Wesley_1018's Profile

星期一又係要返工嘅日子，咁啱今日老細唔喺度成班同事一齊落去食lunch。去咗一路都話想試吓嘅酒樓，入到門口同平時酒樓都冇乜大分別，啲位置都鬆動嘅。不過值得一讚嘅係嗰啲採光幾好，個感覺好闊落，裝修都唔錯。入咗去好快就有茶同水，叫到成枱都係嘢食😅😅😅咁多樣嘢食最好食嘅係燒肉同埋蝦餃，蝦餃入邊啲蝦勁大粒，又彈牙。燒肉面頭燒到卜卜脆同埋嗰張唔知點解同之前食嗰啲唔同，加埋一齊真係好好食，同同事爭崩頭先出到兩舊🤣🤣都幾推介下次會再嚟過👍🏻👍🏻👍🏻…Read More

元朗出名多嘢食. 如個budget唔夠，呢間絕對係唔錯嘅選擇．價錢平之餘，賣相仲唔差．味道就見仁見智．我覺得對得住個價錢（＄28／$30）仲可以加十元八塊加小食．我見佢其實生意都唔錯，後生仔或街坊客多．佢哋仲有FACEBOOK仲有登當週有乜嘢賣．好貼心．好多時都唔會記得有呢間'食28', 可能舖面細同味道唔算太突出．但絕對係值得支持嘅小店．…Read More

前日喺荔枝角果邊行完批發，返屋企之前有d 餓就買件cake 頂下肚，之后見到呢兩件好似台灣啲盆栽甜品，，上面有d 朱古力粉，應該都唔差，我不嬲都幾中意食朱古力，佢上面仲有舊macaroon，食落又唔係好漏，啱啱好，下次經過會試埋個士多啤梨，見佢賣相都唔錯。…Read More

上年尼過湘川滬食，覺得算係有水準既平民中菜，系ig咁岩見到有人post佢出秋冬菜色，好似幾吸引我地去試左個羊腩煲吾錯，但稍咸，建議配飯食。另外值得一讚係個蟹粉本地荳苗，用蟹肉蟹膏所製成的蟹粉配煮得剛好嫩口的荳苗，互相配搭，濃淡適中，平凡中的不平凡…Read More

上海菜入面我最愛就係小籠包! 呢間既小籠包唔錯,皮夠薄,有汁,最緊要係佢熱辣辣上枱好好味. 不過上菜只有一碟醋就無俾到薑絲我地,呢度就扣少少分喇然後仲叫咗回鍋肉, 肉多菜多又好送飯,係豆腐乾就少D, 而且唔算多肥肉,味道算係咁上下啦 最後叫咗個桂花蜜拉糕 ,佢面頭有D桂花係度所以好香,下面個布丁好滑.算係一個特別既甜品. 可能因為食咗頭兩樣主食之後都幾濟下所以覺得佢好解膩,好清新.兩個人食三樣野已經好飽, Menu仲有好多有趣既點心都未試到,不過小籠包一定會encore 再encore呀!…Read More

依排想轉下口味，平時都好少食中菜。有次同男朋友食飯，佢竟然帶我食中菜，佢話好食，叫我陪佢食多次”唐宮小聚”，原來依間並唔係個種傳統既中式餐館尼，佢賣既都係新式精緻造型既點心，幾得意。男朋友都成日都食依間，所以就交比佢，由佢話事叫野食。我地個日食左”粉墨登場”，係黑色既炒飯尼，食到成口黑晒，不過墨汁好正，估唔到依到都食到墨汁。佢仲叫左乳鴿，好香，又多汁，我好鍾意食，佢話佢次次尼都會食，係必嗌。佢仲話要試下啲點心，特係新個個翡翠鮮蝦，淨係晏就先有，綠色既蝦餃，好彈牙，好煙韌，其他點心都好唔錯，例如個個蟹粉麻球、黑金流沙、小小蘋果、麻辣燒賣、松露香菇。都真係幾令我改觀，冇諗到依家既點心原來係咁新穎。多謝男朋友帶我尼食中菜。…Read More

