raymonde1208's Profile

今日住粉嶺朋友約食飯, 對粉嶺唔太熟的我就由他帶路, 去咗牽晴間一間叫”金枕頭”的泰國菜館, 朋友話係真泰國人做廚, 好正宗, 佢幫襯咗十幾年, 朋友出名識食, 咁一於試試.我地平日7.30PM去到, 都8成滿, 幾好生意, 入門口泰國姨姨都好親切, 泰國人都係熱情D.電子落單, 我地點咗:泰式併盤- 蝦餅勁好食, 沙爹足料, 好大串肉肉, 上枱全份小食都好熱, 剛剛炸好, 好好味菠蘿炒飯- 黎到個賣相已經加哂分, 好足料, 好大份量, 用新鮮菠蘿, 有水果D飯都炒得好乾身, 哩D咪叫功夫囉, 好好味香辣肉碎炒河 – 朋友強烈推介, 真係炒得好有鑊氣, 辣度啱啱好, 加埋D九層塔好惹味青咖喱雞- 椰汁味好出的一個青咖雞, 雞肉好嫩滑, 一D都唔鞋, 美中不足係白飯要另外叫, 個汁好好送飯食後感: 價錢係街坊價 唔貴, 食物質素好好, 上枱食物都好夠熱哩個係值得一讚, 招呼都好好, 泰國姨姨會主動話我地分量夠, 唔夠先再加, 好有心, 哩間好值得再去, 大推…Read More

做日做完GYM , 突然好想食D餃子, 由旺角行到太子俾我見到一問叫餃掂既餃子専門店, 一於去試試, 係門口見餃子個湯係老火湯, 係咁咁正丫?入到去睇下餐牌, 普通餃子價錢都合理, 但係店員推介龍鳳松茸餃, 係貴少少, 但係包無失望, 食過一定返轉頭, 講到咁誇咁就要試下啦另外仲叫咗元貝豬肉餃同韭菜豬肉煎餃, 應該會好飽下, 龍鳳松茸餃-不得了, 入口好香菇菌味, 松茸味將D豬肉提鮮得好緊要, 店員無介紹錯, 好女子味元貝豬肉餃- 第二最值得叫既餃子, 元貝有少少咸鮮味, 好惹味,韭菜豬肉煎餃 - 香口推介, 外脆內多汁, 再點下佢地既菜甫辣椒油, 好好味結論: 好出色既餃子店, 味道100分…Read More

因為疫情關係, 差唔多兩年無出街同朋友慶祝生日了, 朋友推介海港城一間中價位, 性價比好高既西餐廳(AMELIA), 今日一於試試.去到環境的確唔錯, 有海境, 望住天星碼頭, 今日假期前一日都幾FULL, 要去真係要早少少BOOK位, 待應好好, 為我地安排咗一個窗邊望看位, 正見完餐牌, 一個西冷扒都係3百幾, 我覺得係合理價錢, 但係都係食咗先講啦~我地叫咗兩個湯, 一個蠔湯, 一個龍蝦湯, 蠔湯底有好多西芹粒, 再配上兩隻好鮮甜既生蠔, 成個湯好有層次, 有西芹清新+蠔既海鮮鮮甜, 出色.龍蝦湯有烤過既蔬果做底, 龍蝦味中又有燒烤香味, 一黎就黎咗兩個咁出色既湯, 之後點算丫~我地再叫咗一塊西冷SHARE, 大概8安士左右, GRILL得好鬼香, 好濃牛味, 必叫.黑松露意大利飯, 濃濃既黑松露味, 再鉋咗幾片新鮮松露係面, 打卡指數爆哂分. 綜合環境, 食物, 價錢, AMELIA 我俾95分, D野真心好食都有心機整, 正正…Read More

