eataroundhker のプロフィール

芝加哥已經係第三次黎幫襯，好食既餐廳先會播陳完一次又一次再一次🤩環境方便同上兩次黎都係一樣，環境設計非常注重氛圍，燈光較為偏暗，好適合飲酒同埋同朋友傾偈👍🏻👍🏻而且背景音樂播住90年代既流行曲，仲可以一邊聽歌一邊食野飲酒。而且店內的裝飾亦都係好有心機，除左燈光外，亦有唔同既酒陳列品擺左係牆上邊比人欣賞🥳食物方面亦都比之前多咗好多唔同嘅選擇，多咗好多唔同嘅海鮮種類可以選擇，而且豬、牛、雞亦都比之前多咗既配搭同埋部位，所以今次黎食都可以食到之前冇食過嘅嘢種類。今次我哋叫咗炭燒豬頸肉、燒蜜汁叉燒、芝士雞髀肉串、雞翅包飯、黑糖雞髀肉串、蜜糖雞翼、明太子玉子燒、沙嗲牛串、金菇牛肉卷、安格斯牛肉蔥串、安格斯牛肉蘆筍串、 羊肉串、芝士北海道魚糕、椒鹽燒白鱔、茄子燒、白松露薯條、燒雞泡魚乾、忌廉蟹肉餅同埋兩杯cocktail，sex on the beach同Pina Colada。 雞肉串，外邊少少焦但入邊里內嫩滑多汁既；或者是多汁的牛肉串，肉質鮮嫩，彈牙十足，唔會overcook燒到好韌👍🏻👍🏻而令我覺得有驚喜既係既係明太子玉子燒。厚厚的玉子燒，裡面包裹著豐富的明太子，每一口都能品嚐到濃郁的蛋同明太子既味，香氣四溢🤩🤩🥳🥳飲品方面，Pina Colada都幾唔錯，佢股濃郁的椰子香氣和甜甜既菠蘿味道。呢杯雞尾酒的甜美口感不僅容易入口，更加適合唔鍾意酒精味道太濃嘅人🥳…さらに見る

今日喺尖沙咀行街，心血來潮想食啲泰菜，就咁啱經過K11見到間新式嘅泰國fusion餐廳，感覺好吸引，於是決定入去試下。首先試嘅係鹹蛋黃金單骨雞翼，真係令我驚喜😍😍 鹹蛋用得好巧妙，唔係傳統嘅鹹蛋粉，而係更香濃嘅鹹蛋蓉，味道非常突出但又不至於過鹹。最重要嘅係，雞翼做到單骨，食起上嚟方便得很，夠晒貼心！🥰接住試嘅係阿閒泰幸運炭烤拼盤，呢個拼盤有晒牛肉、雞串、魷魚、雜菌菇、烤蕃茄、烤菠蘿同炸虎大蝦，每樣食物都烤得恰到好處，保留咗食材本身嘅鮮味。特別驚喜嘅係烤菠蘿，平時我唔太鍾意食拼盤裏嘅菠蘿，但呢個烤得甜美多汁，完全顛覆咗我嘅看法。而且啲虎蝦大隻又多肉，雞串又香又多汁，每一口都令人回味無窮😋再嚟就係街頭大蝦炒金邊粉，呢個係我個人嘅最愛。裏面唔單止有青口同蝦球，仲有辣椒粉、花生同芽菜，全部分開放，可以畀我根據自己嘅口味撈埋一齊食👍🏻飲品方面，我揀咗斑斕椰香鮮奶同手作花香斑斕蝶豆花茶。😋😋 斑斕椰香鮮奶嘅味道非常特別，斑斕同椰奶嘅香味完美結合。而蝶豆花茶更加出色，唔單止個杯設計得好靚，仲有個大冰球喺入面，既可以欣賞又可以飲，加上糖漿可以按自己口味調整，非常獨特👍🏻總結嚟講，呢間餐廳嘅泰國fusion菜色相當出色，無論係食物嘅味道、外觀，定係服務態度，都令人印象深刻。下次有機會會再嚟😍😍😍…さらに見る

