MaggieChan1224's Profile

友人到九龍灣辦事，相約到淘大商場覓食，事前做定功課見這餐廳口碑唔錯便訂位。8點後入座享85折優惠（豬手除外），另原價加一。《二人餐》· 忌廉野菌蘑菇湯+蒜茸包 👍🏻👍🏻👍🏻👍🏻(好味😋)· 牛肉批👍🏻👍🏻👍🏻👍🏻👍🏻（驚艷😍)· 西京燒比目魚 配 法邊豆雜菜薯蓉👍🏻👍🏻👍🏻👍🏻·日本松葉蟹肉天使沾麵 配 蟹醋👍🏻👍🏻👍🏻(用蠟燭㷫住食減少蟹腥味，但味道比較咸）《追加》三重風味德國脆皮鹹豬手 （開心果芥末蜜糖、西式避風塘、香蒜黑椒） 》 送自家釀制啤酒（柚子蜜糖）👍🏻👍🏻👍🏻👍🏻 可能太遲上菜嘅關係，食物送到時，已經飽咗7、8成，而且還是啖啖肉，感覺有點膩，開心果及黑椒味唔錯，但避風塘卻辣咗啲🥵《整體評價》整理上無論食物 和 服務質素都算高質，不過音響太大聲，傾計困難（要嗌），同埋冷氣不足，有啲熱（坐外邊布簾遮住嘅位置），另外燈光較暗，影相需打燈。經理非常主動助人，觀察力強且服務細心，幾次為同事嘅服務不足去補位，還會向客人了解到店嘅原因（有泊車優惠、想食非連鎖式餐廳 及 享用高質西餐），是店內的招財貓。…Read More

友人早已鎖定嘗試露台餐廳 (淺水灣)，奈何佢每次都「黑仔王」上身，訂座後均遇上大雨或颱風而告吹，終於今日如願以償到此慶生啦。本來只在週日舉辦的早午餐，礙於婚宴包場，提前至週六舉辦，這更合我哋心意😍。 颱風及黑雨過後，今日天氣風和日麗，天空蔚藍，係拍照美景嘅好時機，令人心情開朗，可惜氣溫稍高及炎熱。早午餐由早上11點至下午3點，以半自助餐形式進行，海鮮頭盤、冷盤、熱葷、即場製作龍蝦汁海鮮意大利飯 及 意粉、生果 及 甜品 均以自助形式無限供應，主菜五選一。 成人價格$698/位，飲品有各式兩小時 free flow (視乎飲品種類而價錢不同），我哋選咗兩小時無限𣈱飲香檳，價錢$398/位，以上全部加一另計。甫入座，侍應已經非常殷勤服務，幾個人serve我哋一枱，有D受寵若驚，今時今日已經唔多餐廳有此等服務，讚👍🏻。 半自助餐食物質素很好，refill 亦迅速。 海鮮頭盤：龍蝦醬料太多，肉質比較靭蟹鉗肉鬆而無味蟹腳有鮮味，某些略咸 （encore👍🏻）青口普通略帶靱、凍蝦普通帶子口感實淨好味（encore👍🏻）鮑魚有驚喜，雖然係汁煮，但勝在夠林甜（encore👍🏻）Cold Cut Ham 配上蜜瓜/哈密瓜共享，解鹽咸油膩，又能吊出甘香 （encore👍🏻）即場製作龍蝦汁海鮮意大利飯汁底超級無敵香濃，咬一啖令人欲罷不能，忍唔住追住食（encore👍🏻）半自助餐食咗5 round之後已經好飽，稍作休戰邊飲邊傾，氣氛輕鬆愉快，15分鐘後通知侍應可以安排上主菜。魚：綠色的蘆薈忌廉汁清新幼滑，配上魚肉味道不錯，只是魚肉有些煮過頭，嚡咗D慢煮牛（另+$80）：肉質好滑，同D汁非常搭配，只是牛味略淡BB羊肩：羊味相對騷，肉也嚡，這個比較失色除了自助甜品外，訂座時說明有兩位壽星，餐廳安排兩件cut cake (生日名牌寫上壽星姓名，只係我執相刪走），另外還主動為我哋拍照，然後即場列印相片送兩位壽星，此舉非常貼心，難怪進餐的人多是慶生或週年紀念慶祝。整體而言，餐廳無論環境及衛生、服務態度與貼心舉動、食物質素也算高質，是值得 encore 👍🏻的餐廳，只是價格上略貴，不過和值得珍惜的人共餐，此刻相聚無價。…Read More

