clover4leaf's Profile

2021年4月25日。晴。銅鑼灣。呢日嚟到登龍街，思鄉情濃，決定食呢間魚生丼舖位喺登龍街中間入面好有居酒屋氣息，裝修帶有濃濃嘅東瀛味道～餐廳原來樓上都有位，牆身仲有手繪畫，可愛又精緻！食物方面都有唔少選擇～白咖喱都有！呢版睇落就最吸引喇，睇到流晒口水！！三文魚丼，$88呢個係男朋友嗌嘅三文魚丼全部都係定食，有餐湯同前菜送～餐湯就係蜆肉麵豉湯，鮮味十足！前菜係胡麻醬豆腐，都好味～主食當然係更加正！！三文魚新鮮，仲有牛油果粒，兩種食材好夾～（P.S.男朋友唔食得生蛋，所以走咗蛋，走寶！）拖羅丼，$168拖羅丼係餐廳嘅人氣No. 1！一場嚟到，緊係要試～拖羅丼其實係吞拿魚三食，有炙燒、赤身同埋吞拿魚蓉三個食法，一次過滿足晒三個願望！！吞拿魚食落當然非常鮮美，但最鍾意嘅係吞拿魚蓉，撈飯真係冇得輸！另外仲要一讚嘅係佢個飯底，個飯唔係簡單嘅醋飯，係已經稍微調咗味，帶淺啡色，所以食嘅時候都唔使再加豉油已經夠味～仲要唔使加一～喺銅鑼灣算幾抵食！…Read More

2021年4月2日。晴。九龍灣。由地鐵站行去MegaBox，沿路除咗大渣哥，都開咗唔少新嘢～大渣哥樓上就有呢間木衛二佢同平時嗰啲唔一樣，可能為咗吸引埋附近嘅寫字樓客會賣埋蒸飲，仲有下午茶優惠添～但我哋去嘅時候其實唔肚餓，淨係想飲杯嘢坐下，所以冇認真睇塊板～近排嘅特飲～各種系列飲品～有得坐㗎！翡翠茶那堤&鳳梨綠茶，$32＋$49夏天飲一杯透心涼嘅嘢飲真係人間一大樂事～翡翠茶那堤即係奶茶，但個茶底係鐵觀音（好似係）專登揀咗杯用鮮奶沖嘅奶茶～而另一杯鳳梨綠茶係特飲，價錢貴勁多！不過係真係好飲嘅～用咗台灣金鑽鳳梨嚟整，甜度適中～～鹽酥雞&地瓜球，$0最最最驚喜嘅係原來買嘢飲送小食！！！！！！！！鹽酥雞同地瓜球每樣半份兩樣小食都好好味呀！鹽酥雞即叫即炸，食落酥脆可口～地瓜球煙韌香甜！！呢個下午享受到突如其來嘅幸福～…Read More

2021年4月4日。雨。上環。呢日去咗上環新開嘅高先戲院睇戲睇戲前先搵食～喺app搵到呢間有參與懲罰祭嘅日式餐廳餐牌有多款唔同組合，有啲花多眼亂但價錢勁抵！舖位唔算大，好似仲有上層坐低仲見到有懲罰祭嘅痕跡！呢啲係前菜～有麵豉湯、沙律同螺肉自選壽司拼盤，$108喺A（壽司）、B（迷你丼）、C（刺身／天婦羅／炸物）選項入面揀3樣嘢難為了選擇困難症患者。。。所以我哋最後揀嘅嘢都係差唔多，呵呵！男朋友揀咗A1，有鹽燒三文魚腩、鹽燒左口魚邊、芝士燒海老、沙律醬燒蟹棒、蒲燒鰻魚同埋焦糖三文魚當中最特別嘅就緊係焦糖三文魚，佢話好好味～自選壽司拼盤，$108呢個就係我揀嘅～壽司類我就揀咗A3，有油甘魚、真鯛、蒲燒鰻魚、玉子、北寄貝同埋牛油果沙律（呢個似乎唔係同類？！）鍾意食魚嘅朋友揀呢個就最啱嘞～迷你丼類我哋都揀咗B1，角切魚生丼，咩都有啲～各類魚生都好鮮味，分量都唔細，最後我係食唔晒嘅C就緊係揀刺身喇！有三文魚X2、帶子X2，同埋甜蝦X2帶子同甜蝦超級鮮美！！！最後埋單都只係每人$108加一，抵到爛！…Read More

