foodie_momomo的个人专页

觀塘有好多隱世又chill 既餐廳🍴 今次去左Four O Five Coffee & Eatery，意外地好食 唔係純打卡餐廳！💜👉🏻主菜嗌左 石燒澳洲牛頸脊＋糖心鮑魚配露絲瑪利汁🥩牛肉外面焦香 薄薄地一片切開入面粉嫩juicy好有牛味🍖 鮑魚鮮甜爽口質地細膩，加埋醬汁恰到好處。點唔點醬汁就因人而異，點左口感層次豐富啲。👉🏻🦐虎蝦帶子意粉虎蝦肉質勁新鮮啖啖肉，意粉係鮮蕃茄味加咗微蕉蒜片，酸甜帶點微辣嘅蒜香 簡單但係一啲都唔輸蝕。👉🏻明太子薯條期間限定新菜式 即炸薯條配明太子醬，鹹香唔膩食唔停口，鍾意明太子嘅可以一試！ 💙👉🏻🍮粒粒芒果椰子忌廉梳乎厘重頭戲甜品主力推介！ 粒粒芒果肉天然果香配搭清爽椰子忌廉加埋口感鬆軟棉密既梳乎厘，搵唔到有第二間可以食到 仲有佢梳乎厘空氣感十足蛋味香濃，一個人食咗一個都唔覺得膩同埋間餐廳好多唔同味道嘅梳乎厘揀，但係好大份 唯有下次再去試其他味道🤤👉🏻海鹽Kiri芝士奶蓋白桃烏龍茶🍹芝士奶蓋奶味唔重但係口感絲滑，白桃烏龍茶白桃香同茶味好出好fresh 比例配搭得好好餐廳環境整體舒服，輕秋意木質裝修風格同暖色調燈光 好chill好滿足 ， 好啱同一大班朋友gathering食飯…查看更多

劉興記生煎包專門店係一間正宗上海風味聞名的餐廳，吸引無數饕客前來朝聖，我都去左品嘗一下👉🏻招牌生煎包劉興記既招牌生煎包係必需要食，煎包外皮金黃酥脆，底部經過精心煎製，形成一層焦香的脆底，咬落去滿滿脆感。內餡係由新鮮豬肉製成，肉質細嫩，咬一啖再小口啜吸湯汁，非常多汁且充滿豬肉餡料既鮮甜，再加上外皮搭配蔥花和芝麻的清香，微微既鹹香與湯汁的鮮美交織，好食到建議每人叫一籠四隻🤤👉🏻雞絲酸辣湯麵麵條煙韌有彈性，入口順滑而唔軟爛酸度適中，湯底微辣既刺激感恰到好處，濃郁而不膩，加上有細嫩既雞絲、冬菇絲、竹筍絲、木耳絲，醋香與胡椒的辣味，好開胃。👉🏻雞湯小雲吞雲吞皮薄，入口滑順，以清淡鮮美見長。豬肉餡料緊實。湯頭清甜，帶有濃郁的雞肉鮮味如蟬翼，包裹著細小的肉餡，整體食落輕盈又滿足。👉🏻蟹粉小籠包（4隻）蟹粉小籠包皮較為煙靭，內餡混合了蟹粉與豬肉，肉質細膩，湯汁充滿蟹肉既鮮甜，搭配一小碟醋食用提升左鮮味，不坊一嚐。食飯高峰期好多人食，店員係忙碌之中都抽空幫我地添加豆漿，值得一讚。…查看更多

天氣熱辣辣 日日30幾度 諗住去酒樓飲茶舒適啲 點知飲茶飲到一身汗🥵🥵🥵酒樓裡面溫度只係比室外好少少🤏好多枱都沿住大玻璃窗擺 而我地就係被安排坐呢啲近窗既位 窗簾完全隔唔到熱 酒樓冷氣完全唔夠 間唔中仲感覺有啲熱風吹埋尼 再加上飲熱茶 佢仲要俾個蠟燭仔🕯️保溫啲茶😂 野食又熱辣辣 愈食愈熱 愈坐愈辛苦 未試過係酒樓食野食到滿頭大汗 勁辛苦😵‍💫不過酒樓點心係唔錯既 粉果皮晶凝通透 蘿蔔糕用左切粒蘿蔔 雖然易散 但算香口 排骨都好惹味 鳳爪同燒賣唔錯既 應該？食到後面已經熱到唔知食緊咩 淨係想快啲食完快啲走🏃🏻🏃🏻🏃🏻…查看更多

