135790's Profile

因為又一城的食店都食過，跟老人家吃晚飯就選吃中菜。除了乳鴿，四季豆，脆豆腐外，點了兩個手工菜。以為，點知…蝦籽柚皮，蝦籽好似係粉多啲，未食好似食麵包的柚皮，好厚，但係唔太諗，口感好奇怪。好期待的釀鯪魚仲過分，好硬，硬度似未熟的番石柳。好鹹，好鹹，阿媽話應該係雪藏貨。原來想食手工菜，點知食咗解凍食物。四季豆都係好鹹…成餐飯大家都冇咩出聲，因為知道伏咗。平日晚上只得兩三枱客。只見到一位應該係最低級的員工不斷做，個經理就不斷鬧/不斷提醒。我又唔覺得個員工有做錯野。只係覺得，全間食店被這位高級經理破壞了氣氛。趕客。三個人食咗$9XX。無下次啦！…Read More

食過午餐，又食過晩餐。份量大，品質唔錯，價錢合理。難得沒有時間限制，服務也很好。今次叫兩份$150以上的食物，就可以用$10叫12隻生蠔。仲加錢叫埋紅白酒任飲兩小時。4位人客，都可以只叫兩位任飲。另外兩位真係唔識飲酒啊生蠔大細都合理，有海水味，新鮮。牛排medium 真係煎到剛好。朋友話平時經過，見人少唔咁行入幫襯。今晚第一次，佢係覺得有驚喜。喜歡飲酒的他，佢話放題紅白酒真係好抵。為咗送酒，叫咗個拼盆，估唔到炸雞翼都有特別的香草味。魷魚勁香。…Read More

行開新商場見到呢間店。之前在京都見過類似嘅店，有點期待。可能有期待，所以…食物都係個d，中規中矩，食物水準正常。不過服務可以更貼心。因為一行四人，叫咗兩個餐，打算食完再叫甜品。上咗兩個餐，問店員攞兩隻碗，真係只得兩隻碗。有點無耐，唯有再請店提供兩對筷子。日本唔會係咁攞。接受現實吧。擔擔肉醬烏冬，味道好特別。烏冬好彈牙。雞肉茶漬飯，雞肉好嫩滑。唔錯。食完正餐，再叫咗兩個甜品。培茶芭菲的培茶，和抹茶，正常發揮。…Read More

帶位服務員服務非常好，食物質素滿意晚上繁忙時段很多客人等位。店員分別要照顧有訂枱及沒有訂枱的客人。當然有要求特別無理的客人。例如：沒有取票，不過企正在店員面，不斷問幾時到她。及後店員發現她竟然沒有取票。最初，我以為…因為那客人身形頗大，遮住店員跟其他等位客人的視線。店員行出店，行到「輪到有位」的客人身邊，招呼他們入座。最後輪到我一家。我跟店員有視線交流。不過店員仍然親身行到我哋身邊，招呼我哋入座。這個服務安排，感覺很殷勤。食物質表也不錯。老公係會員，換了一個生日優惠(芋圓），另外叫滿$300又送鹽酥雞。就算贈送的食物，份量及味道也相當好。可以再幫襯。…Read More

阿仔話好耐冇試過咁好飲嘅朱古力。咀刁之人都有好評，就寫食評鼓勵一下。上次幫襯係薯條無限添加，今次係每個餐再加$4多一份沙律。每次都有新招，欣賞食店的努力🥰$4份的沙律，用料新鮮，漿汁甜酸適中。燈油火蠟，人工鋪租…超值啦食物質素不錯，$128 10oz牛排(金x的價錢)，望住海景，環境闊落。試過豬排&腸，春雞，肉丸，牛肋肉飯，藜麥飯，都好味道。酥皮海鮮湯，即叫即焗，雖然係食曬所有野先上，熱辣辣，好飲，值得等待。…Read More

星期六2pm，第一次幫襯，見到不用等位就入去試。食物質素，中規中矩。但係個餐牌就...非常誤導。因為見到要手機scan code落單，就唔煩店員自己落。見到午市有3個選擇，就選一人套餐 $92：滑蛋豬排當加餃子。最搞笑係，落單後見到實體餐牌，散叫仲平過套餐。就向店員查詢。店員話「一人套餐及二人套餐」，不是午市。晚市餐單放在午餐餐牌？我地向店員反映，如果不是午市就不要上架，誤導食客。不過店員補充話：係要給食客多個選擇...跟住我嘗試叫店員向公司反映，不過店員話無得反映。呢間食店的服務好有問題。最後店員把$92一人套餐，改成午市飯，另小食散叫。結果係：平左，仲有湯前菜。匪夷所思！…Read More

一入門口，帶位的姐姐仔就叫我哋在最近門口的一張枱。當時全店只得三枱客，佢就行都唔行，沒有熱誠都算，連最基本帶位功能都冇做。食店裝修有點詭異，同樣鋪位我都食開，改動咁大，相信花咗唔少錢，但係我唔識欣賞。明明叫左炒棵條，店員送食物到枱時話「牛肉炒麵」，連自己都唔覺得自己有特色。食物質素尚可，炒棵條和巴東牛肉卷，好好味。肉骨茶就份量少左d。我哋三個人坐咗店內唯一的小圓枱。不過擺放位置有點危險，旁邊根本唔夠位。店員客人要在凹凸不平的窄路行，遲早出事。最搞笑係張枱已經有4張椅，我哋三個人，另一張放袋，而且根本冇可能放多張。店員因為要把同一組椅放埋一齊，話俾多張椅我哋放野。我回答：你覺得還可以放到嗎？他就尷尬地離開。期待新店有進步！…Read More

