頂椰's Profile

鼎王麻辣鍋第一次喺台北食，食完已經好難忘，因為佢地既鴨血係可以無限添加，估唔到終於都可以等到黎香港開分店。今日終於都黎到食。唯一同台灣嘅分別係，佢嘅湯底係逐個人計價錢，而台灣係一個鍋咁計。不過，鴨血、豆腐、酸菜都係無限添加，點計都係非常之抵。除咗食物質素之外，一間餐廳最緊要係講求環境同服務態度，呢三樣都做得非常之好。服務態度各方面，職員態度有禮，而且會詳細介紹每樣買食物嘅食法。而且每次服務完之後都會鞠一下躬先走，攪到我都覺得有d唔好意思。未開始叫野食之前，侍應先拿了一壺茶過來，他介紹說這是水蜜桃茶，焗幾分鐘左右才可以飲。幾分鐘後茶從茶壺裡倒出來，水蜜桃的香氣非常重，驚喜！喝下去的感覺很清新。醬料區的選擇不多，主要是麻辣沾醬和酸菜沾醬，我選擇了酸菜沾醬，香濃的腐乳味襯著牛肉吃應該不錯。因當中有朋友不能吃太辣，所以我們點了駌鴦湯底，眼見鴨血在煱中再浮再沉，早已垂涎欲滴。先叫了老油條，響鈴和豆皮，豆皮起初以為好像響鈴一樣灼一灼就食得，但原來豆皮是需要灼起碼幾分鐘的🤣口感不錯，没有油益味。要了一個蟹肉滑，侍應殷勤地幫我們將蟹肉滑逐少逐少放下煱，非常貼心。蟹肉滑吃下去爽口彈牙！正！牛肉叫了牛小排，肉的脂肪分佈均匀，侍應建議灼四至六秒，待牛肉轉淺粉紅色就可以食，這個時間口感最好！另外叫了蛋餃和千層豆腐，蛋餃的餃皮是用了蛋皮，非常有趣，千層豆腐吸滿了湯汁，是麻辣控的至愛。總括來說，環境好，服務像台灣的那樣殷勤，食物、湯底質素好！非常推薦。…Read More