古式木門超神秘 餐廳環境好有氛圍感🕯️餐廳座位唔多 有個L型既BAR枱同2張細枱 不過因為咁令🧑🏻‍🍳🧑🏻‍🍳同🤵🏻更加關注客人需要 🤵🏻超主動咁幫我地影合照 同埋每道菜都係等我地食完一道先再上 一道接一道 中間亦唔洗點等 而且每道菜都會細心介紹 其中一道係牛扒 🧑🏻‍🍳等我地中途停底傾計個時過尼問我地要幾成熟 盡量唔打擾客人👍🏻👍🏻👍🏻而係呢到Omakasa絕對係選擇困難症人士既恩物🤭…查看更多

其實ISQUARE有好多餐廳 我平時想食中菜都會嚟呢間上海婆婆336🍽️ 貪佢枱多 闊落同朋友傾偈食耐啲都唔怕 坐得都舒服啲！重點係價錢一啲都唔貴 份量多好抵食。我哋三個人 叫左5個菜都差啲食唔晒！椰菜回鍋肉，餐廳好貼心仲有得揀辣定唔辣，我哋就要左小辣 比較香口👍🏻鍋貼，三個人三隻啱啱好 鍋貼嘅皮雖然係厚 但係入邊好Juicy同埋個餡都好大舊肉 🥟 黃金蝦球，一上枱已經聞到好香 每一粒都包滿鹹蛋黃 而且粒粒都好大粒 絕對稱得上係蝦球🍤！水煮牛，水煮牛都有得揀辣度 我地要咗小辣 雖然睇落好紅 但係都唔會話好辣好油 比較適合香港人口味 入邊仲有大量嘅蔬菜 蓮藕雲耳等等，唔錯！主食要左蟹粉炒年糕，望落唔係好多蟹粉 但其實係有既 而且仲有好多蟹肉，同蟹油既香味 食食吓一大碟都食得晒🤪另外餐廳都仲有啲四人餐，六人餐 好抵食豐富，一班人或者同屋企人食都好適合👍🏻…查看更多

食開博康金沙角 諗住轉下 點知就中哂伏 見餐廳都幾多街坊食 仲有唔少人等外賣 諗住唔差得去邊啦 點知⋯🤯一次叫左2個餸 再後補個通菜 茄子排骨煲上得幾快 但唔香 冇鑊氣 茄子🍆咬落個心仲硬硬地 排骨咬唔入😰 食完等幾個字先上到個雜菌扒豆腐 賣相完全顛覆我認知 以為係白色豆腐上面舖雜菌汁 但原來係炸過既豆腐同雜菌汁兜埋 然後冇件豆腐係完整🫠🫠🫠成碟餸睇落似餸頭餸尾兜埋咁然後又等左幾個字先上腐乳通菜炒鮮魷 鮮魷算多 但咸到🥴 食餐飯等既時間耐過食😮‍💨整體尼講 呢間野只係將食材煮熟 冇鑊氣 冇賣相 味道劣 同埋樓面都幾多人 但冇人會執野 要叫先執 不過一坐底個時就好主動俾啲碗仔我地方便share食 另外餐廳主要膠碗碟為主 啲餐具勁油🤢…查看更多

👉🏻韓式辣汁海鮮意粉配刁草煙三文魚（$65）+南瓜🎃湯+田園素菜沙律配牛油果🥑+凍檸茶 （+$24）👉🏻雞扒法蘭克福腸滑蛋蓋鐵板拌飯+湯（$68）+西蘭花🥦蕎麥薯仔沙律+紐約芝士切餅配雪糕球+凍鮮奶咖啡（+$57）⭐️南瓜湯/蕃茄甘筍湯都好濃郁好天然既味道 鍾意甜既可以揀南瓜湯 鍾意酸酸地開胃啲就揀蕃茄湯⭐️沙律都好新鮮 田園素菜沙律配左醋fresh啲 薯仔沙律塊粒口感豐富啲 ⭐️Main 勁真材實料 一大團煙三文魚 意粉好多迷你蜆肉 啖啖都有蜆肉 仲有粗身魷魚條 意粉調味偏辣 但好惹味😋/ 雞扒偏淡 但勁大塊又厚身😆 就算配左少飯都食得好吃力 份量超大 個飯仲要係混合左紅米既飯😳點解可以咁正 ⭐️凍鮮奶咖啡仲可以揀2款配料😳🤭揀左曲奇碎同玉桂⭐️最後甜品當然唔可以錯過 紐約🧀 🍰 芝士味夠濃 好實淨 🫶🏻🫶🏻🫶🏻呢到免加一 食咁豐富人均都係$107 超抵食💃💃💃 餐廳裡面仲有好多手寫手✍️畫 好有溫度 溫馨提示一下 6點零7點已經滿座要等位🙊早食飯既好處就係唔洗點等位😆…查看更多

