pingpingspchow's Profile

朋友推薦天后有間酒吧嘅午市套餐性價比非常高，昨天特意約了朋友去試吓。踏進餐廳已經見到有兩台飛鏢，營造出輕鬆又不失溫馨的氛圍，彷彿置身於紐約曼哈頓的時尚酒吧般。雖然餐廳地方不算大，但挑高的天花板懸掛着工業風的金屬吊燈增添了空間感。午後的陽光透過大門照入，為餐廳增添了一抹慵懶的氣息。聽聞呢度嘅啤酒🍺係當區最平最抵飲，好啱三五知己或上班族放工後喺度飲吓嘢🍻，擲吓飛鏢，吹吓水！午市套餐價錢最平低至連鎖快餐店價錢，但最高都只是百餘多少少，但份量及食物質素很有驚喜！😀前菜：是日餐湯或沙律南瓜湯🎃湯體綿密細滑，細細品味能感受到南瓜香甜和淡淡的奶油香。田園沙律配芝麻醬🥗份量不少，沙律菜新鮮，清脆爽口。芝麻醬香濃而不膩，與蔬菜的清新完美融合，為味蕾帶來一場清爽的饗宴。主菜：可配飯/意粉/沙律香煎比目魚扒配日式照燒汁跟飯（$78）🐠比目魚做得非常好👍! 魚身煎得色澤均勻，不會有點兒焦燶嘅感覺，但魚嘅周邊則煎得香脆。魚肉面還均勻地,有序地淋上照燒汁，從這可看出㕑師對烹製每一個細節嘅執着和用心🧑‍🍳整體賣相可媲美酒店出品👍。食味也不錯，邊皮香脆可口，肉質嫩滑。但如果塊魚厚少少就更加完美。板燒特濃咖啡羊架伴燒汁配意大利粉（$118 /3骨）有2骨和3骨選擇，能照顧到客人嘅胃口大細，比讃👍！羊肉粉嫩味美，肉質軟淋，有羊肉獨有羶味但又不會太濃烈。特濃咖啡的香氣滲入羊肉，帶來獨特的風味。意粉軟硬度適中。澳洲T骨牛扒伴燒汁配薯蓉（$98）🥩真係吾敢相信一百元有找都可以食到一塊大過我隻手掌嘅牛扒，而且質素仲吾差喎，性價比吾止高，直情係超高🚀！牛扒生熟程度乎合客人要求，油脂分布均勻，肉質鬆軟而且肉汁豐富。簡單的鹽和黑胡椒調味，便足以帶出牛肉的鮮美。薯蓉綿密細滑，入口即化，份量也不少。飲品：咖啡/奶茶 可能自己要求多奶之故，奶味比咖啡味突出，但這杯餐飲也算達標。奶茶絲滑順口，茶香濃郁，餐後來一杯，十分滿足！☺️…Read More

過去週末去了尖沙咀中間道的 H Zentre準備找地方食午餐，見有間酒吧的午市套餐幾多元化，而且有八折，所以就決定惠顧。原來酒吧剛剛開門，我們是他們的第一枱客人。酒吧環境時尚有格調，燈光柔和，輕鬆悦耳的音樂不絕於耳。一進酒吧已經被那個超大型酒吧吸引住，那裏放有超多種美酒，客人可以在此品嚐到調酒師施展不同調酒技術的雞美酒，摸著杯底聊個痛快。酒吧還分有三個不同區域迎合不同組合的客人，是一個適宜三五知己進行社交活動的好地方。酒吧不單供應美酒，還有佳餚，而且也很高質。頭盆沙律+餐湯新鮮的沙律菜、火龍果、蜜瓜和車厘茄淋上酸甜醋汁，份外醒胃！餐湯是嬌小玲瓏的麵豉湯，雖然杯仔細，但材料是意想不到的多！有秋葵、牛舌、洋蔥……好像食極都未完。松葉蟹肉明太子白汁天使麵靚靚粉紅色天使麵，應該頗受美少女歡迎。每口每啖都感受到松葉蟹肉嘅鮮甜和明太子嘅鹹香！燒汁白鱈魚扒配帆立貝配米飯兩大件鱈魚扒配上香濃燒汁，很能佐飯。魚扒啖啖肉、有質感。帆立貝生熟度剛好。配菜有椰菜絲沙律，青瓜片、蕃茄片、粟米和炸薯條，非常豐富。白桃梳打/巨峰提子梳打透心涼的夏日飲品👍紅豆煎堆仔甜絲絲，感覺幸福☺️…Read More