自從食過一次omakase之後，就已經深深地愛上了。耐不耐都會搵下一d高質數既餐廳去食。今次，朋友介紹我地食呢間瀧，食完之後，真係覺得無推介錯，絕對值得再回頭。先講下地點，地點位於中環，雖然平時好少黎中環食野，但呢間餐廳既位置都好方便，地鐵站行5分鐘左右就到，非常易搵。Omakase有3款選擇，包括天、瀧、極，價錢由$880至$1480。諗左一陣，最後決定食食最貴果個餐——極。等左一陣，食物終於都黎到了。先付：係蟹肉蒸蛋，用左2款蟹肉，松葉蟹同竹蟹，蟹肉味香，而且蒸蛋食落啖啖蟹肉，口感十分豐富。而面頭係薑汁mouse,mouse 清甜，但又帶有薑汁味，同蒸蛋出奇地夾。跟住到前菜，單單睇伴碟都覺得花了不少心機。順時針方向，最上既係山芋紫菜，細細粒，又滑又爽口，夠哂清甜。之後係鵪鶉蛋，但唔係普通鵪鶉蛋咁簡單，佢張原先既蛋拎起，變左海膽，好有驚喜。跟住係瑩光魷魚配酸梅醬，魷魚夠爽口，而酸梅醬酸酸甜甜，非常開胃。最後係蟹膏豆腐，豆腐帶有蟹膏既鮮味，咸咸地，配面頭上既啫喱，味道崎岩岩好。食完前菜之後到飲湯了，湯係北海道小貝柱清湯，入面有海帶同3粒蜆肉。湯十分清甜，而當中又有有一點鮮味。刺身方面有3款，包括拖羅、平直魚，同石立魚。三款刺身魚之中，我最中意既係石立魚。石立夠清甜，而且十分爽口。而拖羅油脂分泌平均，食落口有入口即溶既感覺。跟住到天婦羅，先講下三款調味：分別係白鹽、wasabi鹽、檸檬汁，仲有蘿蔔蓉，佢地既蘿蔔蓉係師傅已經調左味，清清甜甜，食完又會再同你加。而每一款天婦羅師傅都會教你點咩調味，天婦羅分別有蝦、目乾魚，立魚白子日本大蜆。先黎蝦天婦羅，蝦天婦羅係有埋蝦頭，新鮮炸上黎脆卜卜，十分新香口。而立魚白子好有驚喜，面頭灑滿左香蔥，而醬汁都係用香蔥製成，但一d草青味都無，而立魚香子炸到外脆內嫰。仲有日本大蜆，佢底層係冬菇粒，食落十分香口。合肴係竹筍昆布，師傅話佢既竹筍係黎自日本京都，味道清淡，但帶有昆布味，口感夠爽。到日本牛肉，佢既牛肉係熊本牛肉。上面係牛西冷，而下面係牛肩肉。牛肩肉係經過慢煮烹調烹，肉質鮮嫩。而牛西冷非常口切。牛肉味香濃，肉質腍嫰，十分juicy，食完真係好想再encore。食完和牛後，到梅味素麵配天婦羅紫蘇葉。紫蘇葉又熱又脆，葉下有一層梅冰，2者一齊食，十分夾，味道很清新。連湯底同麵質都係梅味，酸酸甜甜，十分開胃，岩哂夏天熱辣辣的天氣食。差唔多黎尾聲，亦都係我最期待既一道菜，就係生炸甜薯，師傅話係由鹿兒島直送，烹調時間要九個字至一個鐘，外層脆卜卜，食落真係好香甜，好嫰滑。再配埋白蘭地同白糖一齊食，又係另一個驚喜。到最後甜品係水信玄餅，啫喱晶凝通透，配上黃豆粉及沖繩黑糖，順滑可口。啫喱入既櫻花清晰可見，又一視覺享受。…Read More

因為友人的極力推介forkers.早在上星期，已打電話預約今星期二來品嚐forkers美食。forkers位於土瓜灣鴻光街，轉角小巷內，但因為有大大個招牌，所以都容易搵到。大大個招牌，好難搵唔到Fine dinner 級數既環境，有流行既英文歌，柔和既燈光配合先黎講下收費，每位298起有多種配搭，前菜分別有ham 併盤或海鮮類如珍寶北海道帶子主菜有牛或豬或三文魚加任食沙律和黑松露薯條再加甜品和餐飲足夠滿足你胃口老實講，如果有食開ham都知道西班牙火腿分好多等級，而黑毛豬火腿Iberico Ham 係頂級之一，一包36月熟既前腿，一般都要200幾300一包100克。所以，機不可失下，前菜我們選擇了西班牙黑毛豬併盤火腿36月熟成，西班牙黑毛豬火腿橡果飼養前腿加48月熟成既後腿。基本上，都值回票價。前腿味道清淡d,而後腿味道濃郁，一淡一濃，仲有甘香，油香，前後對比極大。前菜極為出色。至於是日餐湯，老闆很細心的介紹今天的湯是新湯。用了羽衣甘藍加豬骨湯底去煲的。極為新鮮清甜。食完了濃郁的火腿後，配合清甜的餐湯。準備之後的主菜。係主菜未黎之前，仲有西式沙律和黑松露薯條。留意！！係可以任食架！！值得推介黑松露薯條很新鮮，是剛剛炸出來的。一般食薯條我都會用茄醬，但黑松露薯條不需要醬料已經很夠味道。而今晚的主菜是...當美國頂級肉眼牛扒遇上西班牙棕毛豬肩胛的配搭這是豬肩胛這是頂級肉眼排。先講一下豬同牛都是用慢煮方法，是最能夠保存豬肉和牛肉的味道，而且肉質和口感都會keep 到。慢煮後會再煎一煎，所以香口又有口感。豬肩胛比較韌，需要慢慢切細塊然後慢慢咀嚼。肉味較為突出。至於，頂級肉眼牛扒，有很濃厚的牛味，加上他的煮法，所以牛扒很juicy 加有口感最後以焦糖芝士蛋糕加伯爵茶作結束我同友人二個大男人都食得很飽足真的好有滿足感。…Read More