最近好想食海鮮, 近一兩年蒸鍋又好似唔流行了, 但係又想好想食蒸海鮮喎, 朋友介紹cwb有一間食蒸海鮮叫”蟹仙” 佢話D海鮮好新鮮,四百幾一個套餐價錢又大眾化, 有龍蝦鮑魚奄仔蟹食, 係咪咁扺丫? 一於去試試.我地點咗一個每人$499套餐, 睇字面好擔心唔夠飽, 但係店員叫我地放心, 一定夠餐, 個餐有龍蝦,奄仔蟹, ,石班一夜干九孔鮑, 幾種貝類…(太多…附餐牌自己睇)跟住講下味道,日本石斑一夜干 – 通常日本居酒屋都係燒OR煎, 香口D, 蒸係第一次食, 鮮甜又帶咸香, 一D都唔腥,澳洲龍蝦仔-- 唔好睇佢蝦仔細細, 爆哂膏, 好咁香野生奄仔- 哩個堅丫, D膏同肉都好香, 好食過大閘蟹好多, 咁啱又係中秋前後, 真係好靚, 想叫多隻 總結: 真係好扺食, 幾百蚊自己買唔到哩D貨, 去食啦, 唔好煮啦…Read More

肚空空想找一些飽肚餐廳，經過太子附近發現開了一間餃子店，即管試試！每台桌面都放了一自家制辣椒油及菜甫豆豉醬，極之香口，作為餃子調味十分適合我們一行兩人點了三款餃子及一些小吃元貝豬肉餃最為推薦，一咬落口元貝的咸香味撲鼻而來，配上充滿鮮味的豬肉餡，實在高質素！而且湯底亦不普通，是用老火湯作湯底，完全可以整碗湯都喝光龍鳳松茸雙灼餃亦亦屬另一推介，內裡肉餡保留了大量肉汁，鮮味十足！冬菇加上黑松露的組合十分配口，令人一食再食！韭菜豬肉煎餃外皮煎得香脆，韭菜香口，完全做到外脆內軟效果！值得推介這間餃子店！…Read More

疫情關係, 好耐都無出街打邊爐了, 好掛住D老火湯邊爐, 尤其是花膠雞個D老火湯, 又可以飲靚湯又可以打邊爐, 真係好正, 諗到哩度我第一時間就諗起荃灣大滾友, 佢可以為雲雲老火湯邊爐中的表表姐, 今日同兩個朋友再去會一會去. 必點的是我最愛花膠雞湯, 個湯勁濃勁有膠質, 有火腿味, 仲要鬼咁多花膠, 雞好滑, 其實叫一隻雞4個人要KO佢話咁易. 我地再叫咗一個牛肉併盤, 一個海鮮併盤, 因為女仔多, 應該夠滿既, 牛肉併盤幾六種唔同部位, 我淨係知好林同好香, 有問過店員點份, 不過可能腦霧唔記得哂, 個腦淨係幾得好食囉, 個海鮮併盤都值得一讚, 好新鮮, 好似剛剛係陽屋道街市拎過黎咁新鮮, 正…Read More

因為疫情關係, 好耐無同幾個朋友出食下好野了, 朋友話北角有間食日式炸物的小店幾好食, 今日一於試試, 坐低睇到個餐牌好靚, 環境都唔錯, 有幾個卡位都好日式下, 啱哂D女仔朋友打卡, 餐廳以日式炸物配咖喱飯為主, 個飯佢叫煎飯, 都幾有創意丫 我地點咗幾個:1.黃金大蝦咖喱配煎飯: 大蝦炸得好香脆, 好鮮味, 咖喱汁好濃, 好好味2.芥未脆魚柳肉醬汁配煎飯: 淡淡的芥未味減輕了炸魚既油膩, 好聰明的做法, 好味道3.小食方面: 叫咗個炸芝士, 一咬開係爆醬拉絲的, 好濃芝士味, 一定要食, 4.炸雞件: D肉好入味, 好多汁, 不得不提佢地D醬汁真係好好味5.蝦多士, 香脆而唔多油真係好巧廚師功夫架, 必食…Read More

星期六朝早去完龍尾沙灘玩, 好鬼肚餓, 有個住大埔朋友話八號花園對面有間食東南亞野既餐廳幾好味, 重點係份量大, 加上有沙冰飲, 曬到個人興洽洽最去不過啦, 一於去試試, 去到我睇下個門板叫果子, 我問我FRD係咪去錯, 佢話唔係, 哈哈, 以為食菓子一定係日本野咩, 坐底我叫咗個豬頸肉摻摻叻沙+南乳雞翼+百香果沙冰, 價錢都幾合理, 食物好返到, 叻沙湯底好濃, 椰子味同蝦味好平衡, 飲落好舒服唔會太搶, 少少辣好開胃, 南乳雞翼好出色好香南乳味, 外脆又多汁, 百香果沙冰好大杯, 唔係太甜, 好清新, 值得一試的餐廳…Read More

