kapo517's Profile

之前見到好多報道已經想去試，支持下香港小店， 好彩我地之前都有提早訂位， 當日一去到門口已經有好多人， 我哋一行四人， 全部都點咗佢最出名嘅厚切牛舌套餐， 牛舌燒得剛剛好， 一入口就有油脂， 好軟熟。 佢牛舌份量都好多， 但如果食晒全份都幾漏， 建議同朋友share 。 另外餐廳枱與枱之間距離都比較貼。 …Read More

原來龍島都有最近好興的開心果味，所以訂咗一個五吋嘅開心果芝士蛋糕試吓， 這尺寸適合四至五人享用。 蛋糕開心果味唔算好出，蛋糕質地好soft , 芝士味唔會太濃， 食落都唔會好漏。 適合唔太中意芝士味太重的人。 …Read More

平時店內冇見過有現貨賣，所以早2日在太古地鐵站分店， 訂左芒果拿破崙蛋糕。 店員服務有禮。今次訂左7寸 size , 都幾有重量。蛋糕內有幾多芒果肉， 中間吉士醬挺身， 味道唔會太甜 。 拿破崙嘅夾餅每層都好脆 。切餅時都好考驗刀功。下次值得回購。 …Read More

行左一陣街好累， 係東薈城見到春水堂門口又冇咩人排隊就入去堂食休息下。 叫左杯鐵觀音珍珠奶茶，味道好👍 keep 到茶香味，珍珠細細粒幾好。 另外叫左鴨舌 及 雞翼。 雞翼炸得好脆又熱，味道不錯。 …Read More

公司今年到半島酒店食自助餐， 因為臨近聖誕節酒店及餐廳門口都有好多聖誕裝飾， 氣氛好好👍。 枱與枱之間有足夠距離，坐得幾舒服。餐巾都有因為聖誕節有不同圖案印上，食物款式唔算好多， 但每樣食品質素及味道都不錯。 其中熱食有牛腩煮得淋 又 好味😋，有海鮮麵豉湯都好正。最後甜品要試酒店自家出品雪糕。另外加左2小時冇酒精暢飲有不同果汁 。 半島酒店職員的態度及質素都好好。…Read More

好耐冇食譚仔三哥， 就去門市外賣自取， 有注意到門口話留意，外賣時間可能要10至20分鐘， 覺得20分鐘都接受到， 但我估唔到居然要去超過40分鐘， 雙倍時間。 我成日中午時間冇哂， 仲要號碼後過我都有得攞外賣， 現場都有客人投訴， 我過左25分鐘已經通知店員跟進， 到35分鐘我話退錢我唔要， 店員才話我再幫你睇睇， 我估係我投訴完先煮。 最後43分鐘後才取到外賣。 我話味道都係正常。 大家要有心理準備先好去。 …Read More

今日約左屋企人一早飲早茶， 點心種類有一般茶樓有的燒賣、排骨、牛肉球， 味道正常， 另外叫左流沙奶黃包， 但一d流沙都冇， 好失望。 糯米雞size 偏細， 正正方方似機壓， 口感一般，另外第一輪叫左炸兩， 等左好耐都冇黎， 估計漏左單， 餐廳環境唔錯， 有2層樓底幾高， 所以唔會太嘈， 餐廳用手機自助下單。 …Read More

今日同朋友去北角匯食午餐， 平日下午經過都滿座， 我地叫左一份魚 + 牛， 牛叫左5成熟，煮得好，牛味都幾出， 魚煎得好脆， 配上咖喱汁好味😋 ， 平日午餐可以電話訂位， 餐廳座位唔多， 店員服務好。 …Read More

平日食飯時間好多人排隊， 條龍行得好快，不需要等太耐。 店員工作速度都快， 所以記得要諗定自己食咩餸。 店舖餸款式都多， Refill 速度都快。 外賣分量都多。 $34 兩餸飯CP值高。 …Read More

今日難得有朋友黎約食午餐， 所以簡左三代目。 平時經過見入部裝修唔錯。 原來平日午市都好多人，好彩朋友早到攞左位， 餐廳用QR code 下單， 我地叫左一份 六品套餐 & 吉列豬+ 蠔 套餐。 六品套餐溫馨提示要等20分鐘， 上枱見到好豐富， 天婦羅應該即叫即齊， 好味道。 仲有2碗魚生飯， 一定夠飽。 海膽正常，吞拿魚蓉不錯。 醬油漬鮑魚味道一般。另外吉列豬排+蠔 炸得唔錯， 餐廳使用日本米。 餐廳午市多人， 廚房油煙味都幾重， 會飄出去大廳。 …Read More

你今日去譚仔三哥叫左碗過橋米線，2人分一碗。 所以可以叫多d小食。 白肉偏多油，但都唔太辣。 另外仲叫左個尖椒皮蛋 ， 味道正 ， 好多蒜👍👍。 但餐廳地方細， 環境比較迫。 …Read More

星期六 下午5:00 左右入餐廳， 餐廳都仲好多人 ， 9成滿， 好彩仲有位唔洗等。 今日叫左芝士薯條， 芝士都落左唔少。 芒果雞肉沙律味道好 👍 但雞肉比較鞋口， 如果有多d脆脆， 口感會更好。 蝦燴飯都好好味😋 好夠熱 。 …Read More

今日約左朋友黎打邊爐， 我地叫左黑蒜湯底， 味道不錯👍 。 冷盤叫咗黑木耳同埋涼拌魚皮， 魚皮味道有d奇怪， 問左餐廳職員話味道係正常， 因為佢地落左芥末。 牛肉味道正 👍， 仲有黃沙豬膶， 好少火鍋店有😋， 蝦餃子🥟見外型幾吸引， 但味道一般。 整體食材都幾新鮮。 …Read More

今日用Apps 攞定票， 唔洗等好耐就可以入坐。 壽司🍣味道保持到水準， 刺身軍艦味道正常，炸魷魚鬚炸得幾脆不錯👍， 另外，當日見到附近有食客叫咗熱湯麵， 但廚房員工放置送餐車上的位置放得唔太好， 成個湯麵傾斜住咁送出黎， 經過我地位置時好危險⚠️， 最後去到食客手上都係倒瀉咗。 好彩冇人受傷。 …Read More

今日同屋企人去牛角食晚餐 ， 我地今次叫咗不同的主食，石鍋飯上枱熱辣辣，拌完飯之後，仲有啲飯焦係度正👍。 冷面味道酸咪咪幾開胃。蔥油拉麵用石鍋上，睇住佢仲好滾住，好正，勁多蔥😊 。蕃茄牛肉烏冬，蕃茄湯底濃，牛肉粒分量少。 最後緊係叫埋燒肉， 大滿足。 …Read More