mabel90189's Profile

天氣涼涼哋，最好就係約埋班Friend去燒烤！今日專登去咗佐敦呢間「蝦蝦燒」食放題，真係冇揀錯！$1驚喜小火鍋講到明係燒烤放題，但餐廳而家做緊推廣，加$1就有個小火鍋！可以一邊燒海鮮，一邊打邊爐，暖笠笠，雙重享受，抵到爛啦！座位夠晒闊落，坐得幾舒服。最正係每個座位隔離都有個「流水蝦蝦缸」，啲水清到不得了，成日見到啲生猛大頭蝦游嚟游去，侍應都好主動，一見個缸冇乜蝦就會即刻加。個爐熱得超快，我哋一坐低就急不及待夾咗幾隻流水蝦試吓。啲蝦真係冇得頂，隻隻都大大隻，燒到變紅色就已經聞到好香。剝開蝦頭，見到啲膏多到滿瀉！食落口爽脆彈牙，就算乜嘢醬都唔點，已經夠晒鮮味！自助區款式多到眼花海鮮類，東風螺、鮑魚、扇貝、沙白、原條魚，最重要係佢哋refill得超快，永遠都堆到滿滿。串燒類同火火鍋配料一樣有超多選擇，有啲已經醃好一串串，，拎返去一擺上爐就燒得，超方便。…Read More

間舖頭外面睇落普普通通，點知入到去別有洞天，仲有咁多得意懷舊玩具同海報，真係估佢唔到，而且食物有驚喜，水準高質。慢煮三文魚意大利飯 用慢煮方法烹調三文魚，肉質特別嫩滑，保持到魚肉嘅原汁原味。意大利飯creamy得嚟唔會太漏，每一粒飯都飽滿有咬口，同三文魚好夾。叄重朱古力麻糬窩夫配朱古力雪糕 即叫即製嘅窩夫外脆內軟，入面係煙韌嘅麻糬口感，加上三重朱古力嘅濃郁味道，真係邪惡到極！配埋冰凍嘅朱古力雪糕，冷熱交融，作為晚餐收尾就最滿足不過。朱古力燕麥奶咖啡朱古力同咖啡味道平衡，用燕麥奶代替牛奶，口感更輕盈。白桃手搖冰茶清新解渴，白桃味道天然，甜度適中，食完濃味嘢飲就最啱！…Read More

灣仔人氣打卡Cafe「ULURU」，真係未食已經瘋狂打卡！一推門就好似穿越咗去漫畫書入面，全場得黑白手繪線條，成個環境好似一本立體繪本咁，真係每個角落都影到幾十張相㗎！餐廳最近推出咗幾款好有香港特色嘅Fusion菜。大澳蝦醬魷魚筒鮮鳳尾蝦炒意粉一上枱已經聞到好香嘅蝦醬味，但唔會太鹹！魷魚筒彈牙，鳳尾蝦又大隻，意粉炒得夠鑊氣，仲索盡咗蝦醬嘅精華～ 中西合璧得嚟又好夾，完全冇違和感！古早手工煎肉餅蟹肉風沙鹹蛋燴意大利飯手工煎肉餅好香口，啖啖肉唔會乾，加埋鹹蛋黃碎同蟹肉一齊燴意大利飯，每啖都食到沙沙口感同濃郁蛋香，鹹香惹味。富士芝櫻祭-丸久小山園抹茶Tiramisu成座富士山咁上枱，真係靚到嘩一聲！用咗日本丸久小山園抹茶，茶味超濃郁，意大利芝士軟滑得嚟又唔膩，層次豐富～ 抹茶控一定會愛上！夢-森之家呢個蘑菇造型甜品真係心機之作！外層係脆皮朱古力，一切開入面係草莓乳酪同果茸，酸酸甜甜，仲有啲Crumble增加口感～ 味道清新，甜度啱啱好，真係唔捨得食落去啊！…Read More

