yplyplypl's Profile

The Jeju Black (中環)如果食物能慰藉身心，咁近期最慰藉我嘅一定係The Jeju. 一個月內食3次😗..搵好食嘅燒肉係好難🤯，The Jeju 令我首次覺得韓國燒豬肉係咁好食😋仲令人念念不忘地想一食再食。.Cool tone 型格嘅黑岩石裝修。燒肉係用上一塊斜黑岩石板，員工大部分都係韓國人😍。會照顧好食材，幫手燒好哂，最正宗韓國料理。.必試佢哋嘅濟州黑毛豬，試過普通濟州豬同黑毛豬一齊食嘅話，會食得出好大分別，黑毛豬相對上豬肉味濃厚而不騷。黑毛豬肩肉同五花肉，都好好食！豬肩肉比五花肉瘦，可以多食都唔膩。五花肉更香更滑肉質更軟😍，要包菜🥬食。.燒豬皮$128 係必必必試，香港真係無咩見到邊度有而且咁出色！又厚又香，獨特嘅咬口。配黃豆粉會提升味道之餘又無咁膩。本身話豬皮可有可無嘅男朋友，係食既途中，佢大讚10幾次豬皮🤣，豬皮成了佢心中的top 1..自私食法係，菜+肉+豬皮+少少鹽/醬+燒泡菜，包埋一齊包住一口食。即刻食到「嗯嗯」聲啊！.除左濟州豬，中環新店Menu仲有牛肉😗吸埋牛魔王嚟食。牛板腱肉 Beef Chuck Tail Flap $268 100g 有成9片，😍牛嘅脂肪比例多、好香，有啲好似食和牛咁，入口即溶。.係石板上可以炒埋個炒飯或者炒麵，兩樣都食過我覺得炒飯好食啲！炒飯炸鍋傳統嘅韓式泡菜紫菜炒飯，炒麵就係炸醬炒麵比較甜口。.最後食埋個甜品，佢啲碟係黑石碟，真係型格又高級。濟州爺爺$78 個樣真係好像真，外層係好香嘅芝麻味同cream cheese，口感似係密度好高嘅mousse, 裏面係酸酸柚子餡。配咗雲呢拿雪糕同埋柚子醬，整個甜品層次口感都好豐富，係一個好高級嘅甜品。.芒果奇異果沙冰$48士多啤梨米酒$68.地址: 香港中環威靈頓街2-8號威靈頓廣場M88 5樓…Read More

千海水產海鮮火鍋放題 (九龍灣).即撈海鮮即打邊爐呢個花招，完全中正好鐘意食海鮮嘅我紅心♥️。特登等過左一段風頭先去，點知仍然係風頭無兩，8:30去到，現場仍然人頭湧湧啊。.見到海鮮區真係好興奮😆，唔同種類嘅蜆、大頭蝦、草蝦、基圍蝦，鮑魚、紅點蟹🦀藍花蟹…全部自撈唔嬲，職員不停會補貨。亦都好nice，我地問邊種蟹好食😋，仲醒左我哋食大大隻藍花蟹，大過隻手‼️ .撈到滿桶就可以比職員清洗海鮮，✅ok既時候就憑佢比你既號碼去認拎返。.係等既時間，千祈唔好浪費，🏃🏼‍♀️立即到自助火鍋料區同飲品區拎野返位🏃‍♂️。.林林總總嘅食物同飲品令人眼花撩亂，👀種類多到好比自助餐。.飲品各種茶類已經係基本，😧竟然仲有珍珠奶茶各種果汁同唔同嘅酒類，啤酒、清酒、梅酒。.自助火鍋料，記得拎埋生蠔🦪同埋扇貝，質素都相當唔錯。.Qr code 點單方面，🤭要點牛肉、乳鴿、串燒牛舌、鵝肝多士、爆醬紅糖糍粑，記得記得係cut單前落埋海燕窩魚汁燉木瓜！全部都好食！.海鮮新鮮就不在話下，蜆粒粒飽滿無沙，蟹🦀大大隻，肉細軟鮮甜。蝦肉爽彈，蝦味濃。.總結：所有人都無可避免捧住個肚走，嘢食多到數唔晒，海鮮新鮮，其他食物質素在水準上，熟食都烹調得好好食。身邊食過嘅朋友無一不大讚。.💸$348加1 任飲任食2小時.📍九龍灣牛頭角道77號淘大商場3期2樓S154, S162及S155-S158號舖.…Read More

