tastylily的個人專頁

生日諗住食好啲，就決定食燒肉啦。👉🏻雜菜沙律👉🏻黑毛豚脛肉👉🏻黑毛和牛腹柳小排大推～呢塊肉油脂好豐富，燒完啖啖油香。👉🏻黑毛和牛上嫩肩里肉👉🏻壺漬 KAKURA牛胸腹肉牛味濃郁，瘦而不柴👉🏻大判燒！黑毛和牛西冷特上牛胸腹肉好大一塊靚牛～店員可以幫手燒～我哋自己燒，口感完全係入口即溶，點溫泉蛋汁食味道超香濃👍🏻👉🏻石燒泡菜鍋飯有飯焦食😻熱辣辣材超多料，每啖都食到豐富蔬菜，又香口。👉🏻甜品贈送杏仁豆腐、雪米糍，大大大滿足。…查看更多

放假同同媽子飲茶～呢度茶錢只係$5位超抵食～👉🏻蝦腸呢度啲蝦腸有少少煙靭，好特別口感好好。👉🏻籠仔鳳爪排骨飯標榜用絲苗米蒸飯，落左單等左15分鐘左右，飯粒香軟，唔太濕有咬口，仲有米香。依家唔係隻隻米都有米香。排骨鳳爪醃得好，送飯ichiban。👉🏻燒賣叫左兩粒過下口癮，燒賣有粒大蝦仁，新鮮彈牙，咬開係手切肉片，心機嘢。👉🏻鮮蝦春卷春卷即叫即炸熱辣辣，無油淋淋，乾爽脆口。啖啖蝦肉性價比高。…查看更多

睇戲前想食小小野，走左入黎食糖水，天氣好熱呢度冷氣好夠，坐得都舒服。👉🏻蛋白杏仁露因為冷氣夠，可以食啲熱辣辣糖水。呢碗好夠熱，蛋白好滑，杏仁味夠濃，唔會好甜。仲叫左芝麻湯圓，香濃既芝麻味同杏仁露一齊食都好夾。👉🏻楊枝甘露加雪糕呢碗唔係太甜，芒果夠甜。加咗一球雲呢拿雪糕，甜度剛好。雪糕見到有雲呢拿籽，幾香。👉🏻燒賣、牛肉球加左喼汁豉油辣椒油好正🙌🏻牛肉球好大粒，無乜粉感啖啖肉，好味。…查看更多

至尊雲吞麵雞煲，同朋友食過一次好抵食，今次帶埋媽子食，連佢都好滿意。👉🏻招牌雞煲雞煲有可以揀辣度，媽子食辣有限公司就揀BB辣，其實都好夠味，洋蔥芫荽呢啲配料好香口，雞肉嫩滑多肉，仲可以無限加雞，非常抵食。食完雞就加湯打邊爐，肥牛、芝士竹輪、貢丸，全部都正正常常。👉🏻炸饅頭～即叫即炸熱辣辣，好大方比左好多煉奶，好飽都要食。👉🏻另一賣點係茶餐廳飲品放題，叫左好多杯凍香滑奶茶，自家製豆漿好濃味好正，超級解渴解熱氣。…查看更多

天氣熱完全唔想開爐煮飯，買完糯米糍就決定食劉興記，好掛住佢個麻醬粉皮，試過係屋企整類似野但都係唔夠人哋整得好食。👉🏻招牌生煎包粒粒新鮮煎製，擺左一陣都好熱，咬開勁多肉汁，加醋食真係好正。每人兩粒岩岩好。👉🏻招牌炸豬排炸得香脆唔太油膩，排骨肉質唔錯，又厚肉，性價比好高。👉🏻麻醬青瓜絲粉皮青瓜同雞絲都好多，一啲都唔孤寒，麻醬稀杰度較得好好，加啲豆瓣醬食更惹味。呢度有免費冰凍豆漿供應，好夠香濃又唔太甜，店員姨姨都好大方經常幫你refill。…查看更多