喺灣仔胡忠大廈嘅Landau's，前身仙后餐廳。今次舊地重遊，發現餐廳保留咗原有華麗裝修之餘，裝修華麗典雅、氣派十足嘅Dining Room，同埋氣氛相對輕鬆、型格親切嘅Bar & Grill。仲保留咗標誌性嘅彩繪玻璃天花，好有儀式感，好適合特別慶祝活動。PROSCIUTTO CRUDO 意大利風乾火腿鹹香柔和，肉質細膩，油花分布均勻，Capesante Gratinate香煎帶子火候掌握得啱啱好，表面微微焦香，內裡保持半透明狀態，鮮甜彈牙，簡單調味，更加突出帶子本身嘅品質。Marinated Salmon 三文魚係一大亮點，魚肉加入檸檬汁，酸度恰到好處帶出魚肉鮮味，配上多士脆脆，口感層次豐富Fettuccine Cheese wheel呢道芝士輪意粉絕對係視覺同味覺雙重享受。侍應會喺枱邊將手工寬扁麵放入巨型芝士輪裡面攪拌，令每條麵條都均勻沾滿濃郁芝士。意粉彈牙有嚼勁，芝士香氣濃郁，加上刨咗黑松露片，令人食過返尋味。Uni/king Crab Sorambled Egg 海膽蟹肉炒蛋賣相精緻，上層鋪滿新鮮海膽，鹹香濃郁，同蛋香融為一體。底層係意式鬆軟英式鬆餅，吸收咗蛋液同牛油嘅奶香，香氣十足。Steak Al Pepe verde 香煎澳洲牛腹肉肉味濃厚，外面焦香，裡面嫩滑多汁，個配菜炸薯條份量十足。…Read More

自從粉嶺開咗「嘆甜品」，我同屋企人都成日黎食，成間鋪頭擺設都係貓貓主題，貓奴一定心心眼～餐牌選擇多到眼花，由傳統糖水到創意雪花冰都有，連小食都有得嗌，一次過滿足晒甜品胃同鹹食癮！芒圓丸新鮮芒果粒，香甜多汁！「雙重小丸子」有齊煙韌同軟糯兩種口感，迷你小芋圓咬落有淡淡芋香，底層用上椰汁打底，口感好滿足三寶椰皇（暖）原個椰皇燉蛋白，椰香超濃！入面有滑溜鮮奶蛋白、芝麻湯圓、小丸子同芋圓，湯圓流心芝麻，芋圓咬落QQ的，暖食好舒服。芋頭小丸子芋圓桃膠芋圓同小丸子煮得剛好，桃膠份量適中，香濃唔會太甜，食完成碗飽到晚飯都唔使食～榛子朱古力石板街窩夫即叫即製窩夫外脆內軟，面頭淋滿朱古力醬、爆谷同棉花糖，再加上朱古力雪糕，好邪惡。…Read More

同朋友行過屯門市廣場，見到又有新餐廳開張，係內地好紅嘅「馬記永」蘭州牛肉麵！聽講佢喺深圳有好多分店，今次終於殺入香港，點可以唔試吓？作為一個鍾意食地道美食嘅人，當然要去試試佢哋嘅招牌「大片牛腱子蘭州牛肉麵」，仲叫咗幾款小菜同特色菜大片牛腱子蘭州牛肉麵湯底用牛骨同牛腱慢熬6個鐘，湯清得嚟又夠濃香，飲落鮮甜唔膩，牛肉嘅香氣好突出，啖啖都係滿足感。麵條更加係亮點，店家有8款粗幼選擇，我揀咗二細麵，Q彈有咬口，吸晒湯底嘅精華，牛腱子切成大片，厚薄啱啱好，保留咗原切牛展肉嘅筋膜，口感好豐富，嫩得嚟又有嚼勁，入口超入味。蘭州干煸牛肉炒麵鑊氣十足！粗麵炒到乾身唔油，每條都掛滿醬汁，牛肉片嫩滑唔韌，鹹香惹味。牛肉夾饃選用牛後腿肉，牛肉夾饃外層酥嫩，7分瘦，3分肥香而不膩。胡麻油蝦仁炒雞蛋蝦仁炒雞蛋用咗胡麻油，香氣好特別，雞蛋滑嫩，蝦仁爽口，係一道好開胃嘅小菜。定西小土豆（椒鹽味）西北特色小食！土豆仔炸到外脆內粉，灑滿椒鹽，勁惹味屯門新驚喜！馬記永蘭州牛肉麵任添湯麵…Read More

