Akikie的个人专页

朋友介紹，灣仔開咗一間好勁嘅壽喜燒餐廳，位於合和商場，收工梗係要去試一試。日山，一間設計佈置相當有日式風情的餐廳餐廳已傳統壽喜燒為主打，更加會安排每月兩次空運日本和牛到港，確保和牛質素。壽喜燒味道甜而不膩，正宗日本口味，和牛由日本空運過來，油脂分布均勻油花分明，入口即溶，齒頰留香。壽喜燒套餐仲包括有前菜溫物烏冬等等，一個價錢有多種享受。臨走前發覺餐廳午市時間仲有午飯套餐，又有和牛丼飯，又有和牛拉麵，下次要來試一試。…查看更多

12月是holiday season，特別多朋友聚會。今晚和友來銅鑼灣的牛站食火鍋，想不到星期一也這麼多人人。一段時間沒有來，自助區的前菜多了很多款式，連魚皮及豬手也有。配料類推介粟米流心丸，豆皮串，水魷，炸支竹。蔬菜類推介豆苗，粟米，全部均很鮮。放題點餐類必食當然是牛肉。餐入面的牛肉每款點了一碟。海鮮點了海蝦，花膠。熟食方面推介乳鴿。自助區的油條，炸魚片都係餐廳即炸的，很香口。甜品區的榴槤雪條是泰國產品，必吃推介。…查看更多

醉胡爐，位於尖沙咀厚福街，一間食材相當新鮮，餐廳店員服務又好嘅火鍋餐廳。首先每次必點火焰龍蝦海鮮湯底，店員首先會係煲底炒下啲海鮮，之後加入清酒再點火，最後再加入相當濃味龍蝦湯底，飲幾碗湯食埋啲海鮮都飽左一半。湯底材料非常新鮮豐富，龍蝦鮑魚青口蕃茄蔬菜，確實抵食。龍蝦肉新鮮彈牙，鮑魚夠晒大隻。手打墨魚丸蝦丸，大大粒，相當足料，超級新鮮彈牙。炸響鈴熱辣辣脆卜卜，浸一浸龍蝦湯底，索埋海鮮湯更加好食。椒鹽粟米，少少辣，又甜甜地，好食。…查看更多

Happy Friday 梗係要食餐好。同朋友嚟到尖沙咀新開嘅餐廳餐廳裝修以木色為主，悠閒嘅感覺。餐牌好特別，成張A4 poster。頭盤點咗懷舊電影院烤魷魚，除咗燒汁外，仲可以點Wasabi食。另一個係滷水涼拌花枝橘子芝士沙律。入面有啲 blue cheese ，麵包粒好脆。老火忌廉湯好特別，係以西式忌廉湯嘅煮法，去煮傳統嘅粉葛蓮蓮藕章魚湯。味道同口感好夾。第一個主菜係櫻花蝦蝦子鮮蝦意大利粉，中式嘅蝦子為意大利粉添上一份香脆。另一個主菜係海王3鬚扒。同店名一樣嘅菜式，好明顯就顯就係招牌菜😙。魷魚筒入面有墨魚膠，配上燒汁。章魚鬚就配上微辣嘅汁。甜品點咗焦糖菠蘿，燒過嘅菠蘿仍然好多汁，裡裡外外都燒透，焦糖畫龍點睛。呢餐好飽好滿足。…查看更多

工作繁忙, 做到好辛苦, 辛苦搵來自在食, 一日忙碌過來, 就去要公司附近私房菜, 食返一餐好.御膳, 位於觀塘區敬運工業大廈12樓, 餐廳有電話訂座, 仲要免開瓶費, 免切餅費, 免加一, 餐廳仲有好多菜單選擇，好多款式，性價比相當高，仲可以幫客人設計菜單, 散點小菜，叫餸食飯，帶2支啤酒上去同周事啤一啤一流上湯澳洲龍蝦，蝦肉實淨彈牙好食, 龍蝦新鮮啖啖肉避風塘炒大肉蟹, 一睇就知傅統做法, 味道濃郁, 蟹肉結實好食士多啤梨骨，酸酸甜甜開胃好味, 排骨肥瘦適中, 經典必食之選蟹油銀芽炒麵 – 粉麵非常乾身, 不會感覺油膩…查看更多

