big smile's Profile

下晝兩點幾嚟到呢度，點左兩個午餐。午餐包沙律、湯同埋一杯飲品。1. 烤加拿大豬鞍扒餐 $158 豬扒肥瘦度啱啱好，烤得個面有少少脆，而肉質亦不會「鞋」，值得一讚！蘋果醋汁甜酸度適中，同個豬既味道好夾！2. 冬陰功軟殼蟹漢堡餐 $168軟殼蟹成隻上，冇特別調味。係麵包上搽咗啲冬陰功醬，味道都唔錯！兩個餐嘅配菜都係薯仔南瓜同埋菜，配菜製作認真，味道都好好！睇得出兩個餐既擺盤亦有花心思！我同友人亦點了hojicha latte 同埋紫薯latte （午餐各加$6）, 味道稍為偏甜左少少。前菜的沙律則普通。埋單要加一，總括價錢上有少少貴，但食物質素確實不錯！P.S. 平日3點後keep住有客入黎食野，人氣幾旺！…Read More

👇🏻鰻魚滑蛋牛角包👇🏻之前食過呢度嘅鰻魚覺得十分肥美好食 今次再Encore, 不過揀左配牛角包，又估唔到味道好夾！滑蛋又真係好滑，個人覺得女士食量唔太大又鍾意食鰻魚可以嗌呢個（佢有另一款係鰻魚飯）👇🏻澳洲M5+和牛肩肉溫泉蛋飯👇🏻呢個都好好食，和牛肩肉好嫩口，飯係珍珠米，蛋漿拌勻和牛飯黎食嘅味道真係好正！如果真係要挑剔，就略嫌和牛不夠烤香的味道。👇🏻Mocha👇🏻飲品要散叫，咖啡味濃厚不會太甜！值得encore 再Encore! …Read More

一直鍾意幫襯小店，今次下午茶時間黎左呢間一路bookmark左既four x four 👇🏻芝士菠菜蘑菇多士👇🏻（唔肯定全名係咩😅）依個上枱個陣我同友人都嘩一聲，因為估唔到下午茶既賣相都絕不馬虎！事實係味道都好好食而且十分足料! 簡直想Encore!!Tea set每個都係$60左右包埋嘢飲，真係太抵…Read More

知道The Pantry係新世紀廣場開返好開心，因為當初係Elements 店食過佢嘅souffle pancake, 覺得簡直係全城最好食嘅pancake！想再去食返嘅時候佢已經執咗今次因為係去食lunch所以淨係嗌左鹹點：👇🏻Burger with chips set 👇🏻味道不錯，塊牛略嫌唔夠厚同Juicy, 薯條普通👇🏻檸檬汁煙三文魚長通粉set👇🏻依個唔太得.. 首先個賣相相當平庸，份量都比較少，至於味道.. 太酸！感覺檸檬汁落得太重手！飲品方面，因為lunch set 可以加$25 要杯朱古力奶昔，又幾好飲wo! 下次會再黎不過係試下呢度既pancake, 希望keep到原來水準！ …Read More

放工行過金馬倫道, 唸起有依間"香港郵意", 記得之前睇openrice見食評幾好就決定試一試。最低消費為每人一杯飲品, 和同行友人分別點了熱朱古力($48)及熱香芋奶($48), 另外還點了龍蝦蕃茄意粉 ($98) 及黑松露雜茵意粉 ($78)。首先環境來說是開放式的, 挺開揚, 但餐桌座位等都看似有點污糟! 飲品的價錢算偏貴, 熱香芋奶完全冇味, 熱朱古力的味道比茶餐廳還更遜色至於兩個意粉的味道都還可以, 不算特別出色。比較奇怪的地方是, 餐廳放了飲水用的杯, 但問員工哪裡可以裝水, 她們竟然說沒有水! 而下單的時候問了職員小姐幾個問題, 佢每個回答都係1-2個字, 惜字如金! …Read More

見裝潢幾特別就入去叫左4個菜，但可惜冇一個係好食的!肉骨茶：侍應話唔辣, 但其實係幾辣下! 除了辣就只有苦味!牛油雞翼：味道OK, 但真係太油, 成張吸油紙都吸唔晒D酒油菜苗: 好大碟, 食落有種好怪的鹹味! 越南炒飯：完全冇味! 唯一比較好的就是服務, 基本上一揮手, 侍應就好快會過黎~ …Read More

假日晚飯時段和友人二人用餐, 餐廳不算很大, 幸好不用等位點了芝士午餐肉飯捲 、海鮮煎餅及芝士牛肉蓋飯。整體份量大, 味道算不錯! 海鮮煎餅尤有驚喜, 可以一試! …Read More