Lizto (荃灣).晚餐set menu 已經包咗餐湯+頭盤+主菜，價錢由$138-$298不等。定價吸引，我哋又加飲品又加甜品，都只係人均250，🤰🏻已經飽到行唔郁。.是日餐湯係椰菜花湯，係我飲過最細滑嘅椰菜花湯，0顆粒感，淺淺忌廉味加清甜椰菜花味，🤤無論佢幾大碗我都會飲哂。頭盤嘅選擇裏面，試咗香草油炸薯條、蒜香燒粟米配單骨雞翼(+$18)同煎赤身吞拿魚配牛油果沙律🥗（+$16），當中嘅炸物都有配到西瓜辣椒醬，清新特別。煎赤身吞拿魚配牛油果沙律，成件事好高級，牛油果醬調味調得好好，吞拿魚表面略煎，保留到魚肉嫩身，😙簡單嘅黑椒同香料調味，已經好好食。（我哋嗌咗兩份 *圖係double 份量）香煎鴨肝配松露忌廉汁意粉🍝$188另加$10 轉手工寛條意粉，手工意粉比較細軟吸汁，蛋香氣亦都更重，😌鐘意佢嘅松露忌廉唔會太濃味，輕輕地滲出嚟配比較重味嘅鴨肝，兩隻味道先唔會打交，鴨肝果重油香，好正。🤩呢個配搭第一次食，令人好有驚喜。西京燒西班牙黑毛豬$198燒香嘅黑毛豬配底下嘅甜椒泥，呢個配搭又係第一次見，好有驚喜。🤓有種鵝肝配蘋果嘅果一種感覺，因為成件事係令豬肉油膩感大大降低。單食黑毛豬就會係燒過好香嘅軟腍豬肉，😆配甜椒泥就會係fresh 清新嘅肉。😋好有趣！（我哋嗌咗兩份 *圖係double 份量）美國SRF和牛配燒菜$298Medium Rare 處理得岩岩好，牛肉味香濃帶帶好香嘅牛油脂香，肉質軟熟，味道好正😊，完全無我唔鐘意嘅血水味😍。唯一可惜係我食當日嘅牛肉我根位有點多。但鐘意食牛嘅人一定要試下！甜品必食！一定一定要食埋，因為真係太好食。😍 提拉米蘇同埋Affogato！開心果控一定要試開心果Affogato(+$28)，香而不過甜，連本身我唔食開心果，😇都覺得佢幾好食！提拉米蘇（+$28），cream 十分細滑，中間嘅手指餅亦夠濕潤，每一啖都帶出咖啡酒嘅回甘！👍🏻暫時係我食過最好食嘅Tiramisu。😘有料！飲品方面都相當唔錯，我大愛自己果杯蘋果菠蘿石榴羽衣甘藍汁，🥰啖啖果香而且0 草青味，天然嘅清香味深得我心。…Read More

