Sarahrahahahah's Profile

早前同朋友食過一次覺得唔錯，所以再次光臨餐廳,試試能否保持水準！上次叫咗二人set都幾飽，今次散叫左食物，部份食物係encore的。咖喱蕃薯條第二次食，覺得上次嘅咖喱醬比今次好食。個人其實偏好沙律醬味重d，而今次食就咖喱味偏重。成份蕃薯條份量多，食到最尾仲食緊所以多人分享更適合。叫咗炸蝦肉釀雞翼珍寶珠，喺餐牌上算係推介食物所以就試一試。個人認為偏鹹，味道亦未算話好吸引，唔認為蝦肉同雞肉特別夾。所以試一次就夠。不過值得一提嘅係佢個松露醬不錯，都能將食材提升嘅。到main course，食米形粉。上次食過松露蟲草花雜菌米形粉，今次食黑松露雞肉雜菌米形粉配溫泉蛋。我想講佢嘅米形粉真係超！好！食！類似risotto 但用米形粉比起用米更岀色！口感一流！十分推介比各位未食過米形粉既朋友！最後叫咗個水果茶都唔錯，水果粒都新鮮，值得一叫。成間餐廳氛圍舒適，亦冇特別限用餐時間。整體食物水準高，會再次光臨。…Read More

係openrice search 筲箕灣有咩嘢食，見到呢間撈起，有印象俾傳媒介紹過，所以決定放假嘅時候黎食。見到佢既招牌係花膠撈麵就當然要試吓啦，然後又見到佢個燉湯幾吸引，所以就叫咗個套餐，好似抵食啲。個套餐包一個花膠撈麵，一個＄58嘅燉湯（我叫左花膠燉雞湯），一碟小食（我叫左兩隻雞翼） ，同一碟生菜。總共要$148先講講個燉湯，好鮮甜呀！雖然唔係落咗好多雞，而係比較多瘦肉，但整體都唔錯。個花膠意外地幾脆而唔係滿口膠lol。個撈面嘅汁唔錯，麵質非常爽口！好老實講個花膠反而係陪襯品。個雞翼非常之好食，外脆內軟，個汁都唔錯，係意料之外。另外叫咗一個黑松露鮑魚意大利飯。黑松露味都幾香，鮑魚口感亦都不錯唔會韌，不過就完全唔係意大利飯，而係此啲汁撈落啲飯到， 所以個飯就比較遜色啦。成間餐廳雖然唔大，但主要得1個人負責落單上菜結帳，所以都要等一等。不過整體用餐都唔錯，會再嚟食。…Read More

平日lunch hour時段朋友話想試 請坐，話好似好好食，就一齊去食下！鋪頭細細一去到都要排隊，然後見到門口標住用餐時間30分鐘😨下，咁趕？不過一場黎到唯有照試。等緊既時候已經可以先點菜，等左20至30分鐘就到我地，不過3人坐2人枱坐位有d迫。坐低無耐就有得食，點左滷肉飯(細)，紅燒牛肉麵同肉鬆蛋餅，凍珍珠奶茶。個滷肉飯既滷肉選得不錯，有肥有瘦，分佈都平均👍🏻不過係普通滷汁味唔係台灣古早味。有少量菜甫點綴😋睇落細碗但都幾飽。朋友話紅燒牛肉麵ok。我覺得個湯都唔錯。個蛋餅就普通。好普通既肉鬆，蛋味欠奉。至於個珍珠奶茶我覺得有驚喜！應該無用奶精，口感香滑。珍珠口感不錯，亦不會太甜。雖然佢唔係準30分鐘叫我走，但到40分鐘都真係必趕！杯嘢飲都未飲完唯有外賣杯帶走加1蚊。個人中意慢慢食，今餐有d趕，如果可以放寬用餐時間就好啦。…Read More

星期六晚同朋友慶祝生日就諗緊有邊到可以坐耐d得黎嘢食又不太失準，最後諗起慢煮工業。其實之前都食過呢間同其他分店，不過都係食午餐。今次就第一次係到食晚餐就寫下啦。首先叫左黑松露蕃薯條，注意係蕃薯(地瓜)唔係薯仔。個人同朋友都覺得唔錯，甜甜地配上黑松露沙律醬🤤一流。之後上左個龍蝦湯，正正常常，朋友話似合味道杯麵味😂well 睇得出係用粉溝嘅差唔多啦。而佢附送嘅麵包都幾好食既。主菜方面，叫咗個香蒜大蝦扁意粉，安格斯西冷牛扒，仲有一個肉類拼盤(唔係好記得個名，淨係記得有鴨腿窩夫😂）個香蒜大蝦扁意粉真係好伏。完全冇汁無味。個西冷牛扒食得出煮咗好耐但都好普通有d失望。個肉類拼盤既鴨腿都正常嘅。佢個窩夫應該係炸嘅。佢唔係外脆內軟嗰種，而係好似炸饅頭嗰隻，有點油膩但我覺得都OK。飲品叫咗荔枝接骨木花梳打，荔枝味較重難飲到接骨木花味。最值得一讚嘅係服務員態度都幾好。食完呢餐之後我覺得佢水準好似比以前下降，或者食午餐可能會比較好。…Read More

上次已經試過佢嘅煉乳麻糬，今次再試抺茶同可可味💕$15一條麻糬少少貴但我真係好中意佢既麻糬呀🤤好有咬口，外脆內軟，真係好正！試左三個味，覺得抹茶最好食，其次係煉乳，之後係可可。有機會再試黑糖啦。等多15分鐘左右杯飲品到啦！叫左no.4既腐竹白玉奶茶+小芋圓，少甜微冰。少甜同有少少偏甜個人覺得。杯飲品本身佢標榜濃郁豆香，我就覺得就豆香欠奉差少少啦。但杯奶茶都ok，飲得岀係日本茶，同其他飲品店唔同。白玉好滑都有口感，小芋圓帶有芋味不錯！會再光顧試其他飲品！…Read More

見到網媒介紹呢間臭臭鍋。個人本身都幾鍾意食豬紅呀，血米糕呀，臭豆腐呢類型既食物。所以就趁天氣仲凍嘅時候拉咗男朋友去試食。等左大約半個鐘左右。排緊隊嘅時候一路都諗緊要食咩鍋，最後決定叫臭臭鍋唔辣，同埋麻辣鍋中辣啦，話晒都係王牌呀嘛。另外仲叫咗多多綠（益力多綠茶）同埋王牌奶茶。飲品首先嚟到，我想講杯益力多奶茶真係好難飲。冇綠茶味都冇益力多味，我唔知我飲咗啲咩。而杯奶茶就正正常常啦。主角到：臭臭鍋唔辣。臭豆腐少臭，其他配料都普通。麻辣鍋中辣。其實都唔係好辣。都幾多油。佢有建議沾醬，個醬係幾好食不過食物本身都夠鹹，所以我都冇乜點用。個鍋整體份量都幾少。牛肉質素都麻麻哋。老老實實，佢嘅血米糕同埋豬紅都幾好食，但係佔嘅份量極少。如果多啲就好啦。整體感覺普通，呢個價錢我會揀去食吉字頭火鍋，平啲，份量多啲，又可以坐耐啲。…Read More