muzidragon的個人專頁

今晚去荃灣食野，荃灣其實好多餐廳揀，有時就係想食下漢堡薯條。喺openrice度搵兩搵就搵到呢個burger land，喺海霸街，近南豐又近荃新天地同荃灣廣場，其實兩步路就到。個鋪面好易認，招牌做得好靚，好有美國feel，早啲去等冇甘多人排隊嗰陣影張相打個卡都心情靚番晒每個漢堡都係獨立一個漢堡包，另外加錢配薯條同野飲，通常食薯條我都會配啤酒，加錢可以升級至手工啤。我比較鍾意食牛堡嘅，所以揀左個special meun嘅「貝羅菇雙重芝士牛肉漢堡」+薯角+手工啤柔軟嘅面包，配上貝羅菇同雙重芝士，牛肉又唔韌，我覺得都好juicy。成個漢堡包都食得好開心 同滿足。薯角炸得啱啱好，入面又多薯肉，我就鍾意配茄汁，唔錯唔錯。朋友叫左黑牛飲品，好似係可樂加雪糕，我興趣不大。我揀左其中一款手工啤叫Kwak，呢個酒杯都好特別，啱晒鍾意打卡嘅我。個味道一開始甜甜地，之後會愈飲愈有一種甘甘地嘅味道。呢間鋪地方細，但員工都快手。我就幾鍾意佢地嘅裝潢，好特別，好舒服，有時候食野除左味道，服務同環境互相配合就一定加分。…查看更多

金鐘灣仔午餐推介每次經過都見到門口排住好多人，平時趕時間都唔敢㨂要排隊嘅餐廳食lunch，但聽人講幾好食，所以好想試，於是試下拎飛排隊，啲人都食得快，我見都安排得快，可能一個人關係，我等一陣都好快有位。等緊嗰陣已經望左餐牌，可以單叫，又可以揀lunch set，lunch set 可以揀麵食+小食+野飲。見到餐牌好多都想試今次揀左辣味蝦湯底蝦肉四寶麵，有蝦肉、魚蛋、貢丸、墨魚丸、腐角個蝦湯底好濃郁，真係一路食都會不知不覺飲左好多湯。雖然係辣味，不過係微辣，愈食愈惹味。雖然蝦肉係蝦片，但都好食，啲丸都彈牙，腐角又唔覺腥，再加埋配菜用通菜，呢碗真係可以食到見底。至於小食都有好多款㨂，款款都想試，今次試左雞髀肉串先，因為有沙嗲醬汁，個醬味道okay, 但都好食又多花生粒。個雞髀肉串都啖啖肉，好味呢度野飲仲可以㨂凍美祿正！佢個lunch set有好多款，真係可以食多幾次，試多幾款。最重要係員工安排坐位、執野、落單、上菜，都好快手，而且仲好有禮貌，扺讚同扺幫襯 …查看更多

夜晚6點就到餐廳食晚餐唔好以為太早無咩人陸陸續續好多人黎所以一早黎到坐個好位就啱啦叫左(A3)嘅2人set點完餐職員就會擺小菜擺完見到都覺得好滿足啲伴菜每一款都好好食由其個茄子、薯仔、泡菜跟住就上五花腩厚度適中職員會主動走黎幫你烤唔洗怕自己烤會燶烤完會擺埋一邊俾你慢慢食服務唔錯見你食到甘上下又會主動黎幫你烤埋其他肉烤完個樣都唔錯又好味中間仲有上左粉絲味道唔錯不過食完伴菜食完肉已經好飽本身個餐跟豆腐辣湯因為唔食得辣，所以補差價轉牛排湯牛排湯湯味濃，牛排都好仲好好味裹面仲有粉絲黎到韓國餐廳試下生米酒亦都貪佢裝落呢個兜到夠特別其實佢都有講明係平時一隻裝嘅米酒倒落去嘅堂玩下新野都唔錯呢間韓國餐廳真係唔錯好食又滿足，服務又唔錯…查看更多