👉🏻精選2人餐 （$318） ⭐️是日餐湯係薯仔🥔洋蔥🧅忌廉湯 一擺底已經聞到令人流口水🤤既香氣 食落有沙沙薯仔蓉口感 洋蔥同蒜蓉令成個湯升華唔少⭐️煙燻鴨胸拼鵝肝果醬 鴨胸同鵝肝本身都係比較油膩 但微酸既果醬中和左油膩感 仲有啲fresh 拌碟焗薯汁煮過 雖然唔係脆口感 但就特別香口⭐️炸蝦🍤南瓜🎃忌廉意大利飯 擺盤好吸睛 炸蝦皮厚適中 入口鬆化 意大利飯偏濕 但加入南瓜令個飯味道特別濃厚 個人覺得似加左咸蛋咁既香 幾好食👉🏻一人一杯cocktail 我個杯係薄荷味 杯邊有朱古力 果然薄荷朱古力係絕配🤭 食飽可以慢慢飲 傾下計放鬆下…查看更多

👉🏻金湯酸菜魚 超大份量🈵 重點係個湯好濃厚入味 而且好多魚片 魚肉嫩滑 入口即化 同埋最正係用鱸魚 出面好多餐廳都用生魚 唔係咁like 除左多魚片之外 配菜都非常多 有海量大豆芽 仲有萵筍片 仲有水晶粉😍😍😍 👉🏻乾煸肥腸 埋頭食緊酸菜魚個陣 聽到啲咔嗞咔嗞既聲😳 原來食緊肥腸 肥腸外層炸到好乾身 但中間係腍腍地有咬口 唔係炸到成塊乾哂 外層仲痴住辣椒籽辣椒粉 超惹味🫶🏻🫶🏻🫶🏻👉🏻熊貓冰粉 係冰粉同紅糖糍粑之間糾結 最後揀左冰粉 用尼解辣一流 估唔到真係有粒熊貓係冰粉上面 好得意 冰粉上面山楂酸+提子甜+花生碎既香 真係令人食唔停口😚樓面哥哥見我地坐正風口位 一副受唔到風的樣子 就好主動咁叫我地轉去岩岩空出尼既卡位 超nice ☺️☺️☺️…查看更多

👉🏻自選2人套餐（2主食+3小食）$242超抵食 不過要留意返部分選項係要加💰 👉🏻主食揀左招牌牛油拉麵🍜 上面真係有塊牛油🧈係面😆自己放入熱湯熱溶 邪惡既湯底就形成左🫣 麵質彈牙好食/ 另外揀左白豚拉麵 呢款麵質同另一款唔同 呢款係幼身啲腍啲 叉燒偏瘦但都幾厚身🤭👉🏻小食揀左炒魷魚🦑鬚/吉列蝦/牛油炒草菇 魷魚鬚好彈牙 唔會韌 唔錯 吉列蝦炸得酥脆唔厚粉 好食😋 小食專登揀左冇咁飽肚既 但都飽到不得了🤣🤣🤣 …查看更多

👉🏻川味小炒肉 上枱已經勁香辣椒味🤤 辣椒冇去籽 所以係幾辣 食唔到咁辣可以撩走啲籽🤭 炒肉好惹味 送飯一流 而且炒得夠乾身 唔會成碟油浸咁 👉🏻鐵板泰汁茄子🍆 茄子中間釀左肉 好似客家釀茄子咁 茄子入口即化 不過最特別係個汁 用左泰式甜辣醬 別有一番風味 👉🏻冰鎮咕嚕肉 第一次食冰鎮 真係放係冰堆裡面 上枱即食 入口外層凍冰冰 一咬開就熱辣辣 都幾得意 攤左陣再食 就成舊肉都係涼陣陣 但係個皮仍然係脆既 同埋唔會覺得膩👉🏻台灣黑蒜燉海螺湯 打開有陣燉豬肉汁香氣 飲落黑蒜甜味突出 超鮮甜 加上個燉盅維持到溫度 由頭到尾都熱辣辣超正👉🏻招牌雞煲翅 有2舊翅仲有啲雞絲 個湯都幾香濃 60幾蚊好抵👍🏻…查看更多