人生有限杯.串燒店 (中環)人生有限杯，令我想今朝有酒今朝醉。串燒同酒係絕配。Sapporo生啤做緊$48買一送一特色cocktail 都只係$38 一杯🥃青檸菠蘿Gin 用咗新鮮水果，3種味都好出，平衡得唔錯。串燒用咗價錢去分類，最平$10，跟住就係$15、$20、$28、$38、$48，仲有其他菜式嘅分類。$38已經食到中size嘅燒蟶子。抵啊！所有串燒都相當有特式，我會形容佢係港式日式中式混合出嚟嘅style。我自己最鍾意蒜蓉欖角燒蟶子、蒜蓉菜脯燒茄子、鹽燒和牛牛小排同山椒鰻魚汁燒白鱔。蒜蓉欖角、蒜蓉菜脯辣醬燒嘅燒物係勁惹味，又增加到口感。牛小排肉味香油脂味濃。白鱔又滑又香又無魚腥味。呢堆野絕對係必食。黑松露燒雞肝就最特別，黑色嘅位唔係燒燶，係黑松露醬。雞肝燒過之後仲保持到濕潤，冇諗過黑松露同雞肝係咁夾，軟腍腍嘅雞肝同黑松露係口融合，鍾意食雞肝同黑松露一定要試吓。佢個“嗌晒佢都無錯系列”：焦糖菠蘿鵝肝醬多士（2件）蟹粉日式豆腐椒鹽+紫菜味+泰式辣酱＋九肚魚我都有試晒，都幾好食，但我覺得炸豆腐同炸九肚魚過粉漿太厚，但嗌哂都無後悔嘅。📍中環九如坊6-10號地下C號舖…Read More

Dan Ryan's Chicago Grill (九龍塘).係好經典又具特色嘅美國菜餐廳。坐低冇幾耐就會即刻上熱辣辣嘅餐包籃。幾款包點都好好食，好鍾意佢個士多啤梨牛油，細滑香甜，用嚟搽麵包，好夾！.睇我攤牌之後覺得佢個自選好生好抵，有晒前菜(周打蜆肉湯/Caesar salad) 主菜 甜品(新地雪糕/布朗尼)，而價錢就係跟你揀個主菜。 .8oz Hanger Steak $358炭烤封門牛柳配薯條，揀咗五成熟，而佢嘅屬性亦都符合要求，外皮燒到焦脆，內裏軟綿，好香牛肉味，點少少鹽嚟食牛肉味係最出，如果點芥末籽道就會多啲層次，個人嚟講鍾意鹽調味。.Three-Cheese Mac n Cheese $168三重芝士焗通粉,用上瑞士芝士、車打芝士、古也芝士、魚露、是拉差、法式芥末醬。食落口就係滿滿嘅芝士香氣。可能以為會好漏，但兩個人食又啱啱好食得晒。.加咗$28有雞肉。本身以為係一啲雞肉粒撈落個通粉度。點知係一舊切好片嘅大雞肉🍗，而且有肉味得嚟幾軟滑，加得好抵。.甜品方面，揀咗布朗尼。焗熱咗嘅布朗尼特別軟滑，而且唔會太甜。.Beetroot Orange Yogurt Drink $88紅寶香橙乳酪果昔裏面有紅菜頭橙汁蜜糖同乳酪，甜度適中，都係一啲天然嘅生果甜味，主要味道係橙汁夾雜淡淡嘅紅菜頭味，橙汁有效地cover到甜菜頭嗰種草青味。好fresh同埋好健康嘅嘢飲。.…Read More

燒烤堂 (荃灣).食燒烤堂第一件事係一定要book位。🙈印象最深刻係幾年前第一次想食時係full 到walkin都唔會等得到😂😂😂。.從此變醒目仔。book位是常識。.無論環境定食物都感受到店家嘅心思。.食物種類多，寫滿兩版a4紙。有常見串燒，更不乏獨家新意菜～ 食極唔悶。.基本嘢唔多講，最鍾意燒烤堂自家創作，必試每次必嗌*.鵝肝多士好大份，兩個人share都好夠。但胃食仔嘅我，成日都忍唔住獨霸一整個🤤厚厚嘅鵝肝煎香，on top 嘅焦糖，中間層解膩青蘋果🍏，底嗰層厚法式芝士粒麵包，每一層嘅配搭都精心設計過，🤗入口就知道個味道層次有幾豐富。So yummy..尖椒皮蛋燒豆皮，外皮嘅豆皮燒到微微酥脆，包住切咗粒嘅尖椒同皮蛋，岩岩食到嘅係豆香，跟着係霸道嘅尖椒皮蛋，第一次食呢個配搭嗰陣時就一試愛上，口感同味道都令人有驚喜。.豚肉節瓜波棒糖 係節瓜刨片加豚肉片卷成波棒糖🍭形狀😂又點諗到先得㗎🤯節瓜腍甜爆汁加豚肉香同咬口，新穎又好食。.惹味蜜糖燒三黃雞全翼，同平時食到嘅雞全翼有點不一樣，雞味重一點，雞皮比較薄而且油香無咁肥膩感。.如果喜歡食辣就必點任何麻辣口味，辣勁十足。香辣雞腿根，辣加雞腿根位爽爽靭靭，好好咬！.蒜蓉燒生蠔🦪食燒烤必叫，個頭雖不大但都肥肥滿滿。.*焦糖青蘋果鵝肝多士*尖椒皮蛋燒豆皮*豚肉節瓜波棒糖鹽燒原塊雞皮惹味蜜糖燒三黃雞全翼香辣雞腿根厚切鹽燒牛舌拖羅雞皮墨魚滑麻辣墨魚鬚蒜蓉燒生蠔（兩隻）鰻魚炒飯牛油蜜糖日本蕃薯🍠.整體燒烤堂係基本功打得很好，再加上特色自家創意菜，怪不得坐無虛席。.人均消费$400💸.…Read More