用餐前早兩日就打電話預定座位見新開張，試新野之餘順便請朋友食生日飯預定左就唔洗等位感覺係唔錯澳洲和牛丼唔錯特別在加入溫泉蛋一齊食清清甜甜唔好睇佢細細碗，兩個人share都足夠架自家製玉子燒正正常常唔大驚喜海鮮串燒因為唔食蠔所以無意見帆立貝唔錯大蝦一般，而且應該都唔算係大蝦鰻魚好食鯖魚一般，偏腥餐廳環境裝潢唔錯燈光配合木色座位令到環境好光亮同埋被安排了坐窗邊位坐得好舒服整體用餐唔錯睇個menu好似都幾多款式可以下次再試埋其他…查看更多

餐廳裝修有特色座位與座位之間間隔適中環境嘗算寧靜，好適合悠閒聚會我挺喜歡這個餐湯味道不會太濃亦不會太淡還配有蝦米仔，好香每次都打算與同行人分享食物，一人食一半然後交換但有時太好味的食物就會吃一口再一口不知不覺就見底了另一個餐跟沙律袖子沙律清清甜甜都是不錯的選擇主菜-蟹鉗忌廉飯，十分推介，太好味了我一向不太點對忌廉飯因為我怕會那種油膩感但這忌廉飯不油腻，又拉芝，又有南瓜的甜味3種味道混合在一起好夾又再次令人一口又一口吃進肚子裹黑毛豬扒切得好厚身，表面冇煎燶，但又不怕中間未熟，煮得好好，而且肉汁好juicy黑松露醬料好特別，好味，但就會偏濃味如果只是豬扒又有點不足會令人好想配飯的想法，或者配一杯啤酒🍻是日甜品就正正常常基本上主菜真是給了我們驚喜有好食物進肚心情都會隨之up而且放假都可以悠閒坐了一段時間閒聊、計劃旅行行程都不錯若是想再提升改善的話希望服務可以再親切一點多一點笑容😊…查看更多

隨意在openrice search可以訂座的餐廳想去間可以坐耐一點的cafe碰巧這間有位又未試過所以就訂座一試店鋪位置都好方便，在朗豪坊隔離的大廈一走進店內⋯⋯你會好surprise為何可以裝修得那麼漂亮！女生看見這種環境怎會不喜愛！在玫瑰花包圍的籠裹用餐，太浪漫了⋯這種座位有限，要事先預約要求才有我們一開始不知道環境是這樣所以沒有預約特別位置，只能坐在隔離😂但望住這種環境用餐都是一種享受因為兩個人都點了一樣的餐所以食物只介紹一種餐湯餐具都配合環境，好用心偏濃味西冷意粉配菜沙律用醋汁挺好意粉和西冷一般配餐茶或咖啡英式茶就最襯這個地方又一個精緻的餐具這cafe好適合知己朋友聚會閒聊過一個悠閒周未雖然食物一般，但正常，而且環境好加分好欣賞店主可以那麼用心去裝修…查看更多

打算在Sky100欣賞日落因為夏天日落時間是下午7時由於我們提早了一點入場所以想欣賞美景總要花一點時間肚子餓了就在餐廳點了一客甜品賣相不俗窩夫味道不俗可能是一邊欣賞美景一邊品嘗味道都會加分不過相比起薄身的窩夫我還是較喜愛厚身脆的窩夫伴碟有雪糕，本人很喜歡吃一口窩夫再看一眼美景怎會不愉快呢～如果想要坐著慢慢欣賞美景就要早一點點到因為店子位置不算多而家個個想坐靚位臨近日落時再點了一支啤酒兩份飲一個悠閒的下午與欣賞日落就是這麼簡單之後再走一圈看夜景就可以去享用晚餐…查看更多