今天和朋友在屯門中心附近工作後，打算食西餐輕鬆一下，便在網上尋找附近餐廳。原來在屯門的西餐廳不太多，在V city的西餐廳又貴又多人，所以我們都不打算在市中心吃飯。最後我們找到這間西餐廳，距離我們不算太遠。Marka House 位於寧靜小街當中，外觀樸素而典雅。由於時間尚早，人數不太多反而有格外嘅寧靜。水泥牆與照片很合襯。之後，人數就越黎越多，好快坐滿3/4落了單後，前菜便很快上了，這個前菜是沙律配鱈魚南瓜湯，原來鱈魚配上南瓜是非常之合襯。有魚的鮮味，亦有南瓜的甜味。這個湯真的很好很好。而沙律加了醋，令你更開胃口同朋友一齊叫了蟹餅。這個蟹餅不得了，很好吃。外脆內暖，真材實料，蟹味一流。本人極為推介。我自己主菜點了忌廉虎蝦意大利麵。首先，上菜的速度很快。從賣相方面已經吸引我的胃口，份量不會太少。忌廉很香但又不會太濃導致太肥膩感，味道剛剛好，忌廉的份量剛好配合意大利麵，不會太水，亦不會太澀。當然，最出色的是虎蝦。因為虎蝦沒有冰鮮味道，而且肉質彈牙，很有咬感，蝦味也不錯。一碟的虎蝦也很多，可以分給朋友一齊分享。意大利麵的硬度也不會煮過頭。無論由湯，前菜至小食到主菜，每樣的味道值得稱讚！朋友叫了法式烤雞，薯條外脆內暖，絕對是剛剛炸出來的。而烤雞值得欣賞的是沒有骨，全是雞肉。朋友分享少量雞肉給我，雞肉柔嫩，也是很好的菜。…Read More

一向都知道觀塘工業大廈多野食，但要搵一間好食既野並唔容易。平時我同d朋友既聚會都係食開日本野或者西餐，好少會揀劃菜黎食。最後，揀卜左呢一間御膳私房菜試，食完真係唔會令人失望。先講下地點，位於觀塘工業區，地鐵站一出，行大概5分鐘就到，都算好易搵。食物方面，要預先落單，因為所有食材同份量都係新鮮準備，如果walk in 去既話，真係唔知會唔會摸門釘😅我地一行5人，佢推介我地食菌皇伴大鵝掌餐。價錢都只係 $1680，除開每人都只係$336，真心抵食。什菌大蜆豆腐湯顧名思意，個湯係用左什菇、大蜆、豆腐去煲，湯既味道清清甜甜，蜆比想像中大隻，而且份量都多、食落淡淡肉。麻辣鹵水拼盆拼盆入面有牛肚、手撕雞同豬腸，唔係講笑，食完之後，麻辣既味道仲停留喺口腔入面一陣，果種感覺都幾過癮。而3款小食之中，我最中意既係豬腸，因為d豬腸洗得非常之乾淨，而且夠哂入味。大肉蟹可以揀花雕雞油蛋白蒸、避風塘炒、薑蔥炒，胡椒炒或者四川香辣炒，實有一款岩大家。我地最後都係揀左薑蔥炒。原因係，因為我地覺得薑蔥係最野味。肉蟹非常大隻，食落啖啖肉，肉質鮮甜，而且蟹殻上都沾滿哂薑蔥汁，真係忍唔住吮多2啖。蒜蓉粉絲蒸蟶子皇蟶子下面鋪滿左粉絲，吸哂了蟶子既精華，而蟶子大大隻，面頭鋪左好多炸蒜蓉，聞落已經覺得好香。蟶子食落啖啖肉，而且爽口又鮮甜、熟既程度岩岩好。薑蔥炆龍躉腩雖然都係薑蔥，但薑蔥真心好味，食幾多次都唔會厭。龍躉腩係用左炸粉炸過，但粉漿又唔會過厚，咬落去果一下，外脆內嫰，肉質唔會鞋。菌皇伴大鵝掌呢碟餸真係令我大開眼界。平時雜菌都係食開好普通既菇類，但今次鵝掌側邊係用左鹿茸菌、野生黑虎掌菌同姖松茸，呢幾款菌類即刻令碟餸加了唔少分。士多啤梨骨呢樣係我其中一樣中意食既餸，士多啤梨醬汁酸酸甜甜十分開胃，而且好厚肉，肉質腍嫰，送飯一流。招牌御膳炒飯因為啲餸嘅份量實在太多太大碟嘅關係，個炒飯黎到時候都已經覺得好飽了，不過個飯真係炒得好甘香，入面有蝦同帶子等等做炒飯材料，而且飯粒分明、夠晒乾身。紫薯布甸作為今晚晚餐結尾嘅一道甜品，紫薯味濃，不會太膩。 總括來講，呢間私房菜性價比高，值得再回頭。…Read More