天氣又濕又熱胃口麻麻，唔想匿廚房悶熱煮，於是申請出街食飯，他選了咖喱🍛。事後才知道原來此店在該區薄有名氣，一講起店名，網友立即反饋「好味」😋小食（圖中的已經食咗一半）：炸鮮奶、炸魷魚鬚香口鬆脆但唔油膩，是不錯的餐前小食主食：金牌牛魔王咖哩大四囍飯咖哩味道香濃但唔算太辣，獨特嘅香料味與牛配料非常配搭，送飯及薄餅一流。份量好足，對於少食澱粉質嘅人，足夠二人共享。飲品：3杯（椰子冰、梳打水、可樂）食物質素👍🏻👍🏻👍🏻好味😋😋😋服務正常…Read More

肚餓指數唔太高又想聚餐食清淡D，初嚐區內嘅人氣餃子店。原來佢雙連兩個舖位（一個裝修新D，但座位迫，冷氣稍有不足，舊裝修那邊嘅店未入過去，不作評論）。放工大約 1805 抵店，取票後等15分鐘左右便安排入座。由於天氣悶熱，坐低就對「涼拌菜餐牌」雙眼發光🤩🤩🤩, 一口氣點咗3款涼拌菜（海蜇$22、爽脆竹筍$28、藕尖$30），海蜇與竹筍味道正常發揮，唔算太濃味，不過份量比較「的骰」，竹筍更是薄（無乜口感）。 藕尖好有驚喜，味道勁似「酸蕎頭」 + 泡椒辣味，初嚐第一口難忘又過癮，多吃兩口之後，脷麻感覺辣而長久不散🥵🥵🥵。餃子選了「薺菜馬蹄鮮肉餃」（$55/10隻），湯頭味道清甜無味精，餃子皮薄又餡料豐富，馬蹄清甜爽脆份量算多，蓋過薺菜味，肉餡調味適中，食完唔口渴（無乜味精）。飲品點咗：菊花蜜、青檸蜜（每樽$12），解渴涼脷唔太甜。除咗熱D同迫D之外，無論食物味道及服務質素都唔錯，性價比更是高，難怪人流不絕，好彩放工早到早取位，否則有排等。會 encore🥳…Read More

早在 社交平台素食青年 group 認識這餐廳（逢星期二、三晚上提供素食半自助餐），一直有興趣試但未行動，始終工作與居住地區非在港島，考慮到翌日早上一早返工，還是在猶豫。最近在 社交平台見店家推出各種優惠，很多餐也是第一位正價，第二位半價（需在官網預訂及預付訂金），而且在結帳時仲可以享用一次性機會購買（折扣的）Gift Vouchers 用作支付用餐當日費用（可一次用餐使用多張vouchers)，這樣的優惠，還享有附額外折讓率，夠吸引。於是朋友慶生局就選址這裡吧！3小時用餐 (1200-1500)的Weekend Brunch （last order 1430) 是以Semi Buffet 進行的，「小食及沙律」、「前菜」、「剌身」（併盤供同桌多人共享）、「主食」（4選1）、「甜品」皆是一 Round 形式的。而「卷物」、「天婦羅」及 「爐端燒」皆是任點，即叫即做。 基本上餐廳會將所有任點嘅食物先供應一Round給客人試菜，想翻尋味而又有胃口的可以encore (re-order), 我覺得這安排還不錯。我哋還額外加$368享用3小任飲（包括香檳、紅白酒、清酒、啤酒及其他飲料），自己玩wine pairing 又另添樂趣。食物質素上乘、鮮甜美味，而服務員工（Kim)也周到，又識搞氣氛，令用餐體驗加分。👍🏻 壽星女都非常滿意安排，渡過一個非常Chill & Relax 的週末早午。用餐畢後去逛街，但晚上也都已經吃不下，飽到撐，一餐抵兩餐，物有所值🤤😋人均消費$1K…Read More

朋友久別相約飯聚，到咗尖沙咀平民格局（快餐feel)嘅一森素食，之前試過在這午餐（素食套餐），味道不錯。 今次搵夠飯腳，試吓叫「三至四位套餐」，另外單點一份煎釀三寶（茄子、三色椒、豆卜），加埋店家赠送嘅例湯同糖水，白飯任裝，5人捧腹而回。整體食品味都唔錯，唔會厚芡汁，口感幾清爽，梅太油膩，亦不會太咸。人均消費也只是$60，尖沙咀地區來說，這個素食晚餐價錢，真係超值！…Read More