晚上想吃中菜所以選擇了王子飯店當日是假日所以都多人安排了一張角落枱給我們看完餐牌後決定了小籠包、王子炒飯及窩蛋牛崧時菜煲點完菜後過了20分鐘仍未上菜一直未有職員上前確認我們有沒有落單但我眼見侍應是有時間與其他顧客寒暄問暖於是麻煩侍應確認時才發現漏單某女侍應上前解釋是因爲處理了外賣的單所以忽略了我們的單然後我們眼睜睜看著他們的外賣單做好了但我們仍要繼續等...等...等...到有菜上時侍應沒有即刻遞上前反而先招呼了其他較相熟的顧客擺放了一回的菜才放在我們枱上服務其實是一間餐廳的評分之一欣賞食物時，差劣的服務是會影響人品嚐食物小籠包一般未知是否放在一旁一段時間的關係一夾起皮仍黏著張底紙，然後會破皮漏汁眼看這個煲放在上菜桌上一段時間窩蛋都快變熟蛋王子炒飯本身味道不錯可惜因爲心情被影響關係結果吃剩需要打包結帳時，該女侍應稱聲想請食甜點當補償轉個頭又有另一侍應告知贈送用的甜點已售罄態度看似是我們要求要贈送甜點一樣職員之間缺乏溝通想不到臨結帳都要受一口氣最後又遞上兩塊芝麻糕由於要簽卡等結帳我們才留低，否則一早離座我們寧願得到對待正常顧客的態度，不用白白浪費時間等上菜，也不要你們甚麼補償甜點以我觀察，這餐廳的職員偏向熱情招呼相熟顧客像我們第一次光顧的顧客不會有職員特別上前下單或詢問，甚至漏單都沒發覺有時他們亦會因為聊天而未有及時上菜服務態度有待改善…查看更多

因為看到好多好評，所以決定一試誰知...果然不能抱有期望點了一份雙重滋味炸雞：香蒜和韓辣味剛上碟，賣相不錯，每塊雞都大大件但咬下去就會知道肉質有點奇怪白就是白，但不是嫩，還很“韌”有點懷疑是未夠熟透完全失望...部隊鍋一上桌已經把面放入鍋而且個火是不猛烈的，要等一段時間湯才滾所以都不要期待面會好食...其他材料正常...服務員主要是年輕人服務態度一般一心想試吃好味的炸雞但並非這一回事如果想食韓國炸雞我覺得可以有其他選擇這間價錢偏貴又不特別好味…查看更多

餐廳是開揚式經過門口就會見到顧客用餐情況畢竟是商場角落，環境不怕太噪吵服務員都好有禮貌，而且會主動提問會否share食提前準備餐碟今日沒有叫dinner set，因為set的選擇不多決定了散叫一前菜一蛋包飯一漢堡包兩人食已經充分飽飽帶子刺身薄切雖然感覺有點貴但它的配搭好特別，味道挺夾我覺得厚切吉烈黑豚扒不錯沒有感覺好油膩，肉身不粗糙蛋包飯不錯，厚蛋身完全包裹整個飯，密密實實牛肉漢堡好juicy但略嫌芝士好細塊…查看更多

簡單下班後兩人的晚餐在灣仔附近隨意搜尋的西餐廳小店有時毋須去額外花時間排隊、訂座反而更輕鬆自在小店裝潢簡單有格調老闆還是店員都好友善Happy hour時段買一送一見有優惠兩人小嚼一杯有時辛苦完一星期工作後小嚼一杯都不錯對酒沒有太大認識，簡單見到Rose而且寫住fruity覺得應該容易入口就點了如圖所見，顏色偏淡，味道不強烈，容易入口女士們會較偏愛平時set dinner 前菜多數只有湯或沙律這裹可以選擇烤蘑菇，裹面有波菜，中間有羊奶芝士，上面是蕃茄烤好的蘑菇不苦，材料味道配搭很好少少酸酸甜甜，很合我們的口味今晚兩人都想吃鋸扒所以叫了同一款的主菜向來偏向熟的我們點了medium well，接近7成熟側邊會較易熟透可能偏韌但中間是7成熟，口感好好一口牛一口紅酒🍷簡簡單單就是好備註：如果小店內的蚊可以減少就好😅…查看更多

平安夜想食簡單啲又唔想太貴，揀間坐得舒服的cafe都係另一個好選擇!由於一早喺openrice訂左枱, 可以以優惠價享用聖誔套餐。餐湯有好香的蜆味。呢個前菜好好味，啲汁好濃郁，牛肉好野味，配份好香的牛油方包，應該係丹麥方包。配搭好好第一份主菜虎蝦燒得好香，啲忌廉飯又唔怕油膩。鵝肝細細舊，唔洗擔心會好油膩。肉眼扒有蜜糖味道，感覺好似BBQ甘，雖然都好食，但如果再鎖住多啲肉汁就更好啦。反而個蒜頭粒好香，配牛好襯。當我地仲未食主菜，個甜品已經上左，由於個煎pan仲好熱，相信係岩岩煎好的pancake，但係個cream就好快溶晒 ，搞到我地食到好急。雖然熱辣辣上係好事，但甘樣反而用多左油同埋啲cream會好快溶。餐飲揀左sangria，一開始唔知係咩，都係諗住試下。味道又OK喎，類似水果酒，好岩女仔飲。間cafe環境幾好架，好岩年輕情侶黎食。…查看更多