週日找了間位於黃竹坑的主題餐廳食午餐。這是一間有得玩又有得食的餐廳，那裏竟然有滑水和滑冰設備供客人娛樂。如果想學也有一對一教授。小朋友來學，家長可以一邊食嘢一邊看着小朋友上堂，應該都幾受家長歡迎。想不到在室內也可以玩到這些戶外的活動，真意想不到！餐廳內還有兩間V I P房可以供客人唱K，這又能照顧到喜愛唱歌的客人喎！阿女之前都來過玩滑水，但未有惠顧餐廳，現在終於有機會試一試。之前總覺得這類主題餐廳食物水準都會是一般般，但原來有驚喜！雞胸凱撒沙律平時不太好雞胸肉，怕其又乾又柴。但這碟雞胸肉出奇地軟淋，感覺似用慢煮的方式烹調，👍！沙律菜既新鮮又爽脆。青咖喱軟殼蟹意大利燉飯青咖喱微辣中帶香甜，配上軟硬度適中的意大利飯，令不嗜辣的我也不禁愛上了而多吃幾口。軟殼蟹大隻，但略謙不夠酥脆。海鮮冬陰功意大利麵冬陰公醬汁香濃、微辣兼醒胃，麵條掛滿汁液，入口感覺滿足😌！青口口感似焗過，好味；大蝦爽口鮮甜；魷魚則有嘴嚼感。美式豬肋骨豬肋骨肉質鬆軟，又香又淋，是期望之作。薯仔、椰菜花和西蘭花等配菜的烹調看得出絕不馬虎。用上木砧板代替傳統碟子盛載上枱好有特色。整體食物質素及味道都很滿意，感受到㕑師對烹製食物有一定的要求！雖然店舖細細，人手也不多，能做出咁有水準嘅食物，又提供到娛樂給客人，實在要比讃👍！現在平日午餐還做優惠吸客，十分超值。有感香港小店經營困難，如此難得的小店真的要支持吓至得！😉…Read More

生日聚會幾經波折，一拖再拖終於昨天晚上可以同兩個好朋友🧔‍♀️🧒🏼坐低補祝兼飯聚傾偈。係DiningCity 訂咗間位於The One 嘅法國餐廳，套餐有餐前飲一杯、兩款頭盤、一個主菜和一份甜品。餐前飲品Apple Soda香煎北海道珍寶帶子配魚子醬爆漿蟹膏泡芙焦糖法國鴨肝醬招牌龍蝦湯流心牛角包法式龍蝦湯醬燒西班牙黑毛豬柳配焦糖鳳梨手工蛋撻皮威靈頓牛柳（八安士）法式焦糖燉蛋配白松露芝士蛋糕醬爆開心果流心牛角包頭盤鴨肝醬面是一片焦糖，用來塗在香脆麵包片上，好好食，再食啖黑醋沙律菜解膩感覺貼心。切開鬆脆嘅牛角包流出香濃可口龍蝦湯，十分滋味，不愧係招牌菜之一，但略嫌龍蝦湯唔夠熱。威靈頓牛柳，雖然不太大塊，但也食吾晒😅牛柳生熟度適中，肉質又軟又淋。法式焦糖燉蛋甜度適中，又香又滑，算大杯，吃吾晒😅！好彩個白松露芝士蛋糕一小件，否則吃不下了。可能食到尾聲太飽，食唔到白松露味。整體食物質素算唔錯，難得的是現今香港都有服務殷勤的服務員，比讚👍！可能因為疫情大家都慣咗返屋企食飯或者北上消費，餐廳客人不多，只有三枱客，而且9:30就已經通知客人要close離座，真的感受到經濟消倏的無奈！😞…Read More

