Ding1Ding's Profile

舖頭話收10點，但9:15分職員已經抹枱抹地收凳。有部分熱門餃子沽清，係好理解的。個米線一來到，份量好少，ok的，因為啲餃巨大，但啲魚湯係好似水溝落去咁，水味多過魚味好多，好難得職員仲解釋係魚湯煲出嚟。啲餃子非常大隻，但係都係淡而無味，就係得個大字。最好味係佢嘅辣蘿蔔仔配菜，令淡口的食物加多一點點口感。雖然$132二人餐都唔好有咩投訴，但如果細隻返啲餃子，個成本轉去煲個靚啲湯底，應該會做得好啲啦。…Read More

以後一個人想去食燒肉都唔怕尷尬啦，呢度啲餐唔貴，套餐100g肉至250g肉都有。仲有好多醬汁選擇，個日本米飯都好好味。限時60分鐘，適合1-2人來食，大枱就唔好啦。都係快食之選。點左壽起燒肉同五花牛，壽起燒無咩味，100g唔太夠我食二位就可以對住坐，同一個爐燒。追加叫左五花牛，係最平最抵食，牛味就唔算多，不過性價比係高嘅。另外就係落單時候俾埋錢，食飽就走得。啲員工服務態度好好，環境都好乾淨同唔會有油煙臭味…Read More

公司附近間AKI酒店入面間餐廳，見佢有新menu平平地有7折就去試下，有驚喜既！主打叫AKI BOWL，話係新法國廚首創，法國清湯加蕎麥麵，玩法日fusion，侍應會喺你面前到湯。叫左豬柳，好香好有肉味，仲有煙薰感。個湯初時清清地幾好飲，後來就撈埋啲燈籠椒後就超鹹，仲有隻溫泉蛋好好味，應該用豉油浸過，所以入晒味。不過啲湯就鹹咗啲，所以最後飲唔晒。午市套餐有埋沙律同咖啡茶，沙律有蟹柳幾好食。內在環境乾淨舒服，有日式feel。…Read More

難得係銅鑼灣都搵到間靜靜地嘅咖啡店，試左呢間日系裝修嘅新店，果然無失望。食物種類唔算多，不過樣樣水準都好平均，好味的，係約朋友傾下運嘅好地方。職員好nice服務好好，值得一讚軟殼蟹蘿蔔漬竹炭吐司蟹夠脆，配埋啲蘿蔔漬少少酸就唔會覺得膩，仲有啲清新感。明太子薯仔竹炭吐司中規中矩明太子味唔夠出，無左種鮮味，可能清埋左啲薯仔。肉桂蘋果法式吐司中規中矩個吐司唔太硬，淋淋地都幾好，唔一定係脆口先好食嘅。蘋果source都唔錯，唔會好酸，食到有蘋果香。…Read More

下午4點左右到，好彩有window seat，最岩傾下計食下啲輕食。跟住點左個chicken nugget, 好脆好香糊椒味，送酒送凍飲都一流，Happy Hour 仲有平。佢嘅dirty wings都唔錯，鋪滿晒海苔，個蒜汁on side 令佢味道更加提升。飲品點左杯cold brew，味道幾濃，就算溶左冰都keep到，條佢地嘅house special.其實價錢方面我覺得偏貴，不過質素都唔錯，當買左地方坐下ok的。…Read More

由火車站行6分鐘就到，不過記住要whatsapp訂左枱先，佢地閒日都唔一定walk-in到。職員個個都好勤力同有禮貌喎，唔似啲comment 講到咁差。食物水準一流，全日早餐內每樣食物都好好味，由其個炒蛋好滑好新鮮，竹炭包係硬左啲，不過食落個竹炭味都好出，仲有豬肉腸唔係一般係酒店或餐廳食到果啲，內裡有芝士好juicy.我仲點左個蜜桃紅茶，桃味聞落好濃，仲可以refill.職員話每個星期三出示到係流水響影既相就會免費送杯latte.店入有外國有機生果同jam賣，我仲聽到佢地有啲餐枱係用山竹吹跌左既樹幹做架，好有心推廣環保🥰…Read More