中秋前夕食返餐好，再次嚟到叁不館。湯底揀卜卜蜆豬骨鍋係毫無懸念。有我鍾意嘅蜆同埋豬骨，湯底帶點胡椒嘅辣。入面仲帶蘿蔔同粟米。話明食餐好，梗係叫返條加拿大象拔蚌刺身。刺身份量好多，唔同部位唔同口感，放火鍋灼一灼一樣鮮甜。另外叫咗$188「痛風餐」，有6隻蝦，2隻蟶子，2隻扇貝，半斤沙白。好抵食。牛方面點咗一份例牌嘅頂級安格斯牛頸脊。其他配料好似紫菜響鈴真係推介，即叫即製，非常香脆。而家仲做緊$1 啤酒優惠。加埋高質食物，環境有型，同親切嘅服務。要約朋友再嚟！…查看更多

星期五晚想食啲潮州嘢，諗起上次同屋企人嚟過呢度幾好食，所以就兩個人都嚟食。坐低先送上4杯功夫茶，別具心思。前菜嘅花生好好食，仲配咗話梅，好香口。兩個人簡單點，叫咗一個菜，一個餸同兩碗粥。個菜係沙爹炒玉蘭。玉蘭即係芥蘭，煮得都幾軟硬適中。配上濃味嘅沙爹牛肉，配飯會啱啲。不過我哋叫咗粥。我哋一人叫一碗，一個係蠔仔肉碎粥，一個係瑤柱肉碎粥。$68 一碗都幾抵食。另外一碟係黃色花支片，簡簡單單好香口。餐牌仲有好多唔同嘢食，同場有好多一家大細。…查看更多

好耐冇食海鮮，今晚嚟到銅鑼灣蟹仙食蒸海鮮。兩個人揀咗$449套餐，雖然係基本版，但係都有成10款海鮮。開始先食咗蒸鰻魚，第一次食蒸鰻魚都幾特別。點Wasabi豉油好啱味。陸續蒸嘅海鮮有螺，虎蝦，蟹膏帶子，釜山蠔，鮑魚。青口。當中最終亦係蟹膏帶子，好鮮甜。套餐包咗兩隻大膏蟹，不過呢就係最尾先至食。安排最尾先食都唔錯，因為食嘅時間都比較耐。食完蒸海鮮有蔬菜籃，同埋海鮮味嘅豬骨粥。最後仲有椰汁雪燕做甜品真係非常滿足。…查看更多

快樂小羊做緊好多優惠，成個餐牌都轉左新價錢 唔係貴左 反而係平咗！！又抵又好食😋湯底我哋要成雙鍋，一邊清湯另外一邊麻辣湯，雖然話就話清湯，但其實佢係有材料同埋有少少藥材嘅味，佢既湯底唔需要任何醬料都已經好夠味👍🏻佢而家做緊$28羊肉 雖然咁平，但份量一啲都唔少 而且肉質係嫩 一啲都唔嚡口，有少少油脂 好香 order嘅份量亦都不限 好抵！另外我哋仲點咗一份羊肉 同埋牛舌，好大份量 牛舌有𡁻口爽，我哋另外叫呢款快樂卷羊肉就比較實淨少啲油脂，羊味唔so👍🏻另外都好推介佢嘅手打羊肉丸，唔so好食！打邊爐必食響鈴，索晒啲湯汁 真係正！呢款薯仔粉都係呢度特色 喺香港我都冇喺其他餐廳見過 佢同薯粉有啲唔同 冇薯粉咁煙靭 亦都唔需要煮咁耐 但又索湯入味😋最驚喜係餐廳，而家竟然做緊蔬菜自助吧 係免費架！！！！！無限任食 勁抵呀👍🏻👍🏻👍🏻 最後埋單 竟然重有食$300送$300現金卷😂😂 好快會再去食！…查看更多