因為呢間臨近聖誕，又要買禮物又要出去開party，要洗好多錢喇，但係因為近排天氣凍，又想去打邊爐，但係依家出去果啲任食打邊爐，價錢至少都要二百尾 三百頭，如果有啲貴啲嘅都唔止，可能要四五百，但係大埔呢一間雞煲+任食嘅打邊爐，兩個人埋單$400到搞掂，真係超級超級抵，平得黎又可以過口癮！！！咁今次我係平日夜晚去嘅，但係人流一啲都唔少，成間舖係坐滿哂，一張空枱都冇，仲喺食緊嘅期間不斷聽到有人喺出邊等緊位，所以人流一啲都唔少👍🏻入到去之後我哋首先叫咗一個招牌重慶雞煲，老闆十分之好人同埋熱情，唔單止教我哋點樣食，經過嗰陣見到我哋個雞煲就嚟燶仲會落手幫我哋攪兩攪😂😂經過見到冇乜水，又會主動過嚟幫我哋加水，十分十分之好👍🏻👍🏻因為我相信係出邊打個邊爐既都知道，好多時啲人見到你冇水都唔會幫你加，就算你主動叫佢哋幫你加，佢哋都係唔睬唔理咁，所以淨係呢一點都真係要讚一讚🥳同埋見到老闆同好多枱嘅客人都好似好熟咁，係叫得出佢哋嘅名同埋喺度一齊睇馬，所以喺呢度食嘅可以話係多咗一種人情味🥳咁食物方面，我哋首先食咗個招牌重慶雞煲，之後打邊爐火鍋配料佢都有好多種唔同嘅選擇，有肉有菜有瓜有丸有餃有午餐肉有牛柏葉有內臟有粉絲有烏冬有公仔麵亦都有唔同嘅菇，所以其實佢嘅食物種類一啲都唔少👍🏻👍🏻而而嘢飲都仲要係任飲嘅🤩招牌重慶雞煲⭐️⭐️⭐️⭐️佢嘅重慶雞煲嘅味道係十分之濃郁，好夠好夠味，本身其實我哋係打算叫唔辣嘅，但係因為老闆話有少少辣會更加惹味同埋帶出到個雞煲嘅味，所以最尾我哋就點咗最小果個辣度，果然冇介紹錯，有辣味係更加大出道成個雞煲嘅精髓👍🏻而且佢雞嘅份量亦都十分之多，我哋兩個人食其實食完啲雞已經有六成飽多啲，因為佢嘅份量真係好多，而且我亦都好鍾意食佢雞煲入邊嘅紫洋蔥同埋青瓜，因為索晒啲味入去，好好食🥳🥳火鍋配料⭐️⭐️⭐️⭐️我哋就有叫到肥牛，新鮮牛，花腩肉片，豬頸肉，午餐肉，蘿蔔，魚皮同埋公仔麵。總體嚟講，佢嘅嘢食都唔錯，睇得出都係新鮮，唔似擺咗好耐。咁味道其實都係真係正常嘅普通打邊爐味道，但係因為其實佢真係$188蚊包埋你雞煲，打邊爐同埋嘢飲任飲，真係非常非常之抵，所以性價比係非常之高👍🏻👍🏻…さらに見る

芝加哥今次係我第二次嚟，上一次去應該係大約年幾前，今次約咗朋友喺大埔食飯傾吓偈，就同佢講黎食呢一間🥳芝加哥呢呢間餐廳嘅環境真係好舒服，想同朋友搵個地方慢慢傾吓偈，絕對係一個好地方👍🏻👍🏻因為佢枱同枱之間真係隔好遠，完全唔會怕俾人聽到同朋友之間嘅對話。而且佢嘅地方都真係好整齊乾淨，枱面同地下都唔會有垃圾或者好污糟👍🏻👍🏻因為之前去過有啲真係好污糟，所以今次嚟到要特別讚一讚🥳食物方面，今次嚟到睇下個餐牌又比上次多咗好多新嘅款式，多咗好多海鮮類同埋其他小吃類😋😋因為我同朋友都係吃貨，所以我哋叫咗特別多嘅野食🤣我哋分別叫咗黑毛豬腩串，炭燒豬頸肉，雞肉軟骨棒，芝士雞髀肉串，黑糖雞髀肉串，燒雞翅包肉，燒雞翅包飯，茄子燒，燒魷魚串，燒白鱔，燒紫菜年糕，燒雞皮，羊肉串，金菇牛肉卷，燒安格斯牛肉蔥串，金沙骨，明太子玉子燒，韭菜燒，燒魔鬼魚翅乾同埋燒得個牛肉腸😋😋😋總體嚟講，佢嘅食物保持到同上次一樣嘅水準，係好食嘅🥳串燒唔會燒到太乾冇晒水份，而且唔會非常之overcooked。而且味道方面，你係會食得出食嗰款肉嘅肉味，即係佢啲雞串都幾有雞味，牛肉串都真係食到牛肉嘅味道，唔會擺入口食緊乜嘢嘅肉都唔知👍🏻👍🏻另外一樣要讚嘅地方就係佢落嘅調味料唔會十分之重手，因為平時有陣時出去食串燒，佢哋會落超級超級多嘅調味料，似係食調味料多過食嗰舊肉或者食物，但係芝加哥呢一間就唔會，佢嘅調味料份量，我覺得係啱啱好適中嘅，唔會超級鹹，但同時亦都唔會無味道，可以帶出返肉嘅味道😋而飲品方面，我哋叫咗Sex on the beach同埋pineapple mojito🥳而食過咁多款我個人特別推薦嘅係明太子玉子燒，燒魔鬼魚翅乾同埋燒德國牛肉腸👍🏻👍🏻明太子玉子燒⭐️⭐️⭐️⭐️首先佢面頭鋪滿好多既明太子，所以食落好有名太子嘅味道。而且佢本身嘅玉子都整得好食，啲玉子唔會煮到過熟，而且食到佢嘅蛋香，再配埋明太子一齊食，成個口感同埋味道都好好👍🏻😋燒魔鬼魚翅乾⭐️⭐️⭐️⭐️⭐️其實平時我係食開燒雞泡魚乾，但係次次食都會覺得太薄身冇乜口感，所以今次佢哋就推薦食燒魔鬼魚翅乾。其實食落個味道，我覺得唔係同燒雞泡魚乾十分大分別，但係佢既厚度厚身好多，咬落十分之有咬口，唔會好似雞泡魚乾咁太薄😋燒德國牛肉腸⭐️⭐️⭐️⭐️呢個都係第一次去食，但係食落都幾有驚喜，因為條腸咬落去係非常之Juicy ，有好多嘅肉汁咇出嚟，而且佢食落都好有牛肉嘅味道，又多肉汁又有牛肉味，幾好食值得一試🥳Sex on the beach⭐️⭐️⭐️⭐️因為叫呢杯嘢飲之前，其實我有同佢哋講怕好甜，問佢哋可唔可以少啲糖，而佢哋整出嚟之後真係飲到係比平時嘅Cocktail冇咁甜，酒味會比較濃啲👍🏻👍🏻 而佢sex in the beach嘅味道同Classic嘅多差唔多，都係OK嘅👍🏻Pineapple mojito⭐️⭐️⭐️⭐️而呢一杯pineapple mojito既薄荷味比較重少少，飲落去十分之清涼，好適合配埋食串燒呢啲食物去飲，overall都好既👍🏻…さらに見る