Alchemy ORIGIN (鰂魚涌).如果要一間有格調帶有小浪漫，食物又好好食嘅餐廳，我會揀 Alchemy ORIGIN。.粉橙色調嘅裝修好有獨特性，加上綠色植物嘅柔和，置身其間舒適感滿滿。.除咗鐘意餐廳嘅設計，🤤我更沉醉於佢嘅美食。.Flat White 好細滑，揀左skim milk ，奶味輕一點，咖啡味很香，有3款咖啡豆可以選擇。拉花都精美，加上有自家logo，有質感嘅餐具，賞心悅目😍。.我係呢度揾到暫時覺得最正嘅卷餅同雞肉沙律🥗。.豬頸肉卷餅配芥末籽醬 $115卷餅烤烘過後微微麥香，豬頸肉烤過，特別香口、加埋清爽青瓜櫻桃蘿蔔沙律菜同微酸醬汁，配搭上偏油重嘅豬頸肉，恰到好處。.青醬雞胸沙律配檸檬醋醬 $92雞肉係慢煮，令到雞肉嘅質地嫩滑，柔軟😍，調味好簡單面頭上邊嘅青醬同黑胡椒，大部份食到係雞肉嘅原味，仲帶點肉汁🤤。沙律菜非常新鮮每一條都會食到清爽。嗦嗦聲。.最後叫埋個生酮花生醬黑朱古力蛋捲$61聽到生酮個名佢罪惡感就會減低咗一半，講真覺得生酮嘅甜品嘅美味程度會下降，但出乎意料之外蛋捲輕甜，內涵細滑柔軟，蛋捲鬆軟，濕潤有彈性，係一個有顏值又好好食嘅甜品.越簡單嘅味道越難拿捏，就係鍾意Alchemy ORIGIN嘅簡單原味好味。.人均：$180💸💸…Read More

我主要係為咗佢嘅pancake而嚟，估唔到佢啲主食都咁有驚喜，成餐飯都好好食，環境好舒服寫意，好滿足。.Pork Rib Benedict Waffle $159必試！煙燻豬仔骨配燒烤醬，賓尼迪雞蛋，甘藍菜&荷蘭汁。✨呢道係招牌菜之一。豬仔骨肉好軟腍一撕就離晒骨，醬汁調味啱啱好，唔會太濃郁，食到肉嘅香味🐖。蛋汁荷蘭汁奶香微酸微微辣，好開胃，配搭埋下便底層好脆嘅Waffle，🤩口感豐富配搭好有驚喜。.Lobster Fettuccine $238龍蝦扁意粉係是日廚師推介，出乎之外龍蝦超鮮。龍蝦鉗已經去晒殼，🤩啖啖肉。肉質彈牙鮮甜，🦞仲有淡淡燒過嘅香味。意粉係配蕃茄汁，味道偏酸，一入口係鮮茄嘅酸味再者係芝士奶香最後係係蘑菇同蒜蓉味，😚味道係開胃有層次嘅意粉。.Banoffee Creme Brulee Pancake $122拖肥醬雲尼拿吉士醬加脆焦糖😍呢個組合真係冇得輸，pancake 鬆鬆軟軟充滿蛋香，加埋面上嗰種焦糖脆，就更香甜。👍🏻整體有種甜而不膩嘅感覺。配搭香蕉係比較少見，平時偏向莓類同朱古力嘅我，🥰都好喜愛呢個配搭。.朱古力香蕉花生醬奶昔 $75超有驚喜，🤯奶昔平時嘅固定形象就係好甜好膩。但佢竟然做到唔太甜亦唔膩，☺️細滑奶昔嘅口感伴隨着花生碎碎🥜，令人日口接着一口，朱古力花生香蕉嘅味道混合得非常好，每一種味道可以同時存在，🤗又唔會搶去大家嘅風頭，好好飲。人均消費$300💸.…Read More