平時去黃埔泊車，次次都係慣性衝去海濱廣場，點知今次喺廣場後面誤打誤撞發現一間超級寶藏酒吧餐廳！呢間餐廳真是一個驚喜，環境一流，氣氛Chill到不得了，絕對係一個放鬆同享受美食嘅好去處！餐廳分開室內同室外兩個區域，最驚喜係室外座位對正無敵大海景，維港景色一覽無遺，加埋輕快音樂同舒服休閒椅，個氛圍真係chill到爆！今次試嘅Brunch Set份量十足，包齊頭盤、小食、主菜同甜品四道菜，絕對滿足到胃口。Brunch Set 頭盤經典凱撒沙律新鮮羅馬生菜爽脆清甜搭配上香濃芝士的芝士碎，中間夾著麵包糠脆，清新又健康。柚子乾蝦沙律柚子果肉酸甜多汁，醬汁帶點微辣，超開胃。三文魚他他切得細碎嘅三文魚拌勻洋蔥、檸檬汁提鮮，配埋脆多士，入口即化牛油果芒果米紙卷牛油果同芒果嘅甜味好夾，米紙卷清爽唔膩，健康又好味，係一個好輕盈嘅選擇。小食雞肉沙嗲串香口惹味，沙嗲醬汁濃而不膩，燒烤得啱啱好，雞肉嫩滑Juicy。魚柳墨西哥夾餅味道濃郁，魚柳炸得香脆，配上酸忌廉同莎莎醬，帶點異國風情油蒜大蝦好香蒜味，大蝦彈牙鮮甜，配上脆多士，簡單又好食黑松露芝士吐司松露香氣撲鼻，芝士拉絲效果一流，芝士味道相對濃郁。主菜松露野菌扁意粉意粉煮得彈牙，野菌香氣濃郁，松露醬汁Creamy得來唔會太膩。泰式蝦蛋黃咖哩泰式蝦蛋黃咖哩就充滿東南亞風味，咖哩醬濃郁但完全唔辣，蝦肉爽彈，配上熱辣辣嘅麵包，簡直係完美組合！甜品提拉米蘇咖啡味濃郁，忌廉幼滑，入口即化，甜度啱啱好，係一個完美嘅句號！芒果糯米飯芒果甜美多汁，糯米飯軟糯香甜，椰奶醬汁提升咗整體味道，係一個清新又滿足嘅甜品。…Read More