2021年4月10日。晴。太古。行街行到攰，要叉叉電～喺誠品，sensory ZERO當然係不二之選！小食有呢幾款～Latte，$45雖然夏天熱辣辣，但係商場凍，我都係飲番杯熱啡～補充腦力之餘，仲可以養生（亂噏）～Mocha，$50男朋友嗌嘅Mocha～唔算太甜，夏天飲冰凍Mocha最啱～唐揚墨魚嘴，$48本身想叫午餐肉條，但驚太heavy，所以叫咗呢個炸墨魚嘴，估唔到都幾驚喜喎！一份嘅分量多得驚人，堆到成座山仔咁多！仲意想不到咁好味！正！…Read More

2021年4月4日。雨。上環。呢日雖然天雨濛濛，但咁嘅天氣去呢間法式餐廳反而充滿情調～聽朋友介紹先識呢間新開嘅法國餐廳～餐廳個名係「Valley」咁解，幾符合佢隱蔽嘅位置！上環站行上去嘅話五分鐘左右餐廳新開，而家係試業期間，只有晚市，留意番～訂咗位，所以坐咗門口側邊嘅檯，檯面有樽好靚嘅花～感覺非常浪漫～另外試業期間餐廳offer tasting menu，對於有選擇困難症嘅我哋係個佳訊～唔使揀，唔使諗，嚟到坐定定等候餵食便可～餐廳座位唔算多，所以最好先訂位！門口側邊幅牆都好有意境，成幅畫咁～以我有限嘅法文無法解讀呢句法文，之後問番老闆先知係「Do what you love」咁解～成件事係咪又加咗啲法國氣息呢？Miso corn velouté, sago and baby corn店員喺上每一道菜嘅時候都會介紹番個菜嘅材料同做法，服務好高質！第一道菜呢個粟米湯已經令我好驚艷！粟米嘅甜味同味噌好夾，湯面擺咗略微燒過嘅粟米芯，入面仲有西米，令口感更豐富！Potato galette飲緊湯嘅時候就上咗第二道菜個底係薯餅嚟嘅，炸得好香脆！上面有一層sour cream，最上面就有洋蔥同炸白飯魚～就咁食非常香口，又可以沾個湯嚟食，兩個食法都好味～Sourdough bread & tofu mousseSourdough bread喺香港唔算太常見，但近年都幾流行個包帶有少少sourdough獨有嘅酸味，外脆內軟！個豆腐mousse軟綿綿，雅淡嘅cream口感同個包好襯Local squid with cauliflower呢道菜個賣相好有驚喜！但更加有驚喜嘅係個味道！首先魷魚係每日新鮮採購嘅本地食材，擺面嘅係酥炸魷魚鬚，非常crunchy跟住就係切到好薄片嘅爽脆椰菜花，原來係沙律嚟！撈咗啲醋，帶少少酸味，第一次食椰菜花沙律，先知道佢係咁適合做沙律！！再下一層係炙燒魷魚，同平時食壽司嘅味道唔同，可能係呢個魷魚較厚，食落一啲都唔韌，仲好creamy添，鮮味十足～最底仲有一個用sour cream調製而成嘅醬汁，同魷魚意想不到地夾！成個菜式嘅組合都好新穎！Taro gnocchi, sauce coconut with preserved duck跟住呢道菜更加充滿驚喜！竟然係荔芋油鴨風味嘅fusion菜！本身我係有啲驚嘅，因為我係唔食油鴨嘅，但原來油鴨係融入咗個醬汁度，變成一個椰汁油鴨汁，咁又容易接受好多喎！油鴨嘅味道淡咗，襯番椰汁濃郁嘅香味～而平時用薯仔整嘅gnocchi，就變咗用芋頭做材料，口感會比薯仔gnocchi冇咁煙韌，有啲似芋圓嘅感覺，同個汁一齊食真係好有荔芋油鴨煲仔飯風味，好得意！Fish of the day，+$150Tasting menu每日都有個精選魚類菜式，呢日嘅魚就係馬友法國菜嘅海鮮菜式好似都比較出色，所以我哋都決定加錢嗌嚟試下～馬友當然係呢道菜嘅主角，外脆內軟，肉質軟滑嘅程度超乎我想像！側邊嘅配菜都好出色，准山軟糯～而經過火炙之後嘅百合，啲甜味出晒嚟！個汁用咗魷魚乾調製，好特別！Waiyu strip loin steak, sauce béarnaise with water bamboo 呢道菜係澳洲和牛，肉質鮮嫩，唔會有我好驚嘅牛羶味！個汁係用咗枸杞葉做材料整成，微微酸，可以平衡下牛肉嘅油膩～另一重點係個茭白筍！本身睇個menu，見到寫住water bamboo，諗咗好耐都唔知係咩，然後店員介紹先知原來係茭白筍～～係未食過嘅食材！台灣非常普遍，但香港就好少見，一試便愛上！爽口又鮮甜～Salt baked pineapple, soy milk pastry cream, pineapple carpaccio呢個甜品用咗時令嘅台灣金鑽鳳梨製成用咗2種「煮法」，兩塊脆片中間嘅鳳梨用咗鹽焗方法製作，同鳳梨乾有啲異曲同工之妙！不過加咗鹽味，令個甜味更突出！另外嘅鳳梨就整成個醬，店員介紹嘅時候話個醬會好似食puff入面嗰啲醬咁食一啖之後，個簡直就係一模一樣！！就係咁creamy，而且鳳梨香味濃郁！超級好味！期待下次再去嘅新菜式～～…Read More

