loklok0519's Profile

食壽司唔一定要坐低食，依家香港都開咗好多立食嘅壽司店，沒有提供座位只有站位，雖然要企住食，但壽司真係好高質👍🏻三文魚籽軍艦超正，三文魚籽新鮮，卜卜一聲係口中爆開，回味無窮☺️平時好少食到白子壽司，竟然喺度食到，白子入口即溶，冰見寒鰤魚油脂豐腴肥美！咁我地散叫了北寄貝壽司、赤貝壽司、鰻魚壽司、油甘魚、火炙三文魚、珍寶赤蝦、火炙左口魚、中拖羅同碎蔥吞拿魚腩軍艦👍🏻👍🏻北寄貝同赤貝都好爽口，鰻魚壽司夠厚肉，火炙左口魚輕輕燒過特別甘香👍🏻😄另外再點了立鮨特上拼盤，牡丹蝦壽司、深海池魚、北海道帶子、海膽、中拖羅，5款壽司都唔錯，最為喜歡係海膽同肥美既中拖羅，北海道帶子好鮮甜，呢個拼盤夠晒抵食！雖然要企係度食，但同朋友一路吹水一路食，唔經唔覺就過左40分鐘，下次會同朋友再黎…Read More

呢一間日本餐廳係我朋友極度推薦，去唔到日本，就梗係要去食壽司先得，所以我哋嚟咗食午餐，lunch set有10款選擇，每款都好吸引咁😍😍最後，我地揀左刺身set同丼飯😝😝.我叫既丼飯set (deluxe chirashi)有前菜、麵豉湯同蒸蛋，前菜係胡瓜櫻花蝦，幾清新同爽口，茶碗蒸滑溜溜，蛋香十足，仲好多配料👍🏻👍🏻.丼飯上既刺身太豐富吧，賣相好吸引，有10多款刺身，整整齊齊排列好，刺身色澤新鮮，有三文魚籽、牡丹蝦、海膽、拖羅、油甘魚、北寄貝、池魚等等，海膽同三文魚籽撈住飯食好滿足，全部刺身都好高質，鮮甜厚切，而且我覺得刺身仲多過飯，好足料呀🤣🤣.朋友既刺身set都好吸引，sashimi lunch，刺身就有赤貝、堅魚、拖羅、甜蝦、平目、章紅同八爪魚，同刺身飯set都係咁高質，拖羅肥美鮮甜，呢個set仲有一個煮物，係汁煮魚同蘿蔔，醬汁濃郁鮮甜，而且都幾入味！.最後仲有雪糕做甜品，食完呢個lunch好滿足，暫時去到日本，就當喺度回味左日本嘅風味💕😍.我地幾中意環境夠寧靜，侍應服務都好好，會再黎呀👍🏻👍🏻…Read More

喺金百利樓下見到呢一間餐廳新開，即刻search下有咩嘢食，見到OpenRice有85折優惠，二話不說就去咗呢度食日本野😆😆一入到去覺得裝修幾靚，幾和風，而且好有居酒屋嘅feel~~我哋叫咗幾樣嘢食一齊share，我最中意就係蟹膏蟹肉甲羅燒，燒香左既蟹膏蟹肉真係好惹味！唔搽係多士上，就咁𢳂黎食都好味，咸咸香香，仲有一隻小蟹鉗～玉子燒就係女朋友最鍾意食嘅嘢食，甜甜地口感又好軟綿👍🏻👍🏻雞軟骨好香脆，一定要趁熱食，如果有配檸檬就更好，可以減去油膩感☺️燒魚餅有少少貴，但味道不錯～因為想食菜，我哋就叫咗海鮮刺身沙律，幾有驚喜，因為都幾多刺身，味道好豐富～我哋怕唔夠飽，所以叫咗一個富士山丼飯，刺身完美地覆蓋壽司飯，刺身種類亦好豐富，但略嫌海膽不夠鮮甜～…Read More

工作過後決定喺銅鑼灣食晚飯，去食咗我哋好耐冇食過泰國菜😋😋😋😋😋迷你小食拼盤有齊蝦餅魚餅春卷，全部新鮮熱辣辣炸好，幾好食㗎！我幾鍾意食魚餅，味道帶點香茅味👍🏻👍🏻生蝦刺身幾新鮮，生蝦既肉質都幾彈牙～酸辣鳳爪既份量都幾多下，味道開胃，我就鍾意食比較辣啲☺️☺️泰式爆炸軟殼蟹好好食，非常香口，味道十足，軟殼蟹外脆內軟，如果軟殼蟹份量多少少就更perfect💚💚😊芒果沙冰好好飲，必叫，芒果味好香濃，而且一啲都唔假架😋😋最後仲叫左黑白芒果糯米飯做甜品，糯米飯熱辣辣，配上香甜嘅椰汁同埋芒果，不知不覺地好快就K.O.晒成的糯米飯😆☺️😆😆…Read More