放假約咗朋友喺鑽石山睇戲，順便喺荷里活廣場搵食，喺3樓發現到呢間人氣爆棚嘅居酒屋——「宴食堂」！餐廳門口嘅晚餐牌非常搶眼，大大隻字寫住「超特大」，瞬間就吸引咗我哋嘅目光！🌟 震撼級美食體驗 🌟【$88超巨型吉列魚柳滑蛋丼】一上桌真係嚇親！全長25cm嘅吉列魚柳霸氣十足，外層炸得金黃酥脆，咬落「咔嚓」聲響不停。魚肉保持嫩滑多汁，配上滑溜的半熟蛋，蛋液包裹住每粒飯，口感層次超豐富， 性價比咁高必試 【美國牛板腱定食】牛魔王必食！選用美國進口牛板腱，牛味濃郁得嚟肉質軟嫩，帶點恰到好處嘅嚼勁。定食配搭日式前菜同暖胃味噌湯，份量十足，飽肚之選！ 🍢 驚喜小食 🍢● 沖繩豬肉餃子 - 一咬即爆汁！皮薄餡靚，豬肉鮮味突出● 吉列蝦 - 即叫即炸，外脆內彈牙，外層酥脆，性價比高 🍹 清爽特飲 🍹● 沖繩四季柑梳打 - 酸甜清爽，果香滿溢● 香芒粒粒紅茶 - 真・芒果肉粒粒分明，甜度自然 💳【荷里活廣場獨家優惠】原來商場做緊「密密食 多多賞」活動，用電子貨幣單一消費滿HK$100，成功登記即可獲電子印花1個！✅ 儲滿5個印花 = HK$50 餐飲電子現金券✅ 儲滿10個印花 = HK$150 餐飲電子現金券 食物質素高，價錢合理，加上商場優惠，下次再嚟食基本上等於有折扣，絕對會encore！…Read More

「SOYmart by 豆乳狂人」除了招牌豆花，仲有好多創意配搭，甜品控絕對要食！超煙韌Oreo 奶蓋超煙韌一次過滿足鍾意口感既朋友，入面有齊三款煙韌口感配料，Q彈的珍珠、軟糯的小丸子、帶有番薯香氣的三色芋圓 。可可豆乳味道濃郁，芝士奶蓋帶少少鹹味，面頭嘅Oreo碎同餅乾增加咗脆脆嘅口感。整體味道幾好，Oreo同豆乳比想像中夾，甜度適中，Oreo和豆乳的組合意外地毫無違和感。桂花仙凍入面有桂花凍、仙草、西米、三色芋圓、特調椰奶呢款相對前兩款比較清新，桂花凍同仙草帶來淡淡清香，西米同三色芋圓保持一貫水準，煙煙韌韌。特調椰奶唔會太甜，同桂花嘅香氣好夾，多芒小丸子入面有芒果、西米、白玉，芒果份量幾多，味道清甜，唔會好酸。西米煮得唔錯，唔會一patpat，口感彈牙。白玉丸子軟糯，有咬口。成碗味道平衡，芒果味自然…Read More

每個月總係有個「邊爐癮」發作，今次特登走咗去葵芳新都會廣場嘅「一鍋堂」，食一人一鍋半自助火鍋放題！餐廳環境闊落，座位舒服。牛肉套餐：安格斯牛小排 vs 日本A4+和牛我哋三個人，分別叫咗「安格斯牛小排套餐」同「日本A4+和牛套餐」。本來以為套餐牛肉份量會偏少，點知上枱相當有驚喜！每款牛肉都獨立一大碟，油花分明，肉色鮮紅，一人一份絕對夠飽。安格斯牛小排牛味濃郁，口感軟腍，輕輕一涮已經脂香滿溢；而日本A4+和牛更加驚艷，油花分布平均似雪花，入口即化。湯底選擇多：黃金椰子雞、壽喜燒、怡寶椰香喇沙一鍋堂嘅湯底有成8款選擇，我哋試咗其中三款：· 「黃金椰子雞湯」清甜滋潤，椰香突出，最啱涮和牛· 「壽喜燒」甜度適中，用嚟煮安格斯牛小排風味絕佳· 「怡寶椰香喇沙鍋」香辣惹味自助吧亦有各式丸類、餃子、蔬菜等火鍋配料，另外仲有小食，雪糕，品質都相當唔錯。飲品區除咗常見嘅紙包同罐裝飲品之外，最特別係有「自家製茶」同「茶酒」！我呢次係第一次係火鍋店見到茶酒任飲，清新茶香配埋淡淡酒香，解渴又解膩，同打邊爐出奇地夾，絕對要試！…Read More