甫入店內雖然面積不大，座位唔多，但是裝修企理光潔，而且佈局充滿聖誕氣氛（聖誕裝飾、聖誕樹、聖誕歌），靠近窗邊還有很美麗的燈飾點綴，拍照起來，很是浪漫唯美。一行四人幾點了六款菜式，包括有：1）意大利香草忌廉天使麵：醬汁味道濃郁，配搭天使麵口感剛剛好2）意大利香草風味酥皮薄餅：驚喜之作，好好味，夠鬆化3）印度風味咖喱配手抓餅：咖喱份量看似很少，但味道真是極佳，配上手抓餅，好食到停唔到口4）琵琶豆腐：是相對失色的一道菜，冇乜特色5）鮮竹蒸牛肉球：口感好似牛肉球，陳皮味道濃厚6）椰汁雪耳無花果燉湯：超香椰子味，而且非常香甜店員服務非常殷勤，定期主動清理桌面及加水，最後還送贈壽星女們壽包，又幫我們留倩影拍合照，感恩暖心窩心的服務。🙏🏻#我們有自攜蛋糕🎂#座位不多，最好事前訂位…Read More

友人從國外回來聚舊兼預早慶生，選址在佢留宿附近嘅餐廳。晚上氣氛不錯，員工親切友善。前菜～Pan-Seared Tuna $178, 比我預期中大份，醬汁酸甜惹味，好好味。意粉～Crab & Prawn Fregula $218, 雖然餐牌中文譯成意粉，但如圖所見，並非我哋慣常食嘅pasta, 下單時侍應會主動講解及確認，夠細心。👍🏻👍🏻👍🏻一入口蟹膏味濃又啖啖蟹肉，好鮮味。連飲品、折扣及加一後，二人晚餐$456。度過一個用膳愉快嘅聚舊晚餐。…Read More

見網評不錯又有免費露天停車場（方便週五晚上尋食），立即訂枱。3 人（其中一位細食長者）點了二人晚餐，另外加小食日式炸蝦多士（6件）。二人晚餐都包括幾嘢，我們揀咗：餐湯、煙燻三文魚配日式芥末忌廉汁野菌意粉、日本西京味噌焗美國穀飼豬鞍配薯菜、飲品及甜品。日式炸蝦多士（6件）雖然細細件，但方便一口一件，唔油膩，幾好味😋。煙燻三文魚配日式芥末忌廉汁野菌意粉無論份量與味道也不錯👍🏻。日本西京味噌焗美國穀飼豬鞍配薯菜擺碟賣相頗吸引，味道也ok，不過長者略嫌 overcooked 有啲韌及嚡。餐廳雖然比較街坊，無乜裝潢，但侍應服務質素唔錯，算殷勤有禮主動。…Read More

與友人補祝生日晚飯，揀咗位於尖沙咀 fine dining 網上好評嘅店，見佢食物高質同埋菜式特別，未試過喺香港食荷蘭菜喎。最後選擇了廚師發板 ～ The Tour in Holland (6 Courses)1）荷蘭香腸配洋蔥咖喱蛋黃醬 + 自家製阿姆斯特丹脆炸牛肉丸 》 雖然話係傳統嘅荷蘭小食，但係香腸與肉丸並非我杯茶，味道上也未能留下印象。2）橡木煙燻野生鰻魚 》 大愛這道菜式，它帶咸香味，最喜歡係它嘅口感，比較有紥實咬勁，頗特別3）荷蘭傳統青口鍋 配 麵包 》 雖然話係傳統嘅荷蘭美食，但不怎麼令人覺得回味4）白露荀荷蘭野生生蠔海蝦魚子忌廉湯 》 令人驚艷嘅一道菜式，一來白露荀正是時令當造，二來係湯頭甘甜，配上的生蠔嘅鮮甜，再加上荷蘭海蝦濃郁嘅海水咸香味，令人難忘5）荷蘭龍脷魚BB配蜜糖芥末醬+海草 》 侍應說是少見的龍脷魚 BB, 肉質彈牙配上蜜糖芥末醬完美配合5）荷蘭龍脷魚BB配蜜糖芥末醬+海草 》 侍應說是少見的龍脷魚 BB, 肉質彈牙配上蜜糖芥末醬完美配合另送甜品～自家製蘋果批 + 雲呢拿雪糕配杏仁餅每樣菜式都好精緻同精彩，食到第五道菜後，原以為第六道菜將會是甜品，為晚飯劃上句號，誰知道⋯⋯驚喜竟然在後邊，第六道菜是30日亁式成熟美國黑安格斯上等肉眼牛扒。然後⋯大廚安排甜品碟上加上壽星女的生日祝福，還插上（吹唔熄的鬼馬）蠟燭，令大家喜出望外，好驚喜啊！全晚侍應們非常殷勤細心，既耐性講解食物內容，又主動加水換碟及清理桌面，令大家食得好舒服，非常愉快嘅用餐體驗。👍🏻👍🏻👍🏻👍🏻👍🏻 原來窗邊晚上的公園夜景也不俗。…Read More