去完海港城影完反斗奇兵既公仔後，我哋就決定咗喺海港城食晚餐😋😋海鮮海草沙律好好食，因為就咁睇餐牌，似乎係海草嘅比例比較多，但係實物見到，海鮮同刺身嘅份量都好多，好多嘅刺身粒粒，醬汁好開胃酸酸地👍🏻👍🏻玉子燒有三款揀，我哋就揀咗芝士玉子燒，芝士係蛋上面微微燒過，芝士味就更加香🥰雞軟骨就比較失色，炸得有啲乾身😊普通嘅燒雞翼都好好味，雞翼外脆內嫩，鹹鹹香香，肉質好嫩呀，好想再食多隻～牛油果軟殻蟹卷好大舊，軟殼蟹都好多，香口，但可以再炸得脆身啲，連埋後柚果同蟹子食，口感好豐富😁😁豐州壽司盛，一共有12件壽司，每一件壽司都唔馬虎，仲放上金箔係壽司面，顯得更加矜貴😆😆當中最吸引一定係海膽壽司，海膽鮮甜無比，非常抵食！吞拿魚壽司入口即溶，一次過可以食晒三款口感，仲有彈牙嘅赤背，都係好新鮮呀😍😍…Read More

呢間火鍋店比我嘅印象係非常好，因為由湯底到食材都好高質素，同朋友都食得好滿足，最緊要係可以慢慢食，又唔趕客！✌🏻✌🏻叫咗個芫荽湯底，入面有皮蛋同好多既芫荽，湯底清得來又幾香炸蒜係自己整，非常好蝦滑嘅份量好足，上面仲有啲蟹籽，而且好彈牙，食到蝦粒，味道好鮮呢！手打墨魚餅都做得唔錯，墨魚餅外層金黃，食落佢非常之彈牙，而且墨魚味好重！豬頸肉嘅形狀好特別，整成對玫瑰花，其實豬頸肉嘅份量都好多，都好新鮮！我勁鍾意食呢個白透，非常之爽脆，切到好薄，非常之通透☺️黑毛豬肉片，好大塊，豬味都幾香🤪💛仲有響鈴，係即叫即炸㗎！…Read More

話說好耐冇同女朋友食餐好，我地都係鍾意食日本野，就搵左一日黎食海膽大餐☺️☺️餐牌上有大部份食物都係有海膽，而我哋都叫咗好幾款都係有海膽既野食☺️十層海膽杯勁有誠意，唔好提細細杯，入面嘅材料好豐富！海膽色澤光鮮飽滿，味道濃厚甘甜，口感亦十分好，係口腔內半溶😝食呢個海膽杯時，可以一啖食到海膽同三文魚子或者吞拿魚茸或其他食材，口感10分豐富🤩基本上係有三層海膽，中間有一啲蟹肉吞拿魚肉，蟹肉，三文魚子等，淡淡鮮甜👍🏻特色海膽火焰卷，最特別嘅地方一定係店員會幫手點火！而且每一件壽司上面都有海膽，絕不兒戲，加上三文魚子同埋芝士，好好食😝👍🏻海膽芝士焗蠔好正呢！又芝士又海膽，勁邪惡呢～芝士燒到微焦香口，醬汁香濃，蠔肉多汁，不錯👍🏻青蘋果絲沙律係一個清新既前菜，好爽脆架！芝士年糕脹卜卜，芝士味道頗濃，口感外脆內軟！呢個係清酒鮑魚雞翼，口感好特別，雞翼已經起咗骨，入面包咗清酒鮑魚，外軟內彈，鮑魚亦好有口感，好香清酒味，好食呢！名字係雲海板上飄，因為店員會倒上乾冰，其實係蒟蒻麵嚟嘅，再加滿滿既海膽，配佢地先家製既醬汁，麵條彈牙，清新開胃👍🏻😝最後用左海膽雪糕作結，海膽雪糕都食到海膽味，，都有淡淡的牛奶味，係一個幾特別嘅雪糕🤣🤣…Read More

