為食BB妹's Profile

朋友推介一間位於太和嘅任食火鍋店，除咗火鍋之外手搖杯+台灣小食都係任點，完美！睇返餐牌，有幾個唔同級數嘅牛可以選擇，當然都有唔同嘅價格，可以講係豐儉由人。除咗可以點餐之外，外場亦有各類蔬菜、丸類、菌類等等,當中最喜歡嘅項目就係極具台灣特色嘅蛋餃，一口一件，每一口都係滿滿蛋香，餃皮Q彈，坊間唔係咁容易見到。另外，用手機點可以有一啲額外嘅項目，除咗多款牛之外，亦有台灣炸物、墨魚滑、手搖杯、甜品之類當中手搖杯同甜品選擇都非常豐富，絕對係意料之外。…Read More

經過餐廳門口，見到呢個二人餐非常豐富兼份量極大！肚仔非常餓嘅情況下，諗都無諗就立即衝咗入去😂唔計甜品都已經有咁多嘢食！真係睇見都覺得開心泰式生蝦~夠曬肥美配上蒜片及特色醬汁，簡直係經典中嘅經典。蝦多士~整件都炸到金黃色，十分香脆！泰式炒通菜~通菜可以保持翠綠，加上泰式調味料，非常惹味！泰式海南雞~有整整半隻雞咁多，每一件都皮香肉嫩，唔會過肥。泰式牛肉火鍋~當中有牛丸、牛片、牛筋、牛腩，一定會深受牛魔王嘅喜愛，另外，鍋底放滿白蘿蔔，每一件都夠曬淋、入味，重點係每一件都無渣，肯定非常新鮮！奶茶奶凍~上層係珍珠，煙煙靭靭，下層係泰式奶茶味嘅奶凍，香香滑滑。食到張枱都放唔落咁濟，都係呢個價錢，真係非常抵食！…Read More

下午茶時段至六點，今日剛剛好可以趕上尾班車，見到店內外都已經日頭湧湧，下午茶嘅選擇都好多，價錢優惠，仲包埋熱飲清湯金錢肚河~湯底清澈，牛味香濃，金錢肚非常爽口，每個洞內都完美沾上清湯，一口一件，非常滿足！鮮蝦雲吞擔擔麵~雲吞大大粒，裏面嘅蝦非常彈牙，夠曬新鮮👍🏻麵質亦都非常唔錯，雖然係下午茶，但份量都好多，好抵食！淨紫菜三寶丸~總共有三款丸，分別係牛丸、墨魚丸同魚蛋，粒粒都非常彈牙！特別推薦魚蛋，魚味夠哂香濃！叫咗咁多嘢，都係呢個價錢，真係非常抵食…Read More

聽啲街坊講，呢間泰國嘢嘅水準非常唔錯，今日終於都有機會去探店😬睇返餐牌，價錢合理，選擇都有好多~泰式柚子沙律~食泰國餐廳都鍾意食柚子沙律，感覺自己碌柚子係非常困難，而家絕對可以解放雙手🤭就可以食到，重點係香辣嘅汁料混和柚子，絕對令口味升上另一個層次，當中加埋爽口新鮮嘅大蝦，香脆惹味嘅魚仔,絕對係一個好好嘅開胃菜！牛肉串燒~牛肉燒得恰到好處，唔會太乾！配埋沙嗲汁，可以講得上係畫龍點睛。馬拉盞炒通菜~通菜份量非常多，而且依然係青綠色，賣相同口味都一流😋😋泰式火車炒飯~有好多雞塊，夠曬足料，蕃茄口味帶酸甜，可以解除炒飯嘅油膩感，亦都落咗原條菜心，好有口感👍🏻椰汁大菜糕~甜品一嚟到有啲嚇親，以38蚊呢個價錢，我一直以為得兩至三件，仲要細細件，點知足足有八件，每件都兩隻手指咁大！好彩佢嘅口感非常清爽，椰汁味亦夠哂香濃，慢慢食都可以食曬，唔會浪費！黑糯米椰汁冰~比較少見呢個飲品，糯米控必點！龍眼冰~夏天飲，清爽解膩，可以突出到龍眼本身嘅清甜。食到捧住個肚連加一都唔使400蚊，真係非常抵食👍🏻…Read More