本來打算假期入離島走一圈散吓心，最終選址珀麗灣，從碼頭上岸睇完跳蚤市集，再沿岸行到挪亞方舟參觀及影吓相，之後開始覓食。沙灘沿岸有幾間餐廳，可以一邊望海賞橋景，一邊用餐，最後選了相對開揚又旺中帶靜嘅 RIVA 灣 Bar & Grill, 估唔到最後竟然覺得驚喜。點了：炸魷魚圈、香醋蝴蝶粉、芝士餡餅、西班牙海鮮飯 及 飲品（啤酒做緊買2送1優惠）炸魷魚圈最有驚喜，炸漿唔會過於乾硬，魷魚質地也夠淋，在場嘅長者都咬得到。👍🏻 芝士餡餅夠乾爽（唔會好油膩），內裡芝士滿滿，口感豐盈卻又唔會漏。食飽後邊飲嘢傾計，邊望海賞橋，夠曬hea🤭 …Read More

衝著「荔枝柴風味雞」慕名而來，上次只得2人到訪，唔敢點嚟食，怕食唔落其他嘢，今次終於湊夠4隻腳啦。估唔到「紅假」竟然都有午市套餐供應，點咗一客酸菜魚（配白飯）套餐$58，食物上枱時發現原來碟頭，我哋一向少食澱粉質，所以碟白飯都足夠4人共享，酸菜魚以「份量」取勝，但「味道」卻比坊間酸菜魚專門店遜色。另外點了荔枝柴風味雞$218，由於我們無預訂，walk in 享用需等候半小時製作，雞奉上枱時還是熱呼呼的，稍待涼才帶手套用較剪將它解體，一剪開豐富嘅肉汁滲漏出來，咬入口時雞肉又鮮嫩惹味，就這樣一瞬間每人KO咗1/4隻雞。…Read More

我們三人都屬於「細胃」一族（食力相當有限），幸好這裡每碟嘅碟頭唔算好大，令我們可以試多幾款，滿足口腹之慾。星期三晚上7點嚟到，餐廳人唔算多，睇吓餐牌 其實「套餐」係抵食嘅，但係我哋又想試心水之選，同埋少肉少澱粉，最後還是選擇散點。點了：蒜蓉烤餅、香草馬鈴薯燴椰菜花、特色奶油雞、印度烤鱈魚。餐廳另外赠送風味小食同忌廉雞湯。最後飽到飲品也叫唔到（本來想點芒果拉西）以上食物首推：特色奶油雞，次推：蒜蓉烤餅，之後才是：印度烤鱈魚 及 香草馬鈴薯燴椰菜花。雖然餐廳前台人手少（接待、落單、傳菜、收銀也是同一位印藉男士（聽得懂廣東話）），但服務態度良好、勤快，而且細心（會主動加水），店舖食物免加一，性價比高👍🏻👍🏻👍🏻，可以 encore* 用餐期間有使用洗手間，乾淨整潔…Read More

睇咗「食在元朗」谷友介紹，趁星期五晚嚟撐枱腳。餐廳嘅裝修環境唔錯，食物質素高，服務也佳，性價比👍🏻，可以Encore。 美中不足係餐廳本來幾有情調，但係食至尾聲，鄰店大大聲唱K, 忽然好似返咗國內嘅卡啦OK大堂咁，咩嘢mood都無曬。 而且坐坐吓有蚊叮（坐室外）。人均消費$350…Read More

最近天氣轉涼，放工心癮起諗起食雞煲，下午5點幾 walk in 入內成為首位顧客，嗱嗱臨 order 招牌辣雞煲，店員知我首次光顧，耐心咁解釋我知佢哋係用「印度魔鬼辣椒」入饌，與坊間的指天椒辣度有別，如果平時在外食開小辣，在這叫 BB辣就夠了。於是我叫咗 BB 辣招牌雞煲（半隻）+ 啤酒。雞煲端上爐之後，員工會分時段去攪攪它（大約2-3次啦），以防痴低，ready之後就通知我食得。在煲緊等食期間已經聞到D香辣味，好正！😋好吸引！唔好忘記試佢哋自家製的瑤柱XO辣醬，都好好味㗎！地方整潔，店員有禮好招呼。…Read More