今次係下午菜時間入座，所以食到佢平左少少既下午茶set. 其實都係抽幾個主餐牌既菜，平少少再加飲品咁，選擇唔算多。🐣海南雞飯我係加10蚊轉左脾，都應該轉既。雞又唔算好出色，不過雞皮下既肥膏分佈岩岩好，係好食既，但又唔算係超出色果種。返面佢個雞飯仲好味，充滿雞油香但又唔會膩，即係令人想要添飯果隻，唔使餸都好好味果隻。🐣咸蛋雞翼好多咸蛋，好香又唔會太咸，雞肉入面都有咸蛋香，幾有特色，反正外面都唔容易食到。👎👎海鮮炒貴刁唔好以為睇照啲色水好靚或者好多海鮮，實際係得個樣。啲貴刁無味又一舊舊，得一隻帶子，都大大粒，食落又係完係無味，最奇怪係啲臘腸，食落好「林」又好「梅」，仲衰過茶餐廳果啲。🥰🥰另外者職員服務好好，做野都好快手有心。🥰🥰另另外佢杯豆腐雪糕紅豆冰同茶餐包既organic tea都幾好飲…Read More

想試呢間餐廳好耐，終於閒日放假訂到下午茶.呢次係AMMO x Lancome teaset. 我地唔係因為個牌子，純粹想試下，點知好驚喜!入去佢會俾你揀飲咩菜，都好多款，仲要唔係普通酒店或者咖啡店飲果啲，唔個咩牌子，但我飲果1隻GingerLemongrass好有茶香，仲左幾次水都仲好有味。今次主打玫瑰，因為隻保養品都係賣呢樣。咁有咸點同甜點兩層。我個人鍾意咸點多啲，有King Crad Toast, 啲蟹肉又多又滿，蟹味都濃，多士唔會太油Foie Gras Cream Brulee 好軟棉棉好滑，味道唔算好濃但岩岩好食到鵝肝味，唔腥Swordfish roll 既魚蓉都好棉，流露淡淡魚味。甜點呢，個brownie朱古力味濃但唔太甜，其他都過得去 (我唔太好甜野都覺得幾好)。另外加錢叫左杯Rose Cocktail，用gin來溝的，有飲落唔會搶左啲玫瑰味，易入口。特別一提餐廳啲職員好有禮貌，服務好好，時不時同我地打下水，好專業。另外每人都會送Lancome試用套，估唔到。。好大盒，有2盒cream都係15ml，仲有5ml精華同知化妝套，所以呢個tea set係值回票價。利申: 我地唔係為禮物而來的，純粹搵個靜靜地餐廳食野。…Read More

我寫料理係因為唔止拉面好食，係差不多樣樣我地點的小食都好好味，6點去到完全無人，仲心諗係咪伏店呢，好在有試，仲想一試再試點左「蝦武士」真材真料有好多櫻花蝦，湯都濃，仲有特濃選擇，個人覺等湯底只濃唔夠鮮。另外佢既幼面好爽，叫普通硬岩岩好，面底都好多，女仔食得晒都飽左9成。重點來了....就係舊叉燒，肥瘦適中，咬落有酒香但唔oily，我覺得好過日本來個啲連鎖多多聲！加多$20就有一個小食同飲品，當然加埋啦，我同友人叫左鷄軟骨同栗子餅。軟骨不過不失啦，香口易咬。我之前未食過栗子餅呀，今次一試愛上！好多好多栗子蓉，栗子味好濃但唔太甜（本人好怕甜野），外皮炸得好金黃，唔止賣相好靚，好睇又好食！仲叫多左個牛肩串燒，呢樣麻麻地，太乾身所以無咩咬口無咩牛味。員工服務好好，不過位置唔多，好在周未早來先試到咋！…Read More

星期五晚一定要訂定位先，因為地方唔算大。2個女仔叫左2主菜1甜品，慢慢食，好多人所以傾計要大聲啲，算係casual既意菜。先叫個ParmaHam pizza, 個邊位好香脆，係會出聲果種脆，證明係即整即上枱。D ham都好有肉味道但唔算好咸，叫多杯下就岩岩好！再來個assorted sausage , 有少少辣，啲薯蓉又滑又軟又甜，岩岩好中和返啲咸同辣！最後來個lemon tart, 酸度岩岩好，個on side sorbet 甜甜地，所以同酸既tart又好岩！講少少佢啲服務啦，啲後生server 好nice, 不過啲做得耐好似senior果啲有有啲串啦，笑都唔笑下，黑口黑口，唔使指意講多謝…Read More