尼排成日係荃灣，每次經過都會索到一陣濃濃的麻辣香，滾呀!!! 滾呀的味道，實在讓我垂涎三尺。餐廳位於荃灣大河道91號天保大廈地下F1號舖的店舖。今日決定來吃，雖然是平日， 但都見到不少人在排隊等位。首先點了個前菜，口水雞＄６８（例）份量也算不少，又麻又辣，雞肉皮薄很嫰滑，配上口水汁及花生，挺正宗的重慶風味。涼拌皮蛋，醬汁與皮蛋非常搭。新鮮大大條的鲩魚, 配料有芽菜、酸菜、芫茜、辣椒、白蘿蔔等。剁椒烤鲩魚，鲩魚煎得特別香脆。雖然魚很大條，但是沒有魚腥味，怕吃魚的朋友可以一試。三款不同辣度選擇：有BB辣、中辣、大辣選擇,適合不同人士口味!!…Read More

爸爸媽媽既結婚周年紀念，特意book餐廳 同佢地食個飯 慶祝一下佢地終於熬過了2X年 (因為我這個死女包既出現) 哈哈我地比較早到 餐廳岩岩開門 好快就安排我地坐位 餐廳內部光線充足 裝修好華麗~~我地開左枝白酒.. 味道唔會太苦澀 輕輕既果香味 同時又有回甘既感覺 唔錯~ 吃西餐最重要既就係耐心 難得放假可以放慢腳步 同爸爸媽媽傾下計 放鬆下心情 平時繃緊既情緒 都可以放鬆...前菜－炸大蝦刺身伴牛油果沙律大蝦刺身既肉質非常嫩 唔會因為炸得太耐而變得太硬 咬落去都仲keep到新鮮帶刺身既軟腍 好鮮味配旁邊個好似他他既牛油果沙律 岩岩好 個牛油果沙律用左魚生芒果牛油果同蕃茄mix埋一齊整.... 仲落左小小辣粉 鮮中帶辣 ~~ 非常滿意~~~湯－煎低溫慢煮三文魚柳配藍青口魚湯因為唔想飲太濃味既湯.. 所以特別簡左三文魚湯 味道真係好清新 但唔係清淡 唔會淡而無味 配上藍青口本身散發的鮮甜味... ...點綴了這個看起來有點平凡的清湯，我自己是蠻喜歡的。主菜-低溫慢煮和牛面頰配砵酒汁我簡左牛面頰 熟度適中 外面熟左但內裡仍然係好軟既紅肉份量對我一個女仔尼講 係非常足夠 肉質非常新鮮 一切落去 仲感受到肉扒既彈性 咬落去仲feel到d醋味 香味非常濃厚持久主菜2-香煎帶子伴蟹肉意大利飯賣相吸引 份量亦唔少 上台個陣見到成隻带子 配以鮮甜三文魚子.. 飯粒吸收晒D芝士汁 口感適中, 唔會太硬/腍, 好味道!餐飯食左2 3個鍾...好正~爸爸媽媽都非常滿意~~~ 我諗好快佢地又會開聲叫我再book台食過~…Read More

行街途中，遠見一棟紅色的樓宇影入眼簾，上面掛著紅色的傳統紙燈籠。位置不難找，就在旺角的西洋菜南街。3字樓上到去，一開電梯門，滿滿都滲透著中國風情畫，中式木桌椅、古錢、面譜、古箏，裝修頗富心思。我想，這個要在歷史博物館才能見到吧。餐牌簡潔美觀涼拌白菜心北京人很喜歡吃大白菜。由其在秋天，肥嫩可靠愛，吃來最甜。大白菜、百頁切成幼絲，撈上麻油香醋。大廚刀工細緻，絲絲分明入口，做到層次豐富，不簡單大白菜。中國燒餅的我，當然不會放過名叫這個小食呢，餅皮色澤金黃，嚐酷愛一口餅皮香酥爽口，內饀肉質鮮香，口感外脆嫩軟。十分風味。片皮鴨直接食用肉質嫩滑多汁，香口皮脆，不過比較油膩。我還是建議配上甜麵醬，青瓜，大蔥和麵皮一起享用更為滋味。…Read More

