恐龍讓梨's Profile

睇完煙花之後去咗灣仔呢間米芝蓮食晚餐，呢間嘢食物質素OK，但無論上菜定係趕客走都係澳牛速度，未食完野就隊張單埋嚟，食完雪糕水都未飲啖就收走晒啲嘢。想體驗澳牛速度泰菜可以一試。…Read More

農曆新年嗰排，屈得係屋企太耐，同女朋友去咗南丫島行山，之後就過咗尖沙咀食火鍋。一入到去，餐廳唔算太多人，但反而冇平時咁人迫人坐得仲舒服左。今次老闆親自招呼我哋，推介左個海鮮餐俾我哋，仲有自己落手落腳幫我地蒸海鮮。今次嘅海鮮餐包括鮑魚，海蝦，蚌等等，我見材料都非常新鮮，食落去好Juicy，有咬口。我自己其實非常鍾意食海鮮火鍋，因為佢最能夠帶出海鮮嘅鮮味，去到最尾海鮮嘅精華仲會滴落去下邊嘅粥底入邊，煮埋個粥食簡直係一流。雖然呢排大家可能都唔係咁想去食火鍋，但我又覺得只要注意個人衛生的話，食火鍋應該都冇大問題嘅。…Read More

在元朗Yoho 行街,非常多選擇，行到肚餓同女朋友揀咗呢度晚餐。 環境半開放,鬧市中的一點悠閒，裝修以自然為主題，清新舒服，座位亦較舒適寬落。 適逢疫症肆虐嘅階段，呢度唔單止清潔做得好仔細，連搓水液都有提供！set dinner 好抵，378 有2人餐，仲好多選擇！落order用電子方法，方便！前菜揀咗兩款雞翼，各加$15，蒜香蜜糖雞翼好好味！酸甜雞翼多醬咗少少，但雞翼都係嫩滑！Side dish叫咗蕃薯條，好好味！蕃薯好甜，炸粉好薄好脆，仲有椒鹽粉！另外炒蘑菇好香牛油味，不經不覺就食哂！主菜係鱸魚千層面，超健康之選！魚身煎 得微脆,肉質嫩滑,份量適中，好多蔬菜！手作漢堡入面嘅材料、沙律菜,全部都好新鮮好爽身！不得不提個炸牛油果！好特別，第一次食到，有香脆仲有健康添！新鮮奇異果汁 奇異果汁用新鮮奇異果制成,帶點酸味。另外招牌窩夫及班戟是我們的至愛,特別外脆內軟加埋朱古力雪糕及生果很好味,愛甜 品一族必試。…Read More

喺大陸都成日食海底撈，但最近一年海底撈喺香港已經開咗幾間分店，我哋今次就嚟到銅鑼灣嘅海底撈試一試睇吓佢究竟有冇大陸嘅水準！首先可能呢間分店比較新，人流都未算話好多，唔似得大陸每次都要排兩至三個鐘頭先有得食，我哋排咗大概半個鐘就可以入到去。海底撈最出名係佢嘅服務，我女朋友就試咗佢哋嘅修甲服務，整得都唔錯，食物質素都唔錯，但略嫌貴左少少，我哋都係食返普通打邊爐嘅嘢食，例如肥牛，丸，響鈴等等。雖然香港海底撈係比較貴，但喺香港來講都好難有其他火鍋店有佢嘅服務質素，所以下次一大班人出嚟食飯都可以揀海底撈。…Read More

我不嬲都幾鍾意食台灣嘢食，有朋友推介左呢間喺始創中心嘅台灣麵，咁就一齊去試吓啦。呢間台灣麵裝修都唔錯，環境幾乾淨，我地叫咗一碗牛肉麵，一個壕餅，同埋一啲小食share。首先碗牛肉麵個湯底幾濃郁，牛肉都幾鬆軟入味，以呢個價錢來講算唔錯，其他好似鹽酥雞，壕餅，雖然係咸左少少，但味道總括來講都算幾好食。成間餐廳總括嚟講都幾好，位置又方便，距離太子站只不過需要5分鐘嘅步程，如果約埋一大班friend喺度食嘢都唔錯，值得推介!…Read More