早幾日喺網上見到有人食呢間西餐，見到好似幾吸引就去試吓，點知第一次去嗰陣佢問我有冇book枱，我唔知道咁多人黎呢度食所以就冇book度枱，結果就等咗幾個字，所以想食嘅可以下次book定枱先🤣🤣我跟住餐廳環境都幾好唔錯，可以揀室內或者室外，咁今次我就揀咗室內，成個環境都坐得幾舒服，唔會好擠迫👍🏻👍🏻今次叫咗兩個意粉，分別係蜆肉意粉同埋大蝦意粉👍🏻蜆肉意粉都有幾多蜆肉鋪喺面，唔會好孤寒咁得三四隻👍🏻而佢個意粉Mix埋個白油汁都幾好食，味道唔錯🥳而另外大蝦意粉亦多一樣，好多隻蝦鋪喺上面，而且仲要係剝晒蝦殼既🤩🤩 意粉MiX埋個茄汁都幾好食，味道都夠濃😋…さらに見る

間餐廳嘅泰國菜都幾傳統同埋都好有泰國風味，舖頭唔算特別細，坐落多幾舒服👍🏻👍🏻今次叫咗個海南雞飯，啲海南雞都好嫩滑，同埋係冇骨嘅，幾出色唔錯🥳🥳跟住佢個飯係根由飯，佢嘅油飯都好食，係有味道嘅油飯，唔似得出邊有啲餐廳嘅油飯好似白飯咁😋建議大家早啲嚟食，因為見12點零開始就好多人坐滿晒😆今日見人哋識嗰個太陽蛋肉碎飯都好好食，啲肉碎仲多個飯，仲要有得揀辣度👍🏻👍🏻我下次都會去試吓個肉碎飯🤩…さらに見る

中上環附近都有好多美食，但係今次聽朋友介紹呢一間韓國餐廳，佢主打係食吉列流心芝士炸豬扒🥳🥳 今日同朋友去食就分別叫咗午餐set，就係佢既主打吉列流心芝士炸豬扒👍🏻佢既吉列流心芝士炸豬扒幾好食，有超級超級多嘅芝士，而且吉列豬扒都係大大嚿，食落十分之有口感👍🏻👍🏻而且個餐廳係即叫即炸，所以全部豬扒都係新鮮滾熱辣，內脆外軟👍🏻而佢嘅配料都有幾款，會有一碗飯同一碗麵跟餐，所以一定食得飽🥳…さらに見る

呢間餐廳真係次次行過都見到勁多人排隊，無論係11點定係點零2點，都見到係排緊隊，我望入去間餐廳個場仲要唔細，所以就決定試下佢🤣今日我地就叫左2個lunch set，分別係牛扒意粉同埋炸蝦肉醬意粉👍🏻👍🏻牛扒意粉十分之抵食，牛扒超級超級大塊，雖然佢冇得揀幾多成熟，但係佢都唔會煎到塊牛扒十分之熟，所以食落口感都幾好。而且佢個意粉都好好食，同平時出邊嗰啲普通意粉唔同😋😋炸蝦肉醬意粉亦都好食，佢有兩嚿炸蝦，全部都係啱啱新鮮炸起，識落都仲係熱辣辣👍🏻👍🏻而佢個肉醬亦都好夠味道，撈埋佢個意粉一齊食十分之好食🥳😋…さらに見る