最近喺社交媒體成日見到呢間「HeySoNuts」嘅鴨仔甜品，真係比佢深深吸引住！今日專登同朋友去食個Lunch，點知未開門已經有十幾人排緊隊，全場爆滿松露油忌廉野菌貓耳朵意粉松露香氣超濃郁，貓耳朵意粉口感煙煙韌韌，非常好咬口，而且每粒都掛滿咗香滑嘅忌廉汁。野菌份量都唔少，成個配搭好融洽。自家製喇沙汁海鮮扁意粉喇沙汁係店家自家調製，香濃椰奶味中帶點微辣，非常開胃。扁意粉煮得剛好，海鮮新鮮彈牙。BBQ汁焗肉丸肉丸上面鋪滿芝士，BBQ汁酸酸甜甜，肉丸Juicy，係唔錯嘅小食選擇。窩夫配髒髒曲奇忌廉及朱古力雪糕甜品控必點！窩夫外脆內軟，配上邪惡的髒髒曲奇忌廉，口感層次豐富。朱古力雪糕濃郁，凍熱交融的滋味令人難以抗拒。打卡一流！朱古力香蕉法式千層酥配以朱古力雪糕千層酥酥脆，朱古力同香蕉永遠係絕配！中間的吉士醬甜而不膩，配上朱古力雪糕，雙重朱古力享受。自家製提拉米蘇壓軸登場嘅當然係爆紅鴨仔造型提拉米蘇！真係靚到唔捨得食～咖啡酒味突出，口感幼滑輕盈，完全唔膩…Read More

今次屋企人生日，特意book了位於上環蘇豪希爾頓摩庭酒店2樓的「楠庭聚」。餐廳位置低調，若非預先知道，很容易就會錯過這家隱藏於酒店內的瑰寶。一踏入餐廳，橙紅色主調配以黑白復古地板，時尚摩登的裝潢令人眼前一亮，瞬間將傳統中菜館的刻板印象打破黑魚籽煙燻流心蛋好精緻，煙燻味香，流心蛋黃配鹹香魚籽，開胃不錯。楠庭聚燉湯燉湯用料十足，雪梨乾的清甜與甘筍的天然甜味完美融合，豬肉燉至軟嫩，湯頭清甜濃郁。冰燒三層肉絕對係必點！豬皮脆到不得了，肥瘦均勻，點佢哋嘅芥末醬更加好食黃金焗野生大虎蝦咸蛋黃如金沙般包住整隻大虎蝦，蛋黃香氣滲入蝦殼，蝦肉爽口彈牙，鹹香惹味，水準極高。籠仔荷香北姑紅早蒸雞以荷葉籠仔蒸製的北菇紅棗蒸雞，雞肉滑嫩得近乎入口即化，雞皮彈牙，冬菇和紅棗的甜味滲入雞肉之中，味道豐富。十三香炸乳鴿外皮炸得香脆，肉質卻保持鮮嫩多汁，十三香味道充分滲透，入味非常意大利黑醋京都肉伴淮山意大利黑醋與傳統京都肉的結合意外合拍，醋香平衡了肉的濃膩，淮山片爽脆清新，增加了口感層次。鮑魚撈飯大大隻鮑魚，軟嫩適中，撈飯醬汁鮮香濃郁，每一粒米飯都裹滿精華，奢華而滿足手工豆沙窩餅 伴 冰淇淋盛宴畫上完美句號。窩餅外皮酥脆，豆沙餡綿密且甜度適中。搭配冰涼的雲呢拿冰淇淋，冷熱交織…Read More