約左朋友食西餐，呢間鋪頭裝橫好特別，有少少外國感覺，用木質的傢俬亦令到間餐廳品位提升。可以選擇dinner set，又或好似我地甘散叫兩份主菜再加錢升級變套餐，其實價錢同set唔係相差太遠，但就可以揀你想食的。餐包小口鬆脆，再配呢個好特別的沙律醬，酸酸甜甜，令人好想食一口再食一口。呢個西餐湯creamy得黎又唔油膩。餐飲叫左凍奶茶同似乎係招牌的接骨玫瑰茶，味道幾特別。主菜首先黎左個燴火肋肉，望落去好似好細份，但其實份量岩岩好。個燴肉汁好濃味，如果就甘食會偏少少鹹，所以要配上面包。牛肋肉燴完唔會韌，反而好嫩，又吸收到醬汁味道。最後係今晚最想試的炭燒肉眼扒。果然好好味，表面好有炭燒味道，我地叫左7成熟，肉汁依然豐富，唔會覺得乾身。…查看更多

因為我地都鍾意食上海菜, 所以趁放假早少少去擺位，到餐廳只係6點半已經坐滿人，我地拎到5號籌，但前面有4張枱未入，等左20分鐘，好彩中間嗰幾個號碼都冇出現，於是我地先提早可以入，如果唔係睇怕有排等,  所以冇預約就最好早啲去拎籌入到去, 每人都可以揀自己的茶包，有茗茶、鐵觀音、普洱、烏龍茶俾你揀。我地揀左鐵觀音同茗茶兩隻都唔係濃味，易入口又唔怕澀茗茶有啲似香片同苿莉花茶味甘樣鐵觀音有少少澀而後甜粉皮爽，花生醬都有俾得多，唔怕唔夠醬小龍包好食呀，啲皮唔易爛不過都係要記得小龍包上左就趁熱食始終擺凍左個皮會痴底，夾嗰陣爛左皮啲上湯就會漏出黎，到時就太可惜啦！雲吞雞湯係必叫的，一個砂窩可以俾４－５個人飲如果係兩個人都可以叫，每人就可以飲２碗啦，最多唔叫拉面主菜上台前職員會問你要唔要將啲湯渣另上我地揀左另上，可以一邊飲湯又可以試下隻雞本身想揀椰子雞湯，聽人講話香啲，但我地叫嗰陣已經冇晒我諗應該都多人叫椰子雞湯，下次黎會叫椰子雞不過螺頭煲湯，啲湯水好入味，雞味同螺味都有花旗蔘又可以降火，冬天飲真係好滋潤同埋隻雞煲完湯都仲好嫩，好好味…查看更多

間鋪裝潢係幾好4個人坐一個卡位係幾舒服望一望個餐牌先，只係影左海鮮版價錢唔算貴但都不係平啦始終係散叫，加加埋埋就會變到好貴目標係黎燒海鮮當然要點海鮮啦叫左個浜燒盛合有2隻蠔、2隻帶子、4隻蛤、2隻鮑魚因為有4個人所以再點多2隻牛油帶子、2隻鮑魚同一個甲羅燒啲海鮮望落幾新鮮海鮮味道係好食不過始終貴加食唔飽於是加點左一個奄列芝士炒面其實你要知你黎食啲咩如果你打算食到飽肚甘你要有荷包大出血的準備如果係黎小酹兩杯食下燒海鮮甘呢度都可以試下因為你要知道叫了一台海鮮食完都未必飽肚其實都真係唔係食左好多野樣樣都少少，但埋單已經千幾蚊另外，望到啲海鮮嗰陣都仲幾開心不過話明燒海鮮，但個爐係擺側邊職員話方便佢地幫我地燒個啲職員其實都唔係熟手幫人燒野嘅🤦🏻‍♀️燒左個帶子之後就話其實我地要自己燒我都想自己燒...但個爐擺左喺側邊我想燒都唔方便啦呢個服務我覺得有需要大大改進或者唔應該抱太大期望去亦唔會特別想再去…查看更多