今日同朋友聚會，嚟咗旺角呢一間Cafe，呢度又有得玩又有得食，聚會一流。蛋黃汁卡邦尼意粉意大利粉的軟硬度適中, 意大利粉的熱力剛好與香濃的蛋黃汁沾上, 吃時口感更為細膩綿密煙肉蘑菇份量都幾多, 而且煙肉不太肥‧椒鹽魷魚鬚表面炸粉炸得幾好, 魷魚鬚唔會過韌和乾、柴, 肉質彈牙嫩滑, 沒有一點油膩感覺, 夠香脆,椒鹽味的香口配與魷魚的清淡, 可以一試‧黑松露雜菇意大利飯黑松露夠香, 一路食一路感受到陣味衝上鼻到, 有些人會覺得黑松露味臭, 但本人極之喜歡它的味道, 意大利飯最怕太淋, 亦怕太生硬崛崛, 而這款剛剛偏硬淡, 有咀嚼感, 再配上黑松露醬料, 令其意大利飯味道更加濃郁, 真是令人吃過不停‧CAFÉ 環境幾好, 周邊有各款Board game, 適合三五知己閒聊和公司知己同事放工聚腳地‧價錢相議‧…Read More

平時去吃火鍋的湯底不是清湯就是麻辣鍋，非常沒新意。難得跟一大班朋友聚會當然要吃一些特別的喜歡吃火鍋的我們當然不會放過位於大角咀的-老碼頭火鍋我們一進去就有一股濃濃的辣味撲鼻，喜歡吃辣的我口水分泌立馬增加，一進去侍應服務周到。因為我們第一次吃，所以不知吃什麼好，侍應全程為我們介紹店內的特色食物。我們選了椰子雞湯和一個辣鍋，辣味很有趣。分了香港小辣、成都小辣、成都中辣和成都大辣四種。我們怕太辣所以選了香港小辣，看見鍋底滿滿的辣椒立馬食指大動我們點了十幾碟肉和肉丸，全部都超新鮮。比較欣賞這間店食物的名字，取得十分有意思。 我們點多老友鬼鬼，油條上面是墨魚滑和魚子，吃起來爽口彈牙、十分入味。手工黑松露牛丸亦十分好吃，非常彈牙，而且還看到黑松露！飲料方面，我們點了侍應推介的鮮榨椰子汁，冰冰涼涼的十分解辣，而且非常濃濃的椰子味，不像外面的店都加水和糖水，十分推介必點飲料！不得不提他的醬料，我們試了乾碟和油碟，乾碟是用了三種不同的辣椒乾磨成粉直接沾食物吃，提昇了食物的鮮味。喜歡吃辣的朋友要試試，油碟是按照店裡說明書去調配的。用葱、蒜末、蠔油加上店裡的秘製香油，香油是一罐罐的加進去，把辣鍋裡的食物熱滾滾的放進去，不但有降温作用也有降辣的作用，不能吃辣又想試辣必備的醬料！最意想不到的是，今天的水果吧有三種水果無限量供應。有西瓜、哈蜜瓜和菠蘿！而且侍應都密密的添加，服務十分貼心而且水果都是清甜多汁！這家店好好吃，我們終於找到一家那麼多鍋底種類的店，下次我要再試試他其他的鍋底！…Read More