請了兩日假本來訂咗澳門新開的上葡京酒店住吓兼hea 吓，誰知訂房嘅agent 執咗笠終於去吾成十分掃興。難得請咗大假,於是我們約咗相識多年的朋友食飯閒談一番。今日揀咗間有參與restaurant week 的優質餐廳食semi-buffet lunch。餐廳位於銅鑼灣時代廣場，環境十分舒適，裝修也很有格調，食物質素中上。👍頭盆是自助形式，種類算多而且比較優質，沙律有薯仔、紅菜頭、藜麥、粟米、紅腰豆、車釐茄等，還有兩款火腿、兩款沙律菜、兩款水果、餐包三款…..齋食沙律已經飽咗一半😅是日餐湯是薯蓉湯，口感細膩嚐出是自家打成，送上時還是熱騰騰的，美味可口。主菜：北海道元貝、三文魚籽及南瓜意大利飯，顏色鮮艷好啱打卡😃香煎元貝有4粒算多而且不太細粒。南瓜嘅甜加上在口中爆開的三文魚籽的咸香，有刺激味蕾的能事！炭燒榖飼澳洲羊扒，沒有羶味，口感軟腍，額外加多$48 點這主菜也是值得的。香煎法國雞胸炭燒紋路清晰可見，size 也不細，而且配菜也不少。不過始終雞胸都會是比較乾身和鞋口，不是我杯茶呢！另有甜品和咖啡。甜品做得相當吾錯，好味😋！在舒適的環境下慢活享用優質食物，不如不覺渡過兩個幾鐘，人均消費只是約$250，真心覺得超值，可再encore! 更要多謝Raymond 嘅推介！🙏覺得有啲可惜的就是在lunch 時段，有咁好嘅環境和超值嘅餐，食客人數也不多，真的替香港的餐飲業擔心呢！😶…Read More

這間餐廳有七十幾年歷史，是在英女皇登基年開業而命名，是一間不可多得的懷舊西餐廳，相信是很多港人的集體回憶。有從朋友口中聽聞，可是我從未光顧過。除了北角店外，知道新分店坐落於黃竹坑新商場內，所以特意去試吓。爺爺羅宋湯/ 周大魚湯 （$78）兩款餐湯用料十足而且非常濃郁可口，份量不少。羅宋湯勁多牛肉粒和蔬菜，甜酸度適中不愧是招牌菜之一。周打魚湯creamy 順滑，而且口感十足。兩款餐湯均配埋又軟又鬆的餐包。皇后香草焗田螺（$88）香草味濃，螺肉浸滿牛油和蒜油，一口一啖，滋味可口。蟹肉牛油果青瓜沙律（$148）非常清新的一道前菜。頂級肉眼扒（12安士）配薯菜（$338）好大塊肉眼扒，夠晒份量，牛肉味濃，油脂甘香，生熟度能達客人要求。烤原條時令鮮魚配小茴香薯仔酸瓜柳橄欖蕃茄醬（$288）選材亞洲金目鱸（盲曹），肉味鮮甜，肉質細嫩。配菜豐富，有橄欖、薯仔、番茄、紅椒、青椒、黃椒、洋蔥 等。味道香濃。阿根廷紅蝦辣香蒜意大利粉（$178）一上桌已經聞到陣陣蝦香蒜香，巨型紅蝦好搶眼。蝦肉非常鮮甜，意粉煙韌度適中，微辣醒胃。雜果梳打（$52）/ 黑牛（$52）意大利咖啡（$38）兩杯凍飲都是我兒時喜愛的飲品， 啖啖充滿回憶嘅味道。意大利咖啡香濃味甘。除了食物質素中上，服務態度也是加分的一環。…Read More