難得十月一多左日假同屋企人去左灣仔合和新開既酒樓享受下家庭樂上到去見個環境都好唔錯 地方都幾大 雖然紅日全場full晒 但都唔會坐到逼埋一齊 令我覺得好加分見佢大大本既menu入面種類都好多 價錢都好合理 除左叫左D正常既點心之外...月頭出糧既我 為左孝順下兩老 豪氣禁叫左D鮑參翅肚 哈哈~~~~~~~ 勁多燕窩既煎堆 一上台 真係眼都突......估唔到酒樓禁豪氣 d燕窩super地多 金黃色既煎堆好香口 而且仲好脆皮~~~入面D燕窩 晶瑩剔透 好似水晶禁 好清甜 第一次食禁既配搭....原來大家都好match 睇menu見話係用龍蝦湯煮既海參叫一碟試下 都幾厚肉同大條 老豆話好小見酒樓會用龍蝦湯煮 以為會好流 但個汁反而幾清新 同個海參幾夾 再夾雜左好小既燕麥係入面 第一次食參食得禁健康 …Read More

前幾日心痕想食生蠔於是同朋友係TIMES睇完戲就上左the sky bar 食上到去 即刻叫左個時令生蠔 同其他野食重點既生蠔到左waiter會好細心咁教我地食生蠔既先後次序要由最淡口食到濃味我地學佢講禁食 真係食得出個分別淡D就會食到清清地既鮮 濃D就食到重D海水味.. 不過 全部都一樣 好新鮮  佢地既生蠔好juicy 外表好白滑  食落口好多肉 好肥美加埋佢地個sauce   小小酸 但帶出生蠔鮮味 正我地再叫左杯白酒 同生蠔好夾一啖酒加好creamy既蠔 好滿足…Read More

上星期有friend生日，所以book左呢間樓上bbq食燒烤。呢幾日涼涼地，燒烤真係夠過癮！第一次黎，真係估佢唔到，原來平時入面係食西餐！出面既area唔算好大，放左個燒烤爐，但係整整齊齊好唔錯。我地大約6點半黎到坐出面，就已經有野食lu。我梗係即刻要試海鮮啦~首先係個鮑魚，鮑魚好易知新唔新鮮，就係唔會’un’ ，佢個燒鮑魚燒完食落仲係好爽口，而且唔會乾憎憎，所以忍唔住食左好多舊~鹽燒虎蝦都好出色，唔單止夠晒大隻，d肉亦都爽口唔會霉。仲有d燒蠔都好肥美，落左d蔥同蒜蓉非常香，仲會燒到啱啱好，d蠔燒完都仲肥嘟嘟勁juicy。朋友鐘意海鮮點個泰式辣汁，我覺得個汁幾惹味，不過我都係鐘意食原汁原味既海鮮多d。我好鐘意個帶子，帶子加左芝士、海膽同魚子，幾重口感，一啖食落去好滿足！成晚重頭戲就係燒牛肉，牛肉燒到剛剛好，一切開見到d色好粉嫩，食落勁多肉汁，真係一流，師父就咁用鹽燒唔駛點汁已經亦好夠味，值得一讚。其他小食有腸仔同燒菠蘿果d，菠蘿好甜夠fresh中和番其他食物，冇咁heavy，果晚食好到飽勁滿足呀！成餐其實都幾有驚喜，450一個人包汽水飲，環境都唔錯，同海鮮夠新鮮其實已經好抵食，仲可以坐係度等人燒比你哈哈。 …Read More

