Mandydydy3's Profile

嚟到中環碼頭，除咗乘搭天星欣賞維港兩岸、坐一坐摩天輪行過大運、仲欣賞住無敵大海景享受😎韓國炸雞🍗。 中環天星碼頭2樓，開咗一間韓國炸雞店，係即點即炸😍，熱辣辣極度新鮮入味。外賣包裝盒非常穩固，入面嘅食物仲用錫紙包住保持住溫度，方便攜帶到海旁進食，邊欣賞海景。同時，提供左堂食位置，照樣可以望住海景食炸雞🎑😋今次我同朋友點左一隻經典甜辣炸雞同蜜糖焦糖炸雞腿肉，份量十足。 經典甜辣非常惹味，甜辣比例合適，雞肉嫩滑 ，骨肉易分離。如果鍾意享受啖啖肉滋味，可以叫雞腿肉，係去咗骨嘅雞髀肉😍😍怕辣嘅朋友仔，叫咗份蜜糖焦糖口味，淡淡清香蜜糖味，仲食到有啲鹹蛋黃嘅感覺，炸粉比例合適，香脆可口，即叫即食，外脆內軟，非常Juicy🥰🥰…Read More

匆匆忙忙要吃個晚飯再繼續努力工作😤喺軒尼詩道見到痴膠雞，個名實在太特別了俾佢吸引咗，同埋去睇個餐牌原來有火鍋吃又有米線吃，覺得幾特別，決定試一試🤩🤩🤩睇餐牌招牌菜係花膠雞系列。因為咁決定叫佢嘅招牌花膠雞米線。覺得這間餐廳諗得比較周到🥺🥺下單後問我要不要個爐，原來是一路加熱食過花膠雞米線🤩🤩等我一路食一路都熱辣辣。呢樣嘢非常之欣賞。的確有真材實料的花膠，好幾塊雞肉，個米線湯底都清甜，濃濃的雞湯味，食落覺得幾驚喜唔錯🥳🥳🥳另外叫咗個四川擔擔麵，擔擔面的面底好吃，濃湯惹味，仲有香噴噴的花生🥜香氣，值得一試🥳出街食嘢梗係唔少得買到杯嘢飲㗎，叫咗杯白桃烏龍冷泡茶，唔甜，濃濃的茶氣再帶香甜的桃心味，用來配熱辣辣的麵食😍正。呢間餐廳仲有火鍋吃，如果唔係趕時間一定會揀食火鍋，下次時間鬆動啲再嚟食火鍋🤓🤓🤓…Read More

今日收工經過去叫左幾個外賣返屋企食🤣手作炸軟殼蟹米卷（$78/8卷）非常好食，值得推薦👍軟殼蟹炸得鬆脆，非常入味，配埋大量青瓜同粉絲，非常清新之選大啖大啖食唔停😻香茅雞翼$22調味適當，唔會過鹹，但係都好入味🤤火五咖喱吉列豬扒飯$48一打開盒，就即刻聞到好香吉列豬扒味😍仲有係配上珍珠米，呢個價錢來講係超值，有驚喜👍扎肉撈檬$38有扎肉同有相當多嘅紅蘿蔔絲，同青瓜絲蔬菜份量充足，加埋酸甜撈檬汁，十分開胃，即使份量非常多，但都食得晒😍凍越南三色冰$19濃濃嘅椰香味，感覺好原汁原味，完全唔覺得好甜👍不錯不錯P.S 如果外賣，每樣食物預加兩蚊外賣盒費🙈🙈🙈…Read More

今日在灣仔出没，行到咁上下想坐低休息下食個下午茶，發現左在告士打道55號的這間店LOF10。店內環境很好，座位空間都充足，適合約人坐低傾下計。班尼迪克蛋唔好見佢好簡單只係兩粒蛋，食入口充滿驚喜。個包底係英式鬆餅，中間配上煙三文魚，最上一層就是雞蛋。雞蛋係流心蛋，把三層的配搭食材一齊食入口，又香又滑，覺得自己點這菜式係明智之舉。😆意式黑椒牛肉班尼尼配薯條個三文治烘過，食落又熱又脆卜卜，口感十分，中間的餡肉帶有點咸味，食入口多重口感，好滿足。薯條即叫即炸，不會好油立立，外脆內軟。心總是太軟香濃朱古力味 還有玫瑰花香 非常惹味，配上一杯咖啡，簡值是完美。焦糖鮮奶咖啡 及 鮮奶抹茶兩杯都好好飲，焦糖鮮奶咖啡聞落濃濃的咖啡香，又唔會太甜。鮮奶抹茶的抹茶味都濃郁，好足料。…Read More

