周圍吃的男人's Profile

好少會寫食評批評餐廳，但係呢間真係忍唔住。好耐未食過咁難食嘅餐廳，加咗牛肉，但係剩係得三塊 ，而且麵嘅質素亦都唔係特別好，仲衰過喺街邊度食，好淋，就好似食緊吞嚥餐咁。另外，都想講吓佢杯檸檬茶，完全冇茶味，好似飲緊檸檬水咁。明白做生意都要賺下錢，但係賺錢都唔係咁樣賺啊，呢間野完全冇誠意，真係一啲都唔推介，希望大家入去之前真係要三思。如果老闆叫到呢篇食評，都想你自己問心你自己食唔食得落。另外，更加想提既係，店員既service 真係好差，問少少野就好似得罪佢咁，真係貼錢買難受。如果你想全日嘅心情都受到影響，就可以試吓呢間餐廳。…Read More

今次嚟到銅鑼灣利舞台呢度搵嘢食 平時多數食嚟食去嗰幾間估唔到入邊原來仲有好多唔同嘅食肆經過見到間食炸雞嘅心頭一起就入咗去試吓啦🐥🐣入到去店員好明顯有一個係韓國人嚟嘅但係禮貌都好好仲主動介紹出邊嘅配菜 聽侍應講出邊嘅泡菜同埋麻油粉絲都係自己整嘅味道有少少唔同 麻油粉絲更加係非常好食 我哋不知不覺都食咗幾碗 大家記住試下三重芝士脆雞 $198🍗🍗🍗炸雞係以鐵板形式上嘅 底嗰度有好多嘅拉絲芝士 炸雞上面就有左少少芝士醬 炸雞中間就有個農夫包入面有好多溶咗嘅芝士 撈埋炸雞食 又邪惡又忍唔到口🤤🤤🤤 值得一讚嘅係鋪頭用嘅係無骨炸雞所以我哋食落去就唔使揀骨啦 啖啖肉！ jeng黃金鹹蛋脆雞$78🍗🍗🍗如果大家晏晝嚟呢度食嘅話建議大家可以食佢食晏晝餐呢個價錢但係炸雞嘅份量都幾多 我哋選擇咗無骨炸雞 炸雞頭鋪左少少鹹蛋黃粉甜甜地鹹鹹地幾開胃架都 值得一讚嘅係大家嘅份量幾多我哋兩個人叫咗兩份炸雞都真係食唔晒大家可以選擇兩個午餐share食總括嚟講呢間嘅炸雞店位置喺銅鑼灣都幾方便另外價錢亦都唔算貴尤其是係晏晝午餐更加係可以接受嘅價錢喺銅鑼灣來講 如果大家唔想成日食kfc叔叔同埋其他連鎖韓式餐廳嘅話都可以嚟呢度試吓…Read More

疫情之下好多人都冇得離開香港，唯有食住外國菜解解旅行癮。上網睇咗好耐好多人都推介呢間印度菜。食得印度菜 當然要試吓佢嘅咖哩啦。咖喱好惹味，同埋啲雞一齊融合埋啲咖喱汁入邊好似咖喱入邊有雞味，雞味入邊有咖喱味。芒果沙冰充滿着淡淡的芒果香味，完全唔係藥水味。最後嘅甜品令到成餐昇華，淡淡的杏仁味，充滿濃濃嘅牛奶味。疫情之下，真係好少見有咁正宗嘅印度菜，未試過嘅朋友，就真係要試吓佢嘅咖喱，充滿熱帶風情嘅芒果沙冰。炎熱天氣底下，食埋一個凍冰冰嘅甜品絕對係涼透心，呢間絕對係信心推介。…Read More

