monkeyjai666's Profile

上星期同內子去了尖沙咀試下Angry Oppa。從openrice得知，餐廳係香港首間始祖韓國煎餅料理轉門店，所以專誠黎試下！餐廳繁忙時段都差不多滿座，如果唔想排隊等位，可以訂位先！餐廳裝潢設計玩工業風！灰色水泥牆配電影海報！超有Feel👍🏻來到當然要試試最出名的薄餅，今次就叫了大醬五花肉熔岩Pizza！同平時食開嘅Pizza好唔同，薄餅夠厚身同夾着濃濃嘅芝士！芝士除咗香濃，更加係可以拎黎玩（睇下張相就明）！另外，用上五花肉作配料新鮮感攞滿分！呢種韓式滋味pizza確實不得了，好食亦唔會唔到太膩，值得再試。韓式炒牛肉呢度菜十分出色，牛肉炒得十分香口。色香味俱全！除了pizza，餐廳的韓式料理都甚有水準！雞肉金便當呢個金便當🍱亦值得一試！將飯盒中的雞肉、紫菜、雞蛋同沙律醬撈埋一齊食，真心好好味！餐廳服務都唔差，員工由頭到都好有禮貌咁serve 我地！impressive …Read More

與同事黎到了位於銅鑼灣的西塘花記食午餐，估唔到有意外驚喜！地方佈置得幾舒適之餘，亦都幾好坐！招牌五福水餃🥟多色小籠包就食得多！今次當然要試下依一度招牌菜式。五福是指剁椒魚、蕃茄牛肉、冬菇豬肉、海三鮮同翡翠三鮮！每款兩隻，所以幾適合2-3個人食！餃子皮薄多汁，餐廳更上埋雞湯一起食！我自己最喜歡就是海三鮮，口感有層次同超鮮甜。花雕醉雞🐥值得一試的開胃冷盤，酒香入曬香滑的雞肉度。酒味亦岩岩好，不會太苦太濃！紅燒牛肉麵🐂湯頭濃郁的牛肉麵，賣相不俗亦份量十足！牛肉口感軟嫩，一試難忘！西糖可能是一間新店，但每碟菜式都用心講究，水準有保證！性價比高，可以encore.…Read More

為了應付吃貨太太，經常都要攪盡腦汁。見到JK 有咁多正評，當然唔會錯過啦！除了可以上網係OpenRice 訂坐外，更可以用QR code落單，配套方便，節省不少時間。JK有齊日式同韓美食，而且食物款式多元化，性價比超高。我地當然把握機會試試活章魚刺身、醬油蝦等招牌小食。兩樣刺生都十分新鮮，見到佢地佢碟上郁下郁下。配上麻油更加正！除了刺生，JK既炸物(串燒)同壽司、手卷亦都值得一試。全部都是即叫即製，熱辣辣上碟。最後，甜品、飲品都是自助形式。依個價錢就可以食曬兩種菜式，性價比高！…Read More

不嬲都鍾意食雞煲同埋烤魚呢啲重口味嘅嘢食，呢間四海漁村有雞煲又有烤魚，一次過可以滿足晒我兩個願望。嚟到嘅目的就係為咗食雞煲同埋烤魚，所以首先就點左半條大邊嘅重慶烤鯇魚同埋半隻秘製麻辣雞煲。重慶烤鯇魚先介紹下烤魚，因為我哋驚太辣，所以叫了BB辣，如果鍾意食辣嘅人可以叫返再辣少少。講返最重要條魚，魚嘅肉質屬於比較結實同埋爽口，燒耐咗都唔會散晒，所以可以慢慢食都唔怕。👍🏾秘製麻辣雞煲雞煲用嘅醬料好濃烈，啱晒重口味嘅大家。我個人最欣賞佢加咗大量嘅洋蔥、芹菜同埋芫荽，配合埋雞煲嘅味道，用嚟送飯一流。雞肉都幾彈口，而且唔會好多骨。食完啲雞留返個煲底用嚟打邊爐都一流。夫妻肺片夫妻肺片係我最鍾意嘅四川菜之一，但係要整得好食都唔係間間都做到。呢間啲牛肚牛脷都好入味，用來做開胃前菜唔錯。…Read More

