FatTON's Profile

經 OpenRice 訂座，單點食品有 85 折。3人早到左，安排了 corner 「梳化」位，坐得舒服。食物味道正，份量可以。個菠蘿海鮮飯用石鍋上，一直保持熱度！個小食拼盤都算豐富，可以一次過試埋好幾種小食。個芝士餅趁熱食晒，唔覺會膩整體好評！…Read More

經 Openrice 訂座有單點75折，就諗住試一試。訂左3個人，安排左一張窗邊大卡位，！因近門口，一坐落有點熱，員工即遞上一把卡通扇。實則應該天氣超熱，行到「㷫熻熻」。坐落一陣都OK的。Menu 有二/四人餐選擇，當然亦可75折單點（自己計計下數，哈哈 =P）最後叫左4樣野食：香芒軟殼蟹米紙卷、品越燒乳豬、蛋包海鮮炒金邊粉、青咖哩軟殼蟹配脆餅。特色飲品都好好飲，抵飲（好似係未折前$38一杯，如果叫二人餐的話，第二杯半價），不過忘了影相。整體都滿意，又無催埋單，食下傾下都坐左2個鐘。…Read More

經 Openrice 訂座有 65 折，就立即試試。滿「60歲」就可以以「長者價」計算。12點至2點半，食足兩個半鐘。早少少到去左排隊，12點就開始陸續順序入座。食到一半就有職員登記長者／成人／小童數目。食物種類都幾足夠，冷、熱食品都唔差。最好就係包飲品，汽水、飲茶、夏枯草、檸檬青瓜薄荷葉水、咖啡（機）……幾好！職員都好有禮貌，連「大廚」都好好。因疫情關係？所有野（除飲品）有專人「夾」架！感覺十分衞生，連個洗手間都超乾淨！值得一試！…Read More

晚市滿 ＄600，用 HSBC 信用咭埋單有 88 折架！經 Openrice 訂枱有折（主餐牌食品），決定試下。去到見到 Set Dinner 都唔錯，所以最後揀左 Set Dinner。先講下 Confirm 訂枱收到0既電話，因為 remark 左係 Anniversary, 員工響電話問定駛唔駛響甜品碟寫上幾多週年。雖然佢講野好似機關槍咁快，（我都要佢講慢D先聽得清楚），但至少佢有個心去留意 remark。到左餐廳，裡面都唔少客食緊野，去個洗手間（洗手間位焗爐一樣，好似壞左冷氣？！），量好體溫就可以入去喇！員工真係好忙，無停過，唔夠人手？有人射波無返？ 見狀都一次過 order 晒所有野，唔駛打擾佢地。食物 Course by Course 咁上，都唔算相隔好耐。個 Warm Bread 真係正，甜鹹包都有，仲要係暖架。Salad d 菜都爽架！湯都好岩味！主菜 risotto 唔算好鹹，而塊肉眼扒叫左 Medium-well, 上碟時應該 Medium, 放左一陣就岩岩到 Medium-well!Order 果時無留意個 Set Dinner 無甜品添，不過都夠飽喇。。。…Read More

見到經app訂座晚市有7折，位置方便，不妨試一試啦！（尖沙咀有另一間同佢差唔多名，叫霸王X莊，唔好搞錯：p）入座「有蓋茶杯」內已有8寶茶料，茗茶每位盛惠$13，真係要用全熱水浸下焗下先好飲！始終係四川菜，但係竟然一樣辣野都無試？！哈哈！酸菜魚（走辣）：無骨魚肉滑，唔會太酸，連紅薯粉做底。分量都夠3個普通食量的人吃。眼見差不多每枱都有一碗咁上下0既「魚」（必點！）醉雞：酒味濃，分量不太多，連雞皮都吃埋~賽螃蟹：撈埋蛋黃，味道一般炒飯：D飯係肥嘟嘟的，係咩米？味道都唔錯，個碟唔算大，但佢係「叠」到一座山仔咁。因為之前已有紅薯粉打底，所以分量覺得OK~落左單之後，D野食好快就一樣接住一樣咁黎（可能點D菜唔駛點落功夫）。總括而言，味道唔錯架，環境寬敞。3位埋單盛惠 $506（已計左7折）~…Read More