一向都好中意食日本野，特別去完日本返黎之後，更加掛住日本既味道。但喺香港要搵一間多元化既日本餐廳，其實唔算容易。不過今次都比我搵到呢間丸十日本食堂，食物種類多，卷身、刺身唔少得，仲有鐵板燒同壽司漢堡，諗起都想再食。先叫左個5點特上豐州刺身盛。顧名思義有5款刺身。包括有海膽、牡丹蝦、拖羅、赤貝，同喜之次。所有刺身都好新鮮，特別係喜之次好有驚喜，魚皮經火炙之後油脂分佈更加多，更加香濃，而且好厚肉好有厚口。而海膽鮮甜美味，赤貝爽口，牡丹蝦大大隻，蝦肉又甜又爽口，而拖羅厚切，油脂分佈平均，有入口即溶既感覺。另外叫左一個小食，自家製明太子玉子燒。唔駛多講都知道有明太子同玉子。玉子蛋味香而濃，而且有好多層。玉子中間鋪滿了明太子，一有種特別既鹹香味。細滑既甜玉子同微辣既明太子出奇地夾，忍唔住一口氣食左3舊。雖然我唔係坐吧枱食鐵板燒，但都想試下佢既。於是叫左澳州和牛厚燒，黎到既時候，師傅已經一早將肉切開左，咁就唔駛再切，和牛既牛味香濃，肉質又腍又新鮮，唔駛加任何既醬料都已經好好味，中意既可以點鹽或者醬汁。最美中不足既係睇唔到師傅整既過程。最後叫左個三文魚牛油果壽司漢堡。個漢堡特別之處係用左米飯黎代替面包底。壽司飯加入左醬料，味道更加香。雖然係用米飯做漢堡，但飯既質地都好實，食既時候都唔會容易鬆散。牛油果點完日式豉油之後似三文魚我相信好多人都知。厚切既三文魚加埋牛油果，味道夾上加夾。…Read More

估唔到元朗都有一間隱世抵食既西餐廳。之前同朋友食過已經覺得唔錯，所以決定今次帶老婆黎試下。餐廳唔算好大，一眼就睇得哂，但座位、枱面都好寬闊，食物選擇都好多。而最吸引我既係員工既服務態度。一黎有禮貌，二黎落單上菜都速度都很快，三黎非常勤力加水同換碟。單單係呢幾樣野，已經好值得欣賞同稱讚。見到有2人餐，見d野都岩食，所以就試下。個餐原來都有包送，仲要係配自家製既番茄醬。番茄係原粒細細粒既車厘茄，同法包出奇地夾，酸酸甜甜，非常開胃。餐湯叫左牛肝菌忌廉濃湯。平時飲咖啡見拉花就多，估唔到而家餐湯都有得拉花，碗湯即刻加左唔少分。忌廉湯夠濃夠稠，而且好香牛肝菌同菇味，好好飲。前菜可以4揀2，款款都好想試，因為每一款都好有特色。左諗右諗之下，最後都係揀左香草百草煮鑽石蜆同低溫油浸鮮吞拿魚。鑽石蜆充滿左白酒既香味，但又唔會覆蓋蜆既鮮甜味。平時都好少食咁大粒蜆，每粒蜆都脹卜卜，唔怪得叫鑽石蜆。雖然係前菜，但一客都起碼有成10粒，十分足料。低溫油浸鮮吞拿魚，吞拿魚切到正方形粒，用低溫煮出黎既吞拿魚肉質嫰滑，雖然係油浸，但一d都唔會覺得油。之後叫左扒大蝦闊條麵配松子羅勒醬。松子既份量非常大，食落每一啖都充滿住松子，而蝦即有兩隻，每一隻都好大隻。每一啖都啖啖肉，而且蝦肉夠爽，唔會霉。另外揀左美國安格斯肉眼扒，牛扒夠厚，而且食落好香牛味，肉質夠嫰，而且真係做到7成熟，而配菜有茄子、薯角等等，邊食配菜邊食牛，食既時候都唔會覺得太油膩。而甜品有蘋果金寶，平時我好怕食煮熟左既蘋果，但呢個蘋果金寶竟然另我有encore衝動，唔算好大杯，蘋果切到細細粒，加埋提子乾，酸酸甜甜，醒晨開胃，食完真係好滿足既一餐。…Read More