呢間Cafe剛由爆紅網店轉型實體店已經吸引咗好多慕名而來的客人，阿女們也是其中想去幫襯的一員😃。星期六我們一家四口等咗個幾鐘終於才可以入到去幫襯。滿懷期待order咗3個main course, 4 杯drink和兩件dessert。Main course：叉燒滑蛋酸種麵包😅鹹蛋黃大蝦扁意粉🦐豬柳bell (玉子、豬柳、雙層芝士）bagel 🥯Dessert：季節限定香印提子冧酒卷蛋抹茶- 丸久小山園-青嵐Drink：Hochicha Latte☕️Matcha Latte (hot & cold)🍵🥣Flat White ☕️食物嚟到第一個印象有啲失望， 就係主菜不似預期。叉燒滑蛋酸種麵包明顯和我們看見之前客人食的份量有頗大的差距，叉燒份量少之餘麵包也太薄，不過叉燒尚算好味。鹹蛋黃大蝦扁意粉略嫌蛋黃不夠多。豬柳Bagel 則沒有什麼特別！至於甜品和飲品則非常滿意！香印提子冧酒卷蛋酒味非常香濃，而且提子香甜多汁。另一款抹茶蛋糕看似簡單，但抹茶味道濃郁而且不太甜。兩款甜品都好食。Latte 拉花好精美唔捨得飲，入口順滑，Matcha 和 Hochicha 都唔錯，但覺得Hochicha 略勝Matcha。如果下次再嚟會只食甜品和飲嘢，而且仲要揀非繁忙時段避免長時間等候，最好兩個人就好，因為店內主打二人枱，四人枱只有三張,難怪我哋要等咁耐！除咗甜品和飲品滿意外，侍應的服務都要比讚👍…Read More

餐廳位置旺中帶靜，交通方便。落地玻璃，可以一邊食一面望到香港夜景， 逢星期二至五有live Music，感覺輕鬆浪漫。日本麵豉帶子薄片配鮮蝦肉🥗帶子刺身爽口鮮甜，熟蝦結實美味，沙律菜夠新鮮。食材冰凍可囗，沙律用上麵豉汁有新鮮感。松露煮日本年糕濃郁惹味的松露醬汁令原本冇乜味的日本年糕立刻變成美食😍！焗連殻食法國田螺🐚香滑螺肉連殻（香脆餅底仿殻）加埋軟綿綿的薯蓉一口食，好滋味之餘也有不同口感！店員還細心提醒內碟好熱，夠貼心。黑松露蘑菇湯/南瓜煙肉粟米湯🥣松露湯菇味重，不太稠，比一般冇咁膩。南瓜湯勁多煙肉和栗米，有田園feel。個人比較喜愛南瓜湯的香甜。鮮鱸魚柳甜酸香草汁🐟魚皮又香又脆，魚肉鮮嫩，甜酸香草汁調較得很到位，醒胃程度值得比讃👍👍燒羊鞍🐐羊鞍大大件夠juicy，不膩不羶。紫薯蓉、粟米、羽衣甘藍和蘿蔔伴碟，我鐘意😍！雜菜燴和牛面頰🐮牛面頰肉質又鬆又軟，可算得上入口即溶，而且好入味，用來拌飯更是不二之選。檸檬芝士餅🍰品賣相精緻，一口一件甜絲絲的，好滿足。…Read More