喺佐敦食晚飯有十分之多嘅選擇，但係咁啱今日想食日本料理，所以就喺附近搵吓有邊一間日本餐廳食🤣咁一搵之下就搵到呢一間餐廳都幾多人，推薦同埋比like，所以就試吓佢😋成個餐廳嘅風格都好日本系，好似真係入咗日本啲餐廳食飯咁，餐廳仲係天花板掛咗啲日式嘅燈籠，用嘅碗碟都係日本風👍🏻而且呢間餐廳坐得都舒服，唔會話好迫同埋同隔籬枱好相近。咁我哋就分別叫咗薯仔沙律、豚肉芝士飯卷、刺身拼盤、鰻魚炒飯、酥炸魷魚鬚同埋兩杯嘢飲🤩🤩薯仔沙律⭐️⭐️⭐️⭐️餐廳整出黎既薯仔沙律是一道非常清爽的沙律，它將薯仔、胡蘿蔔、洋蔥等食材切成小塊，然後加入一些沙拉醬和適量的調味料，攪拌均勻後製成。而佢另外一個特別嘅地方係將薯仔沙律用雪糕筒裝住，係一種好獨特的食用方式。而薯仔沙律的味道清新可口，薯仔和胡蘿蔔的甜味與沙拉醬的酸味相互交融，成個味道幾好😋😋豚肉芝士飯卷⭐️⭐️⭐️⭐️豚肉包飯卷加入了芝士，讓這道菜品的味道更加豐富多彩。豚肉的肉質鮮嫩多汁，配上軟糯的米飯和各種新鮮蔬菜，讓口感非常豐富。而加入芝士之後，令呢道菜的味道更加濃郁，同時也讓整個食材組合更加完美。總之，豚肉包飯卷加入芝士後，味道更加出色，口感更加豐富，係一道唔錯的料理。刺身拼盤⭐️⭐️⭐️⭐️⭐️三文魚腩刺身的口感鮮美細膩，脂肪含量非常豐富，而且帶有一定的甜味。入口之後，嫩滑的口感和細膩的質地會立刻在口入面散發出黎，同時那種鮮美的味道也會瀰漫開，讓人感受到三文魚的美味😍😍😍佢既帶子係非常新鮮，口感細膩且略帶彈性。新鮮的帶子肉質鮮嫩，帶有一定的甜味。而且餐廳再搭配一些檸檬片，清新的酸味會與帶子的鮮甜味相互交融，產生一種特別的口感體驗😋😋😋鰻魚炒飯⭐️⭐️⭐️⭐️鰻魚炒飯入邊有好多既鰻魚粒，仲加埋木魚片鋪係炒飯上邊。鰻魚的肉質鮮嫩，加上大量的鰻魚粒，讓整個炒飯的味道更加濃郁之餘，仲每一啖都食到鰻魚粒。而加左木魚片令到成個炒飯的口感更加豐富多彩，如果鍾意食鰻魚同炒飯嘅朋友仔，可以值得一試😋😋😋酥炸魷魚鬚⭐️⭐️⭐️⭐️酥炸魷魚鬚幾好食🤩🤩！魷魚鬚不單止熱辣辣的，而且炸到好脆口，佢用既炸粉令到魷魚鬚炸到出黎有好鬆脆的口感。再加上佢用嘅魷魚鬚有好濃郁的魷魚味道。所以成個炸魷魚鬚嘅味道、配合都好好👍🏻👍🏻牛油果奶昔⭐️⭐️⭐️⭐️⭐️牛油果奶昔好飲👍🏻🤩佢既牛油果味道非常濃郁，口感順滑細膩，成個口感體驗非常之唔錯。而且佢既奶昔比較杰，唔會好稀，好水咁。它既口感非常好，味道都好好，而且佢十分之消暑，啱晒喺夏天飲😍如果鍾意牛油果嘅值得試吓✌🏻…さらに見る

