fai.lok.mode's Profile

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻📸打卡指數： 👍🏻👍🏻👍🏻👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻👍🏻fai.lok去左𝘿𝙖𝙧𝙠𝙧𝙤𝙤𝙢飲野chill下𝘿𝙖𝙧𝙠𝙧𝙤𝙤𝙢 係中環最近新開張的酒吧有各款自家特色的Cocktail,同埋LKF好少搵到的Whiskey(想試可以搵佢地介紹俾你)星期五六會有Live band show表演,可以自由點下歌至於環境都非常闊落,仲有LKF酒吧中最大的VIP room(VIP room仲有齊唱K設施)🍸 Darkroom Mary Darkroom Mary 係𝘿𝙖𝙧𝙠𝙧𝙤𝙤𝙢  signature Cocktail！幾特別辣味🌶️仲有小食陪襯🍸Ocean Waves & Whiskey藍色甜甜的,唔係好濃酒味,好似岩晒好少飲酒的你對Whiskey有興趣又唔識揀,可以搵佢地介紹俾你今次Whiskey就飲左杯釀製特別啲的Whiskey, 所以Whiskey香氣層次好豐富, 餘韻好長非常值得一試!…Read More

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻📸打卡指數： 👍🏻👍🏻👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻fai.lok今日去市區搵到一間復古風餐廳，淨係見到門面已經忍唔住想入去😍門面岩晒打卡📸唔好以為餐廳只係外面好睇，入面店主都好花心思，每一個位都裝飾得好靚👍想知道又靚又好玩地方?  fai.lok.mode仲會係社交平台分享相片同攝影心得  ______________________________芝士旋風蛋包飯 ( $88 )見好多人點，可能個外型好吸引，食落先發現原來芝士同滑蛋做得好夾，係旋風狀滑蛋加上芝士真係好有心思，滑蛋表面固狀，但內裡半流心，記得撈埋啲飯食，更加特顯滑蛋細滑同味道。鰻魚玉子燒伴炒麵  ( $158 )本身依個鰻魚玉子燒伴炒麵係fai點，但lok發現依個鰻魚係無細骨，lok已經自己搶左黎食😂鰻魚表面微烤過，令到醬汁更入味同香口，而且仲要做到外脆內軟，玉子做到軟身又唔散，口感好好。炒麵都有好多料，木魚碎,紅蘿蔔條,椰菜,洋蔥，大大份包你食得飽。升級$48 是日甜品&特飲fai.lok覺得依$48一定要加，因為杯特飲冰藍色好靚，打卡真係一流👍而且仲有個雪糕係上面，最愛有埋雪糕的特飲，有得食又有得飲。另外是日甜品，唔好睇佢寫是日甜品就以為會好馬虎，已經好耐無食過個窩夫可以腍得黎又好彈牙，最重要最重要係中間有麻糬‼️‼️煙煙韌韌好正，而且仲要配埋沖繩海鹽雪糕，真係落足料。Shibui 可樂餅 ( $98 )fai.lok係見到佢材料係用宮崎A4和牛整，所以心郁郁叫埋😋平時和牛漢堡包就見得多，和牛可樂餅真係好少見，仲要係自家手打製做，外層好脆，和牛餡料就一定Juicy，但無諗過整做可樂餅到可以咁好食。…Read More

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻📸打卡指數： 👍🏻👍🏻🪑環境衛生： 👍🏻👍🏻👍🏻🤵🏻店員服務： 👍🏻👍🏻👍🏻👍🏻街角的一間隱世拉麵店，麵店正對面，有兩邊鋪位，裝潢就好簡單，座位唔係好多，但拉麵質素就非常好。想知道又靚又好玩地方?    fai.lok.mode仲會係社交平台分享相片同攝影心得 ______________________________拉麵DX ( $85 )因為DX拉麵，又有蛋，叉燒又中份量，感覺最抵食，叉燒肥瘦適中，而且好腍，但比一般薄左少少，但佢都好大舊下，所以打返個和，最重要都係個叉燒好食。溏心蛋無咩特別，咬開做到溏心效果，雖然無咩特別，但拉麵一定要有埋溏心蛋先係拉麵。麵質彈牙，湯底濃味又唔會太油膩。…Read More