#釜山商會 (尖沙咀)釜山家鄉手藝，😍正宗親民韓國美食。前菜嘅份量係我見過最多最大碟，有泡菜、泡蘿蔔、薯仔絲、黑豆、蜜餞番薯同粉絲。首先唔可以錯過由大廚承傳嫲嫲秘方豬肉濃白湯。鍾意飲湯嘅我，平時淨係鍾意飲泡菜豆腐，今日一試豬肉濃白湯，即刻愛上。湯底白雪雪，濃郁嘅肉味一湧而上，香而不膩。除咗白肉片仲有蔬菜同菇類，好健康，好韓國家常嘅感覺。白肉片仲可以配搭醬料，韓式辣醬、胡椒、醃鹹蝦去食用，覺得鹹蝦幾特別，鍾意食佢嘅鹹鮮味。釜山商會特色燉煮拼盤$385內有大章魚🐙五花肉、蝦🦐、大量蔬菜同粉絲。份量好足料，配搭韓式辣醬湯，紅噹噹嘅湯超級有食慾，辣到啱啱好。章魚味好香，3大條腩肉，好滿足，凍冰冰超級暖胃。整鍋食完好舒坦。食韓國嘢真係唔少得配啤酒。份量都好大，兩個人食呢兩樣野都已經飽到捧住個肚走。📍尖沙咀金巴利道79-81號金栢閣地下A-C號舖…Read More

三人行燒烤店 (太子).係太子酒吧街新開串燒店，好適合啤後啤前食。等餐廳拎埋酒牌仲可以一邊啤一邊食。 .最鐘意餐廳除咗普通串燒，仲有好多特色食物。例如；西式嘅頂級安格斯牛小排、川味嘅辣酒煮螺加粉絲、日本嘅燒日本芝士年糕、鹽燒馬友。.頂級安格斯牛小排 $128 牛肉燒過後，特別香，要求的五成熟亦處理得洽到好處。肉質嫩帶有肉汁同牛油脂香味。上碟擺盤亦見其心思。.燒日本芝士年糕，喜歡煙煙韌韌的朋友仔必試，外軟糯內面流心芝士嘅咸香，口感一流。但一粒起兩粒止，食多應該會膩。.鹽燒馬友，燒得啱啱好，魚肉鮮味，沾泰式辣醬，好夾。.辣酒煮螺加粉絲 要左中辣，辣味好夠，偏重口味同咸，花螺好大隻，有驚喜，肉質爽口彈牙。.仲食左，娃娃菜、安格斯牛肋串、鹽燒牛舌、雞軟骨、雞胸軟骨、黑毛豬肋串、燒日式雞泡魚干、鹽燒白鱔。每款串燒，實力都好平均，欣賞佢有唔同調味，唔會所有食物都用相同調味料。📍太子西洋菜北街328號亞洲大樓地下C號舖…Read More

