HangKwanChan's Profile

本身行過諗住試下買番去公司食。。。門口個員工都好好禮貌。見到鋪面都有心裝下修甘。心諗唔會差得去邊。可惜買左番去。勁失望。d油好似唔洗錢甘。多到好似湯甘。= =點食。勁咸勁油。真係無下次。…Read More

前兩次係叫外賣，食物的確係好味，所以今次專登帶朋友黎堂食。一上到去，有位中長頭髮既女侍應帶位，亦係佢負責幫我洛單，我叫完野食叫佢俾杯熱水我，俾我見到佢調轉身反白頭眼，個下真係打左個突，心諗叫杯熱水應該唔算太麻煩掛，不過心諗算啦，無謂影響左成餐食飯既心情。我叫左一個lunch set,同散叫左個軟殼蟹 Pizza，點知個pizza個邊燶到爆，心諗算啦，食中間就算，點知中間咬洛去都有陣燶味同苦味，我就問另一位侍應可否重新再整過個，佢亦好有禮貌地表示唔好意思，會幫我地再整個個。過左2分鐘，洛單個位曾經反白眼既女侍應就過黎表示佢地所有既pizza都會用火槍係面頭燒一燒的，有少少燶味係正常，如果接受唔到個味不如轉第樣。而我就表示尼個pizza，唔係有少少燶味，係好燶同有苦味，再者，我亦試過其他款貴餐廳既pizza都無尼陣味，佢繼續漠視我頭先所講，就話佢都係想表達番個制作過程係甘，尼個pizza個味係正常既，如果我地接受唔到尼陣味，就不如轉其他。。。最後我地都屈服，轉左蟹肉意粉。去到尼個位，我已經成肚氣，佢想表達意思係個pizza無問題，係我地個味覺有問題？黑人問號x100,之後再沒然後，唯有拿拿聲食完就走。甘岩食之前我有影底相，又甘岩我send左今次食物既相俾我其中一位朋友睇，而又岩佢都有黎尼度食過同款pizza,佢俾左佢上一次食物相我睇，無比較就無傷害，睇完我仲嬲，所以決定放上黎俾大家參考參考。該位朋友亦表示左佢對尼間餐廳既評價，食物質素係好味，但服務質素真心偏差，所以佢通常會叫外賣，我就覺得其實其他侍應生服務都好好，好有禮貌，就係俾反白眼女侍應一竹篙打一船人。好影響心情既一餐飯。。…Read More

經過開荃灣，因為太多選擇，選左好耐，終於選擇左尼間，心諗有甘多間分店唔會差得去邊。環境服務方面，兩人有卡位坐😁，員工服務都好好，佢1個要做哂洛單，送菜，賣單，1個人睇哂都態度好好，尼度值得俾分。食物：叫左生蝦，鐵板蠔，生菜包同鹽燒鰂魚。生蝦就正正常常，新鮮唔錯，但其他食物，以尼個價錢黎講，就真係唔太合格，全部味道都太偏甜，😢鰂魚有一邊外層燒到燶哂，整體黎講真係唔算好食，甚至比普通既更有點普通。整體黎講，有點失望，名大於實。…Read More

踏入10月，開始有d秋風，就即刻要食羊腩煲其實有1段時間無打到食評，不過尼個羊腩煲真係令我燃起番要打食評既意志，因為實在好好味之前黎過尼間食店，已經知道尼度既海鮮係出名新鮮同價錢合理，所以見到佢推出尼個新野，我都好有信心。都係講番個羊腩煲先啦，羊腩唔會切得太大舊，味道好正宗，好入味，一d都唔穌。最重要係1d都唔會難嚼，就算瘦肉既位置都好淋。（感覺到佢地真係好用心去整）入面有好多荀同馬蹄，而且馬蹄仲好爽甜。配埋枝竹，索哂湯汁再食。另外，我地再點左個蟹同蝦，原來尼個配搭都出奇好夾，海鮮既鮮甜味同羊腩煲配合，會有一種濃厚而有層次既味道，（唔識點形容）你地有機會一定要試下甘try try。尼間我覺得係一間良心小店，小本經營，每樣食物都好有心同質量。值得一試👍卜卜蜆煲同粥底海鮮煲，都係我推介❤️😜…Read More