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻📸打卡指數： 👍🏻👍🏻👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻因為lok好鍾意依個牌子既蛋糕，所以近排生日買左黎慶祝。想知道又靚又好玩地方?    fai.lok.mode仲會係社交平台分享相片同攝影心得______________________________水蜜桃配皇家茶蛋糕 ( $405 )因為夏天，水蜜桃蛋糕 係季節限定，聽店員講都幾推介，就買左依款。因為兩個人食，揀左細size，加埋生日牌，要$405，不過兩個人食細size都係食得一大半，lok鍾意食，係因為佢啲忌廉打得好綿又唔甜唔流唔膩，口感鬆軟,海綿蛋糕都好軟滑，中間切開好多水蜜桃果肉，佢地仲要係用高質水蜜桃。…Read More

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻📸打卡指數： 👍🏻🪑環境衛生： 👍🏻👍🏻👍🏻🤵🏻店員服務： 👍🏻👍🏻👍🏻fai.lok係大埔汀角撐獨木舟，水中天休閒釣魚會 成為我地中間休息同食野既地方，水中天係魚排，好多人釣魚同燒野食，我地泊左個艇就係士多叫野食。想知道又靚又好玩地方?    fai.lok.mode仲會係社交平台分享相片同攝影心得 ______________________________基本上去得郊外有個餐蛋麵食下已經好滿足，佢地仲要有海鮮麵，感覺好豐富。可樂 ( $11 )做完運動飲冰凍可樂，好爽海鮮麵 ( $45 )海鮮麵都好豐富，有蝦有墨魚有蜆，當然就唔係大大隻個隻，但份量一啲都唔少。墨魚麵 ( $45 )墨魚份量就好多，仲要都好大粒，食落又彈牙白灼蝦 (細)  ( $150 )fai.lok因為係同2個朋友一齊去，所以夾份叫左個白灼蝦，細份既白灼蝦都已經好多，已經好夠食，而且仲要好大隻，大隻過海鮮麵個啲蝦。…Read More

🍔食物質素：👍🏻👍🏻👍🏻💵價錢性價：👍🏻👍🏻👍🏻👍🏻📸打卡指數： 👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻黎到粉嶺，無諗過都可以食到性價比高的牛肉，仲要有多國靚牛肉，重點❗❗如果對自己燒肉技巧有信心，記得唔好坐中間個排。因為中間個排係電子爐，唔係太熱，好似慢慢燴熟啲肉咁，令到啲肉會比較乾。坐兩邊卡位就係明火，真正的燒肉，當然要小心煮燶。想知道又靚又好玩地方?   fai.lok.mode仲會係社交平台分享相片同攝影心得 ______________________________依到仲有放題食，不過fai.lok都有啲飽所以無特別食放題，fai.lok啲朋友有叫丼飯，fai.lok都有試過，覺得自己燒好似好食啲，可能因為可以即燒即食，或者係因為fai燒得太好😂豚肉國王樣套餐 150g ( $62 )fai.lok對150真係無咩概念，淨係諗住試兩類肉，同埋lok食得唔多，所以一個叫多啲，一個叫少啲，其實一人份量黎講，佢有飯有湯有小食，食150g肉都真係夠，fai覺得豚肉黎講，薄薄大大片個啲都好好食，一大塊放入口，好香燒肉味。澳洲燒肉盛合套餐  300 g ( $148 )唔好睇依個套餐牛肉得M2,M3，燒出黎啲牛肉唔會輸得過其他燒肉鋪，因為佢地薄切，令到牛肉好易熟，容易鎖住啲肉汁。❣️fai.lok小總結:無特別食最頂級牛肉，至在燒下肉，但普通牛肉都唔輸蝕，食落都津津有味。記住如果對自己燒肉技巧有信心，一定唔好坐中間電子爐，坐卡位明火爐。…Read More