2020年12月19日。晴。中環。呢日行完街諗住買外賣番去同屋企人食見附近有呢間餃子專門店，一於試下～舖位喺石板街行到最高嗰條街嘅右邊門口就有外賣紙，睇啱先入去落單～餐單有兩版，選擇都幾多！每款餃子都可以揀煎餃或者湯餃，又可以揀中碗（7隻）或者大碗（10隻）我就揀咗4款，2款煎餃，2款湯餃咁落單10分鐘左右就攞得！好快手！煎元貝豬肉餃，$53攞到番屋企，啲煎餃都仲係暖暖地嘅，雖然有啲倒汗水，但食嘅時候個皮都仲係香脆嘅！餡料嚟計，呢個元貝豬肉餃又真係食到元貝仔！調味適中，唔錯～野生松茸素餃，$48其他湯餃都會跟湯嘅，但係素餃就唔會跟湯嘅，留意番～作為素餃，佢用咗好多菇，所以鮮味十足，鍾意食菇嘅記住嗌喇！龍鳳松茸雙灼餃，$86呢個松茸同上面嗰款松茸係兩回事，因為佢係加咗黑白松露，非常矜貴！咬一啖已經畀松露獨有嘅香味包圍，好高級嘅感覺～狀元九鼎湯嗌湯餃大部分都會跟呢個湯，素餃除外～個湯試咗一啖，感覺冇落味精，但係係用蓮藕煲嘅（由於我唔太鍾意蓮藕，所以屋企人飲晒～）壽喜燒牛肉餃，$74最有驚喜係呢個壽喜燒牛肉餃！完全複製到壽喜燒嘅味道，餃子入面嘅肉汁鮮甜～大家都爭住嚟食！…Read More

2020年11月23日。晴。尖沙咀。呢日同朋友補祝生日，約咗一齊喺K11 Musea食晏我哋兩個都鍾意食辣嘢，所以揀咗呢間川菜！入到去先知原來有窗邊海景位～～～再食book枱嘅時候要講低！餐牌都好精美～小食，$25似係炸蠶豆同青豆，少少鹹，多多脆！鮮椒海鮮匯，$168呢個菜由上枱嗰一刻就散發住濃濃嘅麻味，聞到／諗起都流口水～～侍應介紹呢個海鮮匯入面有南澳帶子、緬甸白蝦同埋迷仔八爪魚帶子鮮甜，蝦肉新鮮，八爪魚煙韌，樣樣海鮮都好出色！再加埋個汁，香、辣、麻，食得好過癮～～～蒜汁秋葵，$78呢個菜嘅蒜味冇想像中咁濃，不過醋同秋葵就真係好夾～味道清爽，非常開胃！碧綠脆瓜北寄貝，原價$138，特價$69北寄貝食日本嘢就食得多，但原來呢個川菜fusion煮法都幾特别～當涼拌醬汁係豉油咁沾北寄貝食，別有一番風味！宮保蝦球，$268我發誓，呢個蝦球係我人生食過最最最好味嘅蝦球！！！！！一！定！要！點！店員都有稍稍介紹下呢個菜嘅材料，用咗緬甸香蝦、辣椒乾同紅花椒呢幾樣食材都唔係好識，但係呢個緬甸香蝦大大隻，肉質彈牙～呢道菜最令我着迷嘅係個醬！啲蝦球外面好似有層玻璃紙包住咁，睇落好晶瑩～食落更加有驚喜！店員話就話用咗辣椒乾同紅花椒，但食落唔辣，反而係帶甜味，有啲似包咗層麥芽糖糖衣咁咬落去又食到蝦球嘅爽脆，滋味無窮～～（淨係為咗呢個蝦球，疫情過後，都要帶屋企人嚟試！！）乾鍋茶樹菇，$178鍾意菇類嘅我，本身諗住茶樹菇咁乾，再乾鍋炒佢，可能會更乾。。。但朋友想食，緊係照嗌！嚟到見個茶樹菇原來有落肉片一齊炒，肉片睇落有啲肥可能因為有肉片嘅油脂，炒出嚟嘅茶樹菇一啲都唔乾，加埋啲辣椒同配料，非常惹味！魚蝦蟹炒飯，$228炒飯粒粒分明，夠晒鑊氣！…Read More