次次食燒肉放題都可能要出到去尖沙咀、旺角果啲鬧市，但呢家竟然大埔都有間燒肉放題，唔洗再專登搭成一粒鐘車出去食燒肉放題🤩🤩所以作為一個大埔人，一定要去試一試喇！因為個入口係地下，但係間餐廳就係二樓，所以要由地下行上去二樓喇，但係行上去既途中都幾有驚喜🤣行上一層就見到一隻1:1既iron man模型🤩再行上一層，就見到有個小型既攀石場🤣（當然係唔攀得）。由樓下行上二樓既途中都有唔同既模型同設計，所以睇得出間餐廳都好有心思同埋心機去佈置。到正式入到餐廳，餐廳環境都好寬敞，同埋燈光好光猛，而食物有分為炸物部、中式精美點心部、日式壽司刺身部、邊爐配料部飲料部同埋燒肉部🥳🥳🥳🥳炸物部⭐️⭐️⭐️⭐️一行到入間餐廳就已經係炸物部，佢有炸香蕉、鹽酥雞、薯格同埋炸魷魚圈😋雖然款式唔算特別多，但係佢嘅炸物都仲係熱辣辣，食落唔會好油膩嘅感覺👍🏻 每款嘅炸物都有試過，我個人最鍾意嘅就係炸鹽酥雞，一來食落熱辣辣，二來佢用嘅炸粉炸出黎鹽酥雞粒好酥脆😋薯格同埋炸魷魚圈都唔錯，可以值得一試👍🏻中式精美點心部⭐️⭐️⭐️⭐️佢嘅中式點心部都幾中式，佢嘅蒸物都係用傳統嘅蒸籠去裝住，會似係平時去茶樓食點心嘅樣式👍🏻蒸物嘅選擇有馬拉盞、蓮蓉包、蟲草花燒賣同埋小籠包，因為我怕食包會食得太飽，所以淨係試咗佢個小籠包，佢個小籠包都唔錯，小籠包入邊仲會有鮮肉汁，而且小籠包個皮都唔會太厚，食落整體唔錯🥳日式壽司刺身部⭐️⭐️⭐️⭐️⭐️日式嘅食物一向都係我最鍾意嘅食物，而佢嘅日式部都有好多唔同壽司嘅選擇，有三文魚壽司、燒芝士蟹柳壽司、玉子壽司、花之戀、燒三文魚皮壽司、燒焦糖玉子壽司、火炙芝士牛油果卷等等唔同嘅壽司👍🏻👍🏻當然差唔多全部款式嘅壽司我都試過晒，我最鍾意嘅壽司就係燒三文魚皮壽司，佢嘅三文魚皮燒得啱啱好，唔會overcook，而且食落仲有三文魚既油脂味，十分之正😋😋😋而佢個燒焦糖玉子壽司都好好食，食落又有玉子嘅蛋香味，又有焦糖嘅甜味，成個味道配合得好好🤩當然除咗壽司之外，佢都仲有好多刺身選擇，分別有三文魚、吞拿魚、希靈魚、八爪魚、帶子同埋劍魚腩😋😋佢嘅刺身都好新鮮同埋質素唔差👍🏻燒肉部⭐️⭐️⭐️⭐️佢嘅燒肉都有好多唔同類型嘅肉比客人做選擇，基本上平時自己燒都係燒呢啲，例如有牛仔骨、一口牛、一口豚、黑椒牛扒、多春魚、秋刀魚、香草魚柳、叉燒、金沙骨、咖喱雞扒、蒜香雞扒等等唔同嘅選擇，基本上平時自己會燒或者唔會燒嘅款式都有齊🥳同埋今次間餐廳十分之好，額外送左一塊頂級安格斯肉眼扒😍淨係望落個樣都十分之唔錯，油脂分布都平均，而且份量都好大塊👍🏻燒完出嚟都好好食，幾重肉眼既味道，同埋肉質都嫩滑😋整體而言，食物嘅款式同類型既選擇都多，中式、日式、燒肉、炸野都食到，而且食物質素都可以，價錢又相對出邊既放題便宜，如果想食放題嘅朋友仔都可以試一試👍🏻🤩…さらに見る

放假星期日周圍行街都好多人，所以今日決定去做下運動踩下單車，由大埔出發踩去科學園，順便喺科學園食埋lunch🥳🥳今次就喺芸芸眾多好評嘅餐廳當中搵到呢一間餐飯，「Hunky Dory」，見到佢主要都係食burger同埋西餐，就決定試一試佢！😋嚟到餐廳嗰陣時好好彩，唔使點樣等位就有得入去。一入到間餐廳坐低既第一個感覺就係，個view十分之好，望出去係一大片草地，亦都有啲小朋友喺度玩緊👍🏻👍🏻👍🏻跟住我哋就開始揀食物，咁我哋就分別揀咗一個最經典嘅英國皇家牛肉漢堡、威靈頓牛柳同埋一個甜品，自家製蘋果批🤩英國皇家牛肉漢堡⭐️⭐️⭐️⭐️成個Burger嘅餐都好豐富，有跟埋沙律同埋薯條做配菜。配菜嘅話我就比較欣賞佢嘅薯條，佢嘅薯條食落又熱辣辣又十分之脆口，係啱啱新鮮炸起嘅😍而另外我地都額外叫左一個黑松露醬配薯條，黑松露醬嘅味道都唔錯，而且最緊要份量十分之多，每一條薯條沾滿晒黑松露醬都仲有剩😋而佢個主菜，牛肉漢堡都好豐富，burger入邊有煙肉、芝士、黃瓜等等嘅配料，而佢既主打牛肉亦都十分之足料，好大塊，咬落去啖啖都係牛肉，仲可以自己揀幾多成熟添🤩🤩而成個burger配埋一齊食既味道都好夾同埋充滿層次感，整體幾好👍🏻👍🏻威靈頓牛柳⭐️⭐️⭐️⭐️威靈頓牛柳set包括一個sour cream cheese焗薯，同埋主菜威靈頓牛柳。雖然佢既焗薯只係一個配菜，但係食落味道都唔錯，本身個薯仔都好新鮮好甜，配埋佢既sour cream cheese，更加突出薯仔本身既甜😋而佢既主角威靈頓牛柳都整得唔錯，外邊的酥皮整到好脆口，而裡邊的牛就煮到好冧身，食到既口感係外脆內軟😋而且值得一讚既係舊牛柳食落幾重牛味👍🏻自家製蘋果批⭐️⭐️⭐️⭐️個蘋果批份量都好大份，兩個人食都係啱啱好先食得晒🤣而且個蘋果批十分之足料，可以見到有好多蘋果蓉鋪係個批上面，加上佢個蘋果批係即叫即焗，食落十分熱辣辣。同一時間，佢都鋪咗一個凍冰冰嘅雲呢拿雪糕喺上邊，如果連埋雪糕一齊食又會再多左一種層次感😋…さらに見る