今日黎到申子，俾到我好大驚喜，所以不得不寫呢編食評，好讓大家都可以黎試一試呢間很不錯的日本居酒屋。今日食咗幾樣申子招牌菜，首選就係千層吉列豬柳，比想像中好的地方就係雖然吉列，不過唔太熱氣唔油膩，加上豬柳肉厚多汁有層次，唔怪得成為招牌菜。另外就係個海膽炒飯，飯粒分明加上有口感嘅蟹籽，每一啖都有海膽嘅香味，加上飯面火炙海膽，可見廚師工駕，香味十足。最黎再推就係石板燒牛扒，用上和牛，先用牛油燒熱，再加上厚度適中嘅牛肉，真係件件都燒得好香，朋友對燒牛肉亦有研究，都覺得牛香，牛肉味都好重，配上海鹽調味已經十分正，令我地都回味無窮！其實，沙律及鹿兒島豬軟骨都唔錯，不過申子嘅招牌菜真係十分出色。最後一提就係服務員可以再細心點，不過食物質素真係會使我很想再次光臨了。…Read More

Eat me Bar係一間唔錯既西餐廳，之前已經食過一兩次，今日同朋友黎鋸個扒，希望俾到驚喜我。首先要讚係服務唔錯，侍應有禮。同埋朋友叫咗個安格斯肉眼，食出肉味，軟硬適中，味道亦都調較得宜，值得一試。餐廳環境都唔錯，氣氛幾好，但略嫌迫左少少，但我哋兩個麻甩佬都冇乜所謂，總括來講都可以接受。另外一提，間餐廳地理位置都非常之好，距離油麻地站只不過係5分鐘步程，仲可以望住你敦道嘅夜景食飯，非常之唔錯。下次有機會的話會再過嚟試吓。…Read More

天氣轉冷，熱辣辣嘅麻辣火鍋真係好岩同朋友聚首。今日膽粗粗試呢間食店，裝修好華麗，好有重慶地道感覺，加上地方精緻乾淨，環境認真唔錯。黎到當然試佢地特別介紹嘅青麻辣，雖則我地只叫小麻小辣，味道一樣濃厚，飲一啖過隱又刺激。加上我地叫咗鴛鴦鍋，中間有溫和嘅薯仔蕃茄湯，真係多重享受。餐牌食材多樣化，火鍋必備手切肥牛質素唔錯，肥瘦適中，牛味香濃，好岩配麻辣湯。不過最令我驚喜就係豬眼根，膠質豐富，彈牙鬆軟，回味無窮。韭菜餃就水準之內，皮有點偏厚，不過餡料味道香濃，都食得過。另外一提就係佢地有提供生啤，俾大家打邊爐都有麥香味更重嘅啤酒。總括黎講，掌門算係價錢合理嘅麻辣火鍋，呢間嘅湯底食材真係值得大家一試。…Read More

上個月同大學roommate 食飯，之前有食過尖沙咀嗰間醉胡爐，覺得都幾好食，今次為左就返其中一個朋友係港島返工，所以就揀咗喺銅鑼灣既胡爐試吓。可能因為我哋人數比較多既關係，所以餐廳安排左間房俾我哋坐，裝修都幾有心思，好有中國特色。我哋叫咗個雞煲食，開始嘅時候店員落咗配料同埋酒一齊落去煮隻雞，煮到非常之香，之後再加咗好多椰汁去煲，令到成個鍋非常之有椰汁味。另外我哋亦都叫咗一碟肥牛、墨魚滑、肉丸等等，雖然份量唔算話特別多，但都有一定嘅水準。總括來講，我最鍾意就係佢哋嘅招牌雞煲，非常之有椰汁味，服務都唔錯，周不時都會入嚟房到問吓我哋有冇需要，下次有機會會再過嚟食。…Read More

