jerrywong.self的個人專頁

屯門又有新嘢食，例如屯門嘅工廠區，地方雖小，但係勝在五臟俱全，食物豐富，而且環境唔會好迫，坐落舒適，最重要嘅係通風系統夠晒完善，而且$158一個人，絕對超值，點解我會咁講？首先一坐低就來返個雞煲先，記住呀雞煲係任食，食完可以再叫，唔係好食得辣叫咗個小辣，雞肉十分之滑，而且即叫即做，保持新鮮嘅水準，絕對有風味，食完雞煲，仲可以加啲湯落去打邊爐，出邊嘅熟食都唔少架，有我最鍾意食嘅泰式鳳爪，而且人蔘雞湯都好歡迎架，食完雞煲，仲可以有韓燒，雖然品種唔算好多，但係勝在夠晒新鮮，呢個價錢，呢個質素，真係令人食過返尋味…查看更多

我屋企人一直都好鍾意食上海野，今日同佢嚟到天水圍銀座嘅呢個餐廳，雖然唔算好大，但係坐得好舒服，位置闊落，最緊要嘅係服務員親切有禮，份外充滿人情味啊首先叫咗個冷盤雞絲粉皮，份量算多架，最重要嘅係麻將嘅比例恰到好處，粉皮新鮮，充滿彈性，雞絲唔會有雪藏嘅味道，而且配上青瓜絲，食落去爽口彈牙，真係食到停唔到口呀。黑棕鵝，好濃厚嘅鵝香味，唔會好鹹，但係啲肉就肥咗啲，鍾意食肥嘅人就啱晒啦，因為佢肥得來仲要好滑，如果我唔減肥，真係多多都食得晒呀。上海粗炒，份量稱得上係巨無霸，最緊要嘅係夠晒鑊氣，唔會好鹹，食落似烏冬咁滑身，果然夠晒正。…查看更多

屯門嘅雅都商場，裝修過之後，十分之多食肆，今日我見到一間新開嘅名叫「 雙辣」嘅鋪頭，一睇個名，就知道係食辣野啦，本身自己都好鍾意食一啲四川口味嘅菜，即刻入去試返餐先。室內嘅裝修充滿古色古香嘅設計，乾淨又衛生，坐落十分之舒服。我哋即刻叫咗個干鍋，選擇十分之多，淨係麻辣，香辣，都有排你揀啦。心大心細，睇到眼花撩亂，樣樣都想食，叫下叫下就叫咗成五六個餸添。個干鍋一上枱，我同朋友都發左一聲，好大碗啊。兩個人真係食唔晒，到最後仲要打包返屋企。份量十分之巨無霸，最緊要嘅係質素一啲都唔差，好似雞肉咁，食落口煙充滿鮮雞嘅味道，而且仲要冇骨，啖啖肉，見到啲辣椒咁多，以為好難，其實我只係叫咗小辣咋。牛肉片，十分之滑身，雞軟骨好多，最緊要嘅係唔會整到好乾身，土豆片，十分之入味，將啲精華全部深入左喺裏面，菜花，十分之有特色，真係唔係周圍都可以食到添。…查看更多

今日朋友帶咗我嚟元朗嘅一間新式餐廳，而且仲有戶外嘅地方可以楚，完全照顧到食煙嘅朋友啊，地方唔算好大，但係夠晒優雅，而且坐得舒服。今日我叫左嘅係肉眼扒，五成熟啱啱好，裏面仲係見到鮮紅色架，肉質紮實，而且充滿肉味勁濃，而且伴菜嘅沙律菜，新鮮美味，薯條金黃色，新鮮炸起，點上特有嘅醬汁，分外覺得滋味。龍蝦汁帶子意粉，一上枱，帶子就已經係吸睛嘅部份，帶子好大粒，食落口唔會有雪藏嘅味道，絕對彈牙，龍蝦汁，深入左每一條嘅意粉，食落每一口都充滿滋味，而且意粉唔會好淋，新鮮煮起，果然係高格調嘅餐廳呀。…查看更多