去親銅鑼灣行街，都一定會係果度食埋飯，因為一黎自己本身少出到去銅鑼灣，二黎因為銅鑼灣真係好多出名、好食既餐廳😋😋今次因為早幾日已經知道要黎銅鑼灣，就一早search定有邊間心儀既餐廳想食，咁今次就搵到呢一間「The Grill Room」，睇落啲野食都好吸引🤩同埋我今次醒，一早book定枱！！唔洗去度要等，而且又驚無位。咁今次我哋就叫咗兩個Main同野飲，分別叫左慢煮三文魚配香草乳酪汁伴小麥米、燒澳洲帶骨豬扒配香茅芥末籽忌廉汁同埋Rainbow Smoothie🥳🥳🥳慢煮三文魚配香草乳酪汁小麥米⭐️⭐️⭐️⭐️成個菜式望落去都好豐富，分別有蟹籽鋪喺最頂，跟住仲有啲沙律菜，而最後就係個主角，慢煮三文魚。佢嘅蟹籽同埋沙律菜食落都好新鮮，而最出色最碗兒嘅就係佢嘅三文魚，佢成舊三文魚嘅份量十分之足，大大嚿，咬落去個口都係滿滿的肉😍而且慢煮真係比平時就咁喺屋企煎或者係啲普通餐廳食嘅差好多，慢煮出嚟嘅三文魚肉十分之嫩滑，食落口嘅質感十分之好🥳而且值得一讚嘅就係佢哋勁慢煮三文魚唔會有腥味👍🏻燒澳洲豬扒配香茅芥末籽忌廉汁⭐️⭐️⭐️⭐️佢嘅燒澳洲豬扒都好出色，而且仲要係成塊上，份量都唔細。而且我比較鍾意佢地一個細心嘅位係會幫你將塊豬扒切埋，一吉落去就可以食喇，十分之方便👍🏻👍🏻雖然呢啲嘢好似好簡單，但真係唔係間間餐廳都會有做到呢啲位，呢個位值得加分🥳🥳而佢個燒豬扒都燒得好好，唔會燒到塊豬扒乾晒乾爭爭好柴咁樣，反而佢燒到仲可以保留到個肉汁喺裏面，而且個肉質都仲係好嫩口，好少可以食到咁嫩口嘅燒豬扒😍😍😍Rainbow Smoothie ⭐️⭐️⭐️⭐️佢杯Rainbow smoothie係用士多啤梨同埋奶昔為主，佢仲會有啲忌廉cream係杯野飲上邊，口感會豐富咗。而佢嘅味道都比較似士多啤梨奶昔，不過佢嘅味道都唔錯，都有好香嘅奶昔味同埋士多啤梨味👍🏻而且佢仲有一粒又大又甜嘅士多啤梨附送🤣最後提一提大家，如果經 sevenrooms book枱, 可以享有折扣優惠！！…さらに見る