辛苦咁成年，終於等到三月底出bonus啦！即刻約埋啲老死去食返餐好既，由於大家工作地點唔同，就決定約係尖沙咀開餐啦，就黎我最喜愛的一間餐廳-The right place.餐廳座位分indoor同outdoor，由於我同其中一位同事早到，我地係outdoor黎返杯happy hour先，地方好舒服好chill！大家除咗食飯，都可以黎依度happy hour！人齊後我地就入返indoor坐，餐廳位於寬敞，好適合gathering！除此之外，餐廳半開放式的設計亦好正，連埋投影熒幕播埋歌，感覺一流！講吓我們左咗咩野食先：巴馬臣芝士香蒜松露油薯條 / 避風塘椒鹽魷魚鬚 / 避風糖軟殼蟹呢間餐廳係玩Fusion中西合璧既，呢三個都係中式點心籠載住；薯條份量好多，金黃色好香脆，平時食薯條落好多茄汁，今次完全唔洗落，因為芝士、香蒜同松露油已經整得好入味😋而魷魚鬚同軟殼蟹都係用避風塘炒既煮法，有少少辣但岩岩好，軟殼蟹都夠晒肥美，椒鹽加薯片，非常惹味，呢三個叫黎陪酒真正係Perfect match!我地叫左幾杯cocktails，全部都係Fusion既；我特別推介my cup of tea，淨係個賣相都吸引左我，係到諗究竟呢杯野係咩玩法😂呢個cocktail用中國風既茶壺裝住，配上一套大細杯，原來係分熱飲同凍飲，一杯熱一杯凍輪住飲，玩味十足，而味道亦非常清新，有綠茶、果汁、薑同Gin等等！絕對推介！另外我地仲叫左Risotto - 帶子大大隻又多味，而意大利飯用鹼蛋黃同南瓜一齊煮，一d都唔”膩”! 同埋叫左鮮蟹肉煙肉海膽汁扭捲粉伴海膽，扭捲粉雖然份量不算很多，但夠晒彈牙，而且海膽同蟹肉都好足料，海鮮味濃濃，色味俱備！總括黎講，餐廳環境風氛挺好，cocktail特別，食物亦有水準，絕對可以encore!👍🏼…Read More

同巴打肥駿上星期去試了”繼”，同大定分享下先！⭐️北海道帆立貝廚師先煎咗帆立貝，再加上木魚湯同埋海草。我好鍾意木魚湯嘅鮮味，同帆立貝非常夾。廚師推薦可以點少少鹽調味，但我個人更加鍾意乜都唔點就咁食。⭐️澳洲活飽魚廚師拎出海鮮拼盤時我地都嚇一嚇，超大隻活鮑魚，餐牌上都寫左450g相當足秤！廚師放上鐵板燒時鮑魚仲識郁，切片後亦好有咬口，充滿海水味道，鮮味十足！⭐️白甘鯛白甘鯛平時少機會食，所以特別想試吓。見廚師用左陶瓷鍋半煎半炸烹調，唔係用左好多調味，正正就可以帶出魚嘅鮮味，加上魚鱗煎炸到好香脆，好食！汁就用左特別調製嘅枝豆薯蓉汁，據說呢個汁好似仲曾經得獎⭐️法蘭鵝肝食咗咁多清甜嘅料理之後，終於到我期待已久嘅鵝肝啦。煎香左嘅鵝肝配上香脆嘅多士，可以話係經典嘅配合。多士吸收左部份鵝肝嘅油份，比平時就咁用牛油烘嘅多士味道更加豐富。⭐️焦糖脆多士呢一款焦糖脆多士冇包括喺餐牌上面，可能係廚師另外整俾我哋。估唔到就咁簡簡單單用砂糖再加一塊麵包可以咁好味。雖然好似用咗好多糖，但係食落並唔會太甜。廚師話係因為大部份焦糖係煎緊嘅時候留咗喺塊鐵板上面。⭐️A五鹿兒島野崎和牛（厚）和牛煎咗三成熟。由於係用肉眼頂部嘅肉，肉質非常嫩滑，入口即溶，亦都唔會有生牛扒會有嘅血腥味。點少少鹽嚟食更加可以吊出牛肉嘅鮮味，真係食到停唔到口呀。⭐️即製紅豆餅初頭諗住係現成嘅甜品，冇諗到紅豆餅都係用鐵板即刻煮出黎，外型同叮噹嘅豆沙餅一樣😂即刻煎出黎嘅餅好軟熟，紅豆蓉好足料，非常滿足。好特別好正嘅鐵板燒，好想再黎多一次！…Read More