篤篤船麵今日想食啲泰國嘢，就去咗千色匯呢間篤篤船麵試吓。慢煮牛柳濃湯船麵慢煮牛柳好腍，一啲都唔鞋，加上濃濃嘅湯底，同特色嘅雞蛋麵。值得一提嘅係脆卜卜嘅炸豬皮，索咗啲湯汁真係好好味，口感賣相味道都一流！泰式鹹蛋木瓜沙律因為對花生敏感所以呢個沙律叫咗走花生。爽脆嘅木瓜絲，加上豆角洋蔥番茄仔，酸酸甜甜脆脆，特色嘅係加咗鹹蛋碎，增添一份鹹香。泰式鳳爪沙律無骨鳳爪酸酸甜甜非常開胃！泰式脆皮燒腩仔燒腩仔個皮燒到脆卜卜，加埋燒到好Juicy嘅肉，一啖一舊！小食拼盤拼盤有炸蝦餅，炸魚餅，蔗蝦同泰式春卷。當中比較出色嘅係蔗蝦，用蝦餅捲住細細碌蔗仔，蔗汁甜甜地，同蝦餅好夾！呢間餐廳CP值幾高，下次再嚟試埋個冬陰功湯！…Read More

粉紅水門雞今日喺觀塘放工，近近地去咗附近中海日升中心食個晚飯，見到粉紅水門雞好似幾抵食，一於試吓佢啦！我叫咗個粉紅水門雞飯，女朋友叫咗個正宗滷水豬手飯，加咗個酸辣鳳爪沙律做小食，甜品就係我好鍾意食嘅芒果糯米飯！粉紅水門雞飯呢個水門雞飯，雞件除咗嫩滑仲已經去晒骨，食落啖啖肉！最特別嘅係佢個飯，唔係普通嘅白飯或者黃油飯，係加咗香茅同泰式香料煲出嚟嘅飯，好有地道嘅感覺！點埋特色嘅泰國醬汁，真係回味無窮啊！正宗滷水豬手飯豬手飯嘅豬手滷得特別入味，豬皮唔會太肥得黎又好有口感。伴碟嘅仲有一隻糖心蛋同埋酸菜，送飯一流！酸辣鳳爪沙律酸酸辣辣嘅無骨鳳爪，加上清新嘅沙律同埋醬汁，真係非常開胃。芒果糯米飯香甜嘅芒果加埋椰汁，鋪係黑白糯米飯上。做得出色嘅係個甜品唔會太膩，細細份好抵食！值得一提嘅係佢哋嘅特色飲品，冷泡白桃烏龍茶同凍陳年柑橘蜜，唔會太甜，非常生津解渴。呢餐飯非常滿意，下次lunch hour都約埋啲同事再嚟食多次!…Read More

今日興致勃勃想食燒肉，梗係黎喜來稀肉啦！我哋嗌咗個燒牛肉套餐，有喜來稀肉、牛五花、牛頸、牛肋骨肉同烤調味牛排骨，仲有一份雜菌同烏冬。另外加咗一個海鮮蔥餅。店員拎咗好多泡菜同埋醃蘿蔔嘅小食做前菜，幫我哋喺爐隔離倒咗蛋漿，有芝士味同泡菜味，可以一路食燒肉一路食下小食，唔洗咁膩。醃蘿蔔青瓜做得幾出色，唔會一味得個酸字，又脆卜卜，非常開胃！燒肉可以夾生菜、烤生蒜或者泡菜一齊食，呢d小食仲係任添架！我最鍾意就係烤調味牛排骨，佢既調味醬好特別，燒起黎特別惹味，夾埋生菜蒜頭一齊，簡直係perfect match！再黎既海鮮蔥餅都非常值得一讚！滿滿既海鮮同大大條蔥，蛋餅煎到微焦，口感一流！夾吓夾吓好快就食曬⋯最後燒埋雜菌，燒果陣我建議加少少燒汁，咁就唔會燒到乾晒，仲有少少調味同菇嘅香味～佢仲有好多種燒肉選擇，下次會再同大班frd黎，食多幾種！…Read More