呢間餐廳其實之前已經幫襯過一次，嗰陣時係喺旺角嗰間度食，但依家已經執咗，上一次食過啲食物幾好唔錯，而且價錢一啲都唔貴，性價比十分之高，仲可以食埋甜品，唔使分兩間餐廳🥳🥳🥳所以今次嚟到銅鑼灣就決定再食佢！😂餐廳環境整體都幾舒適，枱同枱中間會有相隔一個合適嘅距離，唔會好近隔籬枱，好似同唔識嘅人搭枱食飯咁😉因為間餐廳係喺2樓同埋窗邊係全落地玻璃，所以坐窗邊枱嘅客人仲可以望埋銅鑼灣嗰個景色✌🏻咁食物方面我哋就叫咗單骨蜜糖芥末雞翼、炸珍寶蟹棒&芝士年糕、煙腩肉芝士汁鮮蛋白汁意大利麵、煎香辣雞肉pasta。仲叫咗燕麥乳酪奶昔同埋特飲宇治抹茶士多啤梨鮮奶🥳當然唔少得叫咗佢最出名嘅疏乎厘🤩🤩單骨蜜糖芥末雞翼⭐️⭐️⭐️⭐️⭐️份雞翼都十分之大份，一個小食有成差唔多八隻雞翼，份量十分之足夠。而且佢啲雞翼係啱啱新鮮炸起，仲係超級熱辣辣既👍🏻👍🏻配埋佢個濃郁既蜜糖芥末醬，好食👍🏻而且佢仲係單骨雞翼，食落十分之方便😋炸珍寶蟹棒&芝士年糕⭐️⭐️⭐️⭐️佢嘅炸物整體嚟講都好食，因為一嚟真係全部都啱啱新鮮炸起，十分之熱辣辣，值得一讚👍🏻👍🏻而佢個蟹棒亦都真係珍寶級數，十分之大條😂😂而佢個芝士年糕都好好食，炸完出嚟入邊嘅芝士都仲係流心嘅😋😋😋煙腩肉芝士汁鮮蛋白汁意大利麵⭐️⭐️⭐️⭐️佢個蛋汁意大利麵都唔錯，可以見到成碗意大利麵都係充滿住蛋汁既，基本上每一條面都會沾到蛋汁🥳而且佢仲有溫泉蛋鋪喺個意大利麵上面，整開佢之後再撈埋喺個麵入邊，令到蛋味更加之濃厚🥳 而且佢仲有腩肉mix埋左係個醬汁同麵入面，就算食得多都唔會食到好膩口。煎香辣雞肉pasta ⭐️⭐️⭐️⭐️只可以話佢嘅性價比真係十分之高，呢個pasta竟然係跟兩大塊雞扒🤩🤩而且佢嘅雞扒都幾juicy，唔會煎到好乾身冇晒水份咁👍🏻而佢個pasta係跟番茄醬汁，個蕃茄醬汁都幾濃味，而且佢仲有跟埋切好咗一半半嘅蕃茄仔，又有口感之餘，蕃茄味亦都更上一層樓🥳🥳🥳宇治抹茶黑芝麻梳乎厘班戟⭐️⭐️⭐️⭐️梳乎厘班戟都算喺呢間舖頭既經典作之一，都見有啲客人係過黎專登叫個梳乎厘班戟黎食🤣🤣而我自己鍾意抹茶嘅食物，所以就叫咗抹茶味嘅梳乎厘班戟😋可以睇到佢有十分十分之多嘅抹茶漿喺個梳乎厘班戟上面，淨係睇到都覺得好滿足🥳而且佢嘅抹茶醬食落都十分之濃郁，有好重嘅抹茶味👍🏻👍🏻加埋佢本身個梳乎厘班戟本身都十分之鬆軟，口感同味道都好好😋😋😋宇治抹茶士多啤梨鮮奶⭐️⭐️⭐️⭐️因為本身自己鍾意抹茶，而且呢個又係特飲，所以就叫咗黎試下。整體味道都可以嘅，成杯飲品都係以抹茶鮮奶為主，再加左士多啤梨醬同埋士多啤梨果肉喺個底度。…さらに見る

平時係大埔想食好食既牛扒都真係無咩好選擇，次次都要出去市區先有多啲選擇。但有次經過OX Steak lounge，見到佢鋪面好似好華麗同埋好高級😂就行過去睇下個menu有咩選擇同埋幾錢，一睇之下都幾有驚喜，一黎食物有好多唔同既選擇，而且個價錢又唔貴！所以就諗住即場walk in入去食，但係原來都好多人食，間餐廳都full booking，所以唯有book後2日🫰🏻🫰🏻餐廳嘅環境似啲高級嘅西餐廳一樣，枱同枱中間會分隔得比較遠，唔會同隔籬枱嘅其他食客距離好近，比到我一種舒適感同埋屬於自己空間嘅感覺。而且餐廳燈光比較偏暗，比較有情調，適合帶另一半去食🥳🥳食物方面因為我哋都鍾意飲湯同埋食甜品，所以我哋都係叫咗一個Set黎食😋成個Set有牛肝菌忌廉湯、慢煮煙燻牛舌沙律、心太軟同埋兩杯白酒，而係主菜方面我哋分別叫咗黑松露鵝肝菌威靈頓牛柳同埋金箔安格斯牛骨🤩🤩🤩🤩牛肝菌忌廉湯⭐️⭐️⭐️⭐️碗湯嘅外觀十分之吸睛，有個靚靚既玫瑰花拉花喺上面，未飲之前已經加分🥳🥳🥳而且本身個湯比較「杰」，唔會好稀水溜溜咁，我個人比較鍾意😋而味道整體上都唔錯👍🏻慢煮煙燻牛舌沙律⭐️⭐️⭐️⭐️成個沙律嘅份量都幾大份，而且材料好充足，牛舌都有三塊👍🏻👍🏻而且仲有啲芝士鋪喺上面，食落嘅口感同味道都多一個層次🥳而且佢仲有啲乾麵包粒，如果將全部嘢mix埋一齊食，口感同層次更加豐滿😋黑松露鵝肝菌威靈頓牛柳⭐️⭐️⭐️⭐️⭐️呢個威靈頓牛柳都做得好出色，首先餐廳可以比你自己選擇嚿牛柳幾多成熟，揀返自己鍾意食嘅生熟度，唔使限死你食幾多成熟👍🏻👍🏻我自己就揀咗五成熟，肉質唔會韌，亦都唔會太生，係我自己鍾意食嘅熟度。而且佢嘅牛柳都有好濃厚嘅牛味同埋好多肉汁，配合埋佢十分之鬆脆嘅外皮一齊食，口感十分之夾同豐滿😋😋😋除咗個最重點嘅牛柳之外，佢仲有薯蓉、炸熟咗嘅蒜頭、蔬菜，同埋仲有薯條跟配，所以其實係十分之多嘢食，一定唔會唔夠飽🤩金箔安格斯牛骨⭐️⭐️⭐️⭐️金箔安格斯牛骨顧名思義，真係有塊金箔喺上邊，令到成嚿牛骨華麗同美觀咗好多🤩而且塊金箔係可食用嘅，唔使驚食左落肚唔舒服🥳🥳而牛骨我哋就揀咗七成熟，可能係因為近骨嘅位置同埋揀咗七成熟，所以食落有少少韌，但係個牛味都係十分之濃厚，味道都係好食嘅👍🏻👍🏻心太軟⭐️⭐️⭐️⭐️⭐️個甜品心太軟都好好食，因為係啱啱新鮮整起，仲係熱辣辣嘅👍🏻👍🏻一切開個心太軟啲朱古力漿就流晒出嚟，十分之足料。而且佢朱古力既味道都十分之濃郁，食完之後成個口都係朱古力味🤣😋…さらに見る