一直很想試這家的雪糕, 去到朗豪坊見唔駛等位便二話不說衝去落單!因為同友人一齊, 叫左個二人份量的下午餐, 包: 1個雪糕, 1個綠茶芝士蛋糕, 1杯飲品(叫左melon juice所以要加$20) 共$165雪糕雲呢拿溝綠茶味, 真係十分creamy, 好好味! 茶味不算十分突出, 是那種有點像雪糕車較為奶味濃郁的雪糕! 如果喜歡雪糕厚身些的朋友應該會十分喜歡這個雪糕! 食到味覺得有點太甜。綠茶芝士蛋糕比我想像中好吃, 綠茶味不算太突出, 但意外地芝士蛋糕的質感很軟綿綿, 而且芝士味豐富之餘不會太搶味道! 不錯不錯!蜜瓜汁單點一杯原來要$68! 幸好沒有單點, 因為略嫌味道太清淡, 有點失望! 而且也只是小小的一杯! 個人認為可以唔駛加錢試這個蜜瓜汁。…Read More

假期既中午時間黎到, 唔駛等位就入得。叫左兩款menu都有推介的食物, 但兩款都令人失望!1. 黑松露蟹肉炒蛋牛角包 雖然聞到黑松露味, 但入口黑松露味極淡! 而且蛋也炒得過火, 很硬身也不滑! 整體食落冇咩味!2. 三色多士其實即係有3款不同口味的多士 (煙三文魚, 蕃茄及磨菇 )每款有兩塊。一見到賣相就知自己中伏! 廚師只是將三種材料放到多士上,再加一些類似沙律醬的醬, 可以想象到到製作過程是十分求其! 味道一般般, 煙三文魚配沙律醬反正味道不會差得去邊, 至於另外兩款味道更是麻麻地!另外點了玫瑰朱古力及mocha, 味道普普通通。…Read More

6點幾見冇人等位就入去試試佢既綠茶麵同甜品。1. 綠茶蕎麥麵 (凍食)$78 個麵太硬太凍, 雖說是凍食, 但食落口好似食雪糕咁凍, 個人認為凍過頭! 麵條太硬欠缺煙韌! 冷麵汁也只是普通日式冷麵配的那種, 比不上之前在京林屋吃過的綠茶蕎麥麵! 很失望呢!2. 綠茶烏冬 (凍食)$78烏冬口感比蕎麥麵好, 可惜都是完全沒有綠茶味!3. 焙茶芭菲 $98 芭菲材料很多: 忌廉、丸子、焙茶雪糕、紅豆、脆米; 可惜就是有種太雜亂的感覺。寧願它多一球雪糕, 少一些紅豆/丸子! 丸子也太大粒, 芭菲吃起來很不方便味道也沒有驚喜!注意: 每位客人另收$10茶芥整體而言是失望的一餐, 食物質素跟價錢不成正比呢! …Read More

上環一帶都有不少有格調的咖啡廳，今次就試試這間自稱 “Word’s second best coffee” 的The Cupping Room.食物唔算平，一個Avocado toast都要過百蚊。我同友人點了： Avocado on Toast with Poached Egg, Egg Benedict 同埋Mocha.Avocado on Toast with Poached Egg $128 味道偏淡，sour dough 唔會太乾身，而且加了少量烘過的almond, 所以食落有少少烘焙的味道，依點值得一讚！不過整體真係冇咩味。Egg Benedict with Smoked Salmon $128 都係同一個問題 - 味道太淡！個荷蘭汁質感太稀，而且三文魚也只是薄薄的一片，整體味道一般，不太推介點這個！Mocha $48入口順滑，略嫌太苦，而且沒有朱古力味。值得一讚的是食物同埋咖啡的presentation真係好靚好有風格，而且環境算舒服！可惜價錢與質素不成比例！…Read More

黎第二次，係因為捧綠茶麵場！綠茶蕎麥麵 $78 第一次叫既時候會唸個麵冇肉又冇咩配菜會唔會太單調，但其實係唔會架！個麵好好咬口！冷麵既配汁既同平時食開既汁係差唔多，不過依度仲會有埋蘿蔔蓉同埋切好左既菇俾你拌入，好好味！個人建議可以加少少佢提供既wasabi入個汁度，成個感覺會好夾！金目鯛飯配焙茶 $108睇食評見到有人推介這個飯，沒想到真是很！好！吃！金目鯛魚十分肥美，它的魚汁連埋醬汁一齊食真係人間一大美食！稍嫌不足的地方是個飯有點乾身，而且完全冇味，一定要連金目鯛魚一齊食！唔鍾意太肥美的魚的朋友可能會唔太喜歡這個飯呢焙茶卷蛋配玄米茶 $108 兩次黎都食唔成焙茶芝士蛋糕，好可惜呢！依個蛋卷味道正常，如果中間焙茶忌廉個度可以多些就好喇！蛋卷配上焙茶雪糕，味道比較清淡，不算太creamy，如果食開H牌雪糕應該會覺得這個雪糕太淡！綠茶芝士蛋糕 $88 不推薦大家點這個綠茶蛋糕！本以為這餐廳的茶類甜點會是皇牌，誰不知兩款甜點都令人失望，由其這個！首先，切下去已感覺到它快要整個散開，質感很不好呢！吃下去味道更是普通，偏乾身，而且完全不夠綠茶味！…Read More