放假飲個茶🫖尖沙咀的「陳小館」叫咗8樣點心：。黑魚子燒賣。白金流沙包。金箔蝦餃王。鵪鶉蛋燒賣。紅米金沙蝦腸。有雞先定有蛋先。XO醬蘿蔔糕。椰汁紅豆糕想講啲點心好足料，啱啱鐘意食🦐嘅朋友仔，蝦餃真係有足一隻🦐係一隻餃入面，仲好新鮮好彈牙，鵪鶉蛋燒賣都係一樣，有成隻🦐，燒賣都係大大粒，肉質札實，完全唔係粉漿嘅感覺，係肉丫😆跟住要讚紅米金沙蝦腸，紅色腸粉皮下包住酥脆嘅小夾層，最裏面係滿滿嘅蝦肉，加上熱辣辣即食真係冇得彈，跟住係擺盤非常可愛嘅有雞先定有蛋先（鹹水角加蒸蛋），一凍一熱配搭非常不錯，蘿蔔糕有好多臘腸粒，好香好好食，最後食埋甜品作總結，椰汁紅豆糕嘅椰香味充斥住整個口腔。呢個點心店係免茶錢的，有加一服務費，野食足料又即叫即整，都幾抵食😋坐位都幾舒服，比較多卡位，亦有少量圓枱。…Read More

出街搵茶餐廳食，最鍾意係叫炒野，即叫即炒最好食。見到灣仔道呢間在一樓的瑞士咖啡室，同朋友決定入去試下。正值午市時間，除左平時的餐牌，仲有一張日日更新的午餐餐牌。叫左個瑤柱大蝦蒸滑蛋飯，個蒸蛋好大份好足料。仲叫左干炒黑椒牛柳絲麵，熱辣辣夠鍋氣。👍🏻…Read More

幾時去行街，都會想飲番杯嘢飲，最正就咁去飲返杯珍珠奶茶啦！今日喺銅鑼灣行街，銅鑼灣廣場附近見到天仁茗茶，叫咗杯珍珠鮮奶茶。好飲，而且啲珍珠煙煙韌韌甜甜地，正。新年，杯的包裝也改變了，非常應節。…Read More

未食完，已經急不及待要讚吓😋配炸雞嘅兩個醬超好食-芝士醬、蜂蜜牛油醬今次係東薈城搵咗間韓國餐廳食，banchan & cook，肚餓嘅我叫咗呢啲：。泡菜燉五花肉蛋包飯。烤韓國豆腐配泡菜八爪魚。柑橘有骨炸雞。韓式雜莓牛角包窩夫。溶化朱古力。士多啤梨紅桑子梳打蛋包飯份量超足，好多大大塊泡菜包住五花腩，食到一半已經覺得飽飽地😆豆腐配埋烤八爪魚🐙又係大大份好香，最想讚係個炸雞🍗配咗啲薯條同韓國年糕，本身個柑橘醬好清新好香，試埋芝士醬同蜂蜜牛油醬，一碟炸雞試到三種口味，真係好正👍🏻食到濟濟地飲啖酸酸甜甜嘅梳打水解膩，最後甜品一上，未食已經嗅到陣陣肉桂味，窩夫非常酥脆，同平時甜品店食到嘅好唔同，啲雜莓都係香甜，值得試試因為太貪心叫咗好多嘢食，邊食邊消化坐咗兩個鐘，完全唔覺得過咗咁耐，環境坐得好舒服，全部都係卡位，坐得鬆動，好似坐Café咁…Read More

禁堂食措施下，外賣係打工仔必然嘅選擇，今日同朋友就食咗呢一間叫外賣，發現外賣都可以好高質素。🤓🤓韓式泡菜豬肉便當😍前排經過都未見到佢有依個韓式便當☺️佢嘅韓式便當係有幾格，分別有甜辣醬炒豬肉、泡菜、雞蛋卷同埋少少菜！仲係加咗日本飯漬碎，甜辣醬炒豬肉嘅份量都好多，豬肉係半肥瘦非常有口感👍🏻泡菜辣度適宜，送飯非常正🤤甜蛋質感都好厚實，好滿足嘅午餐！海南雞飯😋非常鮮味可口，雞肉非常滑，仲配搭左幾種點海南雞嘅漲了，令雞肉嘅味道更加提升。雞飯好香，但係又唔會好油，仲配埋蔬菜🥬🤩分量十足。我哋仲加左15蚊要是日西湯，個日的湯係南瓜忌廉湯，聽到覺得非常吸引，飲落口好creamy，仲好有南瓜味👍🏻份量都好大碗，可以同朋友share❤️唔夠蔬菜嘅，加$5仲有份沙律😚😚😚…Read More

行到新北江商場搵吓嘢食，見依家好多人排隊就試吓買，但係覺得座位好狹窄，店內通風好似一般，就選擇買外賣，買完外賣行路返到屋企，中。今次叫左麻辣豬扒麵同麻辣東坡肉，兩種肉都住得非常入味好食，麻辣醬做得幾出色。係湯麵方面比較失望，雖然短短10分鐘湯底仲好熱，但竟然唔係選用湯麵分隔外賣盒。一打開，一夾一條面即刻爛，底的面幾乎變糊狀我覺得店舖應該考慮吓參考/採用新式外賣，分隔湯麵。始終堂食座位有限，附近居民都想外賣返該屋企食。重點係因為疫情，禁堂食嘅話，做好外賣管理嘅工作，生意會更加好。…Read More