大熱天時想去冷氣夠、靜靜地既地方食餐好啲既下午茶，搵搵下openrice 就發現到呢個驚喜（食評show到咁多野食應該唔係伏）即日幾驚book唔到，好彩有位！餐廳唔算大，不過完全想像唔到200蚊唔使有咁多野食！先係魚生壽司區，三文魚八瓜魚都好新鮮，係啲吞拿魚就多根左少少，壽司都算多選擇啦，整體唔錯。refill得好快，就算最後時間都keep住fill.跟住係旁邊既海鮮，都係喜出望外架。蝦好爽，證明新鮮，青口都唔錯，係啲螺咁岩有沙，所以無點食到。沙律區正常啦。冷盤都有好多野食架，refill 好快仲有新野，冷面幾好食架，最後仲出左蒜泥白肉！再來熱食，係居然有羊架牛舌。樣樣都不過不失、蒸魚好食喎、鼓椒炒作蜆都ok, 雖然有好多未開所以唔敢食太多。計下都有over10款熱食！有中西湯各一款，仲有包。羅宋湯好料雖然凍左啲仲有面檔呀，自助餐當然係自助，好易整者，4款面任揀，仲有啲魚丸魚皮餃煮下，個人覺得河粉好滑，食咁咁上下仲有quota既朋友可以試！甜品呀甜品呀應該有6-7款，係最後20分鐘仲refill,有誠意到呢！有豆腐花、西米露、乳酪，仲有成櫃Häagen-Dazs。好飽啦，咁解咁引我最後仲有冷食咖啡茶，我地兩餐夾埋一餐食，直接Skip 午晚餐所以幾抵食呢！最後補充啲staff好有禮貌，廚師行過都會提你點食加咩醬，收盤又快，無來錯所以一定要讚下推下！…Read More

是日同媽咪級長老一起晚飯，第一次試福建菜，原來福建菜是咁的....同廣東菜差不多所以都岩口胃。must食黃金荷葉包，佢好似山東肉夾膜咁既夾餅。先係外脆內軟的包（有啲似炸饅頭），再自己切開放肉絲入去，其實唔放都已經好好食，難怪要$26個。記住一定要襯熱食！福建滷面此面浸於濃濃的漁湯中，個湯杰來唔會黏口，啲料都好多，有蝦有蜆有肉有🍄，係好足料既，唔食飯都一定要食。九轉小腸雖然唔明係咩9轉，睇腸入面真係好多轉既。個腸唔蘇又乾淨，親戚用脆來形容，係既，佢唔係外面車仔面果種淋。事實上佢無咩味，咁先食到佢既原味。仲係怕既朋友就可以加少少辣醬，包你話好味！仲有個好似加左荔枝去整既咕嚕肉，不過不失無特別！…Read More

和同事在2017最後工作天找地方食午餐，誤打誤撞入到呢間裝修相當時尚中式既火鍋店，一心以為火鍋店做午餐會是是但但，點個出奇驚喜好評！我食左個角切丼，大碗得來仲仲有3-4款魚生係入面，魚生唔算少，飯量多到我都食唔晒！個薯蓉實係好味，軟滑無一pat pat,仲好甜有薯味玉米湯就浠左啲，得好少玉米粒，不過$88個set都有咁多野食，算係咁而家午餐食夠$100仲減$30，同事食中式熱食都唔錯，送上來仲出煙架，好新鮮，可以再encore~…Read More

正常到不得了，特色點心唔算太多，款色選擇都唔多，所以環境門口俾人太高期望，以為係fusion 高級點心屋。鳳爪細細只都幾濃味，一籠都有4-5只，所以係細的。有柚皮係底，幾得意！鮮竹卷入面唔係齋，係有啲肉，不過個湯好有香濃魚味，都算過得去。蝦餃好好味，蝦好大只，皮唔厚，推介要食！…Read More

晚上去食飯，星期六8點左右都要等一等，大約20分鐘就有位座啦。叫左「泰式炒粉絲」，好得意真係用粉絲炒，唔同出面既Pad Thai，食落酸甜適中，不過粉絲炒起賣相一pad pad, 食落好彩唔係者「馬拉盞通菜」唔得，馬拉盞味好淡，完全入唔到落通菜到。通菜好爽，不過唔入味幾爽都假，麻麻地。最後係「紅咖哩軟殻蟹」，都值得一試，份量算多，味道都爽脆可口，紅咖哩唔算辣，唔食等辣的朋友都可以一試。服務態度同裝修都仲係好新，不過都係Mango Tree好味啲…Read More