好耐都冇吃過韓燒，怕對住個烤爐好熱，而且薰到成身都是油煙味。今晚突然興致勃勃和阿女去了尖沙咀一間韓國餐廳食放題，幸好餐廳冷氣夠而且抽氣強勁，食完都吾覺衣服有味。門口已經放了兩大桶冰凍飲品，任客人自取，而食物就落單侍應送上。前菜、肉類、海鮮、湯品和熟食俱全，上菜的速度也很快。前菜點了芽菜、菠菜和泡菜，份量大。人蔘雞湯有很多雞絲，清清地飲落舒服。豆腐辣湯有小蜆，微辣醒胃。我們叫了prime 雪花牛、鹽燒牛舌和肥牛，顏色鮮艷，看得出新鮮，輕烤一會兒已經香氣四溢。雪花牛肉質鬆軟甘香，牛舌爽口而肥牛肉味香濃，不用多加調味。之後追加了3A雪花牛，同樣甘香，油脂分佈均勻且豐富😋海鮮就選擇了帶子，鮮甜味美。熟食也有不少選擇。招牌紅燒牛肋骨，炆得入味，而且非常軟淋。銀鱈魚煎得香脆啖啖肉。蛋包蝦有淡淡蛋香，蝦肉已除殻，不需自己剝殻，食得輕鬆方便。最後還有Häagen-Dazs雪糕做甜品，結實冰凍透心涼，最啱燒烤完慢慢歎！…Read More

前日去完海洋公園玩了一整天，想找地方食晚飯。想起很多人都推介位於鴨脷洲的「蟹點」，搭南港島線幾個站就到非常方便，於是就去了光顧。之前也吃過那裏的粵菜和打冷，非常滿意，今次轉轉口味，主打泰國菜看看是否也有驚喜。餐廳有冷氣室內座位，也有通爽室外座，有自然風。有很多街坊光顧，平日經常座無虛席！咖喱炒蟹（$698）+ 蒜蓉包（$48/6 件）咖喱蟹是泰國名菜，融合蟹的鮮味和濃郁的咖喱香味，所以很受歡迎。蟹約一斤半重，蟹鉗大大隻，蟹身斬開幾件也啖啖肉，味道鮮甜可口，蟹肉掛上香濃甜滑、椰香蛋香撲鼻的咖喱汁，簡直好味到停不了口。為了不浪費這惹味咖喱汁，特意點埋絕配的蒜蓉包來伴食，感覺非常滿足。明爐烏頭(冬陰功)（$238）冬陰功湯底材料非常豐富，有香茅、檸檬葉、紅辣椒、秀珍菇、草菇、紅蘿蔔、蕃茄仔、雲耳…..等多種食材，酸酸辣辣，越食越開胃。邊食邊㷫住條魚，魚肉吸盡湯中精華，偶爾嚐到青檸味、魚露味、芹菜味……味道層次極為豐富。馬拉盞炒雜菜($88)蔬菜種類眾多：芥蘭、粟米仔、草菇、紅蘿蔔、椰菜和秀珍菇，鑊氣夠，香氣四溢，炒出來的菜夠爽口但很入味。…Read More

趁Restaurant Week 嘅延續，搵咗間評分幾高嘅比利時餐廳食lunch。餐廳位於銅鑼灣希雲街，地方寬敞，座位整齊排列，有靠窗吧枱，大酒吧坐落正中，感覺好chill。 食物味道吾錯，份量亦吾細碟，頭盆沙律和餐湯真係比一般的套餐份量多約一倍！Restaurant Week 做緊優惠，百零蚊一個餐真係幾抵食。…Read More