電梯上3樓，唔駛排隊等升降機架。環境光鮮，有自己洗手間，無分男女，乾淨整潔。卡座底有抽屜放包包。我地3人安排坐店舖較中位置卡座，枱面有一個木屏風仔隔開兩枱客。覺得一排坐4個，感覺有少許迫。飲品有可樂、雀檸、道地茶、芬達。。。主力唔係飲品，應該夠。每枱送1個海鮮拼盤、1個牛頸肉。湯底揀左較清淡的「芫荽皮蛋」。用tablet落單，自己篤，好好的有「半份」揀。有三種調味炸魚皮，兩款響鈴，多款丸及肉。仲有牛脷，墨魚腸仔。encore左「脆骨腩」、「炸魚皮」、「菜」。…Read More

位於尖沙咀K11內，店舖整潔、舒適！但位置有點「隱蔽」，哈~12月25日，聖誕正日，享用了聖誕2人Set（$888 for 2 persons），先睇睇食物質素再話抵唔抵啦。頭盤：海鮮冷盤（生蠔x4、螺x2、蛤x4、大蝦x2）- 好新鮮呀！食到 lum lum 脷！D螺預先處理過，「內臟」同塊「硬片」已經去掉。沙拉：蔬菜新鮮，超爽口！仲有粒黃車里茄！餐湯：西蘭花湯，雖然看起來，好似好"thick"，但係飲起來又唔係「西蘭花蓉」，真係湯黎，清清地，唔錯吖！主菜：（1）扒(medium well)好 juicy! 感覺無特別去醃過，但係呢，用左 D 「黑松露油」煮／做底？所以味道好 yummy！（2）火雞伴烤煙肉因為個焦點去左個 steak 到，呢個可能覺得係聖誕就食火雞咁，有3片火雞、3片烤煙肉。夾埋一齊加埋個汁，個味道都唔差架~甜品：聖誕特色甜品，兩件朱古力小蛋糕，加埋兩球雪糕砌成雪人形狀。作為「雪糕人」，清左兩球雪糕，而個朱古力蛋糕，食左最上個 layer（個 texture 似啫喱，哈）。餐飲：咖啡或茶 （＋$38轉暖意特飲）Merry Christmas!…Read More

首先，book枱有折扣優惠，唔同時段有唔同折扣架，應該去試試。先講講個 Menu 先，第一眼望落去都幾 Colourful，同埋第一次去，花左D時間睇晒先揀食物／飲品。有套餐可供選擇（呢個就無折扣）。好欣賞佢地用D食物器皿，用暖鍋/Pan上。慢慢食都OK （注意：用餐時間為90分鐘）。Overall 真係好好，今次2人試左幾樣野。可 encore 或試其他野（睇到個 All-Day Breakfast 仲有分港式同英式架 ^v^） …Read More

首先，要說明一下。餐廳位置係收唔到電話網絡，一坐低見到電話顯示 Emergency Call Only。有 wifi 提供，諗住用個 Free Wifi，要用 Fb account login。。。。。。點知一食完上番地面，fb 就彈野出黎，話 setting 有改變，account tempararily locked，要答 D security 問題先可以 restart fb~ （下。。。資料被 hack?）講番食喇~ 2人餐都有分唔同價錢，所以選擇係夠架。今次揀左個「尊貴2人餐： $388/2人」（應該無記錯個名，一定唔係豪華2人餐）。…Read More

聽到話要食正完椰子雞要黎呢度，就梗係要去試試。有一張卡列明享用步驟，唔駛擔心，其實有職員會一路協助（有set鬧鐘架！），唔駛自己整。仲好貼心咁「撇走」湯面D油。火鍋料叫左唐生菜、貢丸、響鈴。唯一覺得響鈴個油炸味太重（又或者個湯真係夠晒清）~甜品叫左芒果糯米飯，應該D芒果唔合時，少少酸，而鴛鴦糯米就白糯米較好食（黑糯米食落口感好粗糙）。醬料有個自助吧，亦有糖水任食（有電飯煲保暖~）隔離放左張野寫左星期一至日有咩糖水任食。…Read More