今日放工返到荃灣食飯，女朋友話想食西餐。聽到上次朋友話Vision 8唔錯幾decent，就入咗去食。餐廳裝修俾人感覺好溫暖，唔會好熱鬧好嘈，啱晒二人世界。我同女朋友都好鍾意食薯條，見到Menu有松露薯條，諗都唔諗就嗌咗喇。女朋友揀咗個龍蝦汁椰菜花燴意大利飯配龍蝦尾，我就嗌咗蘋果木燒西班牙黑毛豬鞍扒。因為怕有啲膩，所以加咗個黑醋吞拿魚沙律。店長好有心，叫廚房安排食完一道菜再上另一道，以免食物變凍。先嚟嘅係松露薯條，除咗松露醬，薯條上仲灑有黑松露粉，Double松露！薯條一咬，外脆內軟仲出晒煙，松露醬都好快俾我哋點曬⋯之後上咗吞拿魚沙律，每一塊吞拿魚都有啲黑芝麻包住，應該係慢煮處理過，有半生熟嘅感覺。配上酸酸甜甜既黑醋同埋沙律菜，好開胃呀！終於到咗主菜喇，大大條龍蝦尾放咗喺龍蝦汁意大利飯上面。個龍蝦汁非常濃郁，吸晒落啲飯度，淡淡都係龍蝦嘅精華！龍蝦汁飯入面混合咗切碎咗既椰菜花，令意大利飯有不一樣嘅口感，有驚喜！西班牙黑毛豬鞍亦都非常出色，差唔多一寸咁厚，啖啖肉！用蘋果木燒完之後特別香，去除咗豬肉帶黎既油膩感。配菜芝士薯仔亦一啲都唔弱，好快就俾女朋友食晒！最後我哋決定追加一個甜品，Apple crumble. 佢製作嘅方式比較特別，唔同一般成個撻咁焗。杯入面最底嘅係蘋果蓉同蘋果粒，面頭就係一粒粒脆卜卜嘅crumbles。D crumbles 好有驚喜，有d似shortbread粒，又有好香既玉桂味，再配上冰凍嘅雲呢拿雪糕，呢餐完滿了！…Read More

疫情底下相信好多人都想去泰國旅行，因為掛住佢嘅泰國菜，我都唔例外，所以就去咗食呢一間喺大埔出名嘅泰國大排檔。去到佢門口見到佢嘅裝修，已經充滿着泰國嘅風味，所以對一陣間食嘅嘢充滿着期待。今次食咗佢嘅蒜蓉炒椰菜苗，鮮蝦炒粉絲，咖喱雞配薄餅，同埋小食拼盤。首先講吓佢嘅蒜蓉炒椰菜苗，充滿着蒜蓉嘅香味如果你一個鍾意食蒜蓉嘅朋友，相信會絕對啱晒你口味，而且仲充滿着大排檔鑊氣嘅味道，雖然佢係餐廳嘅裝修，但係另外有驚喜嘅地方係，估唔到一碟咁普通嘅炒菜，竟然可以炒得出有大排檔嘅風味。佢嘅鮮蝦炒粉絲亦都充滿着泰國嘅味道， 蝦同粉絲嘅味道互相配合，粉絲有蝦嘅味道，而且蝦嘅鮮味亦都好夠，令到成碟菜式係充滿着蝦嘅鮮味，十分之惹味。佢嘅咖喱亦都充滿着椰汁嘅香味，而且亦都唔會太辣再沾埋薄餅食簡直係可以食到咖哩所有入邊嘅精華。最值得一讚嘅係，佢嘅小食拼盤，因為小食嘅種類好多，大概有六至七款，當中最值得一試嘅係佢嘅蔗蝦，因為喺出邊比較少見，而且食得出蝦嘅鮮味，而且仲有一粒粒嘅蝦肉係入邊，絕對冇偷工減料。最令到我喜出望外嘅係，佢嘅泰式咖啡，估唔到食物質素高，而且飲品質素亦都同樣咁高，咖啡嘅味道好香配合埋佢泰國奶嘅味道，奶同咖啡嘅比例係黃金組合，令到咖啡嘅味道昇華到去另一個層次。如果下次再去大埔嘅話一定會再試間餐廳。…Read More