同朋友收工去食飯，想坐得舒服啲又想食烤肉，即刻諗起喜來稀肉。第一次嚟呢間嘢食，入到去個環境令我覺得好舒適，座位寬敞，裝修好有特色，最欣賞佢有好大嘅窗戶，疫情下出街食都冇咁擔心。一坐低就已經見到燒烤爐側邊有三碟小菜，有泡菜，洋蔥芽菜，青瓜，仲有燒烤爐側邊有泡菜蛋同芝士蛋，仲有一籃嘅生菜🥬用嚟包燒肉食。以上嘅配菜都可以無限添加， 10分吸引抵食。點菜方面，係會收到QR code之後用電話自己落單嘅，呢種自助模式都幾好，可以慢慢自己考慮吓要食咩。食物方面，點左辣五花肉，有秘製調味料，唔會太肥膩，非常好食。喜來烤肉，好大塊，脂肪比例比較少。純豆腐湯，鮮味十足，有蜆同好大舊豆腐。仲有石鍋拌飯，有牛肉蔬菜煎蛋紫菜，仲有秘製醬撈。…Read More

今日去銅鑼灣行街，特登去登龍街，食下呢間好出名嘅車仔麵 ---- 麵尊。 今次冇嗌佢嘅特色大尊同細尊，反而係點咗啲自己想試嘅配菜。一碗係豬紅 咖哩魚蛋 五香牛腩 河粉 配麻辣汁，另一碗 豬大腸 蘿蔔 酸齋 香菇貢丸 咖哩魷魚 米粉，都係配麻辣汁。落完單唔駛五分鐘已經上麵，而且係熱辣辣。配料方面，咖哩魚蛋嘅 咖哩味唔算好突出，但係魚蛋彈牙。蘿蔔有驚喜，好甜而且冇渣。牛腩炆得好淋，入口即溶。最欣賞嘅都係河粉夠新鮮，而麻辣汁夠辣惹味 👍🏻…Read More

夜晚黑好多在這條街的餐廳都收市了，不做晚市。肚餓想食漢堡包同薯條，見到這家小店，就走入了。叫左個芝士蛋黃牛肉漢堡，加15元有薯條同野飲，個包好足料好好食，價格都算合理。加25元的套餐就可以選配其他小食一款，比如雞翼、洋蔥圈、薯條。…Read More

夜晚要OT，快快趣吃完返去繼續工作，在灣仔區的晚上想不到有什麼好吃的，又想有熱食落肚，最後入左呢間魚蛋粉店，估唔到入到去有粥餐牌，叫左碗肉碎粥，有點咸，本身不抱太大期望，還算可以啦～…Read More

打邊爐係香港冬天指定動作，四周圍都係邊爐，食過咁多間，想食一間特別啲嘅，今日嚟到旺角發現呢間台式火鍋店，係可以飲埋湯底嘅火鍋由於店舖位置喺地庫，所以要行兩層樓梯落去，但係呢條樓梯都好特別展示左兩幅好特別嘅貓貓壁畫，可以邊行邊打卡。店舖內環境10分舒適，座位闊落，環境衛生10分好，係二人撐枱腳嘅好地方我今次就點左招牌夫妻鴛鴦鍋（麻辣鍋+美人花膠雞鍋）麻辣鍋入面有鴨血同豆腐。湯底仲有好豐富嘅調味料，包括有花椒、炮椒、紅棗、八角、蒜苗等等，真材實料。花膠雞窩更加不得了，份量十足嘅花膠同雞，雞肉嫩滑，烹煮花膠嘅時間10分足夠，非常軟身，兩個鍋都好飲到不得了另外仲點左啲食物：手切牛小排，我雖然叫咗細份量，但係份量比兩個人食都非常之足夠，牛肉花紋非常靚，脂肪分布均勻，肉質非常軟身團團圓圓，即係八粒非常大非常彈牙嘅肉丸🍡（手工蝦丸、墨丸、松露丸、梅菜豚肉丸）。豚肉鳳梨酥，非常有創意，令人食正餐都會諗起台灣嘅特色美食。不過呢個咁有創意可以用來打邊爐嘅鳳梨酥，係用豬肉丸，包住鳳梨餡，鳳梨餡酸酸甜甜，好開胃瓜熟蒂落，係一份種類繁多嘅蔬菜、油麥菜、皇帝菜、生菜、粟米、菇、蓮藕、薯仔等等，非常抵食每樣嘢嘅份量都非常之多，雖然點左四個餸，但係加埋火鍋湯底嘅材料，眼闊肚窄，兩個人差啲食唔晒…Read More