搬左來新蒲崗呢幾個月不停試新餐廳, 上個星期6輪到去有d名氣ga德龍啦! 以前都有聽過下呢間野,今次終於來食一食佢~去之前無訂位（諗住呢ｄ老飯店唔會要訂位啦），成９點去到都仲要等，等成３個字！好在一入到去就有小食上，我地５個人有成３碟，鹵水鵝翼好正，超入味!! 不過唔記得睇單，唔知收幾錢..叫左咕撈肉，炸得好好，完全做到外脆內軟！！味道又夠，又大份，送飯一流！！仲有蒜香膏蟹糯米飯，呢個真係要讚下！！係好好好味！蟹夠哂大隻，膏又多，見到都開胃口而加呢個時世真係好少有咁足料啦。成籠清哂，一ｄ都唔剩呀哈哈！菜就簡左蒜茸炒豆苗，豆苗夠新鮮嫩口，份量都ｏｋ，係油左小小，不過好多中菜館都係咁，仍然可以一食！聽人講過佢ｄ燒味好正，所以專登叫左半隻燒鵝試試，燒鵝好脆身，一咬落去油花標哂出來，有ｄ肥，不過係要肥先好食，ｑｕｏｔａ關係只能食幾舊。最後叫左古法太爺雞，普普通通, 雞肉夠嫩滑，食完個燒鵝我已經好飽，好在我地男仕多，最後都一件不剩！甜品桂花糕係送，清清甜甜，口感唔錯，唔洗錢永遠特別好味哈哈！去出名ｇａ餐龐食飯點都係有保證ｄ，今次德龍都不負我所望！不過價錢比一般中菜館貴, 不過都值得ga!!…Read More

今日又係下雨天放工後心情低落, 好想食一餐好嘅, 經過Mr. Steak Grill, 之前都有聽同事提起過, 無諗過自己一個走咗入去.先叫咗個法國香草焗田螺做Starter份量啱啱好, 味道唔錯唔會太淡, 焗過的田螺唔會太乾, 依然非常有彈性, 配上的薯蓉放入口感覺滑溜, 吸收了田螺汁的薯蓉不再淡口. 小小份量精緻一碟的 作前菜實在非常合適.來到Mr. Steak 總要點牛肉, 這裹的選擇有很多, 不過最想食和牛, 叫咗個和牛肩脊肉配紅酒燒汁. 我本來想着是原件上的傳統和牛, 到最後是薄片上的,,每一片牛肉都好juicy好嫩,大概是因為烤的時候把肉汁鎖住了. 重要的是那紅酒汁非常細緻跟和牛好夾, 如果D汁可以再多點就好, 配少許薯菜又唔會太多,好滿足. XD 配着紅酒的牛扒味道好濃好香, 雖然獨自進食, 但係都唔覺孤寂, 反而是一種享受.Maincourse後, 心情已經大好, 但係甜品當然唔少得, 一個Blueberry cheese cake配黑芝麻雪糕這樣一個奇特的配搭, 是一種有期望的新口味,好清新, 最重要是個Cheese cake 做得很滑,餅底的口感亦非常好, 而芝麻雪糕又絕不會蓋過濃郁的芝士味,值得一試.…Read More

有朋友邀請食飯, 我當然沒問題啦, 番查網上資料，得龍已開業四十多年, 主打經典懷舊菜朋友早有準備叫的菜都是餐廳的得獎菜鴨腳包, 需要預定的, 共2份,即8件, 圓圓的薄片, 用料非常豐富, 好想賣回家，但因要預定的, 下次一定會早點打去金錢雞, 金錢雞亦係需要預定的, 訂左3件, 豐潤感十足的肥豬油, 夾著切得好薄嘅薑片,,所以只帶微微嘅辣味, 邊吃邊想師傅好刀功!!健康呢回事係呢個moment 絕對需要放埋一邊HAHAH籠仔金蒜蝦蒸糯米飯 , 蝦口感爽身，反而糯米飯吸收了蝦的鮮味，感覺香甜。山渣咕嚕肉酸酸甜甜的咕嚕肉, 外脆內軟, 送飯好開胃甜品是足料桂花糕, 用料很多的桂花糕[, 甜甜的味道很好如此懷舊的回味絕對不是隨處可以吃得到!! 怪不得成為米芝蓮的餐廳啦!!最後多謝我的朋友邀請我吃飯!! 100分滿足…Read More