LK blog的个人专页

朋友星期日whatsapp我話想搵我出去傾心事，大家又住得唔近，諗個中間落腳點又要傾到計既真係不容易。結果去選擇左尖沙咀區，又不會太多人的the one食呢間星海。餐牌足夠我地睇成十分鐘，而店員又好有耐性等我地點菜。點完菜就試左碟前菜花生魚仔，要讚既係花生魚仔好夠脆，前菜都用心做，食物應該不會太差。先來既係醋香雲耳，其他亞媽成日都叫我自己買來煮，因為好有益，但平時真係不會整，難得呢度有得叫，仲要係48蚊，即叫啦！味道好清，不辣的，做頭盤不錯。再來便是鴨舌及海蜇花，鴨舌夠入味，而海蜇花是驚喜，因為咁大個人第一次食海蜇花。中間透明個位係咸咸地，而個邊好似花咁係好爽口既，第二度真係未見過。我地食野偏向清D，所以叫左帶子蒸豆腐，女孩子見到整得咁靚既花形當然即時加呢個心思分啦，豆腐好滑，面頭有粒帶子，但還是特別喜歡佢既擺位，好用心。金華蟹子卷係外面脆既，中間一層蛋皮，入面再有好似賽磅蟹既蛋白，面有蟹子，整個口感好獨特，而且整呢個送真係要心機先整得好，因為外皮係好夠熱既。而兩個人眼闊肚窄食唔曬既係乾鍋醬蝦腰炒稻庭烏冬，呢個烏冬係用手打烏冬來煮，所以同平時食既烏冬有D分別，但係個辣係麻辣咁好香既，份量好夠料，而因為我地要食甜品結尾，所以叫左侍應幫我地包起，不要浪費嘛。另一細心位就係用靚靚裝起個烏冬，而不是平時食店用既背心袋，話曬係呢個尖沙咀區拎住背心袋真係有D奇怪，呢個細心位不錯，要讚下。女孩子們的甜品結尾又要養生，又要特別，又要好味。選擇左昆崙雪菊燉葛仙米.....個名好長，如果不是影低真係忘記了，好特別既野，因為又係咁大個人未食過既野，一粒粒，又不似糯米，又不似魚子feel, 不懂形容，好潤好arm而家呢個天氣食。…查看更多

獨自一個人去食午餐，呢一間係食川菜既。獨食嘅午餐就係一碗手撕雞撈米線，加一個凍檸茶少甜。雖然一個獨食嘅午餐，但係個款一啲都唔獨喎，因為佢食個份量都幾多，同埋個款好似排到好多款送咁。配料有豬肉平，酸豆角，芽菜，雞，花生。雖然係無湯，但好夠味，因為病病地，所以叫左佢少油，果然油份真不多，而且叫左不辛辣。但我諗辛辣應該會更加好味，而檸茶不會太少檸檬，都算大杯。埋單35蚊，有下次…查看更多

為咗趕住做嘢，就在家樂方向去轉入去女人街諗住一間快靚正嘅餐廳食個15分鐘嘅lunch。午餐配飲品係要另外加錢既，我選擇左＄3嘅青檸水。心裏面仲諗$3真係好抵。呢個豬扒撈夢加青檸水只係＄43，係咪食之前真係期待，但一上嘅枱我就開始後悔。因為佢嗰杯係超甜嘅青檸水，而青檸真係薄到張紙咁樣。豬扒撈檬嚟到嘅時候，粉係一舊舊，店員主動拿醋俾我，落左少少，但碗野本身真係好冇味。連豬扒都係凍嘅，呢碗野加呢杯野，我並沒有食晒。離開呢個座位要行出門口嘅時候，我聽到附近有抬既客講：呢間野真係好難！而我絕對認同呢間野真係幾難食！…查看更多

瞓醒出街食午餐，事旦搵左間茶餐廳，一間沒有卡位但不用等位的茶餐廳。點了肉絲炒麵加凍檸茶。等了大約十分鐘有得食，一來到我嘩左一聲，因為好大碟，拿拿臨食返啖，好脆口，個麵炸得好好味，但豬肉絲比野做過手腳，所以不論質地及豬肉味麵無，而個汁比較漿，但份量剛剛好。最後我將成碟食曬，因為炸過，所以中間不是實心感覺大碟。雖然豬肉比較差，但以42蚊包飲品來講，已滿足…查看更多