每次經過呢度都會見到大排長龍，今日天氣麻麻，所以唔算太多人排隊，咁當然就係我去探店嘅好時機啦！睇返餐牌佢又唔少item，就算連飲品、小食都非常多款式選擇。鮑魚花膠蟲草花雞煲翅~只係睇湯底嘅顏色就知道夠曬香濃，足足有半隻雞，鮑魚大大隻！花膠雞湯可以gel住個口，證明用料非常豐富！花膠@極上龍蝦湯米線~海鮮雲集，湯底非常鮮甜！而且樣樣都新鮮！份量亦都非常多👍🏻爺爺三寶~即係三款小食既拼盤，炸雞翼、冬菇、炸魚腐，三樣都非常出色！！炸雞翼外脆內嫩，冬菇非常厚肉，炸魚腐魚味香濃！特飲方面，我可以用澎湃嚟形容！熱情果梳打~用支裝雪碧做底調，同熱情果嘅香味相撞在一起，當中滋味，完全令人欲罷不能！爺爺鮮果冰茶~所有生果都係真材實料大大件！茶香撲鼻，非常推介！…Read More

上水新開咗一間日本料理，以平靚正作招徠！作為北區之友嘅我，自然立即去探店！由於係新裝修，全場都乾淨企理，座位間尚算寬敞，坐得幾舒服👍🏻用qr code點單方便快捷！食物種類繁多，亦貼心地已將唔同種類嘅肉類分類，例如雞、牛、豬......非常方便秋田便當、宮崎便當~由於便當可以試到唔同種類嘅嘢，所以我及朋友都選擇咗便當，當中咖哩汁頗為甜口，好適合女仔！刺身亦厚切新鮮，當中炸雞扒非常juicy，炸粉亦唔算厚！爆汁爆餡炸餃子~炸餃子一共五隻，隻隻都非常飽滿！一啖咬落去，內裏嘅肉餡完全充斥滿整個口腔，完全係肉食者至愛！…Read More

難得無時間限制既餐廳，仲要係尖沙咀抵比like👍🏻有台吧選擇，餐廳氣氛輕鬆relax，啱哂想同朋友坐底傾下計既大家，如果鍾意小酌一杯更適合不過，一整個清酒櫃比你揀，仲有啤酒同其他飲品比你揀🍻首推火灸明太子山藥煎-味道濃淡得宜，爽口唔油膩，相信無食開山藥既都會接受到！吉列廣島蠔-脆口啱配酒，啱哂👍🏻另外蒜香雞翼同玉子燒就正常發揮啦蒜香牛柳粒黑醬油粉飯-蒜香味濃，牛柳粒嫩滑，飯仲要粒粒分明，果然係皇牌菜式，值得一試🥰…Read More

去大埔買嘢行過見到呢間餐廳嘅餐牌，食物非常吸引，有少少肚餓就入去食嘢先😆店內環境非常舒適，估唔到會有呢類型嘅櫈可以坐😬餐牌上種類繁多，有一刻陷入了選擇困難🤣綜合水果茶~甜酸程度適中，果肉非常多，茶味香濃！煙肉凱撒沙律~沙律菜脆度十足，非常新鮮！煙肉份量亦都好多！抵食！脆炸軟殼蟹芥末吐司~賣相十級吸引！軟殼蟹熱辣辣，加上微甜嘅沙律醬，簡直係絕配！薯條亦都炸到非常香脆！柚子芝士蛋糕~蛋糕的的骰骰，食完一個正餐，再食佢，都唔會有負擔👍口味微甜，口感香滑😋…Read More

大時大節通常都想放肆一下，臨近聖誕都想食得豐富一啲，天氣凍凍地，不二之選當然就係任食打邊爐！有唔同嘅任食套餐選擇！我就選擇咗上品牛肌腹套餐，圍返都係大概200蚊一個頭埋單飲品種類都算有幾多，解油解膩嘅茶類，係我嘅首選😉為滿足到極愛日本嘅香港人，壽司係一個不可或缺嘅item😆喺任選區域亦都好多選擇，菜類、丸類、腸類、豆製類、菌類......應有盡有甜品亦都有好多選擇，包羅萬有！仲點係環境錯得非常舒服，主打都係卡位，私隱度極高！湯底選擇咗甜甜哋嘅壽喜燒同埋惹味嘅沙嗲口味😋牛肌腹肥瘦相間，呈現出粉粉嫩嫩嘅粉紅色，令人食指大動！由於切到好薄，基本上淥幾秒已經可以食得，沙嗲湯底嘅口味已經夠曬濃，唔需要另外點豉油都夠曬味，牛肉質地細細嫩嫩，非常順喉，好味道！不得不讚係店員加湯底，竟然係加返原湯，而唔係加清水，絕對可以保留該有既原汁原味！作為朱古力控嘅我，竟然遇上咁多朱古力味甜品，完全係為呢一餐，畫上完美嘅句號❤️…Read More