2020年11月21日。晴。灣仔。返工有時會喺呢區食lunch，之前見到呢間日本餐廳想試，但又唔想平時lunchtime趕頭趕命咁食趁呢日行開附近，專登試試～出𨋢就見到呢個有氣勢嘅招牌～餐牌都設計得好靚！！！！有午巿精選，為選擇困難症患者提供某程度嘅幫助仲有一版，呵呵～餐具都好靚，符合番餐廳風格～（好鍾意對木筷子，極幼身，夾嘢好好用！）前菜一開始上嘅呢個前菜睇唔清係咩嘢嚟夾起就知係雞腎，但我唔食內臟，諗住成碟畀男朋友之際。。。發現原來入面仲有細粒蜆肉～～～～漬蜆肉好少見，醃得好入味，但又唔會太鹹，正！好快咁就食晒啲蜆肉粒先畀啲雞腎男朋友食～～～沙律食完前菜食番個清新嘅沙律，可以平衡番個味覺～跟住落嚟食好嘢都滋味啲～銀鱈西京燒定食，$188呢個鱈魚嘅造型幾靚，上面嗰條本身以為係類似蔥嘅物體，點知男朋友食咗話係酸嘅，原來都係漬物嚟！唔好睇條魚個樣普普通通，個肉質無敵軟滑！！！蒸魚都唔夠佢咁滑！另外燒魚個汁嘅鹹甜比例做得非常好～而且可能條魚事先醃過（？！），調味唔係流於表面，仲滲埋入魚肉入面～點沙律醬嘅話會再有埋creamy嘅口感，但個人鍾意就咁食多啲～自選迷你飯（三款），$198有六款揀，可以任揀三款～我哋就揀咗雜錦魚生飯、碎蔥吞拿魚腩飯，同埋三文魚拼三文魚籽飯雖然個名叫迷你，但估唔到飯量都唔少！平時自己比較少食碎吞拿魚腩飯／軍艦，呢度食嘅呢個又好驚喜喎！我加咗豉油之後成個飯撈勻再食，吞拿魚腩有個軟綿綿嘅口感，又會食到吞拿魚嘅油脂～平時就咁成嚿吞拿魚腩咁食嘅話會好滯，但咁樣撈埋又一啲都唔膩，唔錯！茶碗蒸茶碗蒸好早就上咗，但我哋都係食完飯先食佢～當佢甜品咁（雖然佢係鹹嘅）～食完就好滿足～～甜品食完茶碗蒸諗住去個廁所就走之際，原來仲有真甜品！！！甜品係紅豆抹茶奶凍～～～～奶凍creamy，抹茶味濃！！好好味～～～食咗咁多咁多嘢，每人$200多啲，幾抵食！…Read More