每一次打邊爐都好想同自己講，冬天真係好中意打邊爐。不過當打邊爐果陣，又想食下壽司刺生放題，八幡屋就幫到我了。佢放題有3款牛肉選擇，包括美國進口牛肉、特選美國牛肉同澳州和牛。當然，要食要試既，緊係食澳州和牛啦，而且價錢親民。先講下鋪頭周圍環境，地方大，坐位闊落，最緊要係枱面可以擺得落好多食物，擺完之後又唔會覺得迫。在門口嘅左手邊已經係一個自助吧，自助吧種類選擇都算多，例如有菜、丸類、腸仔、菇類等等。而且仲有一啲冷盤前菜，例如辣味螺肉同帶子裙邊。要醬料都係自助去拎，例如有豉油、芝麻醬、辣椒、蔥、生蒜、熟蒜等等，非精齊全。飲品方面：都係非常之多元化，除咗無汽飲品同有汽飲品外，仲有一渣渣嘅涼茶，仲有日本清酒同梅酒，不過呢一兩款就要用紙或者手機app落單。湯底方面：我地叫海膽龍蝦湯底，湯底鮮味十足，本身入面都已經有海膽。另外，再有一隻開邊龍蝦。龍蝦唔算大隻，但食落都啖啖肉。最岩，係放其他配料之前飲一啖湯，咁就一定飲到最鮮既味。食物方面：澳洲和牛同美國牛一食都已經覺得好大分別。澳州和牛花紋靚，油脂分佈平均，食落好香牛味，而美國牛不過不失吧。不過魚皮唔係好夠脆，其他食材都好新鮮。刺身、壽司、卷物都有好多唔同款。刺身有吞拿魚、甜蝦、八爪魚、三文魚等等。而最正既你壽司有我最中意既左口魚，真心滿足。不過其實仲有其他小食，例如炸芋丸同雞翼，食完真係好滿足。基本上每樣都叫黎試下，未重覆食第2次都已經過夠飽了。最欣賞既係，餐廳係可以用app落單，咁就夠哂環保♻…Read More