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻📸打卡指數： 👍🏻👍🏻👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻fai.lok今日去到天水圍影相，俾我地搵到一間好岩打卡既隱世居酒屋佈置好有返到日本既感覺😍想知道又靚又好玩地方?  fai.lok.mode仲會係社交平台分享相片同攝影心得______________________________千葉鳥丼  ( $138 )要食刺身丼飯，fai.lok通常都會揀招牌，貪佢最多刺身料可以試，睇落以為細細碗，但就材料十足，馬糞海膽鮮甜，出色，幾欣賞佢用鵪鶉蛋，撈飯都會香口啲，同埋佢八爪魚係用芥辣八爪魚個種，因為fai好鍾意食依種八爪魚。南非生蠔 ( $35@1 )無特別揀啲貴生蠔食，純粹想過下生蠔引，但都有驚喜，好有海水味又新鮮，薄薄地但真係好鮮甜，差啲忍唔住想叫多兩隻😂串燒鹿兒島和牛粒(2串)  ( $68 )和牛粒燒得好香，好重牛味鹽燒厚切牛脷心 (2串)  ( $58 )成日覺得牛脷就會好鞋，但千葉鳥係燒牛脷心，唔鞋仲要好爽口，好覺得推介，仲要厚切大大舊好滿足。串燒走地雞胸三角軟骨 (2串)  ( $29 )雞肉好嫩滑，完全唔似食緊雞肉，雞胸三角軟骨依個位真係第一次食，醬汁味道唔錯燒極上味醂雞泡魚干  ( $46 )食開雞泡魚干的朋友要點，佢用特製醬汁燒到雞泡魚干甜甜地，雞泡魚干又燒得好香脆，送埋啤酒就一流❣️fai.lok小總結:食物質素非常好，而且仲可以打卡影，好有返左去日本居酒屋的感覺…Read More

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻📸打卡指數： 👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻今日fai同4個朋友仔又食素想知道又靚又好玩地方? fai.lok.mode仲會係社交平台分享相片同攝影心得______________________________ROCCA DEI FORTI  ( $228 )太耐無見朋友，盡興叫左香檳，因為珺有無酒精香檳想試下，酸味味好似真係飲緊真香檳咁。純素椰子蜜鳳尾蝦  ( $128 )雖然蝦肉，係素食黎講都易模仿，但廚師唔單只將餡做到好彈牙，外層仲要煎得好香，令到食物更加似煎大蝦。而椰子係啲椰子啫喱粒。雙色蘆筍鮮百合素魚翅  ( $148 )炒啲百合好香，仿魚翅黎講，睇落有啲硬，不過一條條食落口感唔錯。 雞頭米雙色淮山配青汁 ($ 128)個卷唔太特別，可能入面係紫薯，食落就普通啲。玫瑰叉燒 ($ 118)好似叉燒，仲要燒到燶邊就更加似。純素椰子蜜大樹菠蘿姬松茸  ($128)姬松茸好好味，有菌味，又炸到好脆君子炒飯 ($148)少少似黑松露炒飯，好香口素海鮮貝殼粉  ( $128 )好普通的一個貝殼粉脆皮燕麥奶  ( $68 )依個脆皮燕麥奶好好食，個脆皮係類似日本炸吉列個種皮，加上半流的燕麥奶，真係非常香脆。焦糖蛋糕  ( $78)好好食，不過比想像中細份好多❣️fai.lok小總結:係中環食素食餐都係會少少貴，不過食物質素就好一流，只係份量就唔係太多。…Read More

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻📸打卡指數： 👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻好耐無食自助餐，所以搵間有蠔食一次過滿足下。想知道又靚又好玩地方?   fai.lok.mode仲會係社交平台分享相片同攝影心得______________________________法國生蠔即開生蠔好重海水味，薄薄地，唔係好飽滿個款，法國生蠔正正就係食個種鮮甜🦪和牛漢保扒因為夏日主題和牛自助晚餐，每人只可以拎一次，但依塊野好over cook，可能因為漢保扒唔能夠即叫即整，一次過整又控制唔到每一件，又會放左好耐，完全感覺唔到佢原本係一塊和牛。泰式香菜辣炒焗龍蝦鉗依款龍蝦鉗好野味，少少辣，食到唔停口火炙芝士忌廉波士頓龍蝦fai本身都偏好芝士龍蝦，而且龍蝦奐好新鮮所以食左好多舊，可能太人排隊，師博火炙得太短，耐一兩下就完美鰻魚串燒燒得好香，又無骨，而且好重鰻魚醬燒味鴨肝鍾意鴨肝一定要食，煎到出左好多油，好香，加上少少山楂蘋果汁吊味飲品飲品有少少淡楊枝甘露因為飲品唔好飲既關係，我搵到楊枝甘露之後，直接將楊枝甘露當飲品牛肉叫師父切薄啲，食落口感無咁un…Read More