難得週末好天氣，今日放假去咗馬灣，朋友帶我食好西，喺沙灘旁邊有一間Cafe Roma餐廳，環境好chill又舒適，正。卡布里沙律，水牛芝士加上火箭菜同蕃茄，配意大利黑醋汁，入口感覺相當新鮮，滋味豐富。脆炸日本生蠔，炸漿薄薄一層，皮薄餡靚，熱辣辣卜卜脆。雞扒菠蘿漢堡，材料非常豐富，大大份一啖真係咬唔晒，蕃茄洋蔥青瓜生菜新鮮，麵包軟熟好食。雜菌燴意大利飯，話明食好西，梗係加少少錢要埋鵝肝，鵝肝入口即溶，配意大利飯一流。小魷魚墨魚汁意粉，意粉做到掛汁相當出色，少魷魚唔會太韌剛剛好，廚師功力好…查看更多

叁不館裝修得很有格調。看似大排檔，其實花了心思。給客人放物件的竹簍，很久波見了。一坐低就先送上小食，我覺得青瓜比較辣。醬料盤入邊有一款叫蔥頭油係店家自家製的。鍋底有很多選擇，選擇了卜卜蜆豬骨鍋。蜆都幾大隻，豬骨好入味又軟熟。火鍋主角揀咗頂級安格斯牛頸脊，好腍好好味。另外推介鬼馬油炸鬼。是油炸鬼釀咗蝦餃，上面再有蟹籽或者紫菜碎。除咗火鍋配料之外，還有熟食可以點。椒鹽豆腐其貌不揚，但係係新鮮炸起，好香口。飲品推介竹蔗茅根海底椰，好清甜。…查看更多

八幡屋涮涮鍋，位於旺角瓊華中心12樓，一間相當高質素的火鍋放題，餐廳座位相當舒適寬敞，相當適合親朋好友共聚，而且食物質素相當高，絕對唔會失望而回。放題套餐選擇相當多，豐儉由人，難得遇上日本黑毛和牛套餐做緊半價優惠，又有龍蝦任食當然唔會錯過。食火鍋放題，當然最緊要係牛肉質素高，日本黑毛和牛入口即溶，油脂豐富，食極唔停。放題海鮮選擇亦都好多，鮑魚大大隻有咬口，海蝦新鮮彈牙食火鍋一流。仲有一大堆海鮮刺身，真係大滿足。…查看更多

趁着放假同朋友去旺角食好嘢，朋友介紹一間位於旺角T.O.P商場的餐廳，八木橋日式燒肉，近日有三周年限定優惠，提前三日訂位，可以有4小時用餐時間，食燒肉放題可以慢慢食，真係正。餐廳日本A4五品和牛放題任食，和牛質素相當高，油花分布均勻，入口即溶，肉質軟嫩，燒起上嚟食都仍然好多汁，真係食唔停，叫完一碟又一碟，好抵食。燒牛肉之外，仲有生蠔大蜆可以一齊燒，刺身級生蠔超大隻新鮮，就算燒左來食都感覺到海水味相當濃郁。清酒煮大蜆，鮮甜好食。餐後甜品食埋Häagen-Dazs雪糕，完美滿足的一餐。…查看更多

Neko 熊穴，位於西貢海傍街地下，一間以日式手打烏冬為賣點嘅餐廳，餐廳佈置相當有特色，以以日式木系佈置為主，環境非常優雅舒適，感覺寧靜。餐廳服務一流，店員服務好好。卡邦尼意粉就食得多，卡邦尼手打烏冬真係第一次，手打烏冬，全部由餐廳自家新鮮製作，無添加無味精無化學材料，當然要試一試啦。卡邦尼手打烏冬，材料豐富有洋蔥煙肉同菇，而且手打烏冬份量都相當多，烏冬咬落去煙靭有咬口，唔會太硬，味道出色，值得一試。…查看更多

每次想食打邊爐，就會諗起牛駅。呢度嘅CP值超高。本身有三款套餐，我今晚就揀咗Level 2。中價位嘅餐已經有和牛。想食鴛鴦鍋，可加少少錢就有㗎啦。當然打邊爐，一定要有牛。但除咗牛好食，仲有好多我嘅心水推介。香脆乳鴿係必食嘅，1/4 隻少少哋啱啱好。喺自肋區嘅油炸鬼亦都係我嘅自愛。呢度嘅炸物全部都係新鮮炸。無論係放湯食定係即食都非常好食。雪櫃嘅嘢飲都都有好多選擇最鍾意佢哋自家製嘅冷泡茶。自助區仲有好多酒類可以選擇。飯後甜品方面，每次都有新嘅雪糕，讚讚讚。…查看更多