後左元朗食生日飯～👉🏻香煎日本帶子配三文魚籽法式多士帶子十分新鮮彈牙，三文魚子鮮味十足。👉🏻牛油果蟹肉他他牛油果軟滑，配襯一疏梳嘅鮮甜蟹肉。👉🏻香煎星班柳併老虎大蝦配柚子醬油賣相好靚，星斑柳肉質細嫩，厚肉實淨，虎蝦大大隻好香口。👉🏻美國安格斯牛肉眼配燒汁牛扒size令人驚喜，好少見咁大塊厚度亦適中，五成熟口感好好。帶小小肥膏既邊位尤其香口，簡單嘅燒汁黃芥末帶出肉香。👉🏻鲜果茶👉🏻熱情果特飲好好飲，兩杯都有好多生果，唔會太甜夠大杯夠凍。…查看更多

飲夜茶已經成為習慣，因為星期六日起唔到身飲茶，點心專門店就幫到手。👉🏻籠仔鳳爪排骨飯絲苗米蒸出嚟特別好食，米粒軟硬適中，一個人食一籠會勁飽。👉🏻蜆蚧鯪魚球一碟有六粒，粒粒都好飽滿，唔使點醬都夠味，蜆蚧汁好惹味，食完好滿足。👉🏻蝦餃燒賣非常人性化，可以order兩粒，胃口有限可以食多幾樣點心。蝦餃燒賣啖啖彈牙鮮蝦，抵食。👉🏻鮮蝦春卷、咸水角炸得好好，首先即叫即炸熱辣辣，亦都無油淋淋，無乾爽鬆脆口感。春卷啖啖蝦肉，咸水角勁好食。…查看更多

食好啲一定要食燒肉～👉🏻大判燒！黑毛和牛西冷特上牛胸腹肉呢個必叫，好大塊靚牛肉😍可以請店員幫手燒～燒到8成熟係入口即溶嘅口感，超香滑軟嫩，點溫泉蛋汁食正到～👉🏻凱撒沙律凱撒沙律都有誠意好足料，生菜新鮮爽脆，仲有個溫泉蛋、脆麵包粒增加口感。👉🏻黑毛和牛上肋骨中肉大推～無諗過呢塊肉會咁香口，油脂好豐富，燒完啖啖油香。👉🏻特上牛胸腹肉肉質偏瘦，但肉質意外地鬆軟好咬。👉🏻鹽味牛舌👉🏻石燒泡菜鍋飯熱辣辣材料超多，好多泡菜、豆芽、紫菜等等，每啖都食到豐富蔬菜，又香口。👉🏻KAKURA牛肉飯經典嘅洋蔥牛肉飯，好多牛肉超抵食。👉🏻甜品食完大餐仲送左香滑杏仁豆腐、雪米糍，大滿足。…查看更多

👉🏻薑汁湯圓🍡好難得唔會太甜太漏，好香芝麻味。👉🏻蛋白杏仁露🥣媽咪好中意呢個糖水，唔會太甜得黎，杏仁味濃郁，蛋白份量多，食完飽飽地。杏仁對皮膚同腸道健康好，多食有益。👉🏻草莓窩夫🍓🧇難道街坊糖水舖都有呢啲西式甜品，仲好打卡able。酸酸甜甜嘅士多啤梨忌廉覆蓋整個窩夫，要趁熱食。👉🏻芋圓雪糕楊枝甘露雲呢拿雪糕好大球，大大碗。芋圓有幾款口味，煙煙韌韌好咬。整體唔會好甜，幾清爽。👉🏻小食香菇豬肉燒賣、牛肉球店員好細心比埋喼汁、辣椒油。…查看更多

呢間台灣小店係形點附近食街，鋪仔唔起眼但食物質素好有驚喜。第一樣上菜既係芋泥肉鬆西多士，西多士炸到金黃色，鋪滿肉鬆同煉奶，咸咸甜甜咁超好食；仲要冇平時D西多咁油淋淋, 兩個人輕易KO。👉🏻炸大雞扒滷肉飯係另一樣必食推介炸漿好出色，酥脆度一流，本身已有調味唔使點醬都好食，加辣粉食仲惹味。滷肉飯係較健康版本，無坊間果啲咁多肥肉，岩我食，唔使一路食一路挑走肥膏😹溏心蛋好入味唔太咸，encore左2隻。…查看更多