我諗仲意食羊既人會有同仲意食榴槤一樣, 一係好仲意一係見到都反嘔, 而我就係前者, 所有羊我都好仲意食, 天氣開始熱, 羊腩煲又消失得七七八八, 一條友又無可能去打邊爐, 哩排留意到好多米線店都出咗乜乜黑山羊清湯米線, 淨係聽個名我都流口水, 今日就去咗一間叫老表黑山羊試試佢既羊湯啦, 我ORDER咗一個細, 店員話細都好大碗, 大碗你細食可以兩個人食架, 咁我就叫細試試住, 仲叫咗個口水雞, 碗米線黎到, 真係好大碗, 好足料, 湯好清, 有簿簿一層羊油, 聞到已經精神一震, 急不及待試一口, 腦裡浮出一個字 “鮮” 丫 , 勁好味, 湯係清, 但係好濃既羊肉羊骨味道, 米線又好彈牙, 羊肉片係凍切個一種, 好有咬口, 好簡單, 原味既羊肉, 不花巧而踏實既味道, 我見隔離枱有人叫麻辣米線, 我好想叫佢改返清湯啦, 真係好正, 總結: 我諗我每星期最少會黎一次LUNCH, 性價比好高…Read More

平時都幾仲意去食ALL DAY BREAKFAST, 因為貪佢夠飽肚同好味, 但食得多就開始覺得間間ALL DAY BREAKFAST都差唔多, 開始覺得好HEA, 想食D有HEART D既, 我有妹妹同事食過公司對面LAGOM, 佢話超正, 返到公司勁約人再去, 一於去試試去到我覺得環境好好, 自然木色既簡約裝修, 好舒服, 仲有戶外露天空間, 真係妹豬打咭既好地方, 入返正題, 當然要叫返個ALL DAY BREAKFAST睇下係咪真係咁好食, 可能真係太多人叫, 都要等少少時間, 黎到未放入口, 眼睇已經好正, 色彩好靚既擺盤, 係有D心思既,有一堆仔既沙律菜, 佢係用柚子糖佢做個汁, 好清新, 不得不提係佢個酸種麵包, 微酸帶發酵而產生的蕃茄乾味, 兩舊仔真係太少, 配埋一個有肉桂味既果醬, 好好味, 佢既炒菇菇都好正, 炒得好香牛油味, 大肉腸辣辣地好開胃, 連煎太陽蛋上面不是灑鹽調味, 係用芝士粉調味, 你就知佢哩份餐係有設計有心思的, 真係好推介大家去試試 完~…Read More

因為疫情真係好耐無出過街打邊爐, 自己係屋企打, 成日食個小肥羊湯包OR自己整既清湯食到好鬼悶, 難得出去食緊係食返D自己煮唔到既老火湯底邊爐啦, 疫前食過油麻地吞POT雞煲, 佢個螺片花膠雞老火湯真係好正, 今日一於搵埋個FRD一齊去嘆返鑊.其實兩個人打邊爐真係食唔得多, 但係今日既重點唔係要叫幾多肥牛幾多脆鯇, 今日重點係要食佢螺片花膠雞湯, 真係好濃好好飲, 雞係新鮮雞, D肉點煮都係咁滑, 花膠勁厚, 淨係個湯已經好底食丫, 我地再叫咗個牛柳粒, 好有牛味, 唔係太肥, 啱啱好, 仲有叫咗個手工韮菜餃, 細細隻咁好好味, 仲有叫咗一個小食炸鯪魚球, 好彈牙好香, 全單加埋都係5百幾, 都真係幾扺食, 其代下次再去~…Read More