2020年11月1日。晴。灣仔。朋友係愛tea之人，呢日就一行四人嚟灣仔呢間可愛餐廳high個靚tea！門口已經好有特色，牆身畫咗大量文青手繪黑白花紋圖案～上咗樓梯就到呢個reception位，有靚口罩（相片經過處理，你懂的）同靚文宣～未到自己張枱之前經過呢個位，忍唔住要影張相！有假裝在歐洲嘅感覺～餐廳牆上都畫滿晒黑白2D手繪，圖案可愛～坐牆邊可以瘋狂打卡！！就連餐紙都要玩埋illusion，配合餐廳主題～呢日專誠嚟食下午茶，個名叫「彩花之里。溫室下午茶」，又幾有意境喎～睇下有咩先～Uluru Rose Tea / Lavender Dream跟下午茶嘅特飲有呢兩款～兩杯嘅造型都好靚～連個杯外面都用咗顏料嚟上色～（但飲嘅時候要小心，揸住杯柄，因為啲顏料會染色，不過溫紙巾一抹就會甩）玫瑰係粉紅色，薰衣草係藍色，兩杯都好夢幻～我飲玫瑰嗰杯，味道清甜，入面仲打咗啲雜莓，飲落有crunchy口感～泰式炸魚蛋&吉列炸蝦首先上枱嘅食物係鹹點～鹹點有兩款，睇個樣有啲平平無奇，不過好好味！唔知係咪即炸，上枱嘅時候係好熱嘅，攤咗一陣先食，但無損佢嘅酥脆～香脆而唔油膩，鹹香十足，正！Mini Chocolate Greenhouse跟住上枱呢個令大家嘩嘩聲加心心眼！佢嘅造型靚到一度令我哋以為係擺設。。。問咗店員先確認係食得嘅～雖然唔知佢用咩材料整成，但食落有啲似Chips Ahoy嗰款朱古力餅～呢個甜品有唔同質感嘅朱古力，互相配合得好好，唔覺太甜，好鍾意～～～Afternoon tea set戲肉就係佢喇～個架本身就好靚，玻璃設計，完全get到溫室呢個主題～再加埋啲甜點，感覺又再靚啲～款款甜品都唔錯，最欣賞係唔會過甜！咁多款，最鍾意嘅係迷你玫瑰奶凍，味道唔會artificial，質感軟滑～…Read More

2020年10月24日。晴。銅鑼灣。近年銅鑼灣近大坑嘅希雲道、禮頓道呢一帶開咗好多食店～經過見到呢間「麻王」，嗜辣嘅我同唔食辣嘅男朋友即管試下～有酸辣、有水煮，自己鍾意點砌都得～仲有多種小食揀！舖位細細，堂食夾埋五六個位左右，建議大家嗌外賣～食嘅時候不斷有外賣員嚟攞餐，送外賣，都幾受歡迎！其中一邊座位對住壁畫，幾靚～夠晒詩情畫意～四餸粉麵，$45配料揀到眼都花，加加埋埋有成40種！揀完配料到揀粉麵～粉麵選擇都好多，有薯粉、烏冬、米線、拉麵，仲有粉絲～唔鍾意食粉麵又可以食齋餸，仲平啲！六餸都只係$42！最後，經過一番掙扎，我揀咗爆醬豬肉丸、芝士腸、白蘿蔔同埋金菇，配幼薯粉～只係叫咗小辣，但都唔可以睇少佢！！！辣得非常過癮，各種配料都帶到的辣味，紅薯粉亦都煙韌彈牙～推薦畀食辣人士～涼拌海帶絲，$26見佢咁多辣椒粉就即刻流晒口水～～海帶絲爽口，辣味其實OK男朋友都食到，仲食咗好多！酸菜肥牛，$68呢個真係唔係講笑，一上枱嘅時候即刻問呢個係咪一人份。。。因為唔止佢正面震撼，就連側面都好震撼！滿到瀉咁濟！口水雞，$32仲嗌多個小食，令人舔舔脷嘅口水雞～調味惹味，雞肉嫩滑，同埋有好多嚿，唔記得有六定七嚿，最後食唔晒。。。做咗大嘥鬼。。。影張大合照就開餐～P.S. 酸菜肥牛原來仲跟個飯！！情侶完全可以嗌一個share！食食下個酸菜肥牛忍唔住再影咗張相同啲friend share個碗上面就好多肥牛，食極都仲有，而成個碗個底係塞滿晒津白、蓮藕！抵食到癲！…Read More