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻📸打卡指數： 👍🏻👍🏻👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻未試過係酒店入面日本菜，今次黎開下眼界。想知道又靚又好玩地方?  fai.lok.mode仲會係社交平台分享相片同攝影心得______________________________ 香田lunch係半自助餐，全部整好一小碟，精緻又衛生👍關東煮關東煮整到好彈口，好似食緊魚蛋咁😂佢個湯底好甜，值得一推漬物盛鍾意漬物盛可以試下，fai麻麻地就唔評論蕎麥麵一般般中華沙律普通外賣個啲中華沙律野菜沙律以咁細個碟黎講，啲菜有啲太大舊柚子胡椒松葉蟹肉脆餅小食重頭戲黎啦，依個松葉蟹肉溝埋啲醬，好鮮味，又有松葉蟹味，fai好似拎左好多次，食完又😋味噌蟹膏甲羅燒依個咸咸地幾好味日式薯仔沙律依個都幾好食，薯仔好滯，所以都係食左幾啖串燒串燒兩款都好好食，好少食到燒冬菇都好食，仲保留到好多汁。牛肉飯終於到主菜牛肉半生熟，又多汁又嫩，加埋蛋汁，根本係牛肉飯絕配龍蝦飯以為牛肉飯已經好正，之後再黎一個龍蝦飯，龍蝦飯又靚，淨係打卡已經一流，一陣厚厚芝士放上大大龍蝦上面，而且仲配埋蟹籽，係失色在無更多芝士醬放埋去飯到，所以食飯時感覺有啲乾。到甜品時間，感覺無咩特別，所以都係食生果，每東樣生果都試左，樣樣都好甜。❣️fai.lok溫馨提示:  💡早3日book 位會送串燒…Read More

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻📸打卡指數： 👍🏻👍🏻👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻🚇港鐵旺角東站步行去MOKO就可以去到酒店中菜餐廳，非常方便。想知道又靚又好玩地方?  fai.lok.mode仲會係社交平台分享相片同攝影心得______________________________黎到帝京軒，太多菜式唔知食咩好，之後見到套餐，信用卡有優惠就叫左，5個人食真係食唔曬，建議套餐可以搵多啲人。叉燒-大大份,燒得好好食落足料，啖啖都好好食一魚兩味各有千秋，不過始終都係蒸魚更加有魚味。真係好抵，個套餐仲有靚飽魚蟹球FAI太鍾意食珊瑚蚌同大蝦，食左好多最無驚喜就係隻雞粒粒分明，個飯都唔錯兩款點心都好好食，就算飽都有食埋❣️fai.lok溫馨提示: 💡好多信用卡係帝京軒都有優惠，可以留意下…Read More

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻📸打卡指數： 👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻fai見到段純貞12點未開鋪就有人排隊，所以就決定食佢😂想知道又靚又好玩地方? fai.lok.mode仲會係社交平台分享相片同攝影心得______________________________普通一碗麵都係80蚊到，有午市套餐可以揀。午市組合麵食- 紅燒腱心半筋半肉牛肉麵 ( $138 )fai好鍾意食有牛筋又有牛肉，依個牛肉麵唔只做到，佢啲牛肉紋理仲要好好，包含左少少筋位，更加有咬口，牛肉整體仲要好彈口，好高質。叫左手工麵，好粗好粗，唔好得佢幾條，食完真係好飽，同埋手工麵好有趙口，真係可以一試。午市組合小食- 鹽酥雞一般鹽酥雞都係一塊塊，但佢就係一粒粒，食落唔鞋，仲要好香調味。午市組合- 招牌珍奶 ( $138 )好老實跟餐珍珠奶茶就唔好預期太多，飲落不過不失。如果見組合飲品唔夠吸引，可以淨叫麵，自己再叫特色飲品。❣️fai.lok小總結:$138午市組合就有少少偏貴，不過得閒放縱下都唔錯，同埋佢啲牛肉麵真係好高質，下次會再黎叫個淨麵食，啲牛肉真係好正。❣️fai.lok溫馨提示: 💡12點開鋪，早5分鐘就有人排，不過唔算多，但fai食完就好多人要等位…Read More

