*~Waiting~*'s Profile

一直聽聞呢間鋪d雞扒好好食，今日終於試左啦。不過只係覺得一般(因為我覺得雞扒本身唔難整......)。佢d雞扒係有種特別既香味，而且都幾滑(但其實滑既雞扒周圍都食到......)。我試既係雞扒炒烏冬。烏冬份量好少，配菜就好多。但雞扒就有兩大件，啱哂鐘意食肉既人。單叫$40一客，唔算太抵食。服務又ok wor，店員見你凍會主動幫手調較冷氣如果唔駛等位我會再黎既。…Read More

La Bons未搬之前我已經去過好多次，搬左之後去過一次lunch，一次dinner。間鋪係大左，但d枱擺得超級密，同隔離枱可以話係零距離，拍拖就唔好黎啦個menu好醜樣，係用word整出黎咁，我同朋友仔笑左勁耐唔知佢走咩路線，有d位好似好high class咁(例如d吊燈)，有d位就好求其，都唔知都點，反而舊鋪仲有小店風味！講食物，我鐘意食佢d扁意粉，用橄欖油所以好香。千祈唔好食扒類，好多時都整到好un。心太軟試過一次，不過一般啦(可能係因為本身已經好飽既關係！)服務ok ga，至少唔會趕客。夜晚冇午市咁full，我同朋友冇訂位，七點去到都即刻有位，仲可以坐到十點幾添。呢個價錢算係咁啦…Read More

終於有機會一試美心個奶皇流沙包。雖然個包係凍既，不過都ok做到流心效果。個包好大個，$6.5好抵食！最近仲出左朱古力味，有機會再試！…Read More

兩個人叫左三個餸，勁飽椒盬九肚魚：魚好滑，又唔會好油膩。墊底既米粉都好好味添！沙拉骨：肉質一d都唔鞋，係一道好開胃既小菜。豉椒炒蟶子：係伙計既推介，好大隻同爽口，不過好似唔夠鮮味！見到好多人食石頭窩飯/小菜，好似好吸引咁！下次要試下…Read More

已經食過yo mama三次。試過green tea同original。green tea其實綠茶味唔係太濃，不過好似特別d，所以我會食green tea多d！toppings方面試過coco pop, strawberry, mango, monchi, 椰果。全部都好好味，不過特別推介monchi，因為煙煙un un，口感好得意！yo mama既yogurt質感好似雪糕，但係又好似健康d，食完都冇咁guilty…Read More

久違了的沙田，選了這間i thai午膳。環境一般。座位太迫。我們是坐卡位，但椅和飯枱的距離太短，有點壓迫感。食物一般。選了香茅豬扒青木瓜米線。香茅豬扒沒有香茅的香，有點"un"。青木瓜米線味道清新，不過都幾辣，怕辣的人就不要點了。飲品要了凍奶茶，似乎跟港式奶茶有點不同，好像是甜一點的。不過幾好味。未必會再來了。不是不好吃，不過新城市咁多選擇，呢間未好味到叫我返轉頭。…Read More

其實最近食過兩次pizza express，一次是灣仔這一間，一次是又一城新開的分店。不過Openrice還沒有又一城那一間，唯有寫在這裡。沙律要了Benevento，材料有garlic mushrooms, mozzarella, baked tomatoes, avocado etc. 材料好新鮮，配上酸酸甜甜的salad dressing，好開胃！Pizza試了新出品Al Tonno，以吞拿魚配蕃茄醬為主，味道濃郁。批底又薄又脆，正！另外還要了Baked Mushrooms，一樣好好味。甜品試了Tiramisu和Chocolate Fudge Cake。前者有勁濃的酒味；後者配上雪糕，不過怕甜的人可能覺得太甜(不過個人就覺得好好味)。服務方面，又一城那一間比較好，可能是新開的關係。上主菜同甜品之後都有人黎問下我地d食物點；叫甜品既時候問佢地意見都好專業。 價錢合理，一定會再來。…Read More

唉......這是一星期前的早餐。剛趕得切十一時前食個早餐。星期日好多人好迫，要搭枱。選了鮑魚絲火腿通粉配炒蛋多士。炒蛋好滑，有點喜出望外。多士合格，就是一般貨色。鮑魚絲火腿通粉的鮑魚絲幾爽口(雖然我不肯定是否鮑魚絲)，不過鹹了一點，而且湯太少。凍咖啡很好，有咖啡粉在上面，放久了還有濃濃的咖啡味。雖然比一般茶餐廳貴，不過我會再來。…Read More

