月藍's Profile

同大角嘴做完義工，同兩個朋友係附近搵飯食，平時飲茶幫襯開好彩，見到有就試下大角嘴呢間好彩。一行三人，叫左個住家全包宴，238包埋茶芥，雖然係二人份量，但見咁多個餸，三個人都夠食。先來係蟹煲，隻蟹雖然唔係羔蟹但都大大隻，而粉絲底吸哂蟹味，勁鮮甜。而條石班都算大條，好滑﹐吊燒雞夠哂味，咬落皮脆肉嫩，不過隻雞真係好肥美，唔知算缺點定優點!而魚湯腐竹浸時蔬魚湯魚味好濃，用來送飯都唔錯。菜色賣相跖係好華麗，但味道依然有水準，特別係個蟹煲真係一條粉絲都食哂，而食完仲人人有糖水同生果，而且仲有張100蚊coupon，下次食滿500就可以當100蚊用，三個人，計返都唔駛90蚊，仲有咁多個餸又甜品又水果，都算扺食。…Read More

舊同學聚餐，今次去尖沙咀帝國中心的好彩。一入到去，覺得個場好靚，而且落地玻璃對住無敵海旁夜景，可以一路一飯一路望維港夜景增添興致。菜點了不多，脆皮燒雞真係做到皮脆肉嫩，隻雞都大隻；而另一味就係蝦仁蝦乾炒蔬菜。蔬菜有蓮藕西芹，蓮藕爽甜，蝦仁都好大隻，好爽口，不過蝦乾就咸了一點。重點推介上湯龍蝦，真係啖啖肉，蝦肉吸收湯的味道，咬落好鮮甜，雖然這味菜等得比較耐，但等耐點都值得。甜品方面都還可以，我點的芋泥也算好食。整體來說場地就很不錯，食物味道也好，只是價錢貴了一點。…Read More

去旺角食飯，點知間間都要等位，最後搵到係新寶戲院隔離間椰林閣勁多位，睇個餐牌一個晚餐都要70蚊，諗住都唔會太差，所以幫襯，但結果有點後悔。三個朋友叫西冷扒，我叫黑椒牛柳。先來個餐湯，朋友的羅宋湯夠濃，說味道可以，但我點的忌廉湯勁淡，無味仲要表面係有層唔知水定油。到主菜，我的餐有炸軟款蟹，但粉勁多，根本食唔出係蟹；牛柳就還算不錯，仍能食出牛的鮮味，叫七成熟就真的接近七成，但黑椒汁是甜的，沒有黑椒味。朋友點的西冷扒，叫八成熟，結果像是五至六成熟，不過味道都不算太差，差的是飯，生硬，冷。而薯菜則是馬鈴薯切片而不是炸薯條，淡而無味而且還是冷的。一個小節可以留意，場內有一半空位，侍應應該有時間，但坐了個多小時，從沒有侍應來加水。不過，環境是舒適的，而且人不多，可以坐很久，三五知己想在旺角聚，都可以考慮椰林閣，只要大家都不太著重食物質素。…Read More