今日係親友訪港最後一日，襯最後黃金時間，就提議親友去到東涌東薈城行街食飯啦！自己好耐都無黎過，裝修咗之後環境空曠好廣闊，而且鋪頭種類繁多，行落都幾舒服。親友比較喜歡食中菜，喺商場行咗一個圈之後，決定試下依間比較新潮嘅六小館。餐廳入面明亮光鮮，環境清幽雅致，係一個可以享受美味點心嘅好地方！坐低之後發現餐廳除咗裝修靚之外，啲餐具都好精緻！依碟金莎紅米蝦腸粉真心出色好味！腸粉色澤麗亮相當吸引，咬落口外軟內脆，香氣十足，吃落非常過癮，推介！波兒蝦餃，賣相相當cute，可以吸引小朋友嘅目光，食落去餡料比想像中豐富得多，啖啖鮮蝦，爽口彈牙鮮味十足！另一款賣相更加吸睛嘅點心就係依款小梨子鹹水角！淨係賣相造型都已經滿分！小梨子成個都食得，梨頭係一支百力滋，梨身就係鹹水角，咬落煙韌，咸香味美，又好睇又好食！另外我地亦選擇咗午市套餐前菜選咗依款椒鹽豆腐，豆腐新鮮炸起，食落外脆內軟，椒鹽味嘅脆皮食落滋味無比，一舊又一舊食唔停口。餐湯係粟米魚肚羹，湯身口感濃厚，唔會水汪汪咁，幾好！枝竹斑腩煲的份量十足，上檯嘅時候仲係熱到吱吱作響。斑腩軟滑無骨，火腩咸香味美，煲底枝竹吸收餸菜精華，好滿足！菠蘿咕嚕肉，色彩繽紛，令人食指大動，咕嚕肉烹調得好好，咬起黎外脆內軟，而且醬汁色澤均勻，酸甜味道融和，好味道！…查看更多

聽朋友介紹，荃灣嘅金鳳大餐廳，啲扒抵食又大件，一於放工即刻拉住個朋友過嚟試吓先。位置十分之方便，正正喺大街，而且招牌燈光火象，離遠一睇就睇到。室內裝修有一股復古嘅味道，而且正值食飯時間，都要等位架。餐飲方便我叫咗忌廉湯，夠晒熱，而且有一股傳統嘅忌廉湯嘅味道，至於餐包，暖粒粒，而且又鬆又軟，果然夠晒風味啊。我今日叫咗既係羊架，十分之大件又厚身，而且六成熟啱啱好，依然充滿羊嘅味道，性價比十分之高呀。我哋仲叫咗一份肉醬意粉，份量十分之大跌，而且唔會好酸，意粉又夠晒咬口，真係十分之好味呀。…查看更多

朋友生日，專登過嚟屯門同佢食飯，朋友平時鍾意打邊爐，所以今日我選擇咗但馬屋請佢打邊爐，之前喺葵芳食過，感覺不錯，而且屯門呢間仲係啱啱開張，仲要新裝修，環境舒適，坐得舒服，等左一陣位好快就到我哋啦。湯底方面選擇都好多架，而且一人一鍋，唔使你就我我就你添。夠晒乾淨又衛生。至於套餐，我哋選擇咗黑毛和牛套餐，最重要嘅係牛肉質素好高，牛肉香味好濃厚，而且口感好滑，上菜速度勁快，一啲都唔會拖時間，所以就算60分鐘，時間都10分充裕啊。丸類方面都係任攞㗎，而且十分之新鮮，擺放得好整齊又乾淨，菜同埋菇類選擇都頗多，而我就比較鍾意食娃娃菜，日式火鍋咁先係夠晒風味㗎嘛。到最後甜品，竟然會有Häagen-Dazs雪糕，呢個價錢，性價比果然夠晒高呀。…查看更多

今日同朋友嚟到荃灣嘅大鴻輝頂樓，食返個火鍋放題先，有好多個套餐，而今日我哋選擇左嘅就係美國特選牛肉，室內嘅環境充滿日式嘅風味，而且落地玻璃，可以俯瞰到荃灣嘅夜景。一坐低，就梗係要選擇左湯底先啦，今日我選擇嘅係番茄湯湯底，酸酸甜甜份外夜魅，好快服務員就已經攞咗啲牛肉，豬肉，同埋雞肉過嚟啦，牛肉方面，色澤鮮艷，而且充滿雪花，食落口有溶化嘅感覺，而且口味都十分之濃郁，至於豬肉，依然爽口，不過就嫌佢切得太薄，但係都有優點嘅，就係好快就熟。至於雞肉，唔會食得出有雪藏嘅味道，感覺唔錯。食完牛肉，就梗係出去自助吧睇吓有啲乜嘢食啦，各種丸類都應有盡有，而且擺放得整齊又乾淨，是不是都有人幫你清潔，至於菜類，選擇品種十分之豐富。就連醬料嘅地方，都好乾淨，真係睇得出職員十分之用心啊。而且佢同一般嘅火鍋放題唔同，佢哋仲可以order天婦羅，同埋一啲嘅燒物，即叫即製架，一上枱金黃色，十分之脆身，仲可以食夠120分鐘，時間十分之充裕啊。…查看更多