網上見到呢間廚師發板有好多人推薦，所以就預先訂左星期六黎食晚餐，我地揀左中價位既彩set，有齊前菜，刺身，熱食，壽司，湯，同甜品☺️☺️前菜既中拖羅蓉配魚子醬已經好吸引，唔需要點任何既醬汁，就食到中拖羅既鮮味，加上咸咸地既魚子，令幼嫩既中拖羅提鮮😝😝左口魚有2種食法，食左邊薄肉 ，刺身就爽口啲，味道就淡一啲，同食右面群邊，群邊魚香四溢，配酸汁 令味道更特出，而且好香呢☺️赤貝爽口帶點爽脆，而且都幾大，色澤明亮^ ^北海道牡丹蝦，味道好鮮甜，顯然是上等既貨色😍😍蝦頭炸到金黃香脆，香口呢🤩生蠔再加上安康魚肝，魚肝油脂豐富，生蠔好大隻北海道毛蟹加蟹醋啫喱，要 拌均食，味道有少少酸，還原蟹肉的鮮甜用紫菜包住燒左既拖羅，燒吞拿魚魚鮫勁肥美，店員已經提示小心滴油，可見肥魚鮫油脂豐腴，十分濃郁，味道充滿口腔💛煮黑目鯛魚餃，醬汁甜甜地，連蘿蔔都整得好入味！金目鯛壽司中拖羅壽司-超肥竹簽魚海膽-勁鮮甜三文魚籽 -上面有檸檬碎，咬落去逐粒係口腔爆開，咸香十足右口魚邊，比左口魚，魚味同魚油更濃郁， 入口即溶中吞手卷 燒熱紫菜，再包上半溶既魚蓉奶白色既魚湯，魚味十足，鮮甜，材料亦好豐富甜品係忌廉芝士紅豆卷同芝麻雪糕，外皮好脆，芝士卷外脆內軟，紅豆蓉同芝士忌廉好夾，我幾中意個雪糕，但芝麻味可以再皇啲每一道菜都做得好出色，下次會想繼續黎☺️☺️…Read More

早排同有人去咗呢度食蟹宴，由第一道菜去到最近一道菜，都可以食到蟹肉既鮮甜，令人一試難忘！最難忘係蟹肉刺身，我記得係應該係第一次蟹刺身，味道鮮甜，有點彈牙～預先起好肉嘅關係，所以啲食得好方便，而且啖啖肉，大大條～旁邊仲有軟甜嘅帶子同三文魚子～呢個係長腳蟹，食既時候要慢慢挑出黎，蟹身位置都可以挑出，不過味道10分鮮甜，點小小醋，味道就更開胃👅天婦羅蟹肉卷 同蟹肉蒸蛋，蒸蛋10分好吃，蟹肉嘅味道同蛋香嘅味道天衣無縫💛💛最後仲有一個蟹肉湯😝😝…Read More

一直覺得旺角嘅Cafe都係好提議喎唔好食，慶幸今次呢一間餐廳食物質素高，坐得都幾舒服，不過就好似有最低消費☺️☺️晚上嘅Booking都好full，想黎就最好預約先😂😂軟殼蟹芝士薄餅，如果軟殻蟹係預先切開四份，鋪係薄餅上好似會更加好，因為除咗軟殼蟹同蟹籽之外，薄餅就只有粟米，顯得有單調，不過味道幾好💛大啡菇勁吸引，勁抵食，仲有好多芝士！炸魚柳同薯角，魚柳香脆，肉質滑，薯角都幾好食～魚柳係兩大塊！水牛城雞翼，醬汁酸酸甜甜，味道開胃！朱古力飲品，味道幾濃！…Read More

呢排想食omakase，忽然醒起同事嘅好介紹，一於就同女朋友去元朗呢間omakase 撐枱腳😊Menu有四個套餐選擇，我哋就揀咗最平嗰一個套餐$900/1位，有前菜、10件壽司、海膽手卷、湯同甜品😊有三款嘅漬物，Wasabi蘿蔔，麵豉蒜頭，薑片，我認為蘿蔔幾爽口，味道很醒神！前菜係南瓜豆腐，芝麻菠菜，豆腐整得好滑，而且帶有南瓜味😊先黎深海池魚、油甘魚同竹簽魚壽司飯整得啱啱好，唔會太過鬆散，至於魚生就好新鮮，池魚爽口～油甘魚魚味頗重之後有銀鱈魚、鯖魚、瑩光魷魚銀鱈魚有微微燒過，鯖魚味濃，瑩光魷魚肉身多汁！最後有安康魚肝、蟹肉、赤貝、拖羅壽司🍣安康魚肝十分珍貴，口感軟綿，赤貝爽口鮮甜，蟹肉啖啖蟹肉絲，拖羅肥美！油脂好重💓💓海膽手卷亦都好正，海膽好鮮甜，完全冇腥味！麵豉湯都好有驚喜，入面有好多個菇粒同埋蜆肉粒，味道豐富😊甜品係咖啡奶動同芝士蛋糕，咖啡奶凍不錯， 充滿了咖啡香☺️☺️…Read More