天下毛湘 (尖沙咀)少有的正宗湘菜，無論環境同菜式都好吸引。環境採用傳統中國風，餐具餐牌都好有心思。店舖預備嘅小菜都好有特色，木耳、豆乾粒、青瓜粒、花生米，加少少調味，微酸微辣，平凡嘅食材但出奇地好食。野椒爽魚皮，做前菜係一個好選擇。魚皮厚實爽口，加上椒香同泡椒嘅辣，惹味開胃。好少見嘅麻辣啤酒牛雜煲，啤酒經過烹煮已經冇晒酒味，同時去除晒牛雜嘅腥味 ，牛雜煲的湯底濃厚，香辣中帶有微微的麻感，牛雜有牛小腸、牛肚、金錢肚、牛肉片等等。牛雜係爽口果種，麻麻辣辣。湘味茄子四季豆，茄子的嫩滑與四季豆的爽脆形成了平衡，四季豆輕輕走油，仍保留左爽脆青綠。最後，樽裝青島啤酒的清爽口感，正好中和了麻辣的刺激。無論是味道還是擺盤，絕對值得再來一試！…Read More

味火鍋 (雅仕洋樓) (尖沙咀)$359@1人食齊火鍋5步曲，無限時任飲任食7小時。叫齊朋友食飯吹水啦。一坐低連嘢食都未揀，已經送上3小碟前菜：椒鹽雞軟骨、中華沙律、海蜇。精選頭盤可以五揀一。黑松露芝士焗生蠔/佛跳牆/芝士焗龍蝦/雞煲/酸菜魚我哋揀咗雞煲，雞件厚肉大件，啖啖肉微微辣，充滿着香菜醬料嘅香味。幾好食。食完頭盤就會打邊爐。鴛鴦湯底唔洗另外加錢，所以叫咗鴛鴦麻辣拼豬骨。兩款湯底都好好食。湯頭裏便嘅配料好豐富，海鮮拼盤會按照人頭安排份量。全部海鮮都好新鮮，鮑魚大大隻仲識得郁。北海道大元貝鮮甜、自家製手打墨魚丸同蝦丸好有驚喜，肉質飽滿彈牙。牛魔王美國安格斯牛肉拼盤有手切牛小排、牛肩胛、牛板鍵，肉嘅份量啱啱好，夠食又唔會太多。最鍾意手切牛小排帶點牛嘅脂肪，肉味香濃。呢度嘅超甜粟米竟然係用咗白粟米。超好食。仲有好多任食嘅嘢食，餃子類型肉類菜類應有盡有。飲品櫃好豐富唔同嘅茶類果汁同埋酒都有。最尾食埋個雪糕真係大滿足。…Read More

九十番地居酒屋 (尖沙咀)尖沙咀新開的居酒屋，🤗寛敝又整潔。同朋友仔食飯傾計好愉快。朋友唔食生野，好在熟食選擇有好多，💁🏻‍♀️鍋物、串燒、小食、沙律，麵應有盡有。壽喜燒牛肉鍋 $208好鍾意食壽喜燒牛肉鍋，👍🏻待應好貼心，會先𢳂起一碗，亦可以幫忙燒牛肉。有四大片牛肉，🐮牛肉肉質軟滑帶點油脂香，肉味好足，沾埋雞蛋，好正。牛舌 $68燒得岩岩好，好柔嫩。😗內面仲帶點粉粉，好有肉汁。雞翼2隻 $32簡簡單單正正常常的鹽味雞翼。白鱔 $68厚實帶點肉汁，加檸檬汁去一去魚味會更好食。蜜糖芥末雞皮餃子(4隻) $42呢個小食必點，外面乾身又脆，😋裏面嘅餃子餡好好食。蜜糖芥茉醬吃畫龍點睛。金磚豆腐 $38細細粒豆腐味幾濃，表層有七味粉，微微辣。自家製泡菜 $38爽脆，冇韓式泡菜咁濃味，爽辣爽辣咁，可惜份量偏少😛。…Read More