相信食開雞煲嘅朋友都知道，食雞煲最重要嘅係佢香料嘅味道，當然雞嘅鮮味都好重要，但係要做到兩樣都齊全嘅餐廳，就少之又少，但係呢一間餐廳就兩樣都做到。頭先講吓佢嘅雞煲，香料嘅味道好充足，充滿香辣嘅味道，而且仲有雞嘅鮮味，香料嘅味道再配合埋雞嘅鮮味亦都平衡得好好，令到成個煲都好惹味。最值得一讚嘅地方係，佢有差唔多10款嘅醬料可以俾我哋自己條配，可以滿足到自己個人嘅口味，所以係物有所值。且，我本身係一個打邊爐一定要食魚皮嘅人，佢嘅魚皮係即叫即炸，唔同出邊嘅火鍋店係一早預備好嘅魚皮，所以再配合埋雞煲醬汁嘅味道，令到個魚皮嘅味道昇華到去另一個層次。另外，佢嘅響鈴亦都係即叫即炸所以質素亦都十分之高，放入口之後仲有濃濃嘅響鈴味，再吸晒所有雞煲嘅醬汁，雞煲嘅醬汁簡直係齒頰留香。其他配料方面，牛柳粒嘅味道十分之新鮮，而且蜂巢豆腐亦都好大份，所以食物嘅份量絕對冇呃秤，即使佢唔係任食邊爐，但係佢嘅食材亦都唔會比出邊遜色，再加埋優美嘅夜景，簡直令人心情暢快。…Read More

大美督嘅海邊充滿着各式各樣嘅餐廳，環境優美就唔使講，但係要搵到一間好食嘅餐廳就絕對都唔容易，呢一間餐廳值得我為佢寫一篇食評，因為食材嘅味道好新鮮，而且質素十分之高，相信係大美督必試嘅餐廳。既然去得食濱燒既餐廳，海鮮梗係必然之選，今次試咗佢各式各樣嘅海鮮，包括：鮑魚、北寄貝、蜆、蝦。。。可能由於食材新鮮嘅關係，即使燒完出嚟唔使特別調味亦都好好食，只要加少少白酒，再配合埋豉油調一調味，海鮮嘅鮮味就已經完全擁晒出嚟，就好似去咗一轉日本食新鮮嘅海鮮一樣。對於而家疫情底下冇得去日本旅行，估唔到喺香港嘅餐廳食都可以食到日本嘅風味。除咗海鮮之外，仲食咗佢嘅油甘魚刺身，同出邊嘅刺身比較，佢嘅份量一啲都冇厄秤全部油甘魚又厚又大塊，而且佢嘅Wasabi食得出，唔係普通嘅Wasabi，因為冇嗆喉既感覺，相信係即磨嘅。估唔到，喺大尾督咁偏遠嘅地方會有一間咁用心製作食材，而且食材都咁新鮮，食物質素十分之高嘅餐廳。最後都係覺得有啲唔夠飽，就食咗佢嘅和風牛肉炒飯，佢每一粒飯都吵到好乾身，而且亦都唔會好油膩，配合買和牛嘅味道，令到自己覺得好似有10萬隻牛係個口到奔跑一樣。一分錢一分貨，雖然佢餐廳嘅價錢係同市區一樣，但係佢嘅質素比市區嘅味道仲要高出好多倍，所以我覺得呢餐係絕對抵食。而且，平日嚟嘅話，亦都唔係好多人，所以可以享受一個寧靜而且食物質素高嘅晚餐。…Read More