食左泰式生蝦、豉椒鵝腸、炸雲吞/鯪魚球、泰式燒豬頸肉同炒雜菜。最好味係泰式燒豬頸肉，香口之餘d肉依然好juicy, 唔會乾爭爭。泰式生蝦都好得，好新鮮同爽口。d蝦同蒜頭個味好夾。千祁唔好諗住自己唔食蒜頭就唔要，一齊食係好好味的。同埋太夜去可能會冇, 要食就早d。炒雜菜唔太油，可以叫佢多雲耳，d雲耳好好味。炸雲吞/鯪魚球好新鮮，係即炸的。我覺得雲吞好味d，隻蝦好大隻。聞說韮菜餃好味d，不過個日去到已經係十點半，所以已經賣哂。豉椒鵝腸都ok，有青紅椒做配菜，鵝腸好爽口。呢度毫無環境可言，不過食飯唔係食環境，好食就得，係咪？.…Read More

年三十晚睇完戲之後，想行下Supermarket，無意中發現有特價壽司就買黎食!! (當時已經差唔多十點!)原價$43，減價之後$34，有十件。平均只係$3.4，勁抵！不過味道就一般，可能擺得太耐，d飯比較硬。比較好味既有鰻魚同芥辣八爪魚，其他好似三文魚都唔算好新鮮。…Read More

黎過兩次食早餐, 一次食晚飯。後來見到Openrice咁多劣評都嚇一跳, 我覺得都唔太差呀!我覺得佢d腸粉好好味。蝦米腸夠滑；炸兩即叫即整，好新鮮好脆! d麻醬/甜醬又可以自己加, 可以整到啱自己口味! 熱豆漿都好好味, 好大碗, 有豆味又唔太甜, 冬天飲一流ga!粥就一般啦, 唔算好好味。總之唔係真係咁差啦!…Read More

Haagen Dazs有套利是coupon，買左一set送俾人。依家買恆生卡10%off (即$178/6個單球)，仲多送一杯Bailey甜酒既小杯裝雪糕。Bailey甜酒味真係超好味，酒味好濃，好香甜，估唔到會咁好味！下次一定會再食呢個味。…Read More

以前從來都冇黎過鯉景灣。呢度對冇車既人黎講實在太隔涉，冇端端都唔會黎食飯啦。之前一早睇左Openrice食呢間。舖頭細細，得十張枱左右。個日仲要好夜至食飯，所以只係得兩三枱客。我地叫左蟹子沙律，炸軟殼蟹，炒雜菜，壽司盛合，燒鵪鶉蛋同雞軟骨。炸軟殼蟹係推介之一，炸得好鬆化。炒雜菜都好好，唔會太油。壽司盛合賣相好靚，味道都唔錯。服務好好，我地係最後一枱客，不過都冇催我地。又好主動問我地要咩甜品。佢既紅豆同咖啡雪糕都好香好滑，成餐飯就好圓滿啦原來openrice有coupon，之前睇唔到，蝕左添…Read More

行年宵之前要先醫肚。因為六點就食飯，所以唔駛等位，仲可以坐四人枱，唔會俾隔離枱望到我地食咩。炒雜菜：太油。鐵板牛油帶子：d秀珍菇用牛油煮好夾，仲好味過d帶子芥辣八爪魚：八爪魚幾新鮮，配埋d青瓜，成碟都好健康咁。麻醬冷麵：配料以青瓜雞絲為主，冷麵都好爽口。第一次係味千食冷麵，原來都唔錯，比湯麵可能仲好添。粟米沙律：好大碟，粟米好爽口好嫩。多謝牙擦仔請客，哈哈…Read More

七時多到達，已經好多人等位。最後等左30分鐘至入到去。鮮肉小籠包：豬肉太瘦，有d鞋。皮都厚左d。津白肉絲炒年糕：好好味。年糕好煙un，好有咬口。成碟餸好入味。三鮮豆腐羹：除左豆腐外，只有極少量既蝦。不過清清地都幾好。醉雞：雞幾滑，酒味唔太濃。高力豆沙：豆沙餡幾多，但個皮都厚左d，而且唔夠糖。茶芥$8，但每人可以選自己鐘意既茶，呢個安排非常好。服務幾好，坐左2個半鐘都keep住有人加水。到目前為止，我覺得翡翠拉麵小籠包既小籠包係最好味既。…Read More