行完旺角，係openrice尋獲尼間小店經營既刺身火煱店，評價唔錯，就決定左去尼度晚餐喇。環境方面，坐得舒服，有卡位。一坐底，首先點左個活魚刺身，魚尾仲有少少旭緊😲，食洛真係超新鮮同有咬口。相信刀工都有番甘上下。另外，我地點左花膠鯊魚骨膠原鍋，尼個鍋都有驚喜，佢會付送甘香泡飯，湯底本身有除左花膠，入面仲有好多鯊魚骨，所以真係好有膠質，要keep住一陣陣去搞一搞個湯底，防燶底，個泡飯既米輕輕炸過下，淋上個湯，湯既鮮味同有1粒粒脆米互相偑合，意外地好夾，係一個新穎既嘗試，值得一試另外，點左聖子王同桂花蚌，都係高水準，店員有提我地聖子王只需滾到剛剛掉殼就食得，所以聖子王煮得恰到好處，入口除了新鮮啖啖肉外，亦有爽脆口感。桂花蚌亦好新鮮，每一口都係享受。另外仲有點左牛肉，有牛味，非常幼滑服務質素一流，非常細心，食物水準特別推介海鮮類，愉快晚餐，值得一去。…Read More

今日得我一個人，就去左尼間食越南野既餐廳午餐了。尼度環境唔錯，好開揚，空間感10足。我叫左生牛肉湯河同士多啤梨爆珠。生牛肉湯河不過不失，牛肉嫩滑，有牛味，不過略嫌個湯已經唔夠熱，湯味有點淡。不過總括黎講亦唔會難食，屬不過不失。反而要讚下個士多啤梨爆珠，好香既士多啤梨味，但比想像中清甜，好清新，加上一粒粒一咬爆開既爆珠，令到你會好快飲哂，仲齒脥留香反而令我感驚喜係尼度既飲品，唔錯唔錯…Read More

又係家庭聚會既時間喇，監於有部分人都係打邊爐既Fans，所以我地今次去左骨煲皇。骨煲皇已經有好耐歷史，最出名就係豬骨煲喇，尼度既豬骨煲雖然比出面較貴，但亦係我食過暫時最好味，黑胡椒味濃，豬骨份量都有好多，（識食一定食豬筒骨），索左湯汁既豬骨髓，真係無得輸。（不過為身形著想，間中食下就好了。）除左豬骨煲，其他食材都好新鮮，唔會出事，雞子尼度好新鮮，煮到岩岩好就黎想爆開，唔好等凍哂先食，每輕輕咬一口再點少少辣椒鼓油，咬開有汁爆出黎既一刻🤣（可能形容得太生動）鵝腸唔會那到無哂油香個種，仍然有油香。而其他食材都唔錯，keep到新鮮水準。一晚開心既聚餐…Read More

今日行開megabox，選擇左小南國食午餐。環境黎講，尼度開揚，地方好大，坐得舒適。我地叫左榣柱蛋白炒飯，擔擔麵，紅油抄手同小籠包。炒飯炒得唔錯，乾身唔會太咸，咬洛有口感，有淡淡既榣柱蛋白香。擔擔麵比平時既偏辣，但味道香濃，每一啖都好濃郁小籠包亦屬高質，皮薄餡令，每一件都充滿肉汁，要好小心夾起先唔會整穿個皮。紅油抄手都唔錯，有點微辣，但略嫌外皮唔夠軟滑，食洛外皮有少少硬麵粉質感。食完飽飽，享受左個悠閒既午餐。…Read More

行開MoKo，我地就決定去pizzaexpress食個午餐。Moko既Pizzaexpress 環境開揚，唔會好多人，好適合享受一個悠閒既下午。我地選擇左北京烤鴨薄餅既set餐，另單點左卡邦尼意大利粉。set餐會附有餐前小食麵包同飲品，麵包好柔軟，再點少少牛油（牛油帶點咸香），尼個配搭唔錯。北京烤鴨薄餅，岩岩整好，熱辣辣，側邊既位置脆口，烤鴨有肉汁，醬汁香濃，好味。另外，卡邦尼意大利粉，好香芝士味，意粉有口感，但略嫌偏咸左少少。整體都唔會錯，食完飽飽就繼續行街去。…Read More