呢間小店經常經過，大部分時間都會爆滿，睇返餐牌價錢合理，造就咗去探店嘅衝動用qr code落單快捷方便點咗一個二人餐，有小菜、小食、菜類、湯品同甜品擺放食物嘅碟，都係用同一個款式，竟然可以拼成一朵花生炸香茅大豬扒~豬扒夠曬厚肉且入味，旁邊嘅汁料更加有劃龍點睛之用暢和招牌海南雞半隻~份量比我想像中大，雞肉夠曬嫩滑，特別係雞髀部分，啖啖肉，大滿足！汁料方面，有三種選擇，每種都各有特色！泰式炸蝦餅~蝦餅炸到呈現金黃色，賣相一流，而且非常彈牙！參巴醬菠菜~菠菜口感幼滑配上惹味香辣嘅參巴醬，將整件事提升了一個層次！香料雞油飯~除咗雞油之外亦放上香料，相對地油膩感會大大減低，香料更加可以加添惹味感！椰子冬瓜清雞湯~雞湯非常清澈，椰香滿溢！椰汁西米糕（甜品）~椰汁西米糕一口一個，份量剛好，不太甜不膩，為整個晚餐劃上完美句號…Read More

一入門口就見到有塊黑板寫住新鮮嘅項目，當中店員更介紹生蠔係新鮮貨，都係兩日內嘅飛機貨👍🏻有一個小型吧枱，收藏咗唔少酒，鍾意去飲兩杯嘅客人，應該都有好多選擇🤭角切魚生沙律～魚生嘅份量都算多，而且沙律菜非常新鮮夠哂脆口。牛油炒雜菌～雜菌唔會太淋，保留到菇嘅口感，而且牛油味非常香濃👍🏻炸薯角～炸得非常香脆，而薯角比起薯條粉糯既口感up!加上獨有既薯香！好味😋鵝肝多士～鵝肝煎到外面微焦且非常油潤，配上多士同醬汁，層次分明同時令人齒頰留香😍美國安格斯肉眼~我點咗五成熟，絕對冇Overcooked，粉嫩嘅顏色令人食指大動，配上香脆嘅蒜片，更加劃龍點睛之感！蒜蓉青醬雞肉意粉～意粉質地適中，雞肉入味，蒜香更加令人回味😀…Read More

朋友話每次經過呢間餐廳，都有好多人排隊。既然咁多人排隊，應該係好嘢，咁我就話不如等吓啦。餐廳裡面已坐滿人，地方唔細。歐陸式裝修，簡約光猛，環境乾淨。有梳化位，都坐得舒服架。餐牌嘢食都幾多，樣樣嘢都好吸引，尤其係甜品。我哋叫左個牛扒同意粉，另外仲有兩個甜品。Iron Grilled Flank Steak：叫左7成熟，牛扒淋上白蒜青醬，口感厚實，無筋容易咬開，點埋旁邊牛扒汁幾好味。配菜有翠肉瓜同薯條，翠肉瓜煎得幾香，薯條剛炸起，整體係唔錯。Calamari Squid Ink Pasta：意粉爽口，醬汁係墨汁同芥末忌廉汁，入口creamy較滑，味道好好。配料有魷魚，咬落同樣爽口，另外有蓄茄莎莎，洋蔥同紅椒等，甜甜地，幾好食。Matcha Cream Pancake：見到佢已經心心眼，厚pancake軟棉棉，有層次感，好有空氣感，但又好實在，上面灑左脆玄米，抹茶醬味道好夠濃，配埋旁邊紅豆食就最夾。另外抹茶蕨餅煙煙韌韌，呢個甜品真係超級好食，唔太甜，係我至愛甜品之一。Peanut Butter Banana Waffle：賣相絕對吸引，窩夫鬆化，配上雲呢拿雪榚食就有冷熱交溶感覺；而配上花生醬同樣好食。香蕉鋪上焦糖，食落脆卜卜，brownie又唔會太甜，另外加埋烤杏仁碎食就更香,更脆，朋友like爆。…Read More