因為有voucher又知道依度有海景睇，所以同朋友黎依度食lunch。依度既lunch好似只限平日，黎食lunch既話最好打電話confirm 一下！依間餐廳（正確d講係bar & restaurant) 係怡東酒店34樓，lunch可以揀semi buffet 或者3-course set lunch, 由於同友人胃口都不大，我地叫左兩個set lunch:1. Braised beef cubes with mashed potato 最初waitress問我地想要幾成熟個時我地都心唸：乜依個牛柳粒仲可以揀幾成熟咁好既！咁我地就要medium rare. 等左好耐先有野食黎到，點知食落去，超硬，超老！直頭係over-cooked! 我地叫個經理黎同佢講我地要medium rare, 但個牛好明顯係全熟同太韌！個經理就覆返我話佢地個同事講錯左，依個牛冇得揀幾成熟，因為係一早燴好左！我同友人都心唸：咁既然依個牛燴左咁耐既唔係應該好‘諗’架咩！我同友人食左1、兩塊已經食唔落！淨左好多係度！2. Red snapper with pea puree and deep fried cuttle fish依個魚都係同一個問題：煮得熟過頭！不過佢有少少炸左既魷魚叫做個味冇咁單調，但都係唔好食!Set lunch仲有fruit plate / 甜品，我地叫左甜品，係3個迷你甜品： 朱古力撻，同埋兩個不知名既甜品，全部都係：麻麻地！估唔到係5星級酒店裡面會食到咁伏既野食！依餐如果正價食每人都要$300，好在我地有voucher, 唔係就真係想反枱😵😵…Read More

如果食厭太古城中心及康怡廣場的連鎖餐廳, 推介大家必定要試這間由太古站行5分鐘左右就到的 "Ban Thai 泰屋餐廳"!這裡雖然冇咩裝潢, 地方不大, 但食物味道卻很不錯, 很有泰式風味! 推介大家必點"泰式燒雞"! 泰式燒雞 燒雞需要燒大約15-20分鐘, 一上枱已經聞到很香而且雞皮係燒得好脆好靚! 雞肉亦非常嫰 (當然總有一、兩件係相對沒有那麼嫰)。我和朋友都吃得很安静, 因為大家都只顧一直吃燒雞, 完全沒有空檔講野燒肉炒芥蘭去泰菜餐廳我總會點一道菜, 不知為何總覺得泰式餐廳炒的菜特別好味, 特別有"鍋氣"! 這個燒肉炒芥蘭也炒得不錯, 就是嫌份量稍為少了一點!我和友人也各點了一個椰青, 很甜也夠凍! …Read More

一直都喜歡吃中式點心, 今次特地試試比較新派的點心餐廳。很快就點了餐單中兩個必食之選：猛虎咬豬($39)及白玉王鴿($25); 另外也點了：松露香菇($49)、鹹蛋黃苦瓜($89)及、醉雞($79)及木糠奶凍($36)作甜品。猛虎咬豬($39一件)其實是"豬腩肉包"。上枱時有些意外份量是這樣大! 豬腩肉整片以中式包夾著, 令我聯想到同樣在中環的Little Bao (Little Bao價錢起碼貴一倍!)。咬下去最初幾口啖啖肉, 可惜因為其他材料如菇、酸菜全都被放在包的底部, 令食客在一開始只食到包及腩肉(而且不算很多汁), 而最後幾口則只剩下其他配菜。個人也認為可以多加一些醬汁及再重新安排一下腩肉及其他配菜的位置, 這樣才可以吃到更整體的味道! 白玉王鴿($25)果然是必食之選。我和友人都是吃完豬腩肉包才吃這個, 沒想到乳鴿仍然熱著! 乳鴿皮脆惹味, 肉質也很嫰, 真想再多叫一隻, 可惜堂食一人只限叫一隻。餐廳細心的提供了濕紙巾及手套, 值得一讚! 但其實手套有些過薄, 所以食過乳鴿後, 手裡還是會沾上油分, 要再用濕紙巾。松露香菇($49)其實是香菇樣子的一個中式包, 包很鬆軟, 稍嫌不夠汁, 吃下去有些乾。碎雞 ($79)我地叫的不是大份, 味道跟一般的碎雞差不多, 沒有特別的評價。鹹蛋黃苦瓜($89)本身不太好苦瓜, 見這個用鹹蛋黃炸出來(起初以為是炒), 想必味道應該易入口很多。但對我來說, 還是有點苦了! 木糠奶凍($36)奶味不夠濃, 吃到大部分的都是甜味。加分：店員都很有禮貌, 而且很快就幫你加茶!…Read More