My friends and I were recommended to go to this restaurant by a friend of us who live in Tai Wai. Frankly speaking, we aint so sure about it at first but...why not give it a try.Within the restaurant, there are 2 sections, a warm and cozy section, and an open/outdoor section. It would most definitely be a great place for chilling given the weather is alright outdoor, however, its a bit unfortunate for us that it was drizzling with rain on that day.Food-wise, it was unexpectedly good and amazing. We firstly ordered dishes of fried fish cake and fried crispy chicken wings. THEY WERE SO DAANNG GOOD!!!! The chicken wings are freshly fried with teeny bit of spicyness within, while for the sweet chilli sauce matches perfectly with the fish cakes.The Margarita Pizza and the Cream Spaghetti came next. Ive never tried a Magarita Pizza before, but the freshly baked pizza presented with veggies and tomatoes as topping just brings a new sensation towards my tasting buds. Moreover, the creamy cooked spaghetti is not just an average home-made spaghetti, Definitely worth trying out!!!Overall, I would recommend friends and besties for meetups or parties here, because this kind of restaurant with this environment is just sooo hard to find nowadays in HK.…Read More

早排難得一班朋友weekday齊人約食飯，地點諗都唔洗諗，旺角夠晒方便。行到通菜街好多攤檔既地方轉入去，兩步就見到Deli2，1字樓上去即是梨滿園。 由於我地五個人，為免麻煩叫左個套餐先。套餐都OK豐富，有豬牛雞肉拼盤比我地慢慢燒，肉質同味道都唔錯，我地都幾鍾意。仲有鹽燒鯖魚，同埋韓式薯仔雞煲，我地鍾意佢夠晒辣但又唔會太攻，裡面既粉絲仲入晒味，撈飯正！泡菜煎餅亦都very good，煙韌得來，面頭帶點香脆，好似有點太誇張，但真係好食既。 由於我地嗌左四人套餐（得四人或六人套餐），有人覺得唔夠飽所以再嗌左多左個雪濃湯同海鮮炒年糕，唔會太辣或咸，味道都好岩我地。 餐廳環境來講，座位都多但唔會迫，坐得舒服，係一班朋友傾計食飯好地方。牆上簡單掛上幾幅古典書畫，更顯風雅。…Read More

油麻地比我嘅感覺一直都好地茂，好多大排檔，今次竟然俾我發現鬧市中嘅一個綠洲。朋友介紹之下同屋企人嚟到呢度食個晚餐。價錢都唔算太貴，食物質素亦都真係酒店級。我哋一共叫咗四個餸菜。首先特別值得一讚嘅係條焗爐魚，超級滑！我之前去泰國食個咁滑嘅鱸魚之後返嚟香港都冇再試過了。另外我哋叫咗兩個pasta，煙煙銀銀，而且佢醬汁的做得好好，香濃得來亦都唔會太油膩。小食方面叫咗個炸雞翼，隻雞翼都幾大，而且一啲都唔會覺得好油！服務員嘅態度都好好，整體來講非常滿意！…Read More