話說我有一個朋友仔一路都係屯門度住開，一直都推介我去呢間餐廳，但因為太遠嘅關係都冇去試，今日咁啱去開搵佢，所以就去咗呢間餐廳。一去到呢間餐廳門口就俾佢優雅嘅裝修震懾左，環境開陽，配合埋園林嘅背景，好適合渡過一個懶洋洋嘅週末。當然一個靚嘅裝修係唔夠嘅，都要配返個質素十分之高嘅食物，先至可以渡過一個完美嘅週末。首先，餐廳嘅食物種類好多，有：潛艇、意粉、漢堡包……絕對有一款係可以適合你。今次去到呢間餐廳，就試咗最穩陣嘅意粉，同埋潛艇。首先講吓佢嘅意粉，叫咗佢嘅蟹肉明太子炒意粉，本身會以為明太子嘅味道會蓋掛住蟹肉嘅鮮味，但係佢煮出嚟反而可以平衡到蟹肉嘅鮮味，同埋明太子之間嘅惹味。而且，意粉亦都唔會太鹹，味道啱啱好。之後佢嘅四重芝士潛艇，係充滿着邪惡嘅味道，濃濃嘅芝士香味充斥着成個口，蓋過住每一個味蕾感受區，令人食指大動。絕對值得一讚嘅係佢，有出邊好少見嘅鮮橙咖啡，估唔到橙同咖啡嘅味道可以咁夾，橙令到咖啡嘅香味更加突出，絕對適合文青打卡飲用。再配合埋一個咁舒適嘅裝修，唔經唔覺就坐咗半日，而且環境開陽，亦都唔會太嘈。相信下次如果想放鬆嘅時候一定會再嚟呢間餐廳。…Read More

有朋友住喺粉嶺，一直都叫我試吓呢間價錢便宜又好食嘅餐廳，今日終於可以去試。今次叫咗佢嘅黑椒鐵板炒意粉，同埋佢嘅魚扒大蝦配薯條。黑椒鐵板炒意粉，果然冇令我失望因為鐵板炒出嚟嘅意粉，充滿着好香嘅鐵板風味，再配合埋黑椒牛扒，可以話10分惹味。另外區嘅魚扒大蝦，他十分之山先，充滿着鮮甜嘅哈哈味道，加埋魚扒有淡淡的魚油香味，估唔到魚同蝦都可以咁夾，一啲都唔會覺得好油膩，再配合埋薯條充滿着薯仔嘅香味，而且佢嘅薯條係曲面嘅薯條，令到口感更加豐富，而且脆卜卜。最後，佢嘅奶茶值得一讚，茶同奶嘅香味啊配合得啱啱好，茶味唔會太過龍，而且奶嘅鮮味都唔會太過突出蓋過茶嘅香味，充滿着港式嘅味道，對上一次飲咁好飲嘅奶茶已經唔知係幾時。…Read More

我諗對上一次食浜燒，已經係疫情之前去日本嘅時候。今次去到屯門試吓呢間新嘅餐廳，以為屯門冇咩好嘢食，但係去完呢間餐廳之後比到驚喜我。今次叫咗佢嘅二人餐，食物嘅種類亦都好多，有刺身，麵豉湯，沙律，鮑魚，蝦，等等……首先，由佢嘅麵豉湯講起，麵豉湯入邊有好多蜆，份量絕對冇渣流灘，而且蜆嘅鮮味好濃郁，配合埋麵豉湯嘅味道，可以令到蜆嘅鮮味更加突出。再嚟，就係佢嘅清酒煮大蜆，酒香10分濃郁，配合埋蜆嘅鮮味，令到新鮮嘅甜味，可以話更上一層樓。刺身方面，反而比到驚喜我，以為呢間純粹食燒烤海鮮嘅餐廳，刺身嘅質素唔會特別好，點知食完之後發覺原來我怪錯咗佢，因為刺身嘅厚度，鮮味，以致份量，都絕對完美。甲羅燒係成個餐最好食嘅一道菜，因為蟹膏嘅份量十分之充足，一啲都唔會少，配合埋佢蟹籽嘅鮮味，即時胃口大開準備接受嚟緊嘅主菜挑戰。另外佢嘅生蠔，充滿着濃郁嘅鐵銹味道，加上鮮甜嘅好味，就好似置身係大海中央聞着海水嘅味道嘆住美酒佳餚。再嚟就係佢嘅燒海鮮，佢嘅菜式包括有：鮑魚、花竹蝦、帶子……每一道菜都只係簡單笑一笑然之後就送上枱面比客人享用，雖然係好簡單嘅烹調方式，但係就係咁簡單嘅方式，反而令到海鮮嘅鮮味更加突出，但係呢一個煮法亦都有佢嘅難度，因為要食材新鮮，先至可以煮得出咁簡單又好食嘅海鮮。所以我相信呢間餐廳嘅食材絕對係十分之新鮮，如果唔係都唔會可以用咁簡單嘅方式，就整到咁好食嘅海鮮。…Read More