呢間串燒店絕對有驚喜，餐廳光鮮企理，坐得舒服，服務亦都好好，亦都冇一般串燒店好大浸油煙味，所以同朋友喺度食得好舒服又幾好味，價錢亦都合理💛💛燒冬菇同雞髀菇好多汁，泰式燒豚肉好大份，肉邊帶少少焦香，點埋泰式醬嘅話更惹味！完全冇肥膏㗎🤣翠玉瓜多汁鮮甜，翠玉瓜逐件逐件反黎燒，更見師傅嘅用心☺️ 蟶子皇好大隻！用咗蒜蓉黎調味，所以非常香，聖子亦10分鮮甜👍🏻多春魚好好食，芝士年糕勁好食，軟綿得黎又帶咸香！燒蠔係朋友食嘅，聞到都覺得香！雞胸軟骨好有咬，同平時食嘅雞軟骨唔同！旁邊嘅燒白鱔，如果魚皮燒得更香脆就咁好食👅👅燒茄子惹味，啖啖肉，而且蒜蓉磨得10分幼細！燒豆腐係幾有驚喜，出面塗滿醬汁，口感係係外脆內嫩！串燒店整嘅墨西哥薄餅亦都10分好食，薄餅香脆，入面就有啲芝士、洋蔥、紅椒粒等等，口感豐富！呢度嘅服務好好，下次會想再嚟！…Read More

約左一個差唔多三年冇見嘅朋友見面，就同佢喺呢間太子西區食晚飯，見到有唔少嘅好評得閒就同朋友試試佢😋我哋叫咗兩個晚餐，有前菜、主菜、飲品同甜品，都幾豐富架☺️☺️前菜有三樣嘢，都係細細份，我哋覺得蟹肉他他幾好食，鮮味十足！中間係龍蝦菠菜湯，又真係飲到有龍蝦味😆😆主菜要咗加拿大豬鞍扒，豬鞍扒好大份，肉質唔會煮到太鞋口，有幾濃嘅 豬味，配菜嘅薯蓉都幾好食😋呢個黑糖桂圓茶，好健康又養生😛心太軟好好食，有好香嘅朱古力味，如果有埋雪糕就好喇🙈🙈…Read More

香港仔終於開咗新嘅台式飲品店，唔係連鎖集團式，梗係同屋企人試吓啦😋😋😋本身我覺得飲品嘅定價唔太貴，更加估唔到而家新開期間，飲品買一送一，實在太抵啦😍😍😍買咗兩杯同屋企人分享😝😝第一杯係芒果芝芝冰茶，見到芝士奶蓋係非常之厚，啱晒芝士抵🤣奶蓋口感 creamy，但味道比較偏甜，少了一份鹹香味☺️☺️☺️芒果冰茶有飲到絲絲嘅芒果肉，亦都有茶嘅味道😊😊第二杯係火炙芝士黑糖珍珠鮮奶，因為冇叫少甜嘅關係，我覺得飲品太甜了，如果叫微糖會比較好，珍珠充滿黑糖香，而且都幾有咬口😊😊…Read More

天氣轉冷，自然就想打邊爐，知道呢度新開左台式火鍋店，就同朋友黎食生日飯！🤣🤣一入座，就可以先調配醬油～火鍋湯底我哋就揀咗三杯雞煲，感覺好特別！三杯雞半嘅醬料味道唔算太濃味，主要有蒜頭，香葉，洋蔥等調味，不過味道唔錯😊😊普遍食到既雞都算幾滑～越煮越香～鹹蛋黃蝦丸好大粒，蝦味濃郁～🧡但煮完嘅鹹蛋黃有啲實，如果可以整到有莎莎嘅口感就好啦😋😋響鈴用腐皮即炸，新鮮好吃！💚聖子好新鮮，而且都幾大隻，十分鮮甜☺️☺️墨魚滑好彈牙，而且一啲都唔腥🤣最後竟然有石榴做水果😝😝…Read More