聽住大角嘴嘅朋友講，個度有間隱世又好食嘅打邊爐，附近街坊好多都知道，不過少賣廣告，所以街外人都未必識嘅。我話咁就啱晒我喇，因為我最鍾意周圍搵食！咁啱今日公司做成單生意，所以就決定搵呢間表叔火鍋同個best friend 食餐好慶祝下。一入去已經感覺到佢平民嘅一面，其實好多邊爐店唔需要華麗裝潢，注重食物質素反而有驚喜。叫得魚生火鍋店，當然嗜日嘅我就當然唔少得啦！大赤貝爽口新鮮，加埋肥美嘅三文魚腩，真係一個有質素嘅日式魚生盤。當然，重要嘅火鍋湯底，我叫咗佢地嘅招牌酸魚鍋，酸酸辣辣，好過癮，加埋入面嘅魚片好滑，真係好岩食慣出面大路湯底嘅朋友，仲要一提入面滿滿配料，真係湯底都飲到碗。我個好牛朋友佢黎得當然要試個手切肥牛，好嘅火鍋店必定要有好牛肉，佢呢碟牛一睇就知係靚雪花，瘦中帶肥，切出厚度所以食落有口感，我朋友都話好滿意，食唔停口。再要一提嘅係個炸魚皮，真係唔同一般行貨，呢間火鍋店一定係有心做嘅自家制，因為真係好鬆化，有入口即溶嘅特別感覺，坊間一定食唔到呢種質素，我諗應該係佢地主打魚，所以魚皮都好新鮮先可以製造到呢重炸魚皮，呢個必點推介。而個鴛鴦墨魚丸就比較正常，食落爽口，不過墨魚味唔夠重，所以食魚就食佢地嘅火鍋魚配料，應該更為不錯。整體黎講，多謝我個朋友介紹呢間火鍋店俾我，對注重食物質素嘅我，真係覺得好滿足，睇到店主用心做嘅配料，呢間先應該叫做隱世好食店。…Read More

想同班朋友食個精緻brunch同hea吹～所以揀jor哩間最近好火爆既餐廳。佢係尖沙嘴首都廣場如果唔係哩間餐廳，我都好少黎哩到成間餐廳獨占3樓全層，而且以木為主，感覺非常輕鬆又有文青風氣而且在場有好多後生仔係到用電腦，感覺悠閒佢仲有榻榻米位可以坐！不過去個日好似有event所以坐唔到野食都唔錯，非常有歐陸風味。我叫了一個素食早餐外加牛油果奶昔～素食早餐的牛角包非常鬆脆而且香味十足，牛油果奶昔簡直係我最愛！飲得出係用新鮮牛油果同奶b、lend既，新鮮🌝朋友就叫了Egg Benedict同埋柚子帶子沙律，粒帶子勁大粒～而且有4粒咁多，真心唔錯。我地三個人一hea就hea jor 3個鐘，非常好坐，而且餐桌之間距離我非常喜歡。…Read More

今日朋友約食飯，攪攪新意思，打個泰式邊爐。我心諗，乜邊爐都有分泰唔泰式o架咩？哈哈，原來真係有，仲要係火鍋任食。呢間火鍋店一入去就好有泰國風情，泰國大象，用深藍色主調既裝潢都好有氣氛。黎得當然要食佢個海鮮餐啦，亦叫咗佢主打嘅冬陰公湯底。等上菜同時我都出去拎番唔同嘅醬料，款式好多亦都有一啲係泰式嘅醬料，咁我都要試下啦！啲野好快就到，一上菜就聞到好香既冬陰公味道，亦都有好多款嘅海鮮已經放係枱面，最吸引嘅就係有鮑魚同埋帶子，果然一試就知係新鮮貨，鮮甜肉厚，蠔同青口都一樣鮮甜。不過美中不足就係蝦同魚喇，佢地就稍微唔夠新鮮，可能放耐咗啦。食過海鮮，當然要試下肉類，主打嘅安格斯牛肉果然無失望，夠肉味，肥瘦舒中，不過羊肉就有羶味，可能我唔太好羊肉啦。仲有就係菜籃都唔錯，可以係海鮮肉類中間拎返個平衡。加上出面可以拎嘅炸魚皮真係好鬆化，我同朋友唔覺唔覺都番食咗兩次。其實食晒個餐都已經勁飽，已經叫唔到第二round, 加上佢酒水任飲，仲要有好多泰式甜品任食，真係飽到不得了。總括黎講，呢個價錢真係好抵食，我下次要留力再戰。…Read More