未夠2點又叫唔到下午茶，但又覺得呢個時間叫下午茶叫既野好唔抵。所以係咁睇來睇去都想散叫。栥飯加酸辣湯，咁就35蚊....栥飯好熱，用保鮮紙包住，感覺上應該係叮完或整好後長焗，否則真係好難熱到咁，太熱佢點整呢？所以打左折扣，因為太熱對膠既問題再食落肚好似唔多好，豬肉鬆除左間中咬到有d硬，表面既飯有d乾外，都無咩問題既，細細舊咁。酸辣湯同傳上海既有分別，但好好味，但好熱既酸辣湯用發泡膠裝，見到有小氣泡（即係溶膠）再食落肚.....而且好唔環保…查看更多

朋友話出嚟聚一聚食個飯，我就二話不說選擇左係尖沙咀離西鐵站唔係太遠嘅一間放題。去到嘅時候就話以幫我地預留左一隻刺身船，同埋一碟燒烤併盤。跟住攞咗一個類似iPad嘅物體俾我地點餸啦。有小食，炸物，海鮮，燒烤等等...刺身船估唔到以三個人來講，分量又唔會有出奇幾多，真係覺得飯前食物唔錯。跟住我哋就攞住個iPad點左啲燒烤食物啦，如有海鮮啦，即係好似凡立貝咁係連埋殻架。而平時食放題有嘅炸物呢度好多都有，仲有估唔到佢個沙律都幾好食喎。因為當食得太多肉嘅時候，就好自然想食少少蔬菜清一清個口。牛方面都有唔同嘅選擇，係豬方面都有唔同嘅部位可以選擇。唔會好大件，無論點啲咩食物都好啦。我覺得食得晒先好叫為基本原則。真係唔好浪費食物，而我哋當然係將我哋所叫嘅食物全部食晒啦。美中不足嘅係呢一度嘅抽氣未係非常之理想。因為隔離枱一路燒野食整燶嘅時候都會令到全個場煙霧離漫。除咗呢一樣野之外我真係覺得呢間餐廳係一個唔錯嘅選擇。真金白銀俾錢食飯！…查看更多

今晚朋友屋企請客，叫咗圍內幾個朋友去食飯，佢買咗元朗一家叫萬里緣嘅盆菜，我都未食過呢一間。初時仲諗住攞個電磁爐番熱盆菜。但原來盆菜個盆係唔可以係電磁爐上面用。結果都係要拎返入廚房加熱。都幾豐富，有蝦，雞，鴨，芋頭，豬肉，魚蛋，蘿蔔，等等等等.....真係每款食一件都夠飽,而我諗部份食咗兩件啦。一路傾吓計傾吓計，不知不覺咁好快就飽左啦。最後一個盆菜當然係食唔晒，要留返比主人家連續式幾日啦......朋友話呢個係六人嘅盆菜嚟嘅，我諗六個大男人嘅話會食得晒，我哋有八個人，但大部份都係女人嚟，結果係食唔晒。我相信明天朋友番熱嘅話都應該係一個唔錯嘅晚餐。…查看更多

下午茶時間有客人在佢金司樓下嘅agnes b 買蛋糕. 佢隨手抽左件士多啤梨俾我。除咗士多啤梨之外，仲有杏仁片，其實味道並不豐富，因為底部其實係雲呢拿味嘅撻底。可能因為我食嘅方法同整餅師傅設計食法真會有唔同，因為我怕整污糟人哋嘅地方，所以我先食晒所有嘅士多啤梨，就淨係得返雲呢拿味既底，所以感覺比較單調，但都係唔差既。…查看更多

枱未抹乾淨就請人入座。食咗一碗冬陰公蝦球米線，＄49一碗充滿期待＄49一碗蝦球米線，應該會比起屋村茶餐廳或快餐店更好食的....理應！咪先住得太林，睇張相就知.....冬陰公湯底並沒有任何香料嘅味道。如果我從來冇食過泰國冬陰公，我真係會以為冬陰公係咁辣而且無香味，只係＄4包公仔麵入面嘅湯底粉。湯湯底差米線差都未係最緊要，最緊要嘅係爽口彈牙嘅蝦球，佢口感非常一流真係好彈。但係點解急凍蝦會彈牙過係街市買既新鮮蝦呢？用啲乜嘢去加工？我唔相信急凍嘅蝦會彈下得咁緊要....如果係手打蝦滑就有可能咁彈，原隻鮮蝦根本冇可能咁彈！…查看更多

因為今日有嘢要做，所以是但買個包做早餐啦。去到觀塘港鐵站，眼前只有美心同pie and tart. 美心嘅麵包好多時早餐都要食兩個都唔夠飽所以就選擇呢間，雖然早餐唔關唔習慣食甜野，但係今日想食素，就唯有照食。買咗件係提子檸檬批。其實就唔覺有檸檬味，但係非常非常多嘅提子，入邊都充滿着提子，呢個又真係幾開心喎！雖然提子唔係啲乜嘢貴嘅食物，但係你就覺得自己冇俾人呃。快樂就是這麼簡單！…查看更多