今日放假, 心情好好, 心情好緊係要搵D甜野食下, 但係中午我又未食正餐, 淨係甜品又好似有D那過, 去開MOKO個頭, 我個FRD話佢好想食厚PANCAKE, 好掛住日本既感覺, 我腦裡面即時閃咗 THE PANTRY出黎, 入面有正餐有漢堡有PANCAKE, 真係肥肥既恩物~ 我地坐地ORDER咗一個白汁黑松露海鮮意粉, 一個漢堡SET, 兩杯奶昔, 重點係再ORDER多兩個厚PANCAKE, 朋友話厚PANCAKE空氣黎姐, 一定食得哂首先個白汁黑松露海鮮意粉非常濃香, 好CREAMY, 漢堡一食就知係手工肉, 好多肉汁, 兩杯奶昔我地叫咗花生同朱古力味, 兩杯都咸咸地幾好飲, 最後PANCAKE無令我地失望, 勁香勁鬆軟, 我勸大家, 係好飽的, 不過好好味~ 開心…Read More

泰國菜可以話係香港人既家常菜一樣, 但係都有平有貴, 而阿來泰式就真係家常菜之中的飯堂, 因為平時都成日去旺角行街食野, 諗唔到食乜好通常都會去阿來, 原因係佢真係好平, 又有水準, 包無失望, 今日好似我地咁叫咗兩個飯一個小食, 加一個甜品加埋都係二百幾蚊,都真係幾飽下, 我心水必食係佢地既蠔仔蛋客飯, 煎得好香, 仲有好足料, 勁多蠔, 配埋佢個辣汁真係去咗泰國一樣, 另外仲有佢個海南雞飯, 沖飯勁香, 雞好香, 不過小心佢個汁汁好辣, 還有甜品未介紹, 椰汁糕真係次次食完都要外賣返屋企消夜你就知有幾好味, 極之推介…Read More

已經唔記得幾耐無去深圳食重慶火鍋了, 真係好吊癮丫, 今日有同事同我一樣好想食辣野, 佢提意早少少蛇出去APM 食個間渝味曉宇, 我頭也不回咁狗衝出去啦~ 去到原來都幾FULL 下, (真係有咁多人LUNCH 打邊爐囉) 不過好彩都有個靚靚卡位, 坐底先俾個雪耳糖水潤潤先準備一陣狂辣派對, 我地點咗一個午市二套餐$398 再散叫咗其他肉肉, 因為同事都幾大食下, D野到哂先發現原來個套餐原來好鬼足料, 兩個人絕對夠食架, 真係死火啦, 我地叫得大多了, 首先要讚下佢個重慶麻辣湯底真係好香, 又夠新, 食材好新鮮,必叫係黑栢葉, 好少地方有得食, 好爽口, 結論: 係APM咁方便, 一定會經常去, 咁扺食, 正…Read More

今日去荃灣搵食, 係球場個邊聽聞有間食STONE GRILL 既日式牛扒店幾正, 佢地D牛扒出哂名, 好多街坊都知, 無理由唔去試下, 星期二晚七點鐘去到` 都幾FULL下, 好彩都有兩個BAR枱位, 好過無, 因為入到去聞到D牛扒味已經口水都流埋, 由於對牛既部位唔係咁了解, 店員推介咗我地食今期限定既牛腹心肉, 一隻牛得好少, 唔係次次都有, 講到咁唔試唔得啦, 另外就係叫咗個牛側腹肉, 聽講係油脂分佈最平均, 熱賣皇牌, 我地加咗32蚊加配菜, 五選三, 我地點咗薯條,白飯,湯, 同沙律, 要講講係佢個西洋菜湯, 係西式既做法, 好CREAMY, 好濃西洋菜味, 必試的, 好快兩份肉都上埋啦, 石板煎住咁上真係好正, 未食已經俾個陣香氣吸引住, 首先緊係食腹心肉先啦, 講到咁少有, STONEGRILL既食法係先切少少, 再按自已喜愛既生熟度係石板上再煎, 本人喜歡熟少少, 肉味會濃D, 腹心肉果然係正喎~ 肉質係爽爽地, 有咬口, 唔太肥, 但係肉味好濃, 果然無介紹錯, 再試係牛側腹肉, 相對地佢油脂多少少, 仲意食油香既要點佢啦, 肉質好林, 一口牛再一口白飯, 哩個日式食法真係好偷飯, 好快就食哂成碗飯, 食牛扒最緊要就係要夠熱, 哩個食法堅係正, 會再去, 講真, 百零蚊, 自己去一田買都差唔多價, 不如出街食, 仲要咁好質素, 完…Read More