經開大本型，今日就黎到旺記冰室食個午餐。尼度選擇唔係太多，不過食物水準都唔錯。我地今曰叫左黑椒白汁雞扒飯同蕃茄湯午餐肉通粉。白汁雞扒飯，雞扒大大件，雞肉好滑外面岩岩煎好，唔錯。略嫌白汁味道唔夠濃。蕃茄湯通粉值得一試，蕃茄味濃郁，午餐肉有再煎左再煮，通粉有彈性，每一啖都充滿蕃茄既香味，酸酸地好開胃，最後連湯清哂。另外，蕃茄湯通粉會包埋一個炒蛋同多士，多士脆口，好香牛油味，雞蛋抄得岩岩好，唔會太熟，入口即溶醫完個肚，就滿足甘番去喇。…Read More

今日上完堂，就去左尼度食米線。環境方面，地方唔算大，不過都坐得舒服。我地分別叫左豬耳腩肉酸辣米線，豬潤腐竹酸辣米線同小食麻辣墨魚頭。尼度既米線好大碗，比其他地方多米線，酸辣湯底好開胃野味，入面有少少肉碎。腩肉有油香，豬耳脆口，好味，食哂成碗已經好飽。另外，要熱烈推介尼度既麻辣墨魚頭，辣汁調配得好野味，墨魚頭非常有口感又唔會太硬，而且辣汁既味道完全洛入哂墨魚頭入面，好入味，令人食到停唔到口 ，尼個黎到一定要試。整體黎講相當唔錯，係我喜歡的米線味道…Read More

今日同bb上完堂，係去冒險樂園之前，就選擇左去尼度飲個茶喇。尼度環境都唔錯，有卡位，洛地玻璃，夠開揚。我地點左燒買，灌湯餃，欖角蒸排骨，腐皮卷，煎釀尖椒同燒味飯。燒買入面有好多蝦肉，好味彈牙，排骨方面，用欖角蒸，好香，排骨略嫌偏肥左少少，灌湯餃好味，湯汁同餃既味道好配，再加少少醋提鮮煎釀尖椒都唔錯，唯略嫌個尖椒有點太淋。，腐皮卷就普普通通，外面唔太夠脆，燒味飯就屬正正常常，不過不失。整體黎講，大部份都唔錯，如果係附近行開會再黎幫襯。…Read More

去完旺角行街街，就選擇左去食樂天皇朝❤️我地叫左一籠原味小籠包，蒜泥白肉，紅油抄手同炒飯。小籠包當然就唔洗多講，招牌菜，好味。每一個入面都有熱辣辣既肉汁，外皮夠薄，咬洛去充滿左肉既香味另外，要推介蒜泥白肉，尼度都整得好出色，豬肉肥瘦分佈得岩岩好，預先已包好一定既份量，加少少辣汁，每一啖都岩岩好，而且一d都唔會覺得好油膩，仲加左口感，尼個要俾個讚紅油抄手同炒飯就屬正常水準，都唔錯。食完飲番啖熱茶，人生既享受食完飽飽就回家去喇。…Read More

中午時段，選擇左食韓式料理。尼間分店較其他分店既選擇較少，可能位置較細。不過食野既環境都唔會好迫，食物都唔馬虎，衛生。我地叫左一個豬肉既燒肉餐追加牛肋骨。另外一個係泡菜豬肉湯飯。食物質素黎講都唔錯，燒肉既肉質新鮮，份量都屬正常。特別係豬頸肉，燒完充滿油香，一啖肉加一啖飯，好幸福。泡菜豬肉湯飯，熱啦啦，酸酸地又有點辣，好過隱。另外要講，佢套餐入面附送既泡菜係我食過最鍾意的，唔會太酸，有點甜辣味。食飽飽，又要去燃燒番食左既脂肪喇，女人就是這麼矛盾…Read More

尼間係大本型新開左1段時間既港式茶樓。新裝修，而家有部分卡位有令景觀茶係一杯杯俾既茶包，所以可以選擇自己喜歡飲既類別，唔洗下下就人，不過相對平時既茶味就略為淡左少少。食物方面，某部份佢加入左新既元素，例如桔形既蝦餃，味道都唔錯。另外，佢個炸脆奶都好值得推介，即叫即炸，外面鬆脆，入面充滿奶香，而家唔會太甜，好好味。另外，鮑汁雞腳都好好味，雞腳入味，唔會太咸而其他食物都屬高質，唯獨小籠包個外皮略嫌有點厚。整體味道OK, 環境舒適，大家可以試試。…Read More