同阿女dating，去咗間位於全球第13高的環球貿易廣場（ICC）101樓的高級粵菜Fine dining，下一層就是天際100，心情既興奮又開心！第一次去到咁高樓層食嘢，個lift快到好似火箭好快就上到101樓。餐廳外已顯氣派十足，餐廳內更加裝潢典雅，寬敞而舒適，近窗位置更可以俯瞰維港夜景， 還看見遊客在下一層天際100觀景台打卡，未食嘢已經覺得好享受！侍應們像接受過五星級酒店訓練一樣每個都有親切嘅笑容，而且服務周到，態度甚佳。食物方面，選材矜貴，每碟都精心製作，擺盤也很講究，盡顯廚師對食物嘅用心和熱誠。這一餐真的食到心心眼😍前菜三小碟：紅酒蕎頭、麵豉醬蒜子和蜜糖琥珀合桃。用紅酒醃製蕎頭好有新意，非常醒胃。麵豉醬蒜子雖然係生蒜，一點兒也沒嗱喉，而且非常爽脆兼惹味。蜜糖琥珀合桃香脆可口。法式XO醬蒜蓉牛角包這道菜以法式XO醬和香蒜蓉搭配酥脆的牛角包，味道豐富，伴以兩片又香又脆嘅芝士片，給人留下深刻的印象。時令白蘆筍清酒伴蟶子賣相清新吸睛，清酒打成泡泡散發淡淡酒香，伴着爽口白蘆筍和鮮甜的聖子肉，還有幾粒飽滿魚子襯托，又睇得又好吃。金沙日本南瓜日本南瓜又香又甜又軟糯，被薄薄一層脆皮和鹹蛋黃蓉包裹着，每一口雖然充滿邪惡，但仍難抗拒！松茸螺頭燉海蔘海蔘又軟又淋、螺頭有咀嚼感，還有淡淡松茸香。成碗湯沒有一滴油，清甜美味，滋陰養顏，頓時幸福感滿載！香酥花膠伴香檳魚子醬第一次食炸花膠，口感和燉湯的完全兩樣，感覺充滿骨膠原，黏黏笠笠，挺新奇！可沾上香檳醬汁一齊食。花膠已經係名貴食材，再伴上魚子醬，更顯高檔。伴菜小椰菜花一點也不馬虎，使整碟餸加添色彩。麒麟星斑球荷葉上厚厚的鮮甜星班片夾著火腿片和香菇片，汁液濃郁，豐富味蕾，多重口感。壹零壹風沙乳鴿乳鴿看似體型細小都幾厚肉，皮脆肉嫩。除了附有即棄手套方便食用之外還附上牙線叉，非常貼心！雲腿上湯浸菜遠 菜遠清脆碧綠，雲腿片鹹香味濃。砂鍋豬肉渣香蔥飯熱騰騰，飯粒顆顆分明，最特別就是每口都能嚐到粒粒豬油渣，但不覺膩，童年回憶頓時返來了！ 24K黃金焗蟹蓋大大隻蟹蓋內塞滿了蟹肉碎，焗到金黃色，再在蟹肉面放上24 K金泊作點綴，打完卡都唔捨得食，是一道十分名貴的佳餚。松露巧克力鐵觀音奶凍奶凍幼滑，味道濃郁得來又有少少茶香。奶凍面放了一粒特濃朱古力和開心果人碎，令這道甜品冇咁單調。無論是環境、食物和服務都是星級，雖然人均消費是中上價錢，但真心覺得物超所值！…Read More

又係放暑假嘅時候了，炎炎夏日其實好想到戶外走走，但係又怕熱又怕曬又怕多蚊蟲，為咗滿足慾望，特意去咗一間特色餐廳進行偽露營。餐廳地方濶落，枱和枱之間有相當距離，空間感十足。佈局則以戶外露營為主題，每一用餐區均有其獨自風格，如用不同露營枱櫈、周圍裝飾配套也不同，更有螢幕用餐位等，非常有特色。想有私人空間，可以選擇坐入營幕，私隱度極高而且好有情調。餐廳四週有植物點綴，營做身處大自然之中，感覺相當chill！更加上沒有如某此餐廳有限時用餐規定，是非常適合三五知聊天嘅好地方👍食物方面整體達標，而且價錢也很親民。蘑菇忌廉湯 🥣+ 牛角包🥐慢煮溫泉蛋牛油果沙律🥗用慢煮溫泉蛋代替醬汁伴新鮮沙律菜嚟食別有一番風味。芝士條、吉列蕃茄芝士、炸雞軟骨拼盤其中將蕃茄磨成茸包住芝士來炸嘅吉列蕃茄芝士第一次食，有新意，又脆又綿，口感豐富。穀飼安格斯西冷扒8安士🥩肉質軟淋，味道甘香，生熟度能達客人要求。滾熱辣肉碎麵包薄餅🍕餡料豐富，有提拉效果。是日甜品薰衣草雲呢拿雪糕梳打🍹顏色夠夢幻，適合打卡。1994啤酒🍻夠晒凍，清涼消暑至一流。，…Read More

