Miss Mish's Profile

Sorry,手機d 相冇晒!!! 但都照post 住食評先!相後補!老爺星期五過黎食飯, 咁就係返大埔搵野食.老爺話想食中菜, 就搵到大埔新江記店內環境同menu都okay既, 室內大排檔既感覺好懷舊hahaha 走地雞一食就有個疑問..’ 真係走地雞？！’因為肉質同冰鮮雞一樣咁腍雞有雞味?? not really! 脆皮炸大腸好細份, 3個人都唔夠食話就話脆皮, 但其實唔脆仲有d 腍..有d咸 岩重口味既朋友本身唔想食飯, 但真係好咸忍唔住叫左碗飯非一般咕嚕肉咕嚕肉對我黎講真係有非一般既吸引力但好可惜佢都係唔脆仲有d腍個汁偏酸...用鮮菠蘿都唔甜balance唔到非常失望啊...炆豬肉真係強烈唔recommend  炆唔到入味, 色水都唔夠食過客家炆豬肉真係唔係咁咖鵝腳麵老爺最愛食鵝腳, 個麵底幾好, 不過鵝冇鵝味都係冰鮮野? 老爺食左兩啖就冇再食..食到最後, 都唔飽咖..但真心覺得好差...唔會再黎佢同我前幾個星期食過既粉嶺新漢記好似連menu都好似. 咁我寧願去遠d食新漢記..老爺話唔會再黎...我心諗..今次瀨野了..唔通我得罪佢老人家..?!下次遠d都寧願去遠d...…Read More

平時經過都冇為意. 今日諗唔到去邊食早餐一搵就發現左呢間咁有feel 既cafe門面好利落. 落地玻璃採光一流!可能因為今日係weekday. 人唔多坐邊自己選擇. 我就坐左係曬到太陽既窗邊位店入面仲有早前halloween 既decoration 都好有heart 好靚不得不提好鐘意佢播既playlist. 好多都係indie music 非常chill and cozy!然後menu 係hand sketch style 既插圖食物好多都要12:00先提供. 但都有brunch 既options飲品方面就有好多唔同既選擇選擇困難症既我..好難先決定左叫Earl Grey Latte 嗅落好重Earl grey 味 飲落首先突出咖啡味然後慢慢有earl grey 特有既甘味個比例好好!然後我叫左 牛油果多士 配 松露牛油 sourdough 有烘底. 上面有抹一層好似mayonnaise既sauce 牛油果都好大份下. 面頭有兩粒松露牛油我第一次試avocado + truffle butter 呢個combination係好好食. 好濃既truffle 味! 而伴碟既沙津菜都一d都唔hea係新鮮而且有dressing過 真係一絲不苟!Overall 黎講佢係粉嶺唔係平既. 不過佢真係對得起呢個價錢食得出好有heart. 份量都好足!我諗我會成日過黎咖!…Read More

一兩個月都會入粉嶺食新漢記今日成班人行完山就黎食訂枱時個staff話搬左新鋪!其實都係行過兩條街. 3分鐘唔洗新鋪係商場地鋪. 講真 真係坐得舒服過舊鋪好多!必食就緊係有自家製黃酒炒雞(半隻)黃酒好香 雞件完全吸收晒酒既香味我地係會連薑都食埋 。鮮鳳梨山楂咕嚕肉. 肉有點大D大舊但菠蘿有點細塊對於食肉獸既我, 我緊係話好既 HAHAHA咕嚕肉炸得火喉岩岩好 脆口!。成日都見到人叫既香煎墨魚餅今次第一次試 好彈牙 不錯不錯! 。三杯焗新鮮豬腸 怕肥不過冇辦法非常惹味 同洋蔥一齊食 好夾上菜時好夠熱 。每次都會叫既 紅蔥爆豬潤都係一樣咁有鑊氣!正啊!。都係第一次叫既 招牌古早味雲吞雞好足料 雞就一定咖喇但入面有大大舊金華火腿 個湯好夠咸香 而雲吞同我地平時食既好唔同係全肉冇蝦既呢個下次黎一定會再叫過因為今日D人係成個湯飲晒 。都係要食個菜系例: 上湯浸豆苗豆苗係冇渣既係靚既不過我覺得叫個肉好似開心過食菜囉。呢個秘制生炒糯米飯好巴閉唔係時時有 黎左4次 3次都冇今次終於食到!! 飯真係粒粒分明, 臘味比例係每一啖飯都有!然後冇人諗過要禮讓..第一個好快清晒忍唔住叫多左一個 hahaha 。真係冇係出面食過既 黑蔗糖蜂巢糕成日都會好掛住佢黑糖味濃 口感香軟完美為今餐劃上句號。總結 今日試左d 以前冇叫過既野都好有驚喜雖然係搬左鋪 但質素都冇變環境仲坐得舒服左仲多左sofa bench 人少d 既2-4人party 都唔一定要焗住坐圓枱考慮下次可以人少少自私食…Read More

因為lunch食太多. 晚餐只想輕食.行過cwb 見到呢間野都幾多人等緊就試下.試左葱花蝦米腸同葱花蛋石磨腸.等左都有有我15分鐘, 真係愈等愈肚餓hahaha但見佢地真係即叫即做! 果下覺得好值得等侍!終於食得! 蔥花蝦米腸加d 蝦米好大粒好足料啊. 腸粉好滑!!( 太想食, 相都唔記得左影...)然後蔥花蛋腸我地加左底, 真係好夠飽..腸粉滑就一定且充滿蛋香! 好好食!見佢有黑米同紅米腸, 下次會試下!香港地有呢d咁有heart 既腸粉鋪真係買少見少..一定再黎食!…Read More