今日因為要去林村許願樹郊遊，所以就入咗大埔周圍吃。我好少入大埔，一直都係覺得大埔係一個冇乜嘢食嘅地方，除咗食雞髀等等……但係今日首先比呢間餐廳嘅裝修，同埋氣氛，吸引咗入去食，加上見到有我最鍾意嘅乳豬，所以諗都冇諗就入咗去食啦。一坐低第一件事梗係要叫左我最喜愛嘅乳豬先，之後見到有我最鍾意食嘅海鮮，就係蝦，加上我係一個無辣不歡嘅人，佢嘅辣蝦炒意粉，我都一定要試吓。首先講吓佢嘅乳豬，燒嘅熟成程度啱啱好，肉質唔會太過硬或者太過乾，充滿着濃郁嘅豬香味，在一啖咬落去鬆脆嘅皮上面，令我覺得好惹味。有一個地方值得一讚，就係呢度嘅乳豬佢會幫你斬件上碟，唔使自己逐件逐件切，可以一啖又一啖咁咬落去，大快朵頤。再講下佢嘅辣蝦橄欖油炒意大利麵，配合蒜頭嘅香味，加辣椒嘅辣味，仲有蝦嘅鮮味，令到成碟意粉充滿着西班牙嘅風味，疫情下冇得去旅行，食呢碟意粉我覺得就好似去咗一轉野性西班牙咁樣。而且意粉嘅質地十分彈牙，睇得出廚師嘅功架十分之高。食完呢兩碟主菜之後覺得有啲唔夠飽，可能我哋本身比較大食，所以就叫埋佢嘅小食蟹餅試吓。蟹餅值得一試嘅地方係，佢嘅蟹餅充滿着一條有一條嘅蟹肉，再加埋有薯仔喺入邊令到口感更加豐富。雖然係炸蝦餅，但係都食得出有蟹嘅鮮味係入邊，外脆內軟。我最後兩個人食三碟嘢食到好飽，因為呢間餐廳嘅份量十分之充足，而且我哋同行兩人都係大食嘅人，食三碟嘢已經覺得好飽，所以佢嘅份量係毋庸置疑。如果下次再去大埔，我諗我一定會再嚟呢間餐廳食，相比起傳統去大埔食雞髀，呢間餐廳絕對係入大埔一定要食嘅餐廳。…Read More

一直以來，飲嘅奶蓋茶都係以牛奶為主，但係呢一間舖頭係主打堅果奶蓋茶，經過同事介紹之後，開頭都係抱住試吓嘅心態，因為始終都係覺得傳統嘅奶蓋茶，奶香味會濃郁啲。但係試完堅果奶打出嚟嘅奶蓋茶，發現牛奶奶蓋同埋堅果奶各有千秋。用堅果奶打出嚟嘅奶蓋，泡嘅密度會比較綿密啲，飲落去嘅時候好似係個口到滑入個喉嚨咁，而且充滿着濃郁嘅堅果味，再配合埋野莓清新嘅味道，令到杯茶唔會太過膩，加上用堅果奶嘅話，脂肪比例會比傳統嘅牛奶更加少，就算飲晒成杯，自己都唔會有好大嘅罪疚感。另外，佢嘅堅果奶入面仲要有唔同嘅堅果係入邊，相比傳統嘅奶蓋絕對唔會遜色。…Read More