同屋企人食飯，六個人點到六個餸。大約＄600買單我覺得酒樓來講都算係合理但又唔稱得上抵食。＄18/3罐示威啤酒，好平又唔講得上，好貴又唔算係。但啲餸個份量都算大，有一種屋村酒樓家庭飯嘅感覺。你個粟米班塊好食，因為啲魚系剛剛炸起，然後就加粟米湯上去，但係個魚真係炸到好香好脆，而且又唔會太咸。咕嚕肉片就係炸得好脆然後個汁酸酸甜甜。開頭睇仲以為係剩係得渣漿，原來唔係，真係炸到佢好脆口，呢一個係必食之選。上湯雜菜有啲海鮮係面頭，湯底味精不多，所以無好鹹好甜嘅感覺，清清地。份量都唔錯但海鮮我就覺得有改善空間，因為冇嗰種好新鮮嘅感覺。炒通菜一定要送飯因為喊咗小小。金銀蛋莧菜都住得唔錯反而唔會太鹹。南瓜排骨的南瓜未夠軟身，二排骨就反而做得都唔錯。全因為我哋叫咗幾個都係菜，但敗筆之處就係菜！因為啲菜並沒有洗乾淨！雜菜煲嘅菜有沙！金銀蛋莧菜仁有沙！雖然平均每人＄100，但論整體質素來講略貴少少。呢排都係附近，應該都迫住幫襯，每次食完都會寫下評下佢既食物。…查看更多

香港人食泰國嘢已經係生活嘅一部份。間中突然就會想食泰國野，突然經過一間泰國鋪門口見到有芒果糯米飯，都忍唔住買黎食。但唔知道係擺咗幾耐啦，拎到返屋企其實有少少失望，因為拎到返屋企已經唔再熱了。未必關間餐廳事嘅，因為我返屋企都講緊大半個鐘，除左唔熱，啲飯仲有少少乾咗。所以我諗都係下次即買即食嘅好，唔係即食就唔再買了。芒果唔係屬非常之熟嘅芒果，但係仍然都好甜。有一個黑糯米飯波波＋3個普通平時食嘅白色糯米飯波波。感覺都幾唔同，味道上我鍾意白色既多d, 甜度剛剛好，有甜品嘅感覺，但又唔會覺得太甜…查看更多

呢個配搭好新奇，紅豆沙配魚柳包，一個中式一個西式。但竟然係香港嘅快餐店搵到個咁奇怪嘅下午茶組合。係呢個天水圍區，下午茶嘅時間原來都滿座嘅，但係等位就唔算等左好耐，好快就有位。個包比我想像中嘅好味，同麥叔叔嘅魚柳包好唔同，勝在炸得夠脆，而且真係覺得佢係魚嚟嘅，亦都剛剛炸起熱辣辣，連個包都係熱嘅。平時食紅豆沙都係酒樓多，係同酒樓食嘅有少少分別，就係冇咁傑，似係屋企阿媽煲嘅紅豆沙，但係再加左多啲糖既感覺。＄26一個奇怪下午茶組合，想奇怪下嘅時候都唔錯嘅…查看更多

一間食泰菜，越南菜既餐廳其實我不太識分泰菜同越南菜，好似都差不多既野2個人來食，一人叫一個沙律，酸酸地，甜甜地開下胃嘛點知原來都幾大份量，而且好足料，之不過兩個人明明叫既係兩碟不同既沙律，但只得好少不同大部分都是洋蔥同菜，洋蔥真係幾多下，但我不食生洋蔥既，夾曬出來，自己都覺浪費一個雞飯一個咖哩雜菜飯，一個天一個地咖哩好香，而且不太辣，又好多菜，咖哩汁送飯好味。我地都好鍾意但個雞飯好乾，靠個汁倒落去，但不算好食…查看更多

同朋友既小朋友去食飯，就要搵間大人細路都開心既食店小朋友都開心既食店係要有甜品的，而地方又不會太迫，不太嘈，無限時搵食既地方其實都唔易除左PIZZA，今次都試左包，因為見隔離TABLE都有叫，自己又想食，幾得意，因為好似法包，但平時法包係啡色，今次係白色，而且有樣野俾你去查上包度，都幾好食，夠脆口。意粉，雖然不是很多配料，但味道好夠，而且好多芝士粉，意粉軟硬度合適，小朋友都食到，但又不太林，好味。PIZZA既餅底真係好味，不知點解我特別喜歡有一層粉既感覺，感覺上無咁油同好新鮮意大利餅有COFFEE香同有味，而芝士CREAM夠企得穩但不實，不會太甜，合香港人口味…查看更多