之前係到食過牛嗲通粉 勁難食 啲通粉有陣怪味 但平時行過晚市都滿座 就試多次叫左個肉絲粉麵 個麵炸完都唔香 得個脆字🤯肉絲冇味 菇片有啲菇香 但都係冇味既 成碟野唔知食緊咩🫠 放左陣凍左仲難食 唔想放入口🥴蠔仔湯飯 仲有一團團未攪散既飯😑 蠔仔🦪飽滿但唔新鮮 腥既⋯同埋偏咸 不過對比起肉絲炒麵算係唔錯凍檸茶冇茶味 如果唔係督爛哂啲檸檬 有啲檸檬🍋味 以為自己飲緊白開水😐😐😐不過全場侍應就好充足 多過酒樓🫣要拎野好快俾到…查看更多

👉🏻燒鱈魚乾 燒到香脆 魚味濃厚 一口接一口 好快食完😆 覺得唔沾醬更加好食 魚味香啲 醬有少少搶味👉🏻蓮藕片 炸藕片沾咖哩粉都幾特別幾夾👉🏻象拔蚌 超超超鮮甜又爽口 可以輕輕沾少少🤏醬油提味👉🏻縞池 鮮嫩厚肉 沾🫚醬油更加提鮮👉🏻烏賊紫蘇梅子脆卷 中間腍身烏賊蓉配搭脆卜卜外層 中間烏賊粒粒口感 超豐富口感 味道方面 雖然唔係太多梅子醬 但梅子味由入口到食完都充斥住係口腔 鍾意梅子既人實鍾意👉🏻燒豬肝串 意外驚喜 好驚食到粉粉既豬肝 但呢個係爽口 同埋應該係用酒去燒 有陣香氣 又幾好食😋👉🏻照燒雞扒 雞皮燒到好似炸既咁 忍唔住連雞皮都食埋 雞肉嫩滑 沾完汁味道就更上層樓🤭🤭👉🏻五目炒雜菜 上枱已經好香木魚香 同埋炒得算乾身👌🏻👉🏻黑醬油拉麵🍜 好細心咁分左2碗 🐖肥瘦相間 軟腍腍 一咬就化開 麵質彈牙好食 湯底咸度適中 同埋海帶芽味道滲左入湯底☺️☺️…查看更多

👉🏻夏威夷薄餅（$178）睇個樣有啲失望🫣 不過餅不可貌相 ham 好soft 配上新鮮菠蘿片同埋拉絲芝士🧀️ 口感都幾豐富 唔會太dry 個餅底厚度適中 脆得尼有咬口👉🏻炸魚薯條🍟配他他醬（$128）炸魚岩岩炸起 炸皮脆卜卜 裡面包住既魚熱辣辣 切開仲出緊煙🤭 本身魚冇太多調味 配上他他醬岩岩好 👉🏻brunch set +$15 跟落蘑菇湯 菇味香濃 唔錯👉🏻坐出面感覺勁chill 但依家天氣真係太熱🥵都係坐室內舒服啲☺️👉🏻優惠情報 叫brunch set 可以free kids meal 都幾多帶小朋友去食🤣 職員對小朋友都好nice會同佢地玩下…查看更多

Crusta combo （$59）/Crusti pizza combo($74)👉🏻Crusta / Crusti pizza ✨牛肉Crusta (+$2) 面頭舖左薯蓉🥦 同🧀️ 裡面係滿滿既牛肉碎 用紅酒🍷燴 好香濃 又juicy ✨香腸pizza 薄餅底脆卜卜配蒜蓉底 除左香腸粒 仲有翠肉瓜片 蘑菇塊 係好食又健康既pizza 🤭👉🏻fries ✨蕃薯條 本身蕃薯條甜甜地 沾蒜泥醬原來都幾好味 咸甜咸甜 同埋蒜泥醬中和左炸野既油膩感✨薯絲餅 呢個係出面都好少見 通常都係薯條 薯絲餅中間夾雜左洋蔥塊 口感幾豐富👉🏻椰菜絲salad🥗✨油醋汁就清爽啲✨芥末汁都係比較light 唔會太大負擔👉🏻drink ✨檸檬茶/奶茶本身落左糖 冇得走糖 想飲無糖既可以揀梳打水😌👉🏻chicken wing 比起bbq 味 個人覺得更加似蜜糖雞翼追加：👉🏻烤雞pizza 蕃茄底 真係有蕃茄片 仲有甜椒洋蔥🧅 個人比起香腸pizza 就鍾意烤雞多啲 好香香草味 雞肉同蕃茄甜椒真係好match🫶🏻🫶🏻🫶🏻👉🏻泰式雞crusta 呢款睇樣同牛肉個款一樣 但咬開就係甜甜地既泰式醬雞味 雞肉粒俾得勁足 口味都大眾化👉🏻朱古力曲奇🍪 軟曲奇口感 上面啲朱古力粒令整體甜度多左唔少😆 不過都幾岩有時食飽想食甜野時食…查看更多