2020年10月18日。晴。油麻地。呢日喺附近做嘢，記得有間牛極～上次食過銅鑼灣就翻尋味！！餐廳位置就喺油麻地天后廟對面～一個人唔使等位，獨食的快樂，呵呵～門口條柱都有牛極嘅畫～換個角度睇真啲～入門口都係先買飛，揀定食咩嘢！我呢日就揀咗食牛柳～坐低就即刻出去自助吧台搵食～餐廳裝修都好雅致，牆上批盪咗日本庭園常見嘅枯山水做點綴簡單得嚟又帶禪意～呢幾款係燒肉沾醬～沙律，自助上次喺銅鑼灣食已經好欣賞呢個沙律～今次都依然係咁鍾意！！！推薦淋柚子沙律汁，真係好好好好味！！！！日式牛肉湯，自助撈到好多料！有紅蘿蔔、白蘿蔔，仲有大量牛肉～如果食完牛扒唔夠飽可以飲多幾碗湯，非常足料！牛柳，200g，$110牛柳好厚肉，一上檯我就勤力密密切，因為唔想又換石頭，麻煩店員切開見到鮮嫩嘅粉紅色牛肉，好吸引呀～～一邊切一邊食，腍滑多汁，超級好味～今次試咗完全唔加調味料，無論就咁食、沾燒汁食或者沾蒜蓉食，全部食法都好惹味～白飯，自助白飯再加啲紫菜碎，日式家庭料理嘅感覺出晒嚟～食完200g牛柳好滿足～P.S.店員姐姐嘅服務態度仲要好好，下次經過開一定再食～…Read More

2020年10月11日。晴。上環。呢日喺中、上環遊走行咗PMQ，又行埋大館，要搵個地方坐低唞下～PMQ同大館中間有呢間氷屋～聽聞銅鑼灣店經常大排長龍，呢日見上環呢間唔使排隊，入去唞唞～舖面唔大，但都cosy嘅～Menu一版過，有唔同口味嘅刨冰同埋飲品～雜莓波子汽水，$38造型好吸引，但冇諗過原來飲品都係冰，呵呵！波子汽水開嘅時候覺得好驚險淋落去啲冰就會開始融，變成一會冰涼凍飲～但美中不足嘅係莓味唔夠濃，而且嗰幾瓣柑仲要唔好味。。。Match Cream Special（配白玉），$100抹茶刨冰有兩款，冇白玉$90，有白玉就加$10但加$10原來先得3粒白玉，不過我太鍾意食煙韌嘢喇，抗拒唔到白玉嘅誘惑！造型又係不得了！個刨冰堆得好高～～～～淋上面嘅抹茶糖漿甜度適中，抹茶味濃郁～～抹茶控表示大愛！！！！！食咗少少就發現新大陸！！！本來以為呢啲係花生碎同糖粉，心諗搞錯呀！最憎花生。。。但因為太難整走佢，無可避免下食咗一啖，發現「咦～」原來係餅乾碎嚟！！！同刨冰竟然係咁夾～～好好味呀～～～…Read More

2020年10月9日。晴。灣仔。呢日喺灣仔做嘢，早咗放lunch，即刻開個網上飲食平台搵餐廳食晏！「後街牛扒」其實好耐之前已經聽過佢個大名，但一直未有機會試，呢日終於有機會喇！叫得「後街」都估到位置比較隱蔽，但估唔到喺呢條交加里我都要來回行咗兩次先搵到佢。。。原來餐廳唔事先預訂，lunch time幾乎係冇可能有位呢日我獨食，店員都要make sure我可以準時交番張檯先可以入座然後又見到好多人冇訂位嘅食客摸門釘所以記住！記住！記住！訂檯！訂檯！訂檯！餐廳裝修好有特色，一入門口嗰幅牆就係「九龍皇帝」曾灶財嘅墨寶而家喺街真係買少見少，幾乎絶蹟Menu design都沿用曾灶財墨寶做background午餐時段午餐當然最受歡迎價錢方面牛扒貴啲，其他雞、魚、豬就平啲～一場嚟到我緊係食牛喇！Drink menu有唔少選擇，最尾嘅凍檸茶同凍檸水仲要寫住任飲！！不過我諗住食完再去幫襯其他黃色飲品店，所以就冇嗌嘢飲～甘筍忌廉湯，跟餐餐牌冇寫明，但原來跟餐有好多嘢食！！第一樣上檯嘅係呢個湯～甘筍味唔太出，所以飲落有啲似南瓜湯咁，啱晒我呢啲驚紅蘿蔔嘅人～～～湯嘅質地濃稠，飲完好有滿足感～凱撒沙律，跟餐菜唔腍唔爛，清甜爽口！仲有為數唔少嘅bread crumb同埋煙肉，當然仲有滋味芝士粉～牛油果醬多士配炸羽衣甘藍，跟餐呢個擺盤極具藝術感！靚到有啲唔捨得食咁滯羽衣甘藍炸得好酥脆，變咗好似紫菜咁，風味十足～多士配牛油果醬亦少見，但好味～美國PRIME安格斯厚切牛小排配薯條，$158餐牌上面寫明所有食物即叫即整，同埋會因應客人食嘢快慢而調整上菜速度～服務非常貼心，但亦都要提醒番，趕嘅話落單講聲先好點牛扒～牛小排係前胸肋骨部位，係連骨嘅牛扒見嚿骨嘅size就知呢嚿牛扒唔少嘢！冇估到牛扒咁大塊，足足橫跨3條骨～牛扒嘅煙烤味香濃，外面焦香，內裏肉質軟滑～近骨位會有啲筋，但食落口都唔會好似香口膠咁～最最最欣常係牛扒旁邊嘅蒜蓉！同牛扒超級夾！令人欲罷不能～～薯條亦較平時食開嘅粗，非常飽肚！食完仲有「香港加油」濕紙巾～良心小店就係正，就連張單都好有意思～…Read More

