係幾好味不過冇嘢點好似有啲齋～3）Fettuccini with Braised US Beef Rib美國牛肋肉配寬蛋麵牛肋肉好鬆軟好淋，寬蛋麵都幾有口感！蛋麵嘅麵質食得出係餐廳自己造嘅！4）Charcoal Grilled US Kurobuta Pork Chop炭燒美國極黑豬鞍扒呢塊豬鞍扒真係世界級！第一佢係非常之厚切，起碼有兩cm！第二超級Juicy! 呢度切開嘅時候你會見到啲肉汁係噴出嚟，真係好誇張係噴出嚟！未食就咁切開都已經知道佢有幾淋幾juicy 啦！食落更加唔使講 非常正！5） The Forsen 一杯係Sun Flower 一杯係Forest 兩杯都好飲 各有特色～整體來講呢間餐廳質素好唔錯對得住個價錢～環境同個氣氛都有高級餐廳嘅感覺嘅～ 情侶拍拖、紀念日、食生日飯 都係一個錯嘅選擇～…Read More