新蒲崗一向都係我中意搵食既地方，今日同朋有黎左Das Bier 食德國菜。先講下餐廳既環境，佢分左室內同露天既地方，本來好想坐露天，吹下風、望下街景食，不過我地去既時候露天已經full 哂，所以只好坐室內。而室內既設計以Vintage復古風為主，牆身痴左紅磚牆牆紙同復古嘅裝飾，甚有特色。而且啲太大大張，就係一班入嚟食。Menu大大本，可以清晰見到食物嘅照片，包保一定唔會叫錯。先叫咗個香蔥芝士焗薯條 $88，可以加$25配巴馬火腿或三文魚，不過因為驚食唔晒，所以我哋冇加黎食。薯條熱辣辣新鮮焗起，而且非常非常大盤，我諗呢一盤薯條起碼有四、五個人份量，3個人食都覺我好full，岩哂一大班人叫，真心抵食。薯條加左黑椒，食既時候有小小微辣既感覺，並帶有香蔥味，而且面頭既芝士做到好長拉絲既感覺，食落十分惹味。只係略厭蔥唔夠多。另外叫左個德國超級香腸拼盤$188，香腸拼盤都非常豐富，腸仔種類非常多，有長腸、 有短腸，有辣嘅香腸、有香草嘅香腸等等，而且款款質感同味道都唔同，而我最鍾意嘅係辣肉腸，細細條，但識落辣辣地，非常過癮。另外佢配上茄汁同蜜糖芥末漿，也相對地我較鍾意點蜜糖芥末漿。另外有啲酸蘿蔔，食落有非常開胃。因為酸蘿蔔，我哋先食得落頂級黑安格斯肉眼扒。塊扒仲要有10oz，十分足料。牛扒有牛味，肉味香濃，而且肉質腍嫰，雖然唔算好厚，但食落都好有口感。配菜有薯角、翠肉瓜同茄子，薯角夠粉同香脆。食完呢一餐真係好飽，下次會再同朋友飲住啤酒食豬手 u…Read More

今日黎左尖沙咀K11行街。無意中，比我發現左一間相對較隱蔽既餐廳。餐廳出面係賣緊一d有機食物，唔行到最入，都唔會見到呢一間餐廳。餐廳既出門種植左好多有機植物，相當昅精。而餐廳係以田園風佈置，座位寬闊，環境乾淨，所以坐得都好舒服。坐低無幾耐之後，野食都未叫，職員已經為我地送上餐包。餐包很好食，長形果款似餅乾條，另一款係黑芝麻，食落非常香口。睇左一陣餐牌，原來呢間餐廳主打super food同有機食物，所以點都要食下主打菜。先叫左鹽焗本地盲鰽配黑蒜炒菜。盲鰽係本地養殖，所以都覺得特別珍貴。本來以為鹽焗條魚，應該會好鹹，點知一d都唔會，鹹度岩岩好，而且肉質鮮甜嫰滑，並帶有香茅味。原來魚身放咗香茅。而雜菜方面，係用黑蒜炒，食既時候啖啖香蒜味，十分惹味。另外，叫左個烤英國羊西冷配蜜糖芥茉醬。羊我地叫左7成熟。羊西冷黎到既時候，被雜菜包圍，當推開d雜菜時，已經聞到好香羊味。雖然有小小so味，但食落一d都唔so wo。肉質腍嫰，食落啖啖肉，十分juicy。最後，叫左個小食，芝士磨菇釀雞翼，望睇落雞翼好似好燶好黑咁，但其實一d都唔燶，雞翼仲好入味，入面釀左芝士磨菇，芝士味濃，但又唔會搶去雞肉味道，而且無骨雞翼，岩哂食雞翼唔叻骨既人…Read More

很久沒有入西貢，今晚就和爸爸媽媽同老婆一齊入左西貢行下搵下野食😋一聽到去西貢食野，都梗係諗食海鮮，有點悶，泊低架車係碼頭果邊，行過見到呢間門面同名字都充滿中國風的飯店——「花朝軒」京粤菜，就入去試試看。不只門面，內部裝潢亦洋溢著中國風。菜式種類選擇非常多。先來了一味薑葱焗美國桶蠔，一打開煲蓋，吱吱喳喳熱騰騰的聲音連帶香濃惹味的薑葱味撲著來！蠔身大隻飽滿，咬落非常Juicy，一流！再來乾煎銀雪魚扒，夠哂大塊厚身，配搭著惹味的鼓油，一梳一梳的魚肉，每一啖都非常滿足。蒜香炒芥蘭，蒜香味十足，芥蘭無苦味，又不會太硬身，啱我最後來一個可以算是壓軸的主角——京燒元蹄！是當晚親切的經理先生推介的，元蹄的位置比豬手上一點，沒豬手那麼肥膩，烹煮前的處理過程繁複，吃落每一口都是師傅的心機。元蹄肉質非常軟腍，膠質恰到適中，週邊的生菜拌著芡汁都變得十分好吃呢。飯店的職員服務態度非常親切，會向你推介一些特式菜式，一次搵多人D黎再食過先！…Read More