尋味 (大圍)食過返尋味，食完之後絕對會再幫襯。夫妻肺片$58大片而薄連青瓜都係片狀，調味香辣，夠凍又爽口好開胃。呢度好多嘢食雞煲烤魚火鍋養生菇菌鍋羊腩煲咩都有。最吸引我嘅眼球就係各色各樣嘅烤魚。江團魚配青藤椒$298三款魚中我最鍾意食江團魚，大大條，魚肉比較軟腍冇骨又有足夠嘅魚油香。魚炸過，一上枱就食得，趁住佢外皮仲脆時食，超惹味啊。最鍾意佢魚肉吸晒嘅湯底。青藤椒湯小小辣，好香蒜味香料味。另外嗌咗啲配料打邊爐。牛筋九$34魚皮餃$48正正常常性價比好高，份量好足。值得一提係豆腐超香濃豆味啊。法式燒菠蘿🍍$20一開始覺得得3舊有啲貴，但食落先知絕對值得，香甜嘅新鮮菠蘿烤完會變軟身上邊加咗焦糖同埋肉桂粉，多咗一份脆嘅口感，同埋獨特嘅香氣。呢個做法真係第一次食，特別又好食😋。少見餐廳做嘢飲做得咁出色，味道甚至更勝手搖專門店。紅石榴檸檬茶 $34招脾鴨屎香檸檬茶$38叫咗少甜，甜味啱啱好。檸檬茶嘅香水檸檬味，勁新鮮好清香。招牌鴨屎香檸檬茶茶底係用咗烏龍茶，烏龍茶味好出加埋香水檸檬好幽香解渴解膩。仲好飲過嗰啲香水檸檬茶專門店紅石榴檸檬茶都好飲，相對招牌檸檬茶會甜啲，水果香，最開心係有爆珠🤩成件事好有驚喜。…Read More

Ciclo罕有的在OpenRice上零負評的餐廳。真的好好食，無論上菜品嘅配搭用料完成度都相當完美😍。彷如食緊黑白大廚嘅料理。松露薯條 $118TRUFFLE FRIES薯條炸得酥脆熱辣辣，內軟。我最喜歡嘅口感。擠上特別調製嘅醬，松露香醋、燒蒜油同帕瑪森起司混合完成嘅蛋黃醬，各種味道輕輕地，唔會過分濃味。食完一條就會接二連三不斷嚟食。北海道扇貝$168HOKKAIDO SCALLOP CEVICHE超級新鮮嘅扇貝，切成片，配合奇異果醬，墨西哥辣椒、魚子、辣根。冇諗過個配搭可以係咁有趣。冇諗過扇貝係可以用呢種味道去呈現，扇貝依然鮮甜，水果酸酸嘅味道好開胃，日式Mix咗西式。脆皮牛坑腩$268CRISPY SHORT RIB又係一道，令人驚艷嘅菜式，用上牛坑腩，一般食牛坑腩都係港式/中式，但今次係西式嘅風味呈現，牛坑腩外層焦脆，內軟腍，牛肉味好香濃，食到牛脂肪嘅位置油脂好香。鍾意食牛嘅人士，一定要嗌。配牛奶薯蓉，紅酒山楂汁同薄荷榛子醬，薯蓉好細滑，醬汁同牛肉嘅味道好相夾，你都減低咗肉嘅油膩感。黃油雞捲配花椰菜 $268YELLOW CHICKEN ROLL WITH CAULIFLOWER MIMOLETTE用本地新鮮三黃雞，雞肉嫩滑香味十足。面上面淋咗用花椰菜打成嘅泡沫，蔥油、百里香、芝士、小麵包粒。花椰菜泡沫超級特別第一次見，口感綿密，清清地嘅花椰菜味，全部嘢加埋個雞一齊食，無論幾飽都想食晒成碟！飲品方面，一定要試佢嘅酒。用水平凡嘅杯裝住最有實力嘅Cocktail。Lychu-Hi $128荔枝燒酒加冷泡茉莉花茶，好喜歡呢杯酒但係要慢慢飲，如果唔係好易醉。荔枝味同茉莉花茶好香甜，鍾意飲茶嘅女仔會好喜歡。面頭加咗百香果。聞着百香果嘅味道令到整體更有層次。係一杯清幽清幽風格嘅酒。Bao Guk $128Rum mix鳳梨、洋甘菊、蘋果汁。前調係清幽嘅果汁味加上走香。再會聞到淡淡菊花味，尾調飲到蜂蜜味。…Read More