朋友慶生決定食快靚正既燒肉，黎到荃灣廣場801。好中意食佢個溫泉蛋紫菜飯。👉🏻豐盛 Single份量黑毛和牛精選小排、美國牛肩胛肉、美國牛肋骨條肉精選小排最好食😋油花靚又唔會太油膩，滿口牛香。其他兩款牛有咬口但唔會韌，控制好火喉就可以了。👉🏻匠盛 Double份量黑毛和牛腹柳小排、塩味上牛舌其實牛舌薄切好食過厚切，中意爽口既口感，唔會太膩。腹柳小排口感軟嫩，油香十足。👉🏻升級紫菜飯$18👉🏻蒜頭🧄$8燒肉必備大蒜，味道更上一層樓。…查看更多

同媽子飲夜茶～茶位每位$5，仲唔收加一，搵唔到第二間有咁抵😝👉🏻籠仔排骨鳳爪飯$37排骨鳳爪份量適中，兩樣都好好餸飯。飯蒸得好靚好乾爽。一個飯夠兩個人分享，超爆抵食。👉🏻蜆蚧鯪魚球$26六大粒鯪魚球，擺左好耐先食佢，仲係熱辣辣嘅。外脆內煙韌，點蜆蚧醬食好香口。👉🏻韭黃鮮蝦腸$29滑溜腸粉，每嚿都食到一大隻新鮮蝦仁。佢哋個腸粉皮煙煙韌韌，坊間茶樓做唔到呢個口感。👉🏻咸水角超級中意食咸水角，新鮮炸起好有空氣感。…查看更多

同媽子行完街撐枱腳，佢話好想食炸雞翼，就揀左越北。👉🏻法式蒜蓉牛油雞翼呢個就係令媽子念念不忘嘅牛油蒜蓉雞翼。一客四件，件件都好巨型丫。牛油蒜蓉鋪滿係炸雞翼表面，十分邪惡，充滿牛油香味。即叫即炸脆卜卜真係好好食。👉🏻越南咖啡豬軟骨飯見個名咁特別叫黎試下～好似唔覺有咖啡味，有啲似鎮江骨嘅調味，酸酸甜甜幾開胃。豬軟骨炆得好稔身。👉🏻越式烤豬頸肉飯豬頸肉烤得好靚仔，份量都幾多，配菜有一嚿類似蒸蛋，入面有啲蔬菜咬落爽脆有口感。呢餐食得好滿意。…查看更多

👉🏻馬六無骨海南雞飯招牌海南雞飯阿媽次次黎都要叫，雞皮爽滑雞肉嫩口，配合三款醬汁好滋味。油飯入味香軟，碗例湯都幾好飲，唔係味精湯。👉🏻蘿蔔絲餅即叫即炸，味道帶甜，香脆好味。👉🏻斑蘭咖央多士牛油+咖央醬無得輸，多士已經烘脆左👉🏻黑醬油叉燒+白飯呢個不得了超好味😋令人喜出望外。叉燒好厚身，塊塊都咁厚，所以好有咬口，同時非常軟滑+爽彈。黑醬油帶甜好惹味，岩岩好夠送晒成碗飯。🍹凍香茅橙茶…查看更多

第二次幫襯劉興記😋今次係同同事嚟食，我哋叫左6粒生煎包，價值$50大元，真係抵食夾大件呀～生煎包size有番咁上下大，標榜爆汁，唔爆汁包換的。食嘅時候要小心，好多湯汁容易辣親。豬肉餡新鮮鮮甜，無過多調味，仲有小小胡椒香味。青瓜雞絲粉皮好多青瓜絲同雞絲😋師傅落醬毫不手軟，非常大方。粉皮滑溜溜。糖醋排骨呢樣有小小失望，雖然炸得好脆，肉質都幾鬆軟，但個汁咸左小小，無乜糖醋嘅感覺？上次食炸排骨好好味。…查看更多