喺大埔經過呢一間小店見到有人龍，我當然唔會錯過😝食物種類都算幾多，當中都以辣為主，每一款都極具吸引力，所以決定咗買幾款😆店員會帶起手套乾淨衛生地喺你面前手撕雞配埋獨特嘅香料，真係令人垂涎欲滴😋先來張大合照😂每一款食物都包裝得乾淨衛生企企理理👍🏻麻辣毛豆～毛豆最滋味嘅方法就係用口啜出嚟，毛豆非常爽脆，加上本身香香麻麻微辣嘅醬汁越啜越精彩🤩香椒黃金皮蛋～黃金皮蛋口感較為軟糯，配上香菜及醬汁更加特別，蛋黃呈流心狀態，齒頰留香😋麻辣香腸～ 自製既香腸，成份就係單純嘅豬肉同埋醃料，店員可以幫忙切片，白鑊微微香煎一下，已經有脆邊效果，非常惹味！金牌肥腸～豬腸清洗得好乾淨，完全冇異味，口感爽口彈牙，另外，會有健康嘅白雲豆墊底，白雲豆已經煮到非常淋，可以用入口即溶嚟形容，非常好食！十粒星推介！招牌麻椒雞～香料非常惹味，配埋香脆花生零舍有口感，雞絲份量頗多，重點係雞皮清爽，一啲油膩感都冇👍🏻…Read More

喺社交平台上見到呢間餐廳做緊優惠，主菜加任食生蠔都係$468一位！一向習慣同男朋友喺情人節之前嘅星期日就會先慶祝，不期然諗到呢間餐廳，所以立即訂位🤭前菜、餐湯、黑糖麵包、飲品都齊晒！絕對係一個正式嘅餐～當中餐湯非常濃郁，好味道😋生蠔、蝦、螺～生蠔非常鮮甜、有奶油般既質感，蝦夠哂彈牙，size亦都唔細，而螺就非常有咬口，嚼勁十足👍🏻西冷牛扒（七成熟）～冇Overcooked，依然係粉嫩粉嫩的顏色，牛味濃郁，肉質細嫩👍🏻白酒蜆肉意粉～意粉嘅軟硬程度適中，滲出白油獨特香味，非常出色🫶🏻…Read More

呢間就係最近新開嘅網紅Cafe，位於大埔大尾督，最多人提及嘅就係佢天台嘅打卡位！作為一個港女，當然要來打卡啦😬入到去見到有分室外同室內，而室外係歡迎客人帶狗狗嚟一齊食飯，坐嘅都係露營枱櫈，具有特色！呢個就係令人趨之若鶩嘅露天天台，超級無敵大海景！今次係夜晚嚟，但我相信如果係黃昏嚟～睇住日落，會更加令人難忘❤️睇返餐牌嘅價錢完全合理！！有靚景睇嘅餐廳，只係收呢個價錢，真係非常抵食🫶🏻薄荷榛子朱古力拿鐵（左）～我覺得係Cafe咖啡呢個item係佔幾重要嘅一環，特別係打卡嘅時候，拉花拉得靚，張相自然都會容易靚😂呢隻獨角飛馬，完全可以俘虜我嘅心，選擇咗偏甜嘅口味，抵銷咖啡本身微微既苦澀味。美式咖啡（右）～提神之選！放工入到嚟已經有啲攰，所以選擇咗飲到咖啡香味又有提神作用嘅item🫶🏻煙三文魚沙律～呢個沙律，除咗菜葉新鮮爽脆之外，上面嘅三文魚數量亦都唔少，而最驚喜係裏面竟然有士多啤梨🍓，呢個配搭唔常見，可融合之餘亦可以討好女士😝美式炸魚薯條～可以選擇用檸檬汁去令到炸魚口感更為清爽，炸魚嘅魚柳非常厚肉，炸漿好薄，外層口感酥脆👍🏻經典卡邦尼意大利粉～只係賣相已經可以攞100分🤭因爲用咗食用花點綴咗整個菜式😁非常IGable😍口味方面，醬汁濃厚，配料豐富，特別要讚嘅地方係意粉口感非常清爽，唔會過淋🤩…Read More