EKPC Ben Lau's Profile

Book marked 好耐，等天氣夠凍先去試！星期五放工， 7點幾去到，啱啱有一台食完，唔駛等位。餐廳唔大，得幾張枱。 樓面得1個staff。叫左「鮮牛+窩蛋飯」 ， 「魷魚肉餅+窩蛋飯」落單起，約10-15 分鐘就有得食。 佢唔係用最傳統煲仔飯既煲，佢隻煲係黑色既。 幾好，唔痴底。 飯既質地軟硬適中，飯焦唔會硬，唔會痴牙。食得好舒服。唔覺唔覺就食曬！ 食到底，一粒飯都唔會浪費，可以食曬。牛肉唔un ，亦唔會有大陣鬆肉粉味。肉餅有小小小小咸，都野味！ 兩個都收貨！ 叫飯送紙包茶。服務： 照顧堂食+ 開3 部外賣機既情況， 算好正常！ 環境： 小店環境，但食完全身內外都吸滿油煙味。 返屋企前，臨洗衫，先好去食！ 總結： $6x 蚊一個飯， 正正路路， 好食， 收貨。 …Read More

熱潮過去，weekend 兩點去， 兩位唔駛等位，直入。小店預左搭枱+ 迫。 如帶大袋/ 背囊， 不建議去食。 試左牛肉伴飯 + 牛頸脊伴飯+ 泡菜醬餃子小食。以上兩款韓式伴飯都係跟甜醬油膏。 個人prefer 韓式伴飯甜辣醬多d。 每個set 都跟 3 款韓式前菜 + 一小杯湯+ 一個無理頭澱粉質。 韓式前菜 ： 唔錯👍湯： 幾好👍 濕下個口咁。 澱粉質 ： 似驚個飯食你唔飽， 無啦啦跟俾你， 我食個日，係跟個通粉沙律， 不男不女咁，十分不解！ 主角伴飯： Li 個食評係食左兩日之後寫。 個飯，而加回憶起，堅無咩記憶點…… 夠飽既， d 牛唔un, 食到，正路。 泡菜餃子： 底個醬，好夠味。 個醬濃味到，粒餃子🥟係咩味都食唔到！ 飲品選擇唔多，放心，如唔啱飲， 唔會有水供應， 亦無水賣。 兩人total 食左$202 。…Read More

位於地鋪，相比一樓鋪有湖景，地下鋪沒有任何景觀。經過見午市套餐幾抵食。 入去試下。 叫個平平地， 試下水溫先。 叫左Set A。 + $5 要汽水。有蛋汁流出，煙肉小小小脆，包都有烘底，唔錯！個包係港式份量，細食女士剛好。味道十分正常， 沒有驚喜，沒有再試的衝動。一路食，一路睇apps， 如經網上apps order 自取， 就要散叫。食食下， 有小朋友喊聲由cashier傳出。 可能係一家大細一齊經營。總括黎講， 如經過，想食小小野，又想食漢堡，又想支持家庭形式店舖。 可以一試。…Read More

啱啱去買外賣， 成間鋪個時得兩個客，兩張單， 我買兩碗糖水。 拎到返屋企， 兩碗都唔係我買既糖水。 錯曬！ 其實， 如果個職員唔想做， 咪做啦！ 成$60 蚊， 買兩碗都唔係自己想食既野！ 無啦啦晒左$ 。 ……..............................出返去換， 又要晒個口罩！ 唉！ 無啦啦被玩。 …Read More