愛貓者一定好鍾意呢一間Cafe，包括我都一樣。因為呢一間Cafe嘅質素無論係貓咪、食物、定係服務質素都非常之好。今日同老婆嚟咗呢一間Cafe，入面有無數隻貓咪，真係多到數之不盡。而且啲貓咪都係隨心喺餐廳裏面走來走去，非常熱情。仲可以用$18買一罐罐頭為佢哋食，非常治癒。 我哋叫咗個日式黑魚子紅酒繪牛肋條配意式蕃茄意大利飯，同埋粉紅胡椒大蜆配忌廉白酒扁意粉。另外加配左一份小食拼盤，食完真係非常之飽。先講下意大利飯。非常有水準。牛肋條煮既時候已經混合在意大利飯中。牛肋條腍嫰，而且非常入味香軟。配上意式意大利飯，惹味可口，啖啖停不了。而扁意粉很有驚喜。粉紅胡椒同大蜆出奇地夾，蜆肉又多又新鮮，而且大大隻，食落好鮮甜。而意粉煙韌度岩岩好，食落好有口感，而白汁意粉忌廉汁算多，creamy 得來又唔會好漏 小食拼盤非常豐富，入面有法蘭克福腸、流心芝士雞球、雞翼同薯角。法蘭克福腸切到一片片，腸味十足。已說得上面瀋左一啲七味粉，食落十分野味。而雞翼係香酥雞翼，雞翼香脆可口，十分嫰滑。不過我覺得芝士雞球唔似芝士雞球，食落似芝士條，芝士味香濃，而且有一層層拉絲既感覺。到最後值得一提嘅係餐廳嘅服務質素，服務質素非常好。當啲碟污糟左嘅時候，職員會好勤力同你換碟，而且非常有禮貌。最開心既係食既時候有好多貓咪陪食。…Read More

上個星期已經同朋友一早約左黎食醉胡爐，而且仲預早係OpenRice 訂座，因為每人食夠$200蚊就會free左火焰龍蝦海鮮火鍋。先講下佢個環境，環境乾淨企理，而且每張枱都非常之大，仲夠哂擺埋d食物喺枱面，我地6點半去到，唔算多人，去到7點半果陣，已經座無虛席，不過職員仍然維持應有既服務水準，佢地好勤力幫手換碟同收野，呢一方面值得欣賞。肉類方面，我地叫左飛驒和牛肉眼A5同西班牙黑毛豬豚肉。唔係講笑，牛有牛味，豬有豬味，飛驒和牛油脂分怖平均，食落又唔會覺得肥膩。黑毛豬豚肉有驚喜，肉質嫰滑，又唔會韌，十分好味。之後叫左個黑松露蟹肉餃一份，一份有8件，職員教我地要將隻餃放入個喱入面，大概40秒左右就食得。不過我覺得煮多一陣會好d。餃子十分足料，黑松露味香，不過蟹肉味就比黑松露味覆蓋左。再叫埋手打芝心牛丸，一客有8粒，牛丸新鮮爽口彈牙，一咬芝士就流哂出黎，芝士味濃郁。不過唔好太熱食，因為d芝士熱辣辣，會辣親條脷。最後叫左新鮮黑牛柏葉，$78蚊，大大份，食極都好似仲有咁。黑柏葉非常新鮮，用14下定律黎食，爽滑程度岩岩好。最好既係餐廳無限時，中意坐幾耐都得、所以食得唔駛咁急，可以慢慢chii下。…Read More