今晚特登入深井食燒鵝，阿媽話好鍾意食，所以被逼點左一隻。一上枱燒鵝賣相已經非常吸引, 燒鵝火喉十足, 表皮燒得香脆有光澤。本身對燒鵝都無乜研究，但呢到既燒鵝燒到金黃，皮好脆口，而肉質都算係咁，唔會鞋邪惡之肥美鵝腸，邪惡之選，夠肥又好味。入口爽脆，唔會有雪藏嘅味道，而且份量好大，如果唔係怕膽固醇，真係多多都食得晒呀。帶子炒西蘭花話明係帶子，帶子就真係勁大啦，而且入口爽口，完全冇雪味，仲要有幾隻大大隻，勁啊，西蘭花爽口，唔會好淋，而且有蒜蓉吊味，充滿鑊氣。…查看更多

收工時間攰攰地，已經唔想煮飯啦，一於買兩個飯盒返屋企食啦，見到呢間冰室，係新開張嘅，一於試吓味道如何啦，裏面嘅環境唔算好大，但係勝在十分之有親切咁，而且老闆娘都傾得幾句架，有一種街坊嘅人情味。今晚叫咗呢一個粟米班腩飯，份量10分十分之多，一個人真係食唔晒呀，斑腩完全唔會有雪藏嘅味道，而且上邊林左啲粟米汁，送返特別好味，喺呢個秋涼嘅天氣，食到一味熱辣辣香噴噴嘅粟米班腩飯，十分之窩心。涼瓜斑腩飯，細細個唔鍾意食涼瓜，但係人哋話如果你經歷得多左，食涼瓜就會變得甘甜喎，原來係真㗎，而家大個越嚟越鍾意食涼瓜，清熱得來，又健康，火腩肥瘦適中，而且食到師傅有大酒樓廚師嘅手勢，夠晒鑊氣啊。…查看更多

今日朋友介紹咗我嚟屯門嘅呢一間餐廳，佢話呢度嘅嘢食全部都係真材實料，絕無添加劑同埋味精，鍾意試新野嘅我就梗係要來試吓啦。一坐低就已經俾咗個湯我哋啦，個湯果然係真材實料，而且材料粥，味道又甜，係呢個咁嘅天氣，滋潤一下，果然醒神呀。老闆娘話佢哋嘅豬扒最出色，於是我就叫咗個豬扒炒烏冬，豬扒好大件，而且咬咬樂好林，甜甜地，十分之好味，唔會食到一口粉，至於個烏冬都好有鑊氣，而且配上配菜，食落又爽口，果然一流呀。小食方面我叫咗一個麻辣豬耳，分量唔算好多，但係勝在夠好味，麻辣味好足，豬耳爽脆夠晒冰凍，正。豬手飯，份量好多，豬手夠晒林，又夠晒入味，呢間餐廳果然唔錯，雖然佢係喺後行，但係見到十分之多外賣，證明全部都係熟客仔，果然食過令人返尋味啊。…查看更多

不嬲都喜歡去食鐵板燒，因為可以近距離欣賞廚師的廚技，又可以食到高質新鮮食材，今次朋友介紹下，到了觀塘板燒店，新店開張，值得捧場一試呢！今次中午時間光顧，都有不少食客捧場，而且亦有午市套餐供應，比起夜市時更加經濟實惠。午餐有前菜、沙律，入口酸酸甜甜，新鮮翠綠，認真是開胃之選。晶瑩剔透的白色一片片就是真名鰹肉質爽口,味道較清淡甜。入口爽口,肉質彈牙,鮮甜十足。金目鯛入口緊緻,有濃濃魚脂香味。魚肉質香滑肥美,脂香吸引迷人。大蝦好新鮮, 又大隻，入口彈牙, ，少少的牛油令蝦肉更香, 但不蓋去其鮮甜; 廚師手起刀落，純熟的手勢，一碟賣相精美大蝦呈現眼前了。蝦頭位置爆膏，旁邊的醬汁提供了另一種食發，廚師獨特嘅調味，令蝦肉入口更惹味。銀雪魚身厚度十足, 簡單煎香, 但其美味並不減! 魚肉嫩身, 配上醬汁、配菜, 略帶甜的味道帶出這道菜的特色帶子很厚身，外表微微煎香，內裡肉質卻柔軟鮮甜。不會燒得太熟，口感彈牙！美國高級牛肉必食之選。入口即化，那油脂充滿口腔。如蘸少許岩鹽，提升肉味，又是另一番味蕾既享受。簡直無得彈， 香口易咬， 牛的顏色有微粉紅。🥰🥰🥰炒飯粒粒分明，又唔會太油膩！日本米飯粒粒飽滿晶瑩，混合了嫩滑的牛肉更是美味，每粒飯都有蝦膏既油香。👨🏻‍🍳👨🏻‍🍳👨🏻‍🍳👨🏻‍🍳👨🏻‍🍳…查看更多