過年前，約了舊同事聚一聚。知佢鐘意食日本飲sake，特意選了位於尖沙咀的南瀛水產！再次黎食，當然要飲飽食醉餐廳的裝潢就如傳統日式局酒屋般，除咗有酒樽作修飾，牆上更日本風情的壁畫。店員非常親切介紹菜單、又超快手收捨桌上食完嘅碗碟！事不宜遲，立即分享下果日食咗咩好野：東瀛五點盛集結三文魚、帶子、甜蝦等刺身！入口夠曬新鮮同鮮嫩！南瀛卷賣相極吸引！有大大條甜蝦、魚子同埋海膽。最愛就是甜蝦，鮮甜爽滑。魚子亦超正，超大粒超滋味活貝盛盒無得彈！有鮑魚、扇貝、帶子同埋蠔都夠曬鮮味！全部爐邊燒都由店員主理，時間拿捏得宜！最難忘就是扇貝，連埋清酒🍶一齊煮！蟹味噌甲羅燒必試！店員會首先將所有食材連同鵪鶉蛋撈埋，然會放上爐度燒。燒得香噴噴，食落好美味濃郁！酒方面亦好多選擇而且價錢合理！叫枝黎飲配埋美食就最正！…Read More

倫哥又有新搞作，當然要試試啦！拉埋同事去了位於佐敦的新店。依個套餐十分抵食，有曬我最愛嘅雞煲、刺身、花膠鮑魚、串燒同火鍋。飲品方面，則是任飲。一坐底就有開胃小食，香辣雲耳及四季豆，同埋湯，天寒地凍可以暖一暖身實在好窩心。同時，味道濃郁嘅花膠鮑魚亦會上碟，炆得好入味，超有誠意！之後，就係食雞煲啦！雞煲分量十足，如果唔夠食，更加可以無限追加。我哋呢就叫咗小辣，辣度適中。雞煲上碟後，大概要多煮10分鐘，每2分鐘就攪勻雞煲一次並且將火力較低一度。煮出來的雞味道香滑，而且不會太”鞋口”。由於仲有超多嘢食，所以好克制地沒有追加。加埋魷魚一齊食超正！當食完雞煲後，就可以叫職員加湯同上火鍋料，火鍋料亦都好豐富，有靚肥牛、響鈴、餃子，同埋不同海鮮🦞。另外，侍應亦會將刺身拼盤同埋串燒上碟。刺身拼盤有牡丹蝦、三文魚、北寄貝同帶子，鮮甜美味；一個價錢多種享受實在冇得頂！店員服務一流，會自動上菜完全唔使追單！食完咁豐富嘅一餐，一定可以過返個肥年…Read More

上次係尖沙咀店食完後感覺良好，今次帶同事黎到位於銅鑼灣百德新街新舖！新舖嘅風格截然不同，以木為主，給我一種耳目一新的感覺。店內一草一木都是互相拼湊，坐係cafe內整個人都放輕鬆一點。香烤龍蝦漢堡漢堡嘅賣相吸引，未食已經流曬口水。麵包香軟，龍蝦新鮮同肉質唔錯。重中之重就係漢堡嘅 sauce ，香濃味美。係依三樣野互相配合下，呢個漢堡十分出色。松葉蟹肉飯配炸軟殻蟹超喜歡這碟飯！一次過食到三樣野，性價比很高。溫泉蛋很香滑，煮嘅時間岩岩好。另外，松葉蟹肉香口，令整個飯口感十足。最後，炸軟殻蟹新鮮炮製，香外脆內軟，無得頂！豆乳慕絲蛋糕淡淡的豆乳好正。香滑得黎亦唔會太甜。除了咖啡，餐廳的食物甚有水準，值得一試。環境令人舒服，可以愜意地享受美好的lunch hour…Read More

