gazfcf's Profile

早前看到youtuber介紹, 自己是韭菜搞迷粉, 所以一直想來試試, 昨天終於的起心肝前來一試, 去咗後欄坐, 唔使等位。點咗八隻煎韭菜餃, 餃子的體型確實有點嚇人, 應該六隻已經足夠。說說我的個人評價, 煎得有些過份, 對飲食健康比較注重嘅人, 見到第一眼可能已經有些內心過意不去, 我未試過其他味道, 所以只針對韭菜味去評價, 我會覺得啲韭菜冇韭菜味, 唔係差少少, 而係差好多, 調味亦都太甜, 整體嚟講, 咬嚼有飽滿嘅感覺, 但確實食唔到韭菜同豬肉味, 完全沒有鼻呼回味嘅味覺反應, 未必會再光顧第二次。…Read More

女店員態度極度惡劣, 取外賣時, 我用非常好嘅態度話電話落單畀錢, 佢完全不瞅不睬直接skip我, 直接示意我後面嘅人上去, 我等佢收完下一位錢我再問, 佢再skip, 我哋著住校服, 唔希望學校形象受損, 所以唔同佢勞氣, 我哋幾位同學覺得服務非常唔對路, 佢以為自己係乜嘢高級食肆呀？其實電話落單嘅時候, 態度已經非常差, 如果唔係其他同學嗰一刻好想食, 我根本唔想落呢張單, 我講呢件事出嚟係希望呢間舖頭嘅老闆正視呢個問題, 舖頭某程度係主要做學生生意, 我哋都係真金白銀買嘢食, 我哋唔即場爭執, 係因為我哋尊重自己尊重學校, 並唔係因為我哋冇能力同佢爭拗。…Read More

本身算是半個大埔人，惠顧這間食店大大話話都已經超過十年時間，但今後決定不會再惠顧，認為非常不值，並非指食物質素，而是店內高層人士對食客的態度問題，十多間其實已見盡某前線管理人員對食客的惡劣態度，很多時也為客人覺得不值，但作為旁觀者，無謂作架樑，但上星期日的親身遭遇卻換個自己誓不再去的決心，事緣只是由於自己太太非常喜歡店子的辣椒油，所以外賣時到管理層附近多拿多少，事實上我亦不想太阻人家做事，加上我非常熟識這位管理人士的性格，所以都已經非常快手，但她居然破口大罵，完全不顧及我畢竟是個客人，一個幫襯了十年之上的客人，我也當然不甘示弱作出言語反擊，可笑的是她居然拋下一句問題：『你今日先識我呀?』，食野本身應該是高興的事，店舖有客人欣賞亦是得來不易的事，我絕對相信他們的前人花了不少苦功才有今天的客源，但今時今日，這種待客之道，我亦更加相信會令客人食完之後有反胃的感覺，還有好吃不好吃的感觀嗎？這位CEO應該要檢討一下自己的EQ能力，食客不是她的仔仔女女，沒有任何理由要人錢花了還要受她一肚子氣，祝生意興隆。…Read More