平日清假搵野食。阿媽話要去尖沙咀，見朋友食過就試吓。真係唔錯。服務態度好！長者又有優惠，食物種類多，飲品超丰富。之後食過其他的台灣火鍋，又貴又鹹。呢間的台灣小食比較近似台灣味道。可以再來！…Read More

平日放假，駕車去遠啲食午餐。有免費泊車，午餐款式比想像多，價錢合理。蘑菇湯有驚喜，蘋果朱排，比目魚都很出色。因為接近下午茶時段，叫多份小食併盤，都算唔錯。因為很少吃澱粉質，朋友想叫一份意粉給小朋友。另加$15一份茄汁意粉，都好好味！除了食物，來呢度為咗環境。環境闊落，又有千秋。不過戶外多蚊滋，雖然有蚊怕水提供，但不能幸免。比起附近的任食燒烤埸，呢度環境好好多，疫情嚴重，空間足夠感覺較安全。非常舒適。…Read More

已經來過三四次。食物質素高。棉棉冰甜品係全店最好食，性價比最高的。韓式炸雞就比較其他韓國店差少少，又乾又硬。明白始終呢間係fusion菜，所以會食其他菜式。乾身辣麵、火爐關東煮都非常出色。不過每次叫有火爐的菜式，個火鍋都出現問題。一次用火槍開唔到，一次就gas冇氣又唔即刻換。其實服務好好，呢點可以改善就接近perfect 。每個店員都好落力，又好專業。同一時間，招呼幾張枱，都唔會出錯。後生就係好！(同席的朋友見到店員的表現時講的)…Read More

見到OpenRice 的評價就來試試。平日6pm入座，我哋係第二枱客。接待問我要窗口位或卡位。第一次來的我沒有什麼想法，就答窗口位。不過，去到窗口位狀況欠佳，又全埸任揀。未坐低就改左去坐卡位。其實，一直都覺得服務無問題。點知坐低卡位前，帶位的侍應講：「你入嚟前，我問左你要窗口位還是卡位。」我又無講任何一句負面說話，咁快就贈客人一句…之後，另一位侍應問我哋飲咩茶，我哋問有咩揀。侍應話：「普洱、鐵觀音之類」。我媽喜歡水仙，佢話冇。咁我就問其實有咩揀，經其他人提點後，她答：「普洱、鐵觀音、香片、壽湄。只有呢4款。」用餐時，我哋見到其他客人叫咗一味要火焰處理的菜式。可惜，火焰處理的過程不是在客人面前表演，卻在收銀/服務台，仲要被幾個侍應包圍，無客人見到個過程。相信浪費了設計菜式的心血。店內食物水準很好。我哋叫四人餐，連最後的芒果布甸都好出色。侍應很多，服務水準仍有很多進步空間。環境好、食物好，係服務配合唔到。有可惜。…Read More

除咗裝修，食物真係好麻麻。餐牌主打梳乎厘，唔夠高唔夠鬆，最慘有浸油味。非常失望。令到全個午餐個句號...本來想叫All Day Breakfast 試吓個pancakes，另一主打竟然話無，要用法包代替。好在無叫，見到人哋個份兩片法包，好薄，仲衰過一般茶記餐包。三文治沙律，一般啦！呢個價錢，塊麵包厚少少會有點誠意。軟殼蟹沙律，係最出色的！醬汁濃郁，意粉夠彈好。一口咬啖軟殼蟹，會爆汁。咖啡，唔得！一間cafe，最基本要咖啡同麵包類做得好！…Read More

飲品食物質素很高，服務再加少少熱誠就更好。餐廳音樂太大聲，有點騷擾，唔襯個環境。環境唔錯，將餐枱係用真木頭併出來，枱面唔平，放杯有點危險。驚隻杯跌落地。黑椒牛肋條前腸粉。腸粉有驚喜，好脆！吳三桂花天酒釀咖啡。特別，好飮。可惜係凍飲。下單時，店員沒有提醒食客係凍飲。淨看餐牌其實唔知係咩水清沙幼使乜坐飛機。觀賞價值極高！係d水果太冰硬了...再睇返OpenRice 以前的相片，呢款的攞碟進步了不少！欣賞！…Read More

食物質素唔錯，員工有誠意。相信會不斷進步。食物款式多。飮品種類。叫左杯榴連忘返(唔記得影相)，好好飲。拼盤、海南雞飯都ok。係個木瓜沙律偏酸。每一位員工(每次上菜)都跟客人有交流。值得下次再來。…Read More

完全沒有炸物提供，餐牌完全失去意義。如果沒有炸物，點解大大個午餐牌放在餔面！午餐想食餐好一點，點知非常失望。白烚雞肉拉麵。愈食愈覺得很淒涼。無味道的！除了個湯有熱度之外，其他都是微溫！點解可以咁難食的！…Read More