大學re-u拉隊到了位於旺角的劉一手！餐廳空間感頗大，黎亦係設計上花過心思，以木、竹枝作點綴，可謂古色古香。總之就坐得舒服😌自助醬油區醬油同配料方面有多種選擇，大家記住拎埋特製火鍋油試試呀！當晚叫咗好多野食，要share下阿叔我嘅認為要必叫item。398 牛肉拼盤憑盛打得邊爐當然要食牛啦，依個set就最value-for-money，一次過就有牛肉粒、和牛小排同雪花肥牛。又平又唔洗諗🤤爽脆黃喉黃喉係重慶嘅火鍋名物，基本上放入水滾一滾就食得，爽脆的口感令人念念不忘！劉毛肚即係牛柏葉，賣相就一般啦！不過試過包你返唔到轉頭！一個字「爽」！麻辣汁燒羊柳串入口熱辣辣，而且陣羶味真心不得了。食完過陣羶味仲係口內浪下浪下！團圓鴨血入口厚實而且口感軟嫩，值得一試喔唔食得辣嘅亦可以叫鴛鴦湯底！整體感覺唔錯！服務好，食材新鮮同又好坐！…Read More

約了好友到位於西營盤的台灣郎，試試地道台灣菜！店內裝潢幾有特色，掛了的五顏六色的燈籠，水吧上面嘅燈牌亦好有台灣夜市感覺！鳳梨甜酸蝦球這碟菜是我高度推介的！大概有七隻蝦，蝦肉爽滑彈牙！鳳梨汁就酸酸甜甜，食落非常之開胃可口！避風塘炒時蔬鑊氣十足！食落唔會好油，而油麥菜亦十分新鮮！台南魯肉飯一上碟已經聞到陣陣嘅飯香，豬肉不算太肥，而醬汁美味，所以好快就食晒啦!秒制香烤雞扒雞扒都幾大份！外層金黃香脆，所以一定要試試啲雞皮！雞肉則岩岩好，唔鞋口又香滑！食咗四碟野加兩杯嘢飲都只係三百幾蚊，實抵食！…Read More

上星期去了天后整車，順道去了附近的第一群食個快飯。想不到這家主打越式嘅小店有一定水準，性價比挺高。餐牌：三色蛋豬扒飯$50整碟飯的份量幾大，有三色蛋、烤豬扒、蕃咖同埋青瓜。最喜愛就是三色蛋，蛋味濃郁而且食落幾特別、有層次。另外，烤豬扒亦水準不錯，味道香口而且外層香脆，內層岩岩好，唔會太韌！不過，如果怕味道太淡，就可以點埋越式sauce調味。必試之選-凍滴滴咖啡味道香濃，超正！咖啡一滴漏出來，滴完就可以倒落冰凍的杯裏喝唔懂咖啡的我都覺得係正野。餐廳樓面企理整齊，侍應服務態度良好！下次整完車再黎食！…Read More

早前與大學室友聚舊，相約了位於佐敦一間好laid-back嘅咖啡室食晚飯。餐廳企理富有特色，灰色水泥牆身上黑色噴漆塗鴉超有風格。環境舒適，人都放鬆下來我地叫咗兩個主食share。🤩All day breakfast (Monster) Monster即係指最豐富的級別，總共有12種食材！最令我印象深刻的就是黑松露薯蓉，入口軟滑，配埋黑松露更滋味！另外，法式奶油麵包亦要試試，奶油味香濃，而且入口軟綿綿。不能錯過的仲有大菇，超 juicy！這個all day breakfast 整體黎講份量亦很夠！🤩手撕豬肉配西班牙風味辣醬扁意粉意粉軟硬度適中。最愛就是手撕豬肉，食起來煙煙韌韌，亦不會太過辣。🤩Matcha Latte依度有多種咖啡比我地選擇。即使唔想飲咁濃，也可以考慮一下佢嘅signature drinks。Matcha 是不錯的選擇，味道濃郁，亦不會太甜，同時更可飲到咖啡味！😋值得encore …Read More

第1X年嘅相識紀念日，帶了太太去食她心愛的Omakase。皆因每道菜都由廚師決定，唔洗我諗食咩，所以我相信呢餐飯充滿驚喜！餐廳乾淨企理，感覺舒適。而且座位下面更有USB充電器，十分細心！3品前菜佢嘅賣相好似一件藝術品咁靚！柚子三文魚子蒸蛋、豆腐芝麻醬汁柿子同埋果醋車厘落茄！全都味道鮮甜，令人食指大動！左口魚兩食分別係左口魚刺身同煎左口魚。我個人比較喜歡左口魚刺身，特別係卷著味噌嘅配搭將剌身嘅味道昇華。鮑魚及鮑魚肝醬蒸鮑魚將最原始最fresh嘅鮑魚味帶出黎，食起黎亦口感亦不俗！另外，點埋特製的鮑魚肝醬，令味道更加濃郁！食完鮑魚，靚仔師傅更加捏了一舊飯團比我地撈埋鮑魚肝醬食，這個神搭配超級惹味！燒平貝大塊平貝燒得好香，夾埋香脆紫菜入面食，份外香脆。平貝裙邊師傅用埋平貝邊做了串燒。輕輕燒兩野，已經令平貝裙邊好香脆，再灑上七味粉更右係食落香脆爽口👍🏻樽菜海膽三文魚子在樽菜點綴下，令到海膽同三文魚子依對老拍檔更加有層次感！加上，食材新鮮，我有一刻真心以為自己係日本食緊！香箱蟹侍應指香箱蟹十一月當造，所以特意加入菜單中！蟹殼放滿蟹肉蟹子蟹膏，更備有又蟹殼煲成嘅醬汁。而且碟上面更有出世紙，證明原產地係日本。7件廚師發板嘅壽師有北寄貝、喜之次、扇貝、針魚、海膽蟹肉等，每份都係「鮮」味十足！黑松露帶子湯食咗咁多魚生、壽司同確實好滿足，廚師更上埋帶子黑松露湯。味道清甜，話要幫我地解解膩！蜜瓜最後食埋日本直送嘅蜜瓜清甜美味，為今餐Omakase 畫上完美句號。鰭㐂係我2018年食過最最最出色嘅日本餐廳，食材新鮮、菜式創意同美感並重、服務更係優質，而且廚師顏值超高。我相信好快我又會再黎幫襯…Read More

放假帶咗姪仔去奧海城睇多啦A夢發明展！順道到了樂天經典食晚飯。樂天經典主打小菜。即使無小籠包食，我都好想試試樂天嘅小菜水準係點。由於小朋友話無胃口，所以特別叫咗好多開胃菜比佢送飯！餐廳間隔寛敞，餐廳侍應亦好有禮貌。脆炸美人魚第一次食這道小食。入口香脆同埋帶點點微辣，並且好香口，越食越開胃！侍應無介紹錯👍🏻藥材走地雞湯藥味唔會太濃，姪仔都話好飲！行咗大半日飲返碗湯補一補都唔錯。平日返朝9晚7，想飲啖湯都難。可以飲啖靚湯超開心😃鹹魚馬蹄蒸肉餅阿叔最愛的家常小菜，豬肉比例、火候嘅都拿捏得好好，食落不會太肥及乾身。黃金蝦蛋黃香味濃郁、而蝦則爽口彈牙。由於是蝦球，經已剝殼。所以食落更滋味同方便！樂天經典雖然沒有小籠包食😂，但小菜、靚湯同樣出色！…Read More