成日講起食泰國野，大家都會諗起去九龍城度食。但因為真係係九龍城食得太多次，同埋今次咁啱喺旺角，所以就決定試吓新嘢，喺旺角搵間泰國餐廳去食🥳🥳今次就喺OpenRice搵到呢間餐廳，Thaiology🫰🏻咁因為我平時食泰國餐廳都係喺九龍城度食，餐廳嘅裝修擺設都係比較似啲舊式餐廳或者大排檔咁，但係今次呢間餐廳嘅裝修就比較華麗同埋別緻🥳特別係餐廳裡邊既卡位，成個裝修擺設係用木系為主題，而且每個卡位上邊都會有個屋頂仔，望落去每個卡位就好似一間獨立既小屋咁😉😉😉今次我地就叫左個小食拼盤、蝦醬肉碎炒飯、鮮蝦炒金邊粉同埋個芒果糯米飯😋😋仲叫多左杯泰式奶茶同埋椰汁紅豆冰🥳泰式小食拼盤⭐️⭐️⭐️⭐️⭐️佢嘅泰式小食拼盤有魚餅、蝦餅、春卷、雞翼同埋沙嗲串燒😋😋😋佢既小食拼盤有驚喜！！每樣既小食都好食！蝦餅大嚿得黎又炸到脆卜卜，仲要真係有啲鮮蝦係入邊！雞翼同埋春卷都一樣，炸到岩岩好，脆得黎又唔會太燶。但係最欣賞既都係佢個沙嗲串燒！串燒燒到岩岩好，唔會好似平時係出邊食既泰國餐廳咁，燒到好燶好乾身食緊肉干咁，反而佢呢度既串燒食落仲會有肉汁係裡邊🫰🏻仲要佢既串燒既size都係比出邊既餐廳大份！大大份得黎又好食！最後不過同樣重要，就係佢個沙嗲汁味道十分之濃郁同埋質感十分之杰身，串燒再配埋佢真係好好食！😋蝦醬肉碎炒飯⭐️⭐️⭐️⭐️蝦醬肉碎炒飯都唔錯👍🏻一黎個飯炒得幾乾身，有鑊氣。二黎味道都唔錯，清淡得黎都食得出有蝦醬味，味道都足夠👍🏻而且佢仲專登用竹籃當個碟去裝住個炒飯，幾特別同別出心思。同埋個飯份量都好足，好大份，大食既朋友仔都唔洗驚唔飽😆鮮蝦炒金邊粉⭐️⭐️⭐️⭐️鮮蝦炒金邊粉都唔錯。佢個炒金邊粉既材料好足，特別係啲蝦，有成3隻蝦，仲要每隻都大大隻，咬落去都唔會有雪藏味👍🏻👍🏻而金邊粉既味道同出邊食既差唔多，不過真係勝在夠在大大份，一定夠食同夠飽🥳芒果糯米飯⭐️⭐️⭐️⭐️芒果糯米飯幾好食👍🏻👍🏻佢成個芒果糯米飯係熱食黎既，都岩呢排比較凍既天氣去食🥳而佢個糯米飯都煮到好煙靭好彈牙，食落口感好好🫰🏻而且佢既椰汁味道都好濃郁，好有椰香味，配合埋佢個濃郁既椰汁係糯米飯上邊，味道同口感都好好✌🏻…さらに見る