今日去尖沙咀睇戲，近近地去左K11「阿閒泰」食Lunch，環境木系清新，月球裝飾好有藝術feel，氣氛悠閒。全日早餐鹹蛋黃單骨雞翼｜醬烤粟米條｜簡茅雞肉串｜豬肉米卷｜太陽蛋｜烤蕃茄｜沙律菜鹹蛋黃雞翼香脆惹味，醬烤粟米條甜甜地，簡茅雞肉串香料夠濃，仲有豬肉米卷、太陽蛋同烤蕃茄，沙律菜清新，豐富又好食！和牛濃濃汁牛丸船麵湯底濃郁香甜，無味精，牛丸彈牙，飲完唔口渴，好正！黑松露薯條粗薯條炸得金黃脆口，薯條沾上黑松露沙律醬，濃濃的黑松露，份量多，超滿足！青檸冰涼特飲酸爽青檸與薄荷交織，冰涼透心，瞬間化解油膩感！芒果柚子沙沙配芒果雪條凍芒果雪條濃郁香甜，搭配清爽柚子肉和脆脆沙沙，口感豐富又解膩，為這餐畫上甜美句號。…Read More

近排少咗打邊爐？牛大人最近推出全新湯底同高質食材，絕對值得你再度出動！今次試咗佢哋新推出嘅「聰明魷魚沙茶鍋」同「阿麻養生濃湯鍋」雙拼湯底，配上日本黑毛和牛A4+吃到飽套餐，由湯底到甜品都充滿驚喜，絕對係近期打邊爐必食之選！日本黑毛和牛A4+和牛超驚喜！油花靚到犯規😍 每片都大大塊，入口即化仲要牛味超濃！encore咗N轉都唔膩～贈送嘅M9和牛牛丸都爆汁彈牙，牛魔王必衝！今次新推出嘅「聰明魷魚沙茶鍋」同「養生菇菌燉雞鍋」二選一，我哋揀咗前者配阿麻養生濃湯鍋。聰明魷魚沙茶鍋香濃惹味，沙茶味突出之餘帶微微辣。冰盤上陣，視覺味覺雙重享受 海鮮拼盤用冰盤上，賣相已經贏晒！鮑魚爽口彈牙，扇貝鮮甜冇沙，生蠔肥美飽滿，最驚喜係鮑魚可以任叫，海鮮控一定滿足！限定小食：多款選擇，款款有驚喜· 🔱 重點推薦：蝦蝦霸霸脆多士、日本和牛橘梨伴豆腐、阿嬷豆乾魚蓉麵！· 其他小食如烏金墨汁手作腸、三和夜市雞皮卷、夜市撈脆薯、海苔鹽酥雞、滷味五香雞胗等都值得一試！· 🍹 特飲：芒檸蜜西米爽清新解膩，酒精特飲「港式檸檬茶18+」則係惠顧「日本黑毛和牛A4+」任飲，其他套餐單點$58/杯，升級任飲價$68/位。· 🍑 甜品：蜜桃愛玉冰為呢餐畫上完美句號。Mövenpick同Häagen-Dazs雪糕任食 自助區提供多款火鍋配料、醬料同飲品，補充快速，環境乾淨企理。最正係Mövenpick同Häagen-Dazs雪糕任食，甜品質素高…Read More

8號風球！突然多左一日假！近近地落樓下同屋企人去左「湘川滬 」食飯。四式涼菜雞絲粉皮 - 麻醬落得足，粉皮滑溜撈勻食超開胃 鎮江肴肉 - 凍食啱啱好，水晶狀肉凍睇得又食得 蔥油海蜇 - ，蔥油香唔會蓋過海蜇鮮味 ，海蜇爽脆雲耳青瓜 - 青瓜食落清爽，食完即刻胃口大開！北京填鴨片皮鴨即叫即片，餅皮蒸得熱辣辣，夾住青瓜絲同甜麵醬，鴨皮脆而不膩招牌松鼠鱸魚鱸魚起骨炸到金黃，個茄汁甜酸度平衡得啱啱好仲要冇骨啖啖肉，脆香魚皮黃金蝦黃金蝦超大隻，而且仲剝埋殼，鹹蛋黃黐滿每隻蝦，最正係連魚皮都炸到薯片咁脆。上海粗炒鑊氣夠又唔會太油，粗麵咬落有彈性，肉絲同椰菜份量都足，穩陣之選…Read More