2020年9月26日。晴。銅鑼灣。睇Wolipay搵黃店，見到呢間，但係喺銅鑼灣兜兜轉轉都搵唔到呢間cafe喺邊原來佢就係喺SOGO隔籬嗰棟樓！真係眾裏尋他千百度～Drink menu同甜品menuLunch menu選擇唔算特別多A la carte有pizza同pasta我哋坐咗喺露台位，望落去就係車水馬龍嘅銅鑼灣！覺得呢個景好有「香港味」～露台嘅布置幾靚，有燈飾又有乾花！Mixed Berries Smoothie，$58呢杯smoothie係我嗌嘅，行咗成個晏晝，要飲番杯透心涼嘅飲品！咬落有好多籽就知道呢杯嘢係真材實料！調味唔會過甜～但唔鍾意佢面嘅忌廉，唔似平時食開嘅咁滑溜，有啲嚡，奶味又淡，但又過甜。。。好彩嚿忌廉夠實淨，可以完全喺唔打攪佢嘅情況下繼續飲我嘅smoothie～Latte，$48咖啡係男朋友嗌嘅，正正常常～千島海鮮薄餅，$78餅底係薄批，夠香脆！個pizza分咗4塊，2個人食下午茶就啱啱好嘞～海鮮部分有蜆同魷魚，蜆嘅數量都幾多下而且有大量千島醬，真係令人食指大動！！價錢都ok，唔錯！…Read More

2020年10月11日。山頂。晴。呢間cafe真係不得了，同纜車只係一路之隔，除咗cafe入面（窗口位同露天位係最佳位置）可以影到靚相之外，出面都好靚㗎！呢條路似乎都多人行山，如果行山，不妨喺回程嘅時候喺度嘆番杯咖啡～餐牌有幾個唔同嘅餐揀，但記住餐廳廚房5:30就收想食嘢嘅話就唔好咁晏去～飲品選擇都唔少㗎～仲有懷舊甜品！！！好吸引～B餐：芝士火腿雞絲奄列配茄汁豆及青沙律＋炸蝦＋多士，$80芝士火腿奄列就見得多，有埋雞絲喺入面原來爭好遠！味道即劇豐富好多～其他各樣都唔錯～多士烘得香脆，搽埋牛油真係好正～玫瑰鮮奶咖啡，$45成日飲latte，見有特別嘅玫瑰鮮奶咖啡就即管試下～玫瑰味好香～未飲已經聞到香氣～鮮奶咖啡亦香濃幼滑！懷舊爆炸黑牛，$48想飲可樂又想食甜品？黑牛就係最佳選擇～～～好耐冇食過呢款懷舊甜品喇～永遠都食唔厭～菠蘿紅茶，$40呢個菠蘿紅茶都好有驚喜！尤其係行到身水身汗嘅時候，呢個菠蘿紅茶好清甜，解渴一流！話晒間cafe喺旅遊景點附近，舖頭入面仲有啲souvenir／禮物買下咁～窗邊個打卡最佳位置～…Read More