「潮式打冷」一直都係香港嘅特式飲食文化！以前喺屋邨大排檔食打冷，通常都無冷氣，總係覺得環境欠佳。今日我就同屋企人黎到依間鋪仔細細，但環境整潔又五臟俱全嘅海興廚房品嚐打冷美食！來到打冷店，總少不了一碟經典嘅滷水拼盤！依碟滷水拼盤都幾豐富，有豬耳、紅腸，腩肉、豆腐，仲有我最喜愛嘅鵝腸！潮式滷水味道香濃，配合各種肥美嘅食材，好味道！依一碟豉椒炒花甲，色香味美，而且每隻花甲都比手指公大，食落好鮮美多汁，驚喜！依一碟招牌菠蘿船咕嚕肉，賣相相當有誠意，咕嚕肉盛載喺用菠蘿雕制嘅船身之上。而咕嚕肉嘅本身都烹調得相當出色，咕嚕肉外脆內軟，配上酸酸甜甜嘅醬汁，無可挑剔！依一煲古法火腩大鱔煲，即叫整制，所以最尾先上檯。但上檯時，煲內熱氣騰騰，食材喺煲內翻滾沸騰，令香氣四溢！大白鱔切得相當厚肉，咬落口皮脆肉彈，鮮甜味美，好吃！而火腩經過炆煮之後，咬落口變得相當鬆化。煲底亦有腐竹以及炸豆腐等配料，吸收煲底醬汁精華之後，味道不比主食遜色！…查看更多

元朗新記雞粥遠近馳名，看見有招牌貴妃雞蠔仔粥是必點的吧。🥰🥰🥰粥底綿滑細膩，配上貴妃雞，跟完全沒有腥味的蠔仔，鮮味十足！又大件，夠曬爽滑。🤪🤪🤪🤪餐前小食，手撕雞伴海蜇，份量十分之重，海蜇爽口，而且夠晒冰凍，係呢一個咁炎熱嘅天氣，遇到佢，簡直係人生最大嘅享受啊。😍😍😍香炸大腸，幾十蚊有咁多條都幾超值，平時出街食炸大腸最怕食到唔乾淨，但呢度都幾好，🤗🤗又香又脆，雖然熱氣咗啲，但係都抵擋唔到佢嘅魔力。 乳鴿都係必食推介，呢到嘅乳鴿本身調好晒味，唔使點淮鹽都夠晒味！乳鴿嘅外皮又香又脆，而且表面乾爽，一咬就食到肉質嘅酥香味，又嫩又多肉汁！…查看更多

黃昏過後，收工嘅上班族逐漸入座，工作了一日，三五知己約埋喺凡直有里，型住飲，Hea住食，咁正嘅一個場，食客角度睇，開心有你就真😍😍😍特級西冷牛扒，牛扒煮至七成熟，裏面嘅肉仲係好鮮紅，但係已經冇血水流出啦，肉質好林，而且夠晒厚身，入口肉汁散發口內每一個細胞，好香濃，而且味道夠晒突出，至於薯條方便，新鮮炸起，入口脆身，真係好夾呀。之後我地就點咗兩個set dinnerSet dinner配上餐湯，另外+$48就可以追加一份焗生蠔或者一份煎鵝肝作為前菜！美國大平洋生蠔，蠔身份量十足，焗完仲保持到好飽滿同鮮味！加上用煙肉+芝士焗，食落更加豐富美味！三文魚夠晒大件，而且仲好滑身，唔會太過火喉，唔會似柴皮，但係熟咗嘅三文魚，始終都有少少腥味，不過尚可接受啦。…查看更多