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻📸打卡指數： 👍🏻👍🏻👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻漫花燈火OMG 闊別兩年，終於捲土重來同我哋再見面啦😍我哋一入到餐廳啲裝修真係超級無敵靚！一打開大門，係漆黑一片侍應會指示你打開面前嘅門簾。打開之後你就會進入萬花筒鏡面隧道，完全想像唔到香港會有咁靚的餐廳🌈基本上入面每一個位都係打卡位😂想知道又靚又好玩地方?     fai.lok.mode仲會係社交平台分享相片同攝影心得______________________________黃金蟹肉黑橄欖醬意大利粉 ( $188 )黃金蟹肉就非常多，直接一堆放係意粉上面，但意粉份量就真係唔係夠，黑橄欖醬落左少少，無遮到蟹肉味道，精緻野推介。FIKA  ( $128 )FIKA 雲朵甜品，雲朵同藍天都係軟綿綿又唔甜，幾好食，到個綠地可能要做到一舊舊，佢就用左好多餅底碎，口感麻麻，整體唔係好甜，而且個藍天白雲加綠草地都好靚，岩曬打卡。OMG 5C ( $88 )彩虹果汁，紅:車厘茄及山楂橙:香橙及白桃黃:菠蘿及荔枝綠:青提子及青蘋果紫:火龍果及紅桑子每款配搭都唔錯，打卡彩虹又好靚，但始終係果汁，放得耐水同渣會分開，所以飲之前要搵野搞搞。fai.lok小總結: 地方裝潢好靚，鍾意打卡就一定要去，不過價錢偏貴，但食物賣相好靚。雖然味道都唔錯，但唔好去到太大期望。❣️fai.lok溫馨提示:💡要先預約，walk-in 係無機會有位(可以電話,上網預約/睇空置座位)💡預約人數比較多，記得提早好多預約定💡甜品供應數量有限(fai.lok 2點用餐，潘朵拉的盒子已經售罊)💡用餐時間2小時，每位最低消費$200💡餐廳大約有12張枱，所以唔係好迫，咁就唔會有人攝鏡…Read More

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻📸打卡指數： 👍🏻👍🏻👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻去完馬灣沙灘影相多數會好熱同好渴的時候，最岩就係去SOL到嘆冷氣同買凍飲🥤🤤除左pet friendly 之外當日仲有liveband 🎤吸引左唔少年輕人😎想知道又靚又好玩地方?    fai.lok.mode仲會係社交平台分享相片同攝影心得 ______________________________ Iced Latte ( $42 )咖啡同奶漸變效果，賣相非常靚好重奶香，淡淡Latte帶點咖啡味。紅豆冰- 焙茶紅豆latte  ( $58 )紅豆加上微香的焙茶味，依種先係真正紅豆冰， 依個紅豆冰仲有丸子🍡 整個味道好正!fai.lok小總結:焙茶紅豆latte一定要叫，賣相又得，又有野咬下幾特別。…Read More

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻📸打卡指數： 👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻咁岩得閒，所以去左''得閒飲茶''食點心傳統高質點心。想知道又靚又好玩地方?    fai.lok.mode仲會係社交平台分享相片同攝影心得 ______________________________ 第一次黎，都係叫"餐廳推介"就最好，得獎蝦餃之王  ( $34 )可能心理作用，見到佢有得獎過，好似都特別好食，皮薄餡靚，推介。香茹燒賣  ( $28 )燒賣大大粒，肉餡都好實淨，好抵食。春風得意腸 ( $38 )春風得意腸 就係腸粉包住春卷，上面放左少少蟹籽，中間個春卷蝦餡都大隻。龍蝦湯鮮竹卷  ( $31 )本身係因為龍蝦湯汁，所以先叫鮮竹卷，但淨係點龍蝦湯，個鮮竹卷無咩龍蝦湯味，要淨飲龍蝦湯汁先有味。千島醬脆皮蘿蔔榚 ( $30 )雖然好新穎配搭，但感覺唔係好夾，有啲失色係個脆皮炸得少少硬同乾。牛仔骨蒸飯  ( $44 )鍾意食牛的朋友仔要必點，fai.lok一般飲茶食點心，都會叫一個飯，牛仔骨蒸飯就真係好少有，牛仔骨煮得一點都唔韌，肉質鮮嫩。fai.lok小總結:二百幾蚊兩個人飲茶，食得好滿足，餐廳好多新穎點心，值得一試!…Read More