今日同個friend去咗黃竹坑食lunch，搵咗間位於黃竹坑奧華南岸酒店裏面，食地中海素食嘅餐廳。餐廳是在restaurant week 名單中, 未食過即管試試，但果然有驚喜。餐廳環境舒適開揚，侍應們的服務態度親切。食物味道吾錯，想不到素食也能做到味道濃郁的效果。gazpacho （西班牙番茄凍湯）茄味濃郁，凍湯夏天最適合不過。Balela salad （地中海特色沙律）🥗鷹嘴豆、蕃茄、洋蔥、橄欖、車厘茄等混合物，口感豐富。Mujadara（大米、扁豆、焦糖洋蔥等混合物）很多中東國家都以此為主糧，營養豐富，極具咀嚼感。Pizza rustica （全素比薩批）🍕簡單材料：車厘茄、蘑菇、紅洋蔥和提拉芝士就焗出美味嘅Pizza，一人餐份量但兩個人都食唔晒仲要打包嘅Pizza！Lemon posset （檸檬奶酪）🍋上層奶酪及檸檬醬，下層還有Oreo 餅底，甜甜酸酸好開胃，但甜度可略為減少更完美。套餐甜品之中屬大碼size🤣整個用餐體驗非常滿意， 唯一美中不足的是少咗杯餐茶☕️呢！但值得一試👍。…Read More

潮式火鍋第一次食，所以捨去傳統湯底，選擇滷水潮式湯底。這湯除了用滷水汁開之外，還有紅辣椒、蒜頭、香菜和其他香料，頗有潮式風味。至尊海鮮套餐B（$338/位）包括東瀛刺身拼盤和龍蝦海鮮盤。東瀛刺身拼盤有三文魚、吞拿魚、八爪魚、喜靈魚和北寄貝，每樣刺身都油光豐盈，非常新鮮。龍蝦海鮮盤有10樣之多的生猛海鮮，包括龍蝦、聖子皇、鮑魚、大元貝、紐西蘭青口、生劏白鱔片、基圍蝦、本灣鮮魷、螺和大蜆。餐廳還提供各種海鮮的建議烹煮時間作參考，非常貼心。龍蝦肉彈牙、鮑魚和大元貝非常鮮甜可口、蟶子皇夠大隻、基圍蝦扎扎跳……一樣接一樣地吃着，食到停唔到口😋😋😋手切牛肉 （$138）顏色鮮紅，油花均勻，肉味甘香而且肉質非常軟淋，超正！👍👍👍手工四寶丸（鮮蝦丸、墨魚丸、豬肉丸，鯪魚丸）乒乓波般大的手工丸，粒粒爽口美味！雜菜 （$38）種類多元而且一啲都吾少。自家製特大杯熊仔冰檸檬茶($28)打卡指數爆燈🤩！熊仔冰也是用檸檬茶來製，所以溶咗都吾怕杯茶變淡味。檸檬🍋有成十片之多，不太甜，容量約l公升，勁大杯, 但只要茶記價錢😱好抵飲！食完火煱都仲未飲完🤣🤣最後要俾讚所有